Эрүүгийн хуулийн 192.1 буюу хар тамхи хэрэглэсэн, худалдаж авсан гэх  хэргээр шүүхээс 1.6 жилийн ял аваад байгаа Г.Сарангэрэл бие давхар болсон тухай мэдээлэл цахим ертөнцөөр тархаж эхэллээ. Баттай эх сурвалжийн хэлж буйгаар тэрээр найз залуугаасаа жирэмсэн болсон бөгөөд одоогоор зургаагаас долоон долоо хоногтой гэсэн мэдээлэл байна. Монгол Улсын хуулиар бол жирэмсэн эсвэл бага насны хүүхэдтэй эмэгтэйн ял эдлэх хугацааг хойшлуулдаг аж. Харин түүнд эрүүгийн анхан шатны нэгдүгээр шүүхээс 1.6 жилийн ял оноогоод байгаа ба давж заалдах шатны шүүхээс ялыг хойшлуулах магадлалтай болоод байна. Харин түүний өмгөөлөгч Г.Батбаяр “Шүүх хэн нэгний эрхшээлд автаж шийдвэр гаргасан” гэдэг байр суурьтай байгаа. “Г.Сарангэрэл нь энэ оны эхнээс хоригдож шалгагдаж байгаа. Тэгвэл хэзээ завандаа жирэмсэн болчихсон бэ?” гэж гайхах хүмүүс олон байна. Магадгүй энэ нь түүний өмгөөлөгчтэйгээ хамтарч хийж байгаа ээлжит шуугиан ч байж болох талтай гэдгийг албаныхан үгүйсгэхгүй байна.