Өнгөрсөн оны сүүлээр Өвөр Монголын Хөх хотод болсон Хоёр бөхт тэмээг хамгаалж үржүүлэх олон улсын нийгэмлэгийн хуралд Монгол, Орос, Хятад, Казахстаны эрдэмтэд, фермерүүд оролцжээ. Тэдний нэг, Халимагийн мал аж ахуйн “Кировский” компанийн захирал Бадам Горяев саяхан нэгэн сонирхолтой зүйлийг Элстэйн сонины сурвалжлагчид ярьсан байна. Бадамын хамгийн түрүүнд ярьсан зүйл бол Хөх хотод болсон хурал дээр Шанхайн эрдэмтний тавьсан илтгэл байжээ

Шатахуун борлуулдаг компаниудад үнээ нэмэх зөвшөөрөл өгсөн гэгдэж байгаа Эрдэс баялаг, эрчим хүчний сайд Н.Ариунсан өнөөдөр байнгын хорооны хурал дээр мэдээлэл хийхдээ ямар ч шийдвэр, тогтоол дээр гарын үсэг зураагүй, тийм протокол ч байхгүй гэж өөрийн биеэр мэдэгдсэн. Гэсэн ч өнөөдөр МАН-ын бүлгийн гишүүд түүний гарын үсэг зурсан протоколыг үзэж, танилцсан гэв.

Ө.Энхтүвшин “Засгийн газраас шатахуун борлуулдаг компаниудтай сайн ярилцаж тохиролц гэсэн үүрэг өгсөн. Гэтэл шатахууны үнийг нэмэх үүргийг Засгаас гарч буй сайд нар өгөөд явж. Монгол банкны ерөнхийлөгчийг огцруулах санал гаргасан нь өөрсдийн буруугаа бусад руу чихэж байгаа зориуд хийсэн үйлдэл” гэв.

Засгийн газрыг хамтран байгуулж, ажиллаж ирсэн хоёр намынхан хагацахын цагт иргэд, дэмжигчдээр төлөөлүүлэн бие бие рүүгээ давшилж эхэллээ. АН-ын дарга ҮЗХ-гоо давж мэдэгдэл хийснийг өчигдөр хөндлөнгийн гэж болохуйц хүмүүс буруушааж, зэмлэсэн бол өнөөдөр АН-ын гишүүд дэмжигчдийн холбооныхон С.Батболдод хандан шаардлага тавьж байна.

МАН-ын бүлгийн өргөтгөсөн хуралдаан нээлттэй эхлээд гэнэт хаалттай хуралдахаар болжээ. Одоо хаалттай үргэлжилж буй энэ хурлаар Монголбанкны ерөнхийлөгчийн албыг хашиж буй Л.Пүрэвдоржоос ерөнхий сайд С.Батболд асуулт, тодруулга авч байгаа юм. Энэ талаарх мэдэгдлийг сэтгүүлчдэд МАН-ын бүлгийн дарга Ө.Энхтүвшин танилцуулах аж.

Шатахууны үнийг нэмэх шийдвэрийг Эрдэс баялаг, эрчим хүчний яамны дэд сайд Б.Ариунсан өгсөн гэж буруутгагдаад байгаа. Харин тэрбээр үүнийг эрс үгүйсгэж “Өнгөрсөн Баасан гарагийн орой бид хуралдсан гэхдээ хэвлэлээр бичсэн шиг ямар ч шийдвэр, тогтоол дээр гарын үсэг зураагүй” гэлээ.

МАН-ын бүлгийн өргөтгөсөн хуралдаан эхэллээ. Энэ хуралдаанаар өнөөдөр тулгараад буй цаг үеийн асуудлаар хэлэлцэх юм байна. Мөн Монголбанкны ерөнхийлөгчийг хуралд урин оролцуулж байгаа аж. Хуралдаанд намын дарга С.Батболд, УИХ, Засгийн газрын гишүүд, дэд сайд нар болон ерөнхий сайдын зөвлөхүүд оролцож байна.