ӨМӨЗО-нд хэрэгжиж буй “Тал нутгийн номын өрөө” төслийн хүрээнд тус улсын зүүн өмнөдөд орших Улаанхад хотод байгуулсан номын сангийн тоо 1722 болжээ. Зөвхөн энэ жил гэхэд л энд 800 шахам номын сан шинээр нээсэн гэнэ. Эдгээр номын санд төслийн хугацаанд 2.74 сая ширхэг ном хүргэсэн бөгөөд номын сангуудын 90 хувь нь хөдөө тосгоныг хамарсан байна.

Ерөнхийлөгч Ц.Элбэгдорж Монгол улсын 2012 оны төсвийн төслийг хэлэлцэн батлахтай холбогдуулан УИХ-ын дарга Д.Дэмбэрэлд өөрийн саналыг албан бичгээр өчигдөр хүргүүллээ. Тэрбээр дор дурдсан саналуудыг нэг бүрчлэн хэлэлцэн санал хураалгахыг хүсчээ.

Та бүхэнд Улаанбаатар хотын авто замын сүлжээнд 2008-2011 онд хийж гүйцэтгэсэн ажил, цаашид авах зарим арга хэмжээний талаар товч мэдээлэл хийе. Монгол Улсын хүн амын тал хувь нь оршин суудаг нийслэл хотын эдийн засаг, нийгэм, соёлын хөгжилд авто замын сүлжээ чухал үүрэг гүйцэтгэдэг. Тиймээс үе үеийн Засгийн газар нийслэл Улаанбаатар хотын хатуу хучилттай авто замын асуудалд ихээхэн анхаарч ирлээ. Үр дүнд нь өнөөдрийн байдлаар хатуу хучилттай авто замын урт нь 650.4 км болоод байна.

“Startup Weekend Mongolia” арга хэмжээг “SWMongolia” байгууллагаас гурав дахь удаа зохион байгууллаа. Энэ аянд оролцогчид бизнесийн шинэ санаагаараа өрсөлдөж, 54 цагийн дотор компани байгуулах ёстой гэнэ. Ингээд “SWMongolia” байгууллагын тэргүүн Д.Бат-Октябрьтай өнгөрсөн баасан гарагт уулзаж, хийж буй ажлынх нь талаар ярилцсанаа хүргэе. Тэрбээр АНУ-д 10 жил амьдарч, ажиллаад эх орондоо ихийг хийж бүтээхээр ирсэн гэнэ.

АНУ-ын Калифорни мужийн Уолнат крик хотод гурван жилийн өмнө нэгэн монгол эр буудуулжээ. Калифорнийн монголчуудын нэлээд төвлөрч суудаг Bay Area гэдэг газрын энэ жижигхэн хотод пицца зөөгчийн ажил хийдэг Совдын Баяраа анх 2004 онд АНУ-д очсон байна.