-
2016 оны 2 сарын 01
Хонь: Сайхан мэдээ дуулна. Ажил ихтэй байхын хэрээр стресс бухимдал их байна. Үүнээс үүдээд эрүүл мэндэд асуудал үүсэх бололтой. Долоо хоногийн сүүлээр гэнэтийн сайн мэдээ дуулна. Гэр бүлдээ хүндэтгэлтэй, ёс зүйтэй байхыг зөвлөж байна. Ялангуяа хайртдаа үнэнч байж, амлалтаа биелүүлээрэй. Орлого нэмэгдэх боловч үрэлгэн зан гаргах хэрэггүй.
Үхэр: Идэвхтэй долоо хоног. Ажилдаа чин сэтгэлээ зориулж хичээнгүй ажиллахыг зөвлөж байна. Гэр орноо хайхралгүй, ажилдаа хэт анхаарах нь таагүй уур амьсгал бий болгох болно. Албан тушаал ахих магадлалтай. Дасгал хөдөлгөөн хийж эрүүл мэнддээ анхаарай. Санхүүгийн байдал сайнгүй байна. Төлөвлөгөөгүй зардал гаргах хэрэггүй.
Ихэр: Ажил хэрэг хэвийн бүтэмжтэй байх бөгөөд тогтмол ашгаа өгнө. Худалдаа наймаа хийхдээ болгоомжтой байж, мөнгөн дүнгээ сайтар нягтлаарай. Долоо хоногийн дундуур сайн мэдээ дуулна. Найз нөхдийн хүрээнд хэрүүл тэмцэл гарч болзошгүй. Цаг зав багатай байх боловч өөртөө цаг гаргаж, дуртай зүйлээ хийхийг хичээгээрэй. Энэ нь танд амралт болж, сэтгэл санааг тань тайтгаруулна.
Мэлхий: Харилцаандаа анхаараарай. Учир нь сэтгэлийн хөдлөлөө барьж чадаагүйгээс болоод маргаан гарч болзошгүй. Хувийн амьдралд таатай мэдээ дуулж магадгүй. Чухал шийдвэр гаргахдаа сэтгэлийн хөдлөлөөр хандах хэрэггүй. Бие хүчний ажил хийхдээ анхаарал болгоомжтой байж бэртэж гэмтэхээс сэрэмжлээрэй. Мөнгөний хэрэгцээ их гарах бололтой. Энэ нь магадгүй таны эрүүл мэндтэй холбоотой байж болно.
Арслан: Баяр баясгалан болон азгүй явдлууд солигдон байна. Энэ долоо хоногт хэт өндөр зорилго тавих хэрэггүй. Бусдыг эвгүй байдалд оруулж, өөрийгөө дөвийлгөх хэрэггүй. Сэтгэлийн хөөрлөөр шийдвэр гаргах хэрэггүй. Хожим харамсавч оройтсон байх болно. Ганц бие хүмүүс хэн нэгэнтэй ойртож дотносохдоо болгоомжтой байж, яарах хэрэггүй. Орлогын шинэ эх үүсвэрээс их хэмжээний мөнгө орж ирэх бололтой.
Охин: Долоо хоногийн эхээр эсрэг хүйстэнтэйгээ харилцах харилцаанд таатай. Энэ үеийг ганц бие хүмүүс анхааралдаа авахад гэмгүй. Ажил хэрэгт асуудал үүсч, таныг бухимдуулна. Өмнөх зорилгоо биелүүлээгүй бол шинэ төлөвлөгөө гаргах хэрэггүй. Долоо хоногийн сүүлээр хөнгөн осолд өртөх магадлалтай. Эрүүл мэнддээ анхаарч, осол гэмтлээс сэрэмжлээрэй.
Жинлүүр: Таны эрч хүч нэмэгдэнэ. Ажлаа солих, өөр албан тушаалд шилжин ажиллахад таатай байна. Ажил хэрэг болон хувийн амьдралдаа эрсдэл гаргах хэрэггүй. Мөн ямар нэг чухал шийдвэр гаргаж гэрээ хэлэлцээрт гарын үсэг зурах хэрэггүй. Согтууруулах ундаа хэрэглэхгүй байсан нь дээр. Ганц бие хүмүүс шинэ сонирхолтой дурлалтай учрах бололтой. Гэвч энэ удаан үргэлжлэхгүй гэдгийг анхаараарай.
Хилэнц: Зөн билээ дага. Эдгээр өдрүүдэд өөрт таагүй мэдрэмж төрсөн зүйлсээс зайгаа барьсан нь дээр. Ажил хэрэгт танилын хүрээ нэмэгдэж, олон түнштэй болно. Мөрийтэй тоглоом, эрсдэлтэй хөрөнгө оруулалт зэргээс татгалзаарай. Материаллаг байдал сайжирч, том худалдан авалт хийх бололтой. Эрүүл мэндийн байдал хэвийн байх боловч ходоод гэдэс хямрах магадлалтай.
Нум: Мөрөөдлөө биелүүлэх боломж энэ долоо хоногт тохиох болно. Гэр бүлд тайван уур амьсгал зонхилох хэдий ч бага зэргийн үл ойлголцол ба санал зөрөлдөөн гарч болно. Боловсролоо дээшлүүлэхэд таатай үе гарч ирж байна. Долоо хоногийн дундуур танд том тус хүргэх хүнтэй холбогдоно. Ажилдаа давуу талаа харуулж, өөрийгөө таниулах боломж нээгдэнэ. Орлого тодорхой хэмжээгээр нэмэгдэнэ. Эрүүл мэндийн байдал сайжирна.
Матар: Долоо хоногийн эхэнд ямар нэгэн шинэ ажлыг эхлүүлэх, төлөвлөгөө зохиох гэсний хэрэггүй. Найз нөхөд, төрөл төрөгсөд болон нөлөө бүхий хүнээс тусламж дэмжлэг авах шаардлага гарч болзошгүй. Ажил хэрэг бүтэмжтэй байх боловч энэ нь танд чамлалттай санагдаж магадгүй. Хүссэн үр дүн биш ч та тодорхой хэмжээнд амжилт гаргана. Маргаан, зодооноос зайлсхийх хэрэгтэй. Уран бүтээлч хүмүүс бусдад шагшигдсан уран бүтээл туурвих боломжтой.
Хумх: Долоо хоногийн эхэнд төлөвлөгөөгөө цуцлахад хүрч магадгүй. Тулгарсан асуудлыг өөрт хохирол багатайгаар шийдэхийг хичээгээрэй. Хэт ажиллах нь таны эрүүл мэндэд сөргөөр нөлөөлнө. Хайр дурлалын харилцаа амжилттай байна. Шинэ хосуудын харилцаа хурдацтай дотносно. Санхүүгийн хүндрэлээс гарч, уужим амьсгаа авах боломжтой болно. Эрүүл мэндийн байдал хэвийн байна.
Загас: Эдгээр өдрүүдэд та багагүй ашигтай ажиллаж чадна. Энэ үед хэтэвчээ хангалттай зузаалж, хуримтлал үүсгэж чадвал ойрын хэдэн сар санхүүдээ тлгой өвдөхгүй болно. Аливаа асуудлыг өөр олон өнцгөөр харж болдгийг санаарай. Ажил хэрэгт тулгарсан бэрхшээлийг даван туулснаар танд шинэ боломж гарч ирнэ. Долоо хоногийн сүүлээр тооцоогүй зардал гаргахаас зайлсхийгээрэй.
-
2016 оны 2 сарын 01
2016 оны 01 дүгээр сарын 31-ний 20 цагаас 02 дугаар сарын 01-ний 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлшинэ. Цас орохгүй. Салхи зүүн өмнөөс секундэд 5-10 метр. Завхан голын эхээр шөнөдөө 47-52 градус, өдөртөө 35-40 градус, Увс нуурын хотгор, Идэр, Тэс голын хөндий, Хүрэн бэлчир орчмоор шөнөдөө 40-45 градус, өдөртөө 29-34 градус, Алтайн өвөр говиор шөнөдөө 20-25 градус, өдөртөө 8-13 градус, бусад нутгаар шөнөдөө 28-33 градус, өдөртөө 13-18 градус хүйтэн байна.
ТӨВИЙН АЙМГУУДЫН НУТГААР: Солигдмол үүлтэй. Цас орохгүй. Салхи зүүн өмнөөс секундэд 5-10 метр. Дархадын хотгороор шөнөдөө 37-42 градус, өдөртөө 25-30 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын хөндийгөөр шөнөдөө 30-35 градус, өдөртөө 15-20 градус, бусад нутгаар шөнөдөө 23-28 градус, өдөртөө 11-16 градус хүйтэн байна.
ЗҮҮН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 5-10 метр. Хэрлэн, Улз, Халх голын сав газар, Дарьгангын тал нутгаар шөнөдөө 28-33 градус, өдөртөө 15-20 градус, бусад нутгаар шөнөдөө 23-28 градус, өдөртөө 10-15 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруун өмнөөс секундэд 7-12 метр. Шөнөдөө 25-27 градус, өдөртөө 14-16 градус хүйтэн байна.
ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруунаас секундэд 5-10 метр. Өмнөговийн нутгаар шөнөдөө 18-23 градус, өдөртөө 6-11 градус, бусад нутгаар шөнөдөө 22-27 градус, өдөртөө 9-14 градус хүйтэн байна.
УЛААНБААТАР ХОТ: Үүлшинэ. Цас орохгүй. Салхи зүүн өмнөөс секундэд 5-10 метр. Шөнөдөө Яармаг-Сонгины орчмоор 31-33 градус, бусад хэсгээр 25-27 градус, өдөртөө 14-16 градус хүйтэн байна.
-
2016 оны 1 сарын 31
Нийслэлийн иргэдийн ая тухтай орчинд ажиллаж, амьдрах нөхцлийг бүрдүүлэх, орчны тохижилтыг сайжруулах, хотын өнгө үзэмжийг нэмэгдүүлэх ажлын хүрээнд ”Сар шинийн баяр”-ыг угтан нийслэлийн хэмжээнд бүх нийтийн их цэвэрлэгээ зохион байгуулна.
-
2016 оны 1 сарын 31
Нийт нутгаар цас их хэмжээгээр нэмж орж, шуурснаас зарим аймагт мал бэлчээрлэх боломжгүйд хүрчээ.
-
2016 оны 1 сарын 31
Сар шинийн баяр угтсан “Монголд үйлдвэрлэв-Цагаан сар 2016” үзэсгэлэн худалдаа “Хүннү Молл”, “Шөнийн зах”, Хархорин хороолол дахь “Монгол аутлет” худалдааны төвд болж байна.
-
2016 оны 1 сарын 31
Маргааш буюу хоёрдугаар сарын 1-ний өдрөөс жолоочийн зөрчлийн бүртгэлийн оноо тооцох журмыг мөрдөж эхэлнэ.
-
2016 оны 1 сарын 31
Улсын Дээд шүүхийн хяналтын шатны эрүүгийн хэргийн шүүх хуралдаанаар Д.Чинбаяр нарт холбогдох хэргийг шүүгдэгчийн өмгөөлөгч нарын гаргасан гомдлыг өнгөрсөн баасан гарагт хянан хэлэлцсэн байна.
-
2016 оны 1 сарын 31
Манай урд хөрш ирэх сарын 7-11-ний өдрүүдэд хилээ хаахаар болжээ. Учир нь энэ өдрүүдэд БНХАУ-ын Еэвэн сарын тэмдэглэлт баярын өдрүүд тохиох юм байна.
-
2016 оны 1 сарын 31
Сар шинийн баярыг угтаж Нийслэлийн засаг дарга захирамж гарсан. Уг захирамжийн хүрээнд билгийн тооллын шинийн 1, 2, 3-ны өдөр буюу 2016 оны 2 дугаар сарын 9, 10, 11-ний өдрүүдэд нийтийн тээврийн үйлчилгээнд хотын захын цэгт үйлчлэх тээврийн хэрэгслийн тоог нэмэгдүүлж үндсэн 62, хот орчмын 13 чиглэлд нийт 644 их болон дунд багтаамжийн автобус үйлчилгээ үзүүлэхээр төлөвлөөд байна.
-
2016 оны 1 сарын 31
Ирэх долоо хоногт буюу хоёрдугаар сарын 3-нд нутгийн баруун хагаст, 4-нд нутгийн өмнөд хэсгээр бага зэргийн цас орж, явган шуурга шуурна. Салхи 4-нд зарим газраар секундэд 12-14 метр хүрч ширүүснэ.
-
2016 оны 1 сарын 31
Энэ оны нэгдүгээр сарын 1-ний өдрөөс шинэчлэн баталсан НӨАТ-ын тухай хууль хэрэгжиж эхэлснээр иргэд худалдан авалтынхаа үнийн дүнгийн хоёр хувийн урамшууллыг буцаан авах эрхтэй болсон. Өнөөдөр нийтдээ 4800 орчим азтан тодрох юм.
-
2016 оны 1 сарын 31
Энэ сарын 8-ны даваа гарагт Сар шинийн битүүний өдөр тохионо.
-
2016 оны 1 сарын 31
Сар шинийн баярын өмнөх амралтын өдрүүдэд автозамын түгжрэлийг сааруулах үүднээс Нийслэлийн Засаг дарга Э.Бат-Үүл амралтын өдрүүдэд дугаарын хязгаарлалт тогтоох захирамж гаргасан.
-
2016 оны 1 сарын 30
2016-01-07-ны өдөр Хөвсгөл нуурын баруун болон зүүн эргийн дагуу нийт 20-н цэгт /цэг хоорондын зай 6-8 км/мөсийг цоолж хэмжилт хийхэд мөсний дундаж зузаан 45 см, Хатгал тосгоны ойролцоох 6-н цэгт /цэг хоорондын зай 3 км / хэмжилт хийхэд мөсний дундаж зузаан 47 см, мөсөнд хар, цагаан хил үүссэн, бутралт ихтэй байна. Нуурын хойт хэсэгт хийсэн хэмжилтээс үзэхэд Ханхаас Далбай хүртэлх нуурын зүүн хойт эрэг орчмын хэсэгт мөсний зузаан 44-50 см, баруун хойт эрэг орчмынх Зимъяаны эргээс Өлийн амны хойт хэсэг хүртэлх хэсэгт мөсний зузаан харьцангуй бага 25-50 см байв. Дулаан уулын орчимд эргээс 200 м-т ба Хачим орчимд эргээс 500 орчим м-т тус тус мөсний зузаан бага, далд өрх ажиглагджээ.
Ус судлалын Хөвсгөл-Хатгал харуулын мэдээгээр 12 дугаар сарын 20-нд 20 см, 31-нд 24 см, 2016 оны 1 дүгээр сарын 10-нд 52 см, Хөвсгөл-Ханх харуулд 12 дугаар сарын 31-нд 31 см, 2016 оны 1 дүгээр сарын 10-нд 55 см тус тус байна. Энэ нь олон жилийн дунджаас 5-8 см ахиу байна.
Нуурын мөсний зузаан 50 орчим см, зарим газарт 25 см, далд өрх, хар хил байх нөхцөлтэй байна. Тээврийн хэрэгсэл зорчиход мөсний зузаан аюулгүй хэмжээнд хүрээгүй, мөсөн замын найдвартай маршрутыг хэмжилтээр тогтоох шаардлагатай байна. Ялангуяа, ачааны машин зорчихыг хориглох шаардлагатай байна.
Ус цаг уур, орчны судалгаа, мэдээллийн хүрээлэнгийн Ус судлалын сектор
2016-01-18
-
2016 оны 1 сарын 30
Биеэ үнэлэгчдийг ажилд зуучилна
-
2016 оны 1 сарын 30
Тосонбумбыг тусгай хамгаалалтад авахад нөхөн төлбөр төлнө
-
2016 оны 1 сарын 30
Монголын үндэсний бөхийн холбооноос сар шинийн баярт зориулсан “Бөхийн баяр” цуврал барилдааныг Монголын бөхийн өргөөнд зохион байгуулдаг уламжлалтай.
Билгийн тооллын XVII жарны “Муу нүүрт” хэмээх гал бичин жилийн сар шинийн баярт зориулсан цуврал барилдааны хуваарь гарчээ. “Бөхийн баяр” цуврал барилдаан ирэх сарын 5-ны өдөр өсвөрийн бөхийн барилдаанаар эхэлж, нийтийн монгол шандаст, сумын цолтой бөхчүүдийн барилдаанаар үргэлжлэх юм. Өсвөрийн бөхийн барилдаан 14 цагт эхлэх бөгөөд 1999 оны 1-р сарын 1-нээс хойш төрсөн хөвгүүд барилдах эрхтэй.
Харин энэ өдөр Нийтийн монгол шандастны барилдааны бүртгэл эхлэх бөгөөд ямар нэг цолгүй, бөхийн спортоор тусгайлан хичээллэдэггүй эрчүүд оролцох юм.
Аймаг, цэргийн цолтой 256 бөхийн барилдаан хоёрдугаар сарын 06-ны 14 цагт эхэлнэ. (Бүртгэл хоёрдугаар сарын 5, 6-ны 10 цагаас МБӨ-д болно).
Хоёрдугаар сарын 07-ны 14 цагт сумын цолтон, залуу 512 бөхийн барилдаан болно. ( энэ өдрийн 10 цагаас бүртгэлийг хийх бөгөөд сумын цолтнууд үнэмлэхтэйгээ ирнэ.)
Хоёрдугаар сарын 08-ны 14 цагт Улс, аймгийн алдар цолтой 256 бөхийн барилдаан болно. Билгийн тооллын XVII жарны “Муу нүүрт” хэмээх гал бичин жилийн сар шинийн баярт зориулсан бөхийн барилдааны үзэгчийн тасалбар 20-25 мянган төгрөгийн үнэтэй байх юм.
-
2016 оны 1 сарын 30
Томуу, томуу төст өвчнөөс сэргийлье
-
2016 оны 1 сарын 30
Сар шинийн баярыг угтсан бүх нийтийн их цэвэрлэгээ зохион байгуулна
2016 оны 1 сарын 26
Нийслэлийн иргэдийн ая тухтай орчинд ажиллаж, амьдрах нөхцлийг бүрдүүлэх, орчны тохижилтыг сайжруулах, хотын өнгө үзэмжийг нэмэгдүүлэх ажлын хүрээнд Сар шинийн баярыг угтан нийслэлийн хэмжээнд бүх нийтийн их цэвэрлэгээ зохион байгуулна. Цэвэрлэгээ 2016 оны 02 дугаар сарын 06-нд болох бөгөөд дүүргүүдийн Засаг даргын Тамгын газрын харьяа хэлтэс, хороод , их дээд, ерөнхий боловсролын сургууль, аж ахуйн нэгж байгууллага, иргэд оролцох юм.
Цэвэрлэгээний хүрээнд нийтийн эзэмшлийн зам талбай, гэр болон орон сууцны хорооллын халтиргаа гулгааг арилгаж, гудамжны түүвэр цэвэрлэгээг хийнэ. Энэ үеэр аж ахуйн нэгж, байгууллагууд орчныхоо 50 м газрыг цэвэрлэн, халтиргаа гулгааг багасгахад анхаарч ажиллана.
Нийслэл, дүүргээс хороодын нутаг дэвсгэрт үйл ажиллагаа явуулж буй аж ахуйн нэгж байгууллагуудын орчны цэвэрлэгээ, гэр хорооллын болон орон сууцны дунд байрлах хог хаягдлын түр хогийн цэгүүдийн хог хаягдлын зайлуулалт, тээвэрлэлтэд хяналт тавина. Мөн гаднах орчныхоо цэвэрлэгээг хийгээгүй, хангалтгүй зохион байгуулсан аж ахуйн нэгж, байгууллагуудад хариуцлага тооцох юм.
ЭХ СУРВАЛЖ: УЛААНБААТАР ХОТЫН ЗАХИРАГЧИЙН АЖЛЫН АЛБА
-
2016 оны 1 сарын 30
“Монголд үйлдвэрлэв-Цагаан сар 2016” үзэсгэлэн худалдаа болж байна
