Өнгөрсөн жил Баянгол дүүрэгт байрлах нэгэн эмийн компанид хулгай орж хоёр нөүтбүүк, сая гаруй төгрөг алдагдсан. Тэгвэл энэ хэргийн эзэн холбогдогчийг тогтоогоогүй байхад өчигдөр тус компанийн эм ханган нийлүүлэх байранд дахин хулгай орж бэлэн биет сая гаруй төгрөг алдагджээ. Улмаар тус газарт бичигдсэн камерийн бичлэг байгаа ч цагдаа нар хэрэгтнийг одоо болтол олоогүй байгаа юм. Тиймээс бид энэ удаад хулгай хийж буй залуусын бичлэгийг компанийнх нь зөвшөөрөлтэйгээр дэлгэж байна.

2013 оноос хойш бага насны хүүхдүүдийг залилж, гэрт нь орж үнэт эдлэл, үнэ хүрэх бүхий л зүйлийг нь хулгайлдаг байсан эмэгтэйг Баянгол дүүргийн цагдаагийн нэгдүгээр хэлтэс илрүүллээ. Тодруулбал, 2013 оноос хойш уг эмэгтэй нийслэлийн зургаан дүүргээр явж, 20 удаа хүүхэд залилж, гэрээс нь үнэт эдлэлүүдийг нь хулгайлжээ.