Онцгой байдлын газрын ерөнхий газрын дарга, бригадын генерал Т.Бадрал өнөөдөр Дархан-Уул аймгийн Онцгой байдлын газрын бие бүрэлдэхүүнтэй уулзаж, санал хүсэлтийг сонсон, Онцгой байдлын асуудал эрхэлсэн байгууллагаас тавьж буй цаашдын зорилт, хууль эрхзүйн шинэчлэлийн талаар мэдээлэл хийлээ.



Дархан-Уул аймгийн Онцгой байдлын газрын хувьд орон нутагт анх удаа “Иргэдийг гамшгаас хамгаалах сургалт, дадлагын цогцолбор” барихаар барилгын ажлыг эхлүүлээд байгаа юм. Мөн Дархан сумын 15 дугаар багт шинээр Гал түймэр унтраах, аврах ангийн барилгыг барьж байна. Дээрх хоёр барилгын гүйцэтгэлтэй ОБЕГ-ын дарга, бригадын генерал Т.Бадрал танилцаж, барилгын ажлыг гүйцэтгэгч компанийн удирдлагуудтай уулзаж зөвшилцсөнөөр Гал түймэр унтраах, аврах ангийн барилгыг ирэх есдүгээр сарын 01-нд хүлээн авахаар боллоо.



Харин орон нутагт анхдагч болж буй “Иргэдийг гамшгаас хамгаалах сургалт, дадлагын цогцолбор”-ын хувьд орон сууцны дөрвөн давхар барилгын стандартаар баригдах бөгөөд 1-р давхарт утааны камер, 2-р давхарт газар хөдлөлтийн гамшгийн үед барилгаас нуугдах, хүлээх гарах аргад суралцах танхим, 3-р давхраас Аврах дэр ашиглан аврах ажиллагааг зохион байгуулан буулгах /подушка/, 4-р давхраас аврах хоолой ашиглан авралтын үйл ажиллагааны сургалтыг явуулах зэрэг үндсэн аврах ажиллагааны дөрвөн хэсгээс бүрдсэн цогцолбор байхаар төлөвлөгдсөн байна.



Үүнээс гадна байгууламжийн гадна хойд ханыг ашиглан ханан хад буюу уул нуруу байгалийн хүндрүүлсэн нөхцөлд ажиллах дадлага сургууль хийх зориулалттай авиралтын ханан хад байхаар төлөвлөжээ.

Эдгээр бүтээн байгуулалтын ажилтай танилцсан бригадын генерал Т.Бадрал олон шинэ ажлыг шинээр санаачлан хийж байгааг сайшаан, албаны зүгээс 10 сая төгрөгийн дэмжлэг үзүүлэхээр шийдвэрлэлээ гэж Онцгой байдлын ерөнхий газраас мэдээллээ.

Даваа гарагт автомашины дугаарын хязгаарлалт үйлчлэхгүй

Нэр дэвшигчдийн мэтгэлцээнийг өнөөдөр МҮОНРТ шууд дамжуулна

Эрүүл мэндийн сайд А.Цогцэцэг Төв аймгийн гемодиалезийн тасгийн нээлтийн үеэр хэлсэн үгэндээ “Төв аймагт бөөрний дутагдалтай иргэдэд зориулсан гемодиалезийн тусламж үзүүлэх тасаг нээлтээ хийснээр 21 аймгаас 20 аймаг нь гемодиалезийн тасагтай боллоо. Одоо 177 төр болон хувийн хэвшлийн аппаратад 580 гаруй иргэд тусламж үйлчилгээг авч амьдарлын чанараа сайжруулж байгаад нь сэтгэл өндөр байна.
Цаашид ард иргэдээ өвчилсөн хойно нь эмчлэх биш өвчлөхөөс нь өмнө сэргийлдэг тогтолцоог бий болгох, эмчилгээний чанар, хүртээмжийг сайжруулахад шаардлагатай эрх зүйн орчныг бүрдүүлэн ажиллах болно” хэмээн цохон тэмдэглэлээ.


Төв аймгийн Эрүүл мэндийн төв нь удаан хугацааны эмчилгээ шаардагддаг гемодиалез эмчилгээг хийдэг болсноор аймгийн хэмжээнд хяналтад байдаг 120 орчим хүн, үүнээс гемодиалез эмчилгээнд зайлшгүй хамрагдах шаардлагатай 48 хүн хүлээгдэл, чирэгдэлгүйгээр нутагтаа уг тусламж, үйлчилгээг авдаг болж байгаа юм.

Нийслэлийн Засаг даргын орлогч П.Баярхүү Сонгинохайрхан дүүрэгт өчигдөр ажиллалаа. Тус дүүрэгт ид бүтээн байгуулалтын ажил өрнөж байна. Харин тус замыг хатуу хучилттай болгохын тулд тус дүүргээс сонгогдсон УИХ-ын гишүүн, Эдийн засгийн байнгын хорооны дарга Д.Тэрбишдагва, УИХ-ын гишүүн Д.Сумьяабазар нар болон Зам тээвэр хөгжлийн яам, Нийслэлийн Засаг даргын Тамгын газар хамтран ажилласан байна. Энэхүү хатуу хучилттай 3.5 км зам Баруунсалааны “Тэс петролиум” шатахуун түгээх станцаас шинээр барьсан далан хүртэлх талбайг хамрах юм. Замын гүйцэтгэгчээр нь “Төгсзам” ХХК, “Саруул харгуй” ХХК, Зам тээврийн хөгжлийн төвийнхөн ажиллажээ. Энэхүү зам ашиглалтад орсноор “Мон лаа-гийн айл өрхүүдэд ихээхэн чухал гэдгийг Сонгинохайрхан дүүргийн Засаг дарга Ж.Сандагсүрэн энэ үеэр онцлон хэлж байв.

Энэ жилийн хувьд Улаанбаатар хотод нийт 3500 метр урттай гүүр, 60 гаруй км замын ажил хийхээр төлөвлөөд байгаа аж. Энэ талаар Нийслэлийн Засаг даргын орлогч П.Баярхүүгээс тодруулахад, “Өнөөдөр зөвхөн Сонгиохайрхан дүүрэг гэлтгүй бүх дүүргүүдэд бүтээн байгуулалтын ажил өрнөж байна. Үүнээс гүүрэн байгууламжийн ажил гэвэл Сонгино, Яармагийн гүүр, Замын цагдаагийн урд талын давхар гүүр, Баянзүрх дүүргийн гүүрийн ажлууд эхэлсэн. Авто замын хувьд Баянзүрхээс Налайх хүртэл 20.9 км замын ажлыг эхлүүлээд байгаа. Сонгинохайрхан дүүргийн хувьд 3, 4 дүгээр хорооллын эцсээс шууд Толгойт хүртэлх 2.8 км замын ажил эхэлсэн. Энэхүү зам ашиглалтад орсноор нэгдүгээр хорооллын арын замын ачааллаас хуваалцах боломжтой болно. Мөн Сонгинохайрхан дүүргийн гэр хорооллын дундах замыг хатуу хучилттай болгохоор бэлтгэл ажлаа хийж эхэлсэн. Энэ ажлын хүрээнд авто замын зургийг хийж байгаа бөгөөд Сонгинохайрхан дүүргийн хувьд 32 хороотой. Үүний 60 хувь нь авто замын төсөл зурганд хамрагдсан. Ирэх жилээс төсөл зураг нь гарсан авто замуудыг шинээр тавина. Цаашдаа нийслэл хотыг дэд бүтэцжүүлэх бодлого баримталж ажиллана. Үүнд, алслагдсан гэр хороолллын бүсэд инженерийн шугам хүрэлцэхгүй байгаа газруудыг хэсэгчилсэн инженерийн байгууламжтай болгож гэр хорооллыг төвлөрсөн дулааны шугамтай болгох юм” гэлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Тусгай зориулалтын бэхэн тэмдэглэгээ хийхийг даалгав

УРИАЛГА
Үндсэн хууль, сонгуулийн тухай хууль тогтоомжийн дагуу Ерөнхийлөгчийн ээлжит сонгуулийн бэлтгэлийг Монгол Улсын Сонгуулийн Ерөнхий Хороо бүрэн хангаж, 2017 оны 6 дугаар сарын 26-ны өдөр санал авах ажиллагааг эхлүүлэхэд бэлэн болоод байна.
Сонгогч Таныгхөндлөнгийн нөлөөнд авталгүйгээр саналаа нууцаар гаргах боломжоорхангах ажлыг бүх шатны сонгуулийн байгууллагууд зохион байгуулж байна.
Сонгуулийн автоматжуулсан системийн тухай хууль, Улсын Их Хурлын 2017 оны 14 дүгээр тогтоолын дагуу сонгогчдынбүртгэл, саналавах, тоолохажиллагаандавтоматжуулсан техник хэрэгсэл ашиглах бөгөөд санал хураалтын дүн мэдээг орон даяар шууд дамжуулж үзүүлнэ.
Санал хураалт дууссаны дараа хэвлэл мэдээллийн байгууллага, сонгогчид, ажиглагчдын төлөөллийг байлцуулан сум, дүүргийн сонгуулийн хорооноос сонгуулийн нийт хэсгийн тавин хувийг хуульд заасны дагуу санамсаргүй сонголтын аргаар сонгож саналын хуудсыг гараар тоолж шалгана.

Сонгуулийн тухай хуульд зааснаар сонгуулийн дүнг албан ёсоор нийтэд мэдээлэх эрхзөвхөн Монгол Улсын Сонгуулийн Ерөнхий Хороонд байдаг.

Иймд Монгол Улсын Сонгуулийн Ерөнхий Хороо хууль ёсны бүрэн эрхээ хэрэгжүүлэхэд хөндлөнгөөс оролцож, сонгуулийн дүн мэдээг хууль зөрчиж зарлах, иргэдийг жагсаал, цуглаан, үймээн самуунд уриалахгүй байхыг аливаа байгууллага, албан тушаалтан, иргэдэд анхааруулж байна.

Эрхэм хүндэт сонгогчид Та бүхнийг Үндсэн хуулиар олгогдсон сонгох эрхээ эдэлж, 2017 оны 6 дугаар сарын 26-ны өдөр Монгол Улсын Төрийн тэргүүнээ сонгох сонгуульдаа идэвхтэй оролцохыг уриалж байна.





МОНГОЛ УЛСЫН СОНГУУЛИЙН ЕРӨНХИЙ ХОРОО

Баянгол дүүргийн 6 дугаар хороо 10-р хорооллын “МТ” шатахуун түгээх станцаас хойш 300 метр туслах замыг шинэчлэн засварлахаар болжээ. Уг ажлыг эхлүүлэх нээлтэд УИХ-ын гишүүн Ж.Ганбаатар, нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан болон тус хорооны иргэд, оршин суугчид оролцов.

Замын ажил хийх хэсэгт зуны улиралд борооны ус тогтдог, өвлийн улиралд хальтиргаа гулгаа ихээр үүсч иргэдийн эрүүл аюулгүй орчинд амьдрах эрх зөрчигддөг байна. Авто замын хөгжлийн газрын захиалгаар Улаанбаатар зам засвар, арчлалтын газар уг ажлыг хийж гүйцэтгэн ирэх сарын 23-нд замыг ашиглалтад хүлээлгэн өгөхөөр болжээ. Шинээр баригдаж байгаа авто зам нь 7 метрийн өргөнтэй, хоёр урсгалтай хоёр талаараа 1.5 метр өргөн явган хүний замтай, мөн ус зайлуулах хоолойтой байх аж.

УИХ-ын гишүүн Ж.Ганбаатар “Өнгөрсөн жилийн сонгуулийн үеэр иргэд, сонгогчидтой уулзаж байхад хамгийн их тавигдсан хүсэлт, санал бол хороолол доторх болон туслах замын засвар, шинэчлэлийн ажил байсан юм. Бид шат дараатайгаар 10-р хорооллын замуудыг засч, шинэчлэх ажлыг хийж байна. Бид замын ажлыг гүйцэтгэж байгаа газарт шаардлага сайн тавьж, анхааран ажиллах болно” хэмээлээ.

Нийслэлийн Засаг даргын орлогч Ж.Батбаясгалан “НИТХ-ын төлөөлөгчийнхөө хувьд 2017 оны эдийн засаг нийгмийн зорилтын хүрээнд иргэдийн эрүүл аюулгүй орчинд амьдруулах нөхцлийг бүрдүүлэх үүднээс засч, шинэчлэх нь зүйтэй. Өнөөдөр засварын ажлыг эхлүүлж байгаа зам бол энэ хэсгийн оршин суугчдад хамгийн тулгамдсан асуудлын нэг байсан. Дан ганц авто зам бус гэрэлтүүлэг, явган хүний зам, ногоон байгууламж зэргийг цогцоор нь шийдэх бодлогыг хэрэгжүүлнэ. Энэ хүрээнд эхнээсээ 10-р хорооллын туслах замыг бүхэлд нь засч, шинэчлэн дуусгасан байгаа. Мөн гэмтлийн эмнэлэг, 3-р эмнэлгийн ойр орчмыг цогцоор нь шийдэж ажлыг дуусгасан” хэмээлээ.

Мөн тэрбээр “Иргэд маань УИХ болон орон нутгийн сонгуульд бидэнд итгэл үзүүлж багаар сонгосны үр дүнд хэдий эдийн засгийн хүндрэлтэй байгаа ч бүтээн байгуулалтын ажил эрчимтэй хийгдэж байна. Учир нь УИХ, Засгийн газар, хотын удирдлагууд нэг зүгт, нэг бодлогоор явж байгаа учраас хөрөнгө оруулалт үр дүнтэй иргэдэд бодитоор хүрч байна” гэдгийг онцолж байсан юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Сонгуулийн тухай хуулинд заасны дагуу 2017 оны Ерөнхийлөгчийн сонгуулийн сурталчилгаа өнөөдөр 00:00 цагт дуусна.

ихэнх нутгаар 30 градусыг давж халахыг онцгойлон анхааруулж байна

Тарчиг амьдралд өсч, эр зориг, няцашгүй хөдөлмөрөөр дэлхийн томоохон гүрний “эзэн” болсон Нарендра Модигийн амьдралыг “Фото түүх” буландаа онцолж байна.

Сонгуулийн сурталчилгааны хугацаа өнөөдөр шөнө 00 цагт дуусч, маргааш зөөврийн хайрцагаар санал авах ажиллагаа эхэлнэ. Тэгвэл сонгууль маш хариуцлагатай, иргэн бүрийн оролцоо чухал гэдгийг албаныхан цохон тэмдэглэж байгаа юм. Харин гадны улс оронд сонгууль хэрхэн болдог, сонгуулийн талаарх хамгийн сонирхолтой зүйлсийг 24 баримтаар хүргэж байна.

Өдрийн сайн цаг нь хулгана, үхэр, туулай, морь, бич, тахиа болой

Улаанбаатарт өдөртөө 30 хэмийн дулаан байна

Энэ мөнгөн дэвсгэрт нь төлбөрийн хэрэгсэл биш бөгөөд түүнийг 2,5 еврогоор Германы Киль хотод худалдан

Нийслэлийн зорчигч тээврийн нэгтгэл ОНӨААТҮГ-ын 1,2 дугаар баазын инженер, техникийн ажилтнууд байгууллагын өөрийн хөрөнгө, дотоод нөөц бололцоонд тулгуурлан ашиглалтанд орсноос хойш засварлаагүй хуучирсан дулааны болон ус түгээх шугам хоолойг засварлан шинэчлэх, барилгын дээвэр засах ажлуудыг хямд зардлаар богино хугацаанд хийж гүйцэтгэлээ.

Нэгдүгээр баазын 12 хүний бүрэлдэхүүнтэй баг 296 м шугам хоолойг засварлан шинэчилж дууссан бөгөөд 21 хоног хөдөлмөр хамгааллын аюулгүй байдлыг хангах журмыг баримтлан 2244 цаг үйлдвэрлэлийн осол зөрчилгүй ажилласан. Энэ хугацаанд ус хангамж болон дулааны шугамын хавтанг авч, хуучин трубаг тайран, сувгийн цэвэрлэгээг хийж, шинээр угсрах шугам хоолойг будан дулаалах, монтажлах шугам хоолойг сүвлэн гагнах, булалт нөхөлт хийх ажлуудыг хийж гүйцэтгэлээ. Мөн бааз 1, 2-ийн дулааны болон ус түгээх шугам хоолойн цайрдсан 120 м ган хоолойн зэв хагийг цэвэрлэсэн.

Мөн 2 дугаар баазаас зам руу гарсан гарц дагуу 3 лотки тавьж, цэвэр ус түгээх түгээх 200 м шугамыг шинэчлэн татаж, нүхийг булан тэгшилж ногоон байгууламж сэргээх ажлуудыг хийлээ гэж Нийслэлийн зорчигч тээврийн нэгтгэлээс мэдээллээ.

Т.Булган: Агаар, орчны бохирдол бол бүх нийтийн асуудал
БОАЖЯ-ны Ногоон хөгжлийн бодлого, төлөвлөлтийн газрын дарга Т.Булганаас орчны бохирдол хийгээд, энэ чиглэлд тус яамнаас баримталж буй бодлогын талаар тодрууллаа.
-Орчны бохирдлыг үүсгэж буй гол хүчин зүйлүүд юу байна вэ?
-Агаар, ус, хөрсний бохирдол манай улсын хувьд нэлээд тулгамдсан асуудал болоод байна. Бараг л хүмүүсийн хамгийн сайн мэдэж, ярьдаг зүйлийн нэг болоод байна шүү дээ. Харин үүнийг үүсгэж буй гол зүйл нь нүүрс, уснаас шалтгаалж байна. Үүнд гэр хорооллоос гарч буй нүүрсний утаа, тоос тортог байна. Хөдөлгөөнд оролцож буй автомашины яндангаас гарч буй болон цахилгаан станцуудын утаа, элэгдэл гэмтэлд орсон хөрс агаарын бохирдлыг үүсгэдэг. Эдгээрээс гадна ил задгай хаясан хогнууд нь орчныг бохирдуулах жишээтэй. Усны бохирдлын гол эх үүсвэр нь усанд шууд нийлүүлж буй хаягдал ус буюу бохир ус юм. Улаанбаатар хотын төв цэвэрлэх байгууламжийн хүчин чадал нь хэтэрсэн, технологийн доголдолтой учир бохир усаа сайн цэвэрлэхгүйгээр Туул голд нийлүүлж байгаа. Төв цэвэрлэх байгууламжид усаа нийлүүлж буй ноос ноолуур, арьс, шир, мах боловсруулах бусад үйлдвэртэй холбоотой л доо. Эдгээр үйлдвэр нь мэдээж органик бохирдуулах бодисыг ялгаруулдаг. Тиймээс төв цэвэрлэх байгууламжийн хүчин чадлыг хэтрүүлэх хүндрэлийг үүсгэж байгаа юм. Тэгээд гэр хорооллын нүхэн жорлон байна. Энэ нь хөрс, усны бохирдлын эх үүсвэр болж байгаа юм. Мөн хог хаягдлыг зориулалтын байгууламжид устгахгүй байгаа нь хөрсний бохирдлыг үүсгэдэг. Эргээд агаарын бохирдол маань жингээрээ газарт бууж байна гэдэг нь хөрсний бохирдлыг мөн үүсгэнэ. Агаар, ус, хөрс гэсэн байгаль орчны бүрэлдэхүүн нь цогц нийлмэл хэсэг учраас эдгээрийн бохирдлыг бууруулах асуудлыг яалт ч үгүй цогцоор нь авч үзэх хэрэгтэй болж байгаа юм.
-Дээрх шалтгаануудаас үүдэлтэй эдгээр бохирдлыг бууруулахын тулд яамнаас бодлого баримталж байна вэ?
-Үндэсний Аюулгүй байдлаас гаргасан зөвлөмжийн дагуу Засгийн газар энэ оны гуравдугаар сард “Агаар, орчны бохирдлыг бууруулах үндэсний хөтөлбөр”-ийг баталж гаргасан. Үүнийг хэрэгжүүлэх арга төлөвлөгөөг Хөгжлийн бодлого төлөвлөлтийн хуульд нийцүүлж Байгаль орчин, аялал жуулчлалын сайд батлан гаргасан. 2025 онд гэхэд агаар, орчны бохирдлыг бий болгож байгаа эх үүсвэр рүү хандсан ажлуудаа хийх нь энэхүү хөтөлбөрийн зорилго юм. Жишээлбэл, яндангийн тоо, стандартын шаардлага хангахгүй байгаа ариун цэврийн байгууламжийн тоог бууруулах үндсэн шаардлага тулгарч байгаа юм. Тэр хүрээндээ бид байгальд ээлтэй, дэвшилтэт технологид суурилсан инжинерийн бүтцийн байгууламжийн чанар хүртээмжийг нэмэгдүүлж , тэр хэрээрээ бохирдлын бүсүүдийнхээ тоог бууруулна. Ингэснээрээ 2025 он гэхэд уг бохирдлыг 80-аас доошгүй хувь бууруулна гэсэн зорилт тавьсан. Орчны бохирдлын асуудал нь зөвхөн байгаль орчны төдийгүй нийгэм, эдийн засагтай холбогддог. Ядуурал, хөрөнгө оруулалт дутмаг байна гэдэг нь инжинерийн дэд бүтцийн байгууламжийн чанаргүйг илтгэж байгаа юм.
-Хөдөө орон нутагт энэ чиглэлийн ажлууд хийж, мөн төвлөрлийг сааруулна гээд байгаа шүү дээ.
-Хот маань өөрөө төлөвлөлтийн дагуу хөгжиж байдаг зарчимд нийцэж хөгжих шаардлагатай болж байгаа юм. Мэдээж төлөвлрөлийг сааруулна гэхээр хөдөө орон нутагт ажлын байр бий болгох шаардлагатай болно. Ингээд тойрсон багц асуудлууд болж байгаа. Ер нь энэ хөтөлбөрийг хэрэгжүүлэхэд 8.9 орчим их наяд төгрөг зарцуулагдахаар болсон. Эдгээрийн ихэнх нь инжинерийн дэд бүтцийн асуудалд зарцуулагдах юм. Гэр хорооллыг дахин төлөвлөж, орон сууцжуулах. Ингэхдээ зөвхөн олон давхар орон сууц барих гэхээсээ илүү өөрсдөө амины орон сууц барьж амьдрах сонирхолтой иргэдэд зорилусан 200-300 орчим айл өрхийн дунд хэсэгчилсэн байдлаар халаалт, цэвэр усны хангамж, бохир усны ариутгалын байгууламжийн шийдлийг шийдэх дэд бичил төвүүдийг байгуулах юм. Энэ хүрээнд БНХАУ-аас хоёр тэрбум юаны тусламж ирсэн. Мөн орчны бохирдлыг бууруулахад чиглэж өнгөрсөн нэгдүгээр сараас эхлэн айл өрхийн ахуйн хэрэглээний цахилгаан эрчим хүчийг тэглэсэн байгаа шүү дээ. Уг ажил эхэлснээс хойш 110 гаруй хэрэглэгч хөнгөлөлтөд хамрагдсан байна. Тэр урамшуулалд харин 2.5 тэрбум төгрөг манай сайдын багцаас зарцуулагдсан. Агаар, орчны бохирдлын асуудал утаа бий болохоор гардаг асуудал биш. Манай яамны зүгээс болон холбогдох яамдууд энэ чиглэлээр тасралтгүй үйл ажиллагаа явуулдаг. Тухайлбал, Эрчим хүчний яам гэр хорооллын 70 гаруй халаалтын зуух буулгаж, хэрэглэгчдийг төлөвлөсөн халаалтад холбосон. БОАЖЯ-наас байгальд ээлтэй цахилгаанаар халаах боломжтой дуулаалгаа сайжруулж, эрчим хүч хэмнэх төхөөрөмжийг гаалийн татвараас чөлөөж, хөнгөлөх асуудлыг боловсруулсан. Мөн Япон улсын Ядуурлыг бууруулах сангийн санхүүжилтээр хэрэгжиж байгаа гэр хорооллын ариун цэврийг сайжруулах, хөрсний бохирдлыг бууруулах хэрэгслийг Азийн хөгжлийн банктай хамтран хэрэгжүүлж эхлээд байна. Чингэлтэй дүүргийн 12, 13, Баянзүрх дүүргийн 27 дугаар хорооны нийт 1500 өрхөд жишиг байдлаар байгальд халгүй эко ариун цэврийн байгууламжийг суурилуулж өгнө. Үүний 30 орчим хувь нь зорилтот бүлгийн буюу өрх толгойлсон эмэгтэйчүүд хамрагдана. Гэр хорооллын нүхэн жорлонгийн стандарт гэж бий. Жишиг төсөл хэрэгжүүлэхээр тэр стандартыг амьдрал дээр яаж хэрэгжүүлэх вэ гэдэг нь тодорхой болно.
-Энэ чиглэлд иргэдийг мэдээлэлжүүлэх ажлууд санаачилж байгаа юу?
-Ирэх наймдугаар сард эхэлнэ. Улаанбаатар хотод гурван байршил буюу урд чигт “Дүнжингарав”, хойт чиглэл буюу долоон буудалд “Оргил” худалдааны төв, баруунд зүгт “Драгон” төв дээр байгальд ээлтэй эко, эрчим хүчний хэмнэлттэй бараа бүтээгдэхүүнийг сурталчлах мэдээлэл сурталчилгааны төвүүд ажиллана. Тэгэхээр иргэд маань хамгийн ойр байгаа байршилдаа очоод тэр чиглэлийн бүтээгдэхүүн, төхөөрөмжийг үйлдвэрлэдэг хүмүүсээс нь мэдээлэл аваад байгаль ээлтэй бүтээгдэхүүнээ худалдан авч, хэрэглэх боломжтой байгаа. Мөн иргэдэд лизингээр бараа бүтээгдэхүүнээ худалдан авах боломж олгох үүднээс ногоон зээлийн санг судлаад, удахгүй Сангийн яамтай хамтран хэрэгжүүлэхээр ажиллаж байна. Утааны улирал буюу ирэх аравдугаар сард мэдээллийн төвүүдээрээ дамжуулж зээлээ өгнө. Эдгээр ажлуудад олон улсын байгууллагын дэмжлэг маш чухал. Тиймээс бид дэмжлэг авах асуудлаа судлаад, тасралтгүй хийгээд явж байна.
-Орчны бохирдлыг бууруулахад хувь хүнээс шалтгаалах ямар хүчин зүйлс байгаа гэж та харж байна вэ?
-Манай үндэстэн үндсэн хуулийг жишиж, түүндээ тулгуурлан ярих дуртай хүмүүс шүү дээ. Мэдээж ард түмний эрүүл аюугүй орчинд амьдрах орчин, нөхцлийг төрийн зүгээс бүрдүүлэх үүрэгтэй. Харин байгаль орчноо хамгаалах нь иргэн хүний журамт үүрэг болж байгаа юм. Иргэн хүнээс маш их хамаарах зүйл. Стандарт гаргана тэр нь бас л зайлшгүй дагаж мөрдөх ёстой тогтоомж. Тэгэхээр бэлэн стандартыг гаргаж өгөхөөр хүмүүс хэрэгжүүлнэ. “Энд аюултай хог шатааж болохгүй” үүнд би өөрөө хордоод зогсохгүй эргэн тойрныхныгоо хордоож байна гэдгээ мэдэх, хүмүүс ч бие биедаа шаардлага тавьж, хамтдаа орчны бохирдлыг багасгах хэрэгтэй. Тэртээ тэргүй бид нэг тэнгэр дор, нэг хотод амьдарч, нэг агаараар амьсгалж байна шүү дээ.
-Ногоон эдийн засгийн концевцийг их, дээд сургуулиудын сургалтын хөтөлбөрт оруулах тухай та нэг хэлэлцүүлэг дээр ярьж байсан. Энэ тухай мэдээлэл өгөхгүй юу. Мэдээж энэ нь бохирдлыг бууруулах ажлыг алсын хараатай эхлүүлж буй хэрэг гэж бодож байна?
-Ногоон эдийн засаг гэдэг нь байгальд ээлтэй үйл, ажиллагаа явуулах хаягдал бага гаргах, эдийн засаг өсөлтөд иргэн хүн өөрөө оролцогч байх, зүгээр нэг хувь хүртээд сууж байх биш, тэд өөрсдөө идэвхитэй хөдөлмөр эрхэлж, байгальд нөхөн сэргээх, бүтээн босголтод гар бие оролцох гэсэн бүтцийн системтэй. Үүний хүрээнд дэлхий дахинд цаашлаад хаягдалгүй эдийн засаг гэсэн ойлголт болж байгаа юм. Энэ нь хэн нэгэнд хэрэггүй болсон хаягдал өөр нэгэнд шаардлагатай түүхий эд болох гэх мэт бие биенээ дэрлэж, түшиглэж ажиллаж хаягдал бага гаргана гэсэн ойлголт юм. Тэгээд хувь хүн өөрөө ч гэсэн аливаа зүйлийг хог хаягдал багатай, хэмнэлттэй ашигласнаараа ямар нэг зүйлийг хэмнэж сурна. Манай улсын хувьд байгалийн баялагтаа түшиглэсэн байдаг. Тэгвэл тухайн үйл ажиллагаа эрхэлж буй хүн тийм хэмнэлттэй байснаар өөрийнх нь аж ахуй эрхлэлтэд ач холбогдолтой болох юм. Иймэрхүү ерөнхий зарчмуудыг зөвхөн олон нийтэд таниулаад өнгөрөх биш боловсролын системээр дамжуулж ирээдүй хойч болсон залууст түгээх нь чухал ач холбогдолтой байгаа юм. Залуус маань нөөц баялагыг зөв зохистой ашиглах, хог хаягдлыг хэрэглэж ямар нэгэн бүтээгдэхүүн үйлдвэрлэж сурвал манай эх оронд мөн ч хэрэгтэй үйл болно биз дээ. Тиймээс л энэ конвенцийг сургалтын хөтөлбөрт оруулъя гээд байгаа юм.

Монгол Улсын Ерөнхийлөгч Ц.Элбэгдорж 2017 оны зургадугаар сарын 16-ны өдөр Монгол Улсын Төрийн тугийг хүндэтгэх тухай 136 дугаар зарлиг гаргалаа.

2017 оны Монгол улсын Ерөнхийлөгчийн сонгуулийн саналыг автомат системээр тоолох бөгөөд нийслэлд санал авах хэсгийн хороодын байруудыг дүрс бичлэгийн IP камераар тоноглож байна. Хяналтын камер суурилуулах уг ажлыг нийслэлийн Сонгуулийн хороо, нийслэлийн Мэдээллийн технологийн газартай хамтран хийж байгаа юм.

Санал авах 403 хэсгийн хороог камержуулж, санал авах байранд санал хураах, тоолох үйл ажиллагааг баримтжуулна. Хяналтын камер суурилуулах ажилд нийслэлийн Мэдээллийн технологийн газраас найман баг гарсан бөгөөд өнөөдөр хяналтын камерыг бүрэн суурилуулж дуусгалаа гэж Нийслэлийн Мэдээллийн технологийн газраас мэдээллээ.

Олимпийн 23 алтан медальт, АНУ-ын алдарт усанд сэлэгч Майкл Фелпс аварга махчин загастай уралдахаар болжээ.