Өчигдөр Сэлэнгэ аймгийн Баруунбүрэн сумын нэгдүгээр багийн нутагт автобус шатжээ. “Эрдэнэт-Улаанбаатар” чиглэлд явдаг “ДЭҮ” марийн УМИ 21-11 улсын дугаартай автобус дугуйнаасаа эхэлж шатсан байна.

Сангийн сайдад нэр дэвшээд буй Д.Хаянхярвааг Дархан-Уул аймгийн засаг даргаар ажиллаж байхдаа 800 сая төгрөг завшсан тухай баримт хэмээн УИХ-ын гишүүн З.Энхболд твиттертээ нийтэлжээ. Уг баримт нь 33 хуудастай. Уншаад үзвэл түүний мөнгө завшсан биш, харин тухайн үед удирдлага дор нь байсан хүмүүс бүлэглэн 800 сая төгрөг шамшигдуулсан явдлын тэмдэглэл байх аж. Үнэндээ уг хэрэг Д.Хаянхярваатай холбоотой эсэх нь энд тодорхой харагдана.

Өчигдөр Увс аймгийн Сагил суманд ноцтой осол гарч, нэг хүн газар дээрээ амиа алдсан байна. Тус сумын Борцоогийн боомтноос урагшаа 5-10 кт газарт шатахуун тээвэрлэж явсан ОХУ-ын хоёр камаз хоорондоо мөргөлджээ.

Энэ жилээс “Чикаго Буллс” багт хүчин зүтгэх болсон NBA-ын аварга тамирчин Ричард Хамилтон өнөөдөр “Нью Жерси Нэтс” багийн эсрэг хийсэн тоглолтонд 22 оноо авч карьертаа 15000 дахь оноогоо авлаа.

NBA-ын энэ улирлыг 2 хожил 15 хожигдол гэсэн муу амжилттай яваа “Вашингтон Визардс” баг дасгалжуулагч Флип Сондерсыг ажлаас нь чөлөөллөө. Энэ багт Жон Волл, Ник Яанг, Жавал Макгий зэрэг шилдэг тоглогчид байгаа ч муу амжилт үзүүлж буй шалтгаан нь дасгалжуулагч гэж үзжээ.

NBA-улирлын тоглолтууд үргэлжилж байгаа энэ үед “Нью Иорк Никс” багийн тоглогч, Кармело Энтони карьерынхаа хамгийн муу үзүүлэлтийг өнөөдөр “Шарлот Бобкэтс” багийн эсрэг тоглосон тоглолтондоо үзүүллээ.

Балбын нийслэл Катманду хотод шатахууны үнийн өсөлтийг эсэргүүцсэн оюутнууд үймээн дэгдээгээд байна. Гэсэн хэдий ч Балбын шоронд визийн зөрчлийн улмаас 3 сар хоригдож байгаа Б.Баяндэлгэрийг суллуулахаар Катмандуд амьдардаг Дэнгээ лам өнөөдөр Цагаачлалын алба руу гарсан тухай бидэнд мэдээллээ.

Засгийн газрын ээлжит хуралдааныг өнөөдөр 10 цагаас болно гэж мэдэгдсэн. Гэтэл одоо хүртэл эхлээгүй банйа. Энэ шалтгаанаа шинээр сайдад нэр дэвшигчдийн асуудлаар байнгын хороо хэлэлцэх цагтай давхацсан гэж тайлбарлаж байна.

Өнөөдөр дөрвөн байнгын хороо хуралдаантай бөгөөд нэр дэвшсэн сайд нарын асуудлыг хэлэлцэх ёстой. Гэсэн ч энэ хуралдаан бүрээс АН-ын бүлэг эсрэг санал өгсөөр байгаа юм. Тэд одоо ээлжит бус хурал зарлаад, эхлүүлээд байна. Энэ хуралдаанаас үдээс хойш хуралд завсарлага авах эсэхээ шийдэх гэнэ. Одоогийн байдлаар Эдийн засаг, Байгаль орчин, Хүнс хөдөө аж ахуйн байнгын хорооны хуралдаанаас АН-ын гишүүд завсарлага авчихаад байгаа юм.

Алтайн БНУ-д Орос-Монголын хил дээр хамгийн сүүлийн үеийн гаалийн логистикийн терминалыг байгуулав. Үүнд хилээр гарах ачаа болон барааны гаалийн урьдчилсан бүрдүүлэлт хийх интернет систем орсон гэнэ.

Өнөөдөр Эрдэнэт хотын “Баян өндөр” цогцолбор сургуулийн, хөгжмийн сургуулийн морин хуур, циркийн хамтлаг, жүжигчид соёлын солилцооны хөтөлбөрийн хүрээнд Улаан-Үд хотод тоглолт хийж байгаа юм байна.

Өчигдөр Сүхбаатар дүүргийн шүүхэд Налайх дүүргийн татварын албаны дарга асан Н.Энхээгийн шүүх хурал зургаан цаг гаруй үргэлжсэний эцэст, түүнд холбогдох хэргийг мөрдөн байцаалтад буцаажээ.

Жил бүр явагддаг Давосын чуулганаар дэлхийн улс төр, эдийн засгийн лидерүүд чуулж геополитикийн өнөөгийн нөхцөл байдал, хөгжлийн чиг хандлагыг тодорхойлдог.

Өчигдөр том оврын автобус есөн машин мөргөсөн томоохон осол гарсан. Тэгвэл өнөө өглөө мөн том оврын автобус осол гаргалаа.

Эрдэс баялаг, эрчим хүчний сайд Д.Зоригт өнөөдөр Швейцарийн Давосын чуулганд оролцохоор явах гэж байна. Энэ чуулган жил бүр явагддаг ба дэлхийн эдийн засаг, улс төрийн лидерүүд “зангиагүй” чуулж , геополитикийн нөхцөл байдал, хөгжлийн чиг хандлагыг тодорхойлдог билээ.

Засгийн газрын ээлжит хуралдаан 11 цагт эхлэх байсан ч ирц бүрдээгүй гэсэн шалтгаанаар хойшилжээ. Одоогоор хурал хэдэн цагаас эхлэх нь тодорхойгүй байна.