Пакистаны жүжигчин бүсгүй Виина Малек түүний зургийг нүцгэн болгон засч нүүр хуудсандаа нийтэлсэн “FHM India” сэтгүүлээс хоёр сая доллар нэхэмжиллээ. Уг сэтгүүл нь эрчүүдэд зориулсан сэтгүүл бөгөөд жүжигчин бүсгүйн зургийг засварлаж нүцгэн болгосон хэмээж байна.

Өнөө өглөө Энэтхэгийн Калькута хотын эмнэлэгт гал гарч 35 хүн амь үрэгджээ. Гал түймрийн үеэр гарч чадалгүй хашигдсан байжээ. Аврагч, гал унтраах албаныхан тэднээс өмнө 50 өвчтөнг гарган авч чадсан байна. Таван цагийн турш ажиллаж галыг дарсан аж. Аварсан өвчтнүүдийг өөр эмнэлэгт шилжүүлжээ.

100 метр өндөртэй салхин сэнс хар салхины хүчтэй урсгалын улмаас маш хурдан эргэж, шатсан байна. Британий Шотландад байдаг тус цахилгаан станцыг хоёр сая паундын зардлаар байгуулж байсан аж. Маш хурдан эргэлдсэн салхин сэнсний моторноос гал авалцаж, хар утаа гарч байсан бөгөөд зарим хэсэг нь шидэгдсэн гэнэ.

ЦЕГ-ын харьяа Нийгмийн хэв журмыг хамгаалах газрын гэмт хэрэг зөрчлөөс урьдчилан сэргийлэх чиглэлийн ахлах байцаагч Г.Эрдэнэбаатартай хар тамхины талаар ярилцлаа.

Гурав хоногийн дараа буюу энэ сарын 12-ны өглөө эхлэх хугацаагүй ажил хаялтыг улс орон даяар 15 000 орчим багш дэмжиж байна. Нийт 89 сургууль, 100 гаруй цэцэрлэгийн багш нар хамрагдах гэж байгаа аж. Одоогоор 14982 хүний гарын үсэгтэй бичиг хөдөө орон нутгаас ирсэн гэнэ.

Өнгөрсөн есдүгээр сарын 29-нд ОБЕГ-ын дарга асан П.Даш, тус газрын Улсын нөөц бүрдүүлэлтийн газрын дарга асан Л.Алтангэрэл нарт холбогдох төрийн өмчийг хувьдаа завшсан гэх хэргийг Хан-Уул дүүргийн шүүхэд хэлэлцэж 3.6 жилийн ял оноож, Өршөөлийн тухай хуульд хамруулсан билээ.

Хүний худалдаалах гэмт хэргийн төлөв байдлын талаар Нийгмийн хамгаалал, хөдөлмөрийн яамнаас гаргасан мэдээллээр 2006-2010 оны хооронд нийт 188 хүн энэ төрлийн хэрэгт хохирогч болсон байна. Тухайлбал, хүн худалдаалах 51 хэрэг гарч 129 хүн хохирч үлдсэн бол, хүчээр биеийг нь үнэлүүлэх хэрэг 82 удаа гарч 59 хүн хохирогч болсон байгаа аж.

Манай улс одоо дунджаар 16 хоногийн шатахууны нөөцтэй байна. Тодруулбал, А-80 шатахуун 14 хоног, АИ-92 автобензин 20 хоног, дизель түлшний 15 хоногийн нөөцтэй байгаа аж. Дэлхий улс орнууд хагас жилийн шатахууны нөөцийг бүрдүүлсэн байдаг гэнэ. Жишээ нь Япон улсад найман сарын түлшний нөөцтэй байгаа юм. Манай улсын шатахууны нөөц, үнийг нэг компаниас хамааралтай учраас тогтворгүй гэж хүмүүс ярьдаг.

Хоёр сарын өмнө зохион байгуулахаар төлөвлөсөн байсан ч хойшлогдоод байсан Монголын сэтгүүлчдийн нэгдсэн эвлэлийн хурал маргааш болох гэж байна. Энэ удаагийн хурлаар тус байгууллагын дүрмийг өөрчилж, шинэчлэн батлах юм. Хэвлэл мэдээллийн байгууллагын төлөөлөгчид энэ хуралд оролцож байр сууриа илэрхийлэн, дүрмийн өөрчлөлтийг хамтран хэлэлцэх аж.

МАХН-ын дарга Н.Энхбаярын туслах Б.Тулгыг “Өргөө” зочид буудлын хувьчлалтай холбоотойгоор баривчилж байгаад сулласан билээ. АНУ-д сурч байгаа ах Б.Хуяг нь дүүгээ баривчлагдсан тухай мэдээллийг олж сонсоод “Муу дүүгээ хэрэгт хутгачихлаа. Өөрөө Монголд очно” гэхэд нь ойр дотныхон нь хориглосоор байж болиулжээ.