Аймаг сумдын эмнэлэг, спортын байгууллага, дүүрэг, клиникийн эмнэлэг, тусгай мэргэжлийн төвүүд зэрэг газруудад өнөөдөр автомашин гардуулна. Эрүүл мэндийн яамны байранд 15 цагт машин гардуулах ажиллагаа болох юм. Салбарын сайд С.Ламбаа тус арга хэмжээнд оролцож, автомашины түлхүүрийг гардуулан өгөх юм байна.

“Хамуг Монгол хөдөлмөрийн төлөө” намын дарга, УИХ-ын гишүүн Ц.Шинэбаяр Германд очиж мэс засал хийлгэжээ. Өөрийнх нь ярьсанаар тэрбээр хоолойгоо сөөгөөд байхаар нь шинжилгээ өгтөл дууны хөвчний хорт хавдартай хэмээн оношлогдсон байна. Ингээд Германд очиж хорт хавдараа авхуулан тэнд сар гаруй эмчлүүлж байгаад саяхан иржээ.

Махны үнийн өсөлтийг барих, хомсдолоос сэргийлэхийн тулд жил бүр улсаас зохион байгуулж нөөцөлдөг нөөцийн махны энэ жилийн үнэ ханшийн талаар ХХААХҮ-ийн сайд Т.Бадамжунай мэдээлэл хийлээ. Энэ сарын 15-нд нийслэлийн есөн дүүргийн 310 орчим цэгээр 12 мянган тонн нөөцийн мах худалдах юм.

УИХ-ын гишүүд өөрсдийн твиттер хуудсаар дамжуулан шатахууны үнийн өсөлт, долларын ханшийн талаарх мэдээллийг хүргэсээр байна. Ардчилсан намын бүлэг Монголбанкны ерөнхийлөгч Л.Пүрэвдорж, ЭБЭХ-ний дэд сайд Б.Ариунсан, Газрын тосны газрын дарга Д.Амарсайхан нарыг дуудан бүлгийн хурлаараа тайлбар авч байгаа гэж Д.Ганхуяг гишүүн мэдээлэв.

Хойд Солонгосын залуу удирдагч Ким Чен Уны төрсөн өдрийг өчигдөр орон даяар тэмдэглэжээ. Түүнд зориулж богино хэмжээний баримтат кино хийсэн бөгөөд түүнийг ”Гоц авъяатнуудын гоц нь, дайчин удирдагч” хэмээн өргөмжилсөн байна.

Дэлхийн хамгийн залуу улсын удирдагчаар тодроод байгаа Хойд Солонгосын удирдагч Ким Чен Уны төрсөн өдрийг өчигдөр орон даяар тэмдэглэжээ. Хойд Солонгосын телевизүүдээр төрсөн өдрийг нь тохиолдуулан богино хэмжээний баримтат кино гаргасан байна.

“Би ямар хувь хүн гэдгээрээ авсан биш, шагналын тухай яриад яахав. Харин юу хийдэг, өнөөдрийн уур амьсгалын өөрчлөлтийн асуудлаар ярилцъя” гэсэн юм. Тийм ч учир энэ асуудлаар Засгийн газрыг төлөөлөн ажилладаг тусгай элч бид хоёрын яриа дэлхий нийтийн өмнө тулгараад буй Уур амьсгалын өөрчлөлт сэдвийн дор өрнөлөө.

Өнөөдрийн байдлаар ганцхан “Петровис” компани шатахууны үнээ нэмээгүй байгаа ч гуравхан хоногийн дотор нөөцөлсөн шатахуун нь дуусчээ. Харин “Сод монгол” гадна самбар дээрээ үнээ өөрчилж бичээгүй байгаа ч жолооч нарт нэмэгдсэн үнээр шатахуунаа борлуулж байна. Тиймээс жолооч нар өнөөдрөөс яах аргагүй нэмэгдсэн үнээр шатахуун авах боллоо.

Өнөөдөр Монгол зохиолчдын эвлэл байгуулагдсаны 83 жилийн ойн баярын өдөр. Жил бүрийн энэ өдөрт зориулан оны шилдэг бүтээлийг шалгаруулж, “Алтан өд” цом гардуулдаг уламжлалтай юм. 2011 онд шилдгээр шалгарсан 10 бүтээлийн эздэд шагнал гардуулах ёслол өнөөдөр болох гэж байна. Энэ жилийн ёслолд уран бүтээл, зохиолыг хүндэтгэж, дэмжсэн байгууллагыг шалгаруулахаараа онцлог юм.