Эх хүүхдийн эрүүл мэндийн үндэсний төвд эмэнд гүн хордсон байдалтайгаар ухаан алдсан 16 хүүхэд иржээ. Эмч нар эмэнд хордсон 16 хүүхдэд шаардлагатай бүх эмчилгээг хийж байгаа аж. Одоогоор хоёр эм давхарлаж уусан хүүхдүүдийн бие бүр хүнд байгаа юм байна.  Мөн шоконд орсон хүүхдүүд хийгээд тархинд нь цус харвах гээд байгаа хүүхдүүд ч байгаа аж.

Эцэг, эхчүүдийн хэлж буйгаар "Гурван гал" эмнэлгийн урд байрлах "Монос" эмийн сангаас эмчийн тусгай жорын дагуу "Фенобарбитал" эмийг худалдан авч уулгасан байна.

Эмэнд хордсон хүүхдүүдийн ар гэрийнхэн Эрүүл мэндийн дэд сайд Э.Амарсанаад Эрүүл мэндийн яамнаас туслалцаа үзүүлэх талаар хүсэлт гаргажээ.

Түүнчлэн 16 хүүхэд эмэнд хордсон хэргийг Баянгол дүүргийн нэгдүгээр хэлтсийн мөрдөн байцаагч нар Эрүүгийн хэрэг үүсгэн шалгаж эхэлжээ. Мөн тухайн үед ээлжээр гарч байсан хоёр эмийн санчийг Цагдан хорих 461 дүгээр ангид саатуулаад байгаа аж.

Бид энэ талаар дэлгэрэнгүй сурвалжлагыг хүргэх болно.