Ираны Тегеран хотод энэ сарын 7-11-нд болсон чансаа өндөрmэй буудагчдын тэмцээнд манай мэргэн буудагчид амжилттай оролцож, хоёр алт, нэг мөнгөн медальтай ирсэн. Ирэх олимпод буудлагын тамирчдад, ялангуяа О.Гундэгмаад монголчууд гол найдлагаа тавьж буй энэ үед гавьяат дасгалжуулагч Л. Ундралбаттай уулзаж ярилцлаа.

”Өргөө” зочид буудлын хувьчлалтай холбоотой хэрэгг холбогдуулан Ерөнхийлөгч асан Н.Энхбаярын шадар туслахаар ажиллаж байсан Б.Тулгыг Улсын мөрдөн байцаах газар (УМБГ)-аас саатуулж, 14 хоног баривчлахаар болсон билээ. ”Өргөө” зочид буудлыг ”Хар дун” компанид шилжүүлсэн байдаг. Хууль бус байж мэдэх уг асуудлыг шалгуулахаар Ж.Энхжаргал жилийн өмнө УМБГ-т өргөдөл гаргасан юм.

Оросын Буриадын Иволгийн районы Тапхар сууринд томоохон үйлдвэрийн барилгын шав тавьжээ. Буриадын Хөдөө аж ахуйн яамны эх сурвалжид түшиглэн “Интерфакс” агентлаг өчигдөр мэдээлсэнийг үзвэл энд Монголын “Жаст групп”-ийн хөрөнгө оруулалтаар томоохон мах боловсруулах үйлдвэр барихаар төлөвлөсөн байна.

Нийслэлийн Засаг дарга Г.Мөнхбаяр Японы ”Жайка” байгууллага болон Италийн ”ItalFERR”, ”SALCEF”, ”Salini Costruttori”, ”Ancalso STS Group” компанийн мэргэжилтнүүдтэй өчигдөр метро барих асуудлаар уулзлаа. Улаанбаатар хотын мастер төлөвлөгөөг боловсруулж байгаа ”Жайка” байгууллага уг төлөвлөгөөн дээр үндэслэн өнгөрсөн сараас эхэлж метроны судалгааны ажилдаа оржээ.

“Ираны цөмийн болон цэргийн байгууламжуудын үйл ажиллагааг тасалдуулахаар төлөвлөж байсан АНУ-ын ТТГ-ын 12 ажилтныг баривчиллаа” гэж Ираны Үндэсний аюулгүй байдлын хорооны төлөөлөгч Парвиз Сорурийн өнөөдөр мэдэгдсэнийг “Associated Press” агентлаг уламжиллаа. “Америк болон бусад сионист дэглэмийн төлөөний этгээдүүд Иранд гаднаас ч, дотроос нь ч нэгэн зэрэг хохирол учруулахаар чармайсан нь бүтсэнгүй.

Их Британийн хунтайж Уильям болон Кэйт Мидлтон нарын хуримын үеэр нэгэн эмэгтэйн өмсөж байсан даашинзыг дуудлага худалдаагаар зарах гэж байна. Энэ нь хунтайжийн гэргийн эгч болох Пиппа Мидлтоны өмсөж байсан цагаан даашинз юм. Даашинзыг интернэтээр үнэ хаялцуулан худалдах бөгөөд үнийн хувьд 980-1500 паунд хүрнэ хэмээн тооцоолж байгаа гэнэ.

Оросын газрын тосны нийслэл гэгддэг Уралын тойргийн Сургут хотноо өнөөдөр эхэлж буй Ф.Салмановын цомын нэрэмжит олон улсын боксын тэмцээний эхний тоглолтууд манай боксчдоос болж хойшлов. ОХУ-д өчигдөр очоод оройдоо Сургут орох онгоцонд суух байсан манай тамирчид Москвагийн онгоцны нэг буудлаас нөгөөд хүрэхдээ цаг алдсанаас онгоцноосоо хоцорчээ.

Өнөөдөр Улсын мөрдөн байцаах газрын урд МАХН, Монголын ардчилсан хөдөлгөөний намын гишүүд болон “Эх орон шудрага ёс” хөдөлгөөнийхөн нийлсэн гуч гаруй хүн гэр барьж суулт хийхийг оролдов. Настайчууд голдуу эдгээр хүмүүс МАХН-ын дарга Н.Энхбаярын туслах Л.Тулгыг хууль бусаар баривчилсаныг эсэргүүцэхийн зэрэгцээ Хууль зүйн сайд Ц.Нямдоржийг эсэргүүцэж байгаагаа илэрхийлэхээр энд цуглажээ.

Хүчингийн хэрэгт холбогдон эрэн сурвалжлагдаж байсан Тувагийн алдарт бөх Аяс Монгушийг Оросын цагдаагийнхан баривчилжээ. 2011 оны наймдугаар сард тэрбээр Кызыл хотын нэгэн дүүрэгт 20 настай Екатерина Г. хэмээх бүсгүйг бүлэглэн хүчирхийлсэн хэрэгт сэжиглэгдэж байсан юм. Уг хэргийг түүнтэй хамтран үйлдсэн хоёр туваг нэг сарын дараа баривчилсан бөгөөд харин өөрийг нь ийнхүү хоёр сарын дараа саатуулсан байна.

Монгол улсын эдийн засаг, байгаль орчны онц чухал мэдээлэл хадгалдаг албан байгууллагуудыг Дотоодын цэргийн хамгаалалтад авах шийдвэр гарчээ. Энэ шийдвэрийн хүрээнд Татварын ерөнхий газар, Ховд, Орхон, Өмнөговь аймгийн усан хангамжийн эх үүсвэрийг хамруулжээ. Мөн Дөргөний усан цахилгаан станц, Дулааны III, IV цахилгаан станцыг багтаасан байна. Харин Тавантолгойн нүүрсний уурхай, Оюутолгойн зэс, алтны орд, “Эрдэнэт” үйлдвэрийг цагдаагийн гэрээт хамгаалалттай ажиллахаар болсон аж.

Европын зарим оронд эдийн засгийн хямрал бодитой нүүрлэж байгаа, мөн ирэх оны төсөв уул уурхайтай нягт холбоотой батлагдаж байгаа тул Монголд эдийн засгийн хямрал болох нь хэмээн иргэд түгшиж байна. Харин “Монголбанк”-ны зүгээс шаардлагатай арга хэмжээг авч байгаа тул сандрах хэрэггүй гэж өнөөдөр мэдэгдлээ.