Сууц өмчлөгдийн холбоодын тухай 23 гомдлыг Шударга өрсөлдөөн, хэрэглэгчийн төлөө газрынханд ирүүлснээс 19-ийг нь шалгажээ. Энэ удаад хувийн байрнуудын халаалтын болон халуун ус байнга тасардаг, төлбөр хураамжийг тодорхойгүйгээр нэмдэг гэх гомдлын мөрөөр ажиллалаа.

Хамтарсан Засгийн газраас гарна хэмээн АН мэдэгдэл хийсний дараа Хонконгийн хөрөнгийн биржид “Mongolian mining corporation” нэртэйгээр гарсан манай ”Энержи ресурс” компанийн хувьцааны үнэ огцом унажээ. Өчигдөр буюу нэгдүгээр сарын тавны өдөр хувьцааны ханш нь -1,533 хувиар буурсан байна. АН-ын өдрийн 11 цагийн үед хийсэн мэдэгдлийн тухай “Ройтерс”, “Синьхуа” зэрэг томоохон агентлагууд тэр даруй дэлхий нийтэд мэдээлсэн байв.

Шүүхээс ялын дээд хэмжээ авсан 49 настай Гари Уэлчийг Оклахома мужийн нэгэн шоронд өчигдөр өглөө судсаар нь тариа хийж цаазаар авсан байна. Цаазаар авахад шоронгийн удирдлага байлцсан бол гэмт хэрэгтний ар гэрийнхэн ирэхээс татгалзжээ. Хэрэгтэн ч өөрөө хүн дуудаж байлцуулахыг хүсээгүй байна.

Австрийн Вена хотод сексийн сургууль байгуулагдсан талаар бид өчигдөр мэдээлсэн билээ. Тэгвэл тус сургууль оюутан элсүүлэх рекламаа эр эм хоёр загас наадуулж буй дүрслэлтэйгээр хийж эфирт цацах гэтэл Австрийн телевизээр нэвтрүүлэхийг нь хоригложээ.

Сүүлийн үед иргэдээс телевиз, кабелийн суваг, радиогоор тусгай дугаарт залгах болон мессеж бичих аргыг ашигласан нэвтрүүлэгтэй холбоотой гомдол ирэх болжээ. Учир нь иргэд үнийг нь мэдэлгүй явуулсан мессеж, дуудлагын дараа маш их төлбөр гарсанд бухимдах болсон гэнэ.