-
2015 оны 8 сарын 26
Авто худалдааны цогцолборын эхний ээлжийн ажил үргэлжилж байна.
-
2015 оны 8 сарын 26
Оюутан, өндөр настан, хөгжлийн бэрхшээлтэй иргэдийн нэрийг ашиглан улсаас их хэмжээний мөнгө шамшигдуулсан гэх нийтийн тээврийнхний хэргийг удахгүй шүүхэд шилжүүлэхээр болжээ.
-
2015 оны 8 сарын 26
Монгол Улстай Нийгмийн хамгааллын салбарт хамтран ажиллах хэлэлцээргүй орнуудад оршин сууж байгаа Монгол Улсын иргэдийг нийгмийн даатгалын сайн дурын даатгалд хамруулах, нийгмийн даатгалын шимтгэлийг шилжүүлэх, хүлээн авах үйлчилгээг цахимаар хийх ажлыг Нийгмийн даатгалын байгууллага зохион байгуулж эхэлжээ.
-
2015 оны 8 сарын 26
Зуслангийн чиглэлийн зарим замыг хэсэгчлэн нээсэн байна. Тухайлбал, Долоон буудлын замын цагдаагийн посттой уулзвараас Шадивлан хүртэлх таван км автозамыг нээжээ. Ингэснээр иргэд энэ замыг сонгох боломжтой болжээ.
Энэ зуны хувьд зуслангийн замаас гадна нийслэлийн зүүн хэсгийн замд засвар шинэчлэлийг хийж байна. Албаныхны мэдээлж буйгаар 14 байршилд 91 тэрбум төгрөгөөр засвар хийж байгаа юм. Зам засварын ажлыг ирэх сарын нэгнээс өмнө албан ёсоор дуусгах төлөвлөгөөтэйгөөр ажиллаж байгаа аж.
-
2015 оны 8 сарын 26
Энэ сарын 28-нд ялалтын баярыг тэмдэглэн өнгөрүүлнэ
-
2015 оны 8 сарын 26
УБТЗ-ын хөрөнгө оруулалтаар Баянгол дүүрэгт нэгэн шинэ цэцэрлэг үүдээ нээхэд бэлэн болжээ.
-
2015 оны 8 сарын 26
Солонгос улсын Пёнгтэк дүүргийн цагдаагийн газар тус дүүрэг дэх орон сууцны хорооллуудаар шөнийн цагаар явж бусдын дугуйг хулгайлж байсан Монгол Улсын иргэн таван залууг саатуулжээ.
-
2015 оны 8 сарын 26
Авлигатай тэмцэх газраас төрийн болон төрийн өмчит нийт 36 байгууллагын цахим хуудсан дахь мэдээлэлд явцын үнэлгээ өгөх ажлыг хийгээд байгаа ажээ.
-
2015 оны 8 сарын 26
Монгол Улстай Нийгмийн хамгааллын салбарт хамтран ажиллах хэлэлцээргүй орнуудад оршин сууж байгаа Монгол Улсын иргэдийг нийгмийн даатгалын сайн дурын даатгалд хамруулах, нийгмийн даатгалын шимтгэлийг шилжүүлэх, хүлээн авах үйлчилгээг цахимаар хийх ажлыг Нийгмийн даатгалын байгууллага зохион байгуулж эхлээд байна. Энэхүү ажлыг Төрийн банктай хамтран хэрэгжүүлж буй ба шинээр программ боловсруулах ажил дуусах шатандаа оржээ.
Гадаадад байгаа Монголчууд маань эх орондоо эргэн ирэх нийгмийн баталгаагаа хангах зорилгоор сайн дурын даатгалд хамрагдах хүсэл сонирхол их байдаг ч өөрсдөө шимтгэлээ төлөх боломжгүй, өөрийгөө төлөөлсөн хэн нэгнээр дамжуулан шимтгэл төлөх явцад хугацаа хоцроох, тасалдуулах, шимтгэл төлөх хувь хэмжээг нь өөрсдийн дураар бууруулах гэх мэт төвөгтэй байдал үүсдэг байсан юм.
Тэгвэл сайн дурын даатгалын гэрээг цахимаар үйлдэж, шимтгэлээ цахимаар төлөх боломжийг бий болгосноор асуудал цэгцэрч, сайн дураар даатгуулагчдын тоо ч өснө гэсэн хүлээлт байна. Тэрчлэн шимтгэл төлөх хугацаа, нөхцөлийг уян хатан байхаар зохицуулж өгч буйгаараа онцлог юм гэж Нийслэлийн Нийгмийн Даатгалын газраас мэдээллээ.
-
2015 оны 8 сарын 26
Наймдугаар сарын 26-ны Лхагва гарагт дараах байршлын хэрэглэгчдийг цахилгаан эрчим хүчээр тэжээдэг шугам тоноглолд засвар хийх тул хэрэглэгчид та бүхэн цахилгаан хэрэглээгээ түр зохицуулна уу.
-
2015 оны 8 сарын 26
Дотуур байрны бүртгэл нөгөөдөр эхэлнэ
-
2015 оны 8 сарын 26
Монгол III сургууль ххүүхдүүдээ 7-нд хүлээж авна
-
2015 оны 8 сарын 26
Эрдэнэт” үйлдвэр түр зогсолт хийнэ
29 секундын өмнө
Эдийн засаг
”Эрдэнэт” үйлдвэр түр зогсолт хийнэ
Лондоны бирж дээр нэг тонн зэсийн үнэ 8821 ам.долларт хүрч байсан үе бий. Харин одоо дөрвөн жилийн өмнөх үетэй харьцуулбал зэсийн үнэ 5000 ам.доллар болтлоо буурчээ. Зэсийн үнийн уналт жилд 500-600 ам.доллар байсан бол сүүлийн өдрүүдэд огцом хурдтайгаар унаж байгаа юм. Зэсийн үнэ унаж байгаа нь урд хөрш зэсийн хэрэглээгээ танасантай холбоотой гэж зах зээл ажиглагчид үзэж байгаа.
Шанхайн бирж л гэхэд өнгөрсөн сарын сүүлчээр зэсийн үнийн уналттай холбоотойгоор дөрвөн их наяд ам.долларын алдагдал хүлээжээ. Энэ нь Монгол Улсын эдийн засагт хүңдхэн дарамт болж буй юм байна. Төсвийн орлогын дийлэнхийг бүрдүүлдэг “Эрдэнэт” үйлдвэрийн байдал ч хүндэрч, 200 орчим тэрбум төгрөгийн алдагдалд оржээ. Уг нь энэ оны эхний хагас жилийн төлөвлөгөөт бүх зорилтуудаа давуулан биелүүлж байсан юм. Харин одоо үйлдвэрийн зарим цех сул зогсолтод шилжиж буй аж.
Үүссэн нөхцөл байдалтай холбоотойгоор “Эрдэнэт” үйлдвэр шинээр хөдөлмөрийн гэрээ байгуулах, мөн хөлсөөр болон гэрээгээр ажиллах иргэдийг авахыг түр зогсоожээ.
Зууны мэдээ
Г.Ган
-
2015 оны 8 сарын 26
Ялалтын 70 жилийн ойг энэ сарын 28-нд Улаанбаатар хотод тэмдэглэнэ
-
2015 оны 8 сарын 26
Үс шинээр үргээлгэх буюу засуулбал эрхтэн хурц болно
-
2015 оны 8 сарын 26
Ихэнх нутгаар солигдмол үүлтэй. Алтай, Хангай, Хөвсгөл, Хэнтэйн уулс болон Дорнод Монголын тал нутгаар түр зуурын бороо орно. Дуу цахилгаантай. Салхи зүүн зүгийн нутгаар зүүн хойноос, бусад нутгаар баруун өмнөөс секундэд 6-11 метр. Алтай, Хангай, Хөвсгөл, Хэнтэйн уулархаг нутгаар 21-26 градус, Алтайн өвөр говь болон говийн бүс нутгийн өмнөд хэсгээр 28-33 градус, бусад нутгаар 25-30 градус дулаан байна. УЛААНБААТАР ХОТ: Үүлшинэ. Бороо орохгүй. Салхи зүүн өмнөөс секундэд 6-11 метр. 28-30 градус дулаан байна. Өглөө 06 цагт Улаанбаатарт: 17 градус дулаан, харьцангуй чийг 57 хувь, агаарын даралт 871 гектопаскаль байлаа. Даралт өдөртөө тогтвортой байна.
-
2015 оны 8 сарын 25
Хэнтий аймгийн прокурорын газар “Прокурорын байгууллагын 85 жилийн ойг угтаж зохион байгуулах бүтээлч аяны удирдамж”-ийн хэрэгжилт, 2015 оны эхний хагас жилийн мэдээ, тайлангийн дүн зэрэгт үнэлэлт дүгнэлт хийсний үндсэн дээр сүүлийн хагас жилд прокурорын үндсэн хяналтын ажлын чанар, үр дүнг сайжруулах, урьд өмнө нь хийсэн зөвлөгөөнөөс гарсан шийдвэрийн хэрэгжилтийг тооцон тодорхой арга хэмжээ авч хэрэгжүүлэх зорилгоор 2015 оны 07 дугаар сарын 23-ны өдөр хуулийн байгууллагуудын нэгдсэн зөвлөгөөнийг 2 дахь удаагаа зохион байгуулжээ.
Зөвлөгөөнд Эрүүгийн хэргийн анхан шатны шүүх, Прокурорын газар, Цагдаагийн газар, Шүүхийн шинжилгээний алба зэрэг орон нутгийн хуулийн байгууллагуудын удирдлага, албан хаагчид оролцсон байна.
Уг Зөвлөгөөнийг нээж аймгийн прокурор Д.Энхбаяр үг хэлсэн бөгөөд орлогч прокурор, хууль цаазын ахлах зөвлөх Б.Одгэрэл “Аймгийн хэмжээнд 2015 оны хагас жилийн байдлаар эрүүгийн хэрэг бүртгэлт, мөрдөн байцаалтын ажиллагаа явуулсан хэрэг, тэдгээрийн шийдвэрлэлт чанар, үр дүн, цаашид анхаарах асуудлаар” сэдвээр, Цагдаагийн газрын хэрэг бүртгэх, мөрдөн байцаах тасгийн дарга, цагдаагийн хошууч Г.Болор-Эрдэнэ “Аймгийн хэмжээнд 2015 оны хагас жилийн байдлаар гарч байгаа гэмт хэргийн эрүүгийн нөхцөл байдал, хэргийн илрүүлэлтийг сайжруулах талаар зохиосон ажил, хүрсэн үр дүн, Эрүүгийн байцаан шийтгэх хуулийн 205 дугаар зүйлийн холбогдох хэсэгт зааснаар түдгэлзүүлсэн хэргийн шийдвэрлэлт, хэргийг шийдвэрлэх талаар анхаарах асуудлууд” сэдвээр, туслах прокурор, хууль цаазын ахлах зөвлөх Ч.Хандаамаа “Хорихоос өөр төрлийн ялын хэрэгжилтийг сайжруулах тухай” Аймгийн прокурор, Цагдаагийн газрын даргын 2014 оны 06 сарын 02–ны өдрийн А/42, А/82 дугаартай хамтарсан тушаалын хэрэгжилтийн талаар, Шүүхийн шинжилгээний албаны дарга, дэд хурандаа Ц.Батсайхан “Шүүхийн шинжилгээний албанаас хэрэгжүүлж байгаа үйл ажиллагаа, бодлого зорилт”сэдвээр, Хэнтий аймаг дахь Эрүүгийн хэргийн анхан шатны шүүхийн шүүгч Д.Ганзориг “Шүүхэд шилжүүлсэн хэргийн хэрэг бүртгэлт, мөрдөн байцаалтын ажиллагаанд анхаарах асуудал” сэдвүүдээр тус тус мэдээлэл хийжээ.
Зөвлөгөөнөөс Хэрэг бүртгэлт, мөрдөн байцаалтын болон Ял эдлүүлэх ажиллагаанд тавих хяналтын ажлын чиглэлээр гаргасан заавар, журам, Аймгийн прокурор, Цагдаагийн газрын даргын хамтарсан тушаалуудын хэрэгжилтийг нэг мөр хангуулан биелэлтийг улирал бүр тооцож ажиллах талаар чиглэл өгч, цаашид хэрэгжүүлж ажиллах ажлуудын талаар “Зөвлөмж” гаргасан байна.
-
2015 оны 8 сарын 25
Нийслэлийн 2015 оны шилдэг тохижилт, ногоон байгууламжтай, цэмцгэр байгууллага, аж ахуйн нэгж шалгаруулах болзолт уралдааны хүрээнд Сүхбаатар дүүргийн 6 дугаар ажлын хэсэг 2015 оны 04 дүгээр сарын 20-ны өдрөөс 08 дугаар сарын 20-ны өдрийг хүртэл хугацаанд 3 хорооны нутаг дэвсгэрт үйл ажиллагаа явуулж буй нийт 276 аж ахуйн нэгж, байгууллагын тохижилт, цэвэрлэгээ үйлчилгээний ажлын явцад мэргэжил арга зүйн зөвлөгөө өгч, хяналт тавьж ажиллажээ.
Аж ахуйн нэгжүүдтэй хамтран ажилласнаар 5631 м2 талбайг зүлэгжүүлж, 61638 м2 талбайг цэвэрлэн, барилга, байгууламжийн гадна өнгө үзэмж, хаяг реклам, явган хүний зам, талбай, дугуйн болон авто машины зогсоолын тэмдэг, тэмдэглэгээг шинэчилж, нийт 650.4 сая төгрөгний тохижилтын ажил хийсэн 94 байгууллагад “Инээмсэглэл” наасан.
Орчны тохижилт, цэвэрлэгээг хангалтгүй биелүүлсэн 24 аж ахуйн нэгж байгууллагад “Гахай“ нааж, хугацаатай үүрэг даалгавар өгсний дүнд 23 байгууллага зөрчил дутагдлаа арилгаж, орчны тохижилт, ногоон байгууламжаа сайжруулсан болно.
Харин тохижилт, цэвэрлэгээндээ анхаараагүй Люксор ХХК-ийн “Люксор” баарны согтууруулах ундаагаар үйлчлэх тусгай зөвшөөрлийг хүчингүй болгох саналыг холбогдох байгууллагуудад хүргүүлсэн.
Согтууруулах ундаа худалдах болон түүгээр үйлчлэх тусгай зөвшөөрөлтэй худалдаа, хоол үйлдвэрлэл, үйлчилгээний газруудыг аттестатчилах удирдамжийн дагуу 2,12,15 дугаар хороодын худалдааны 13, нийтийн хоол үйлдвэрлэлийн 5 нийт 18 аж ахуйн нэгжид тодорхой хугацаатай тохижилт, ногоон байгууламжийг сайжруулах үүрэг даалгавар өгснөөр 107,3 сая төгрөгний тохижилтын ажлыг гүйцэтгэсэн. Байгууллагын гадна, дотор орчны тохижилт, цэвэрлэгээний өөрчлөлт, явцыг ажлын хэсэг фото зургаар баримтжуулсан.
Ажлын хэсэг аж ахуйн нэгжүүдтэйгээ хамтран “Унадаг дугуйн зогсоолтой Улаанбаатар” төслийг дэмжиж, нийгмийн сайн сайхны төлөө хөрөнгө оруулалт хийж унадаг дугуйн зогсоолыг байгуулах хөдөлгөөнийг өрнүүлсэн. Байгууллагуудад шинэ санал санаачлагаа танилцуулан ажилласнаар “Сант-Асар” ХХК, Улаанбаатар хотын Нацагдоржийн нийтийн төв номын сан, Грийт-Импайр ХХК-ийн “Их Монгол”ресторан, Царамтрейд ХХК-ийн “Царам” хүнсний дэлгүүр, Говь түшээ ХХК-ийн “Бүрд зах”, Номин тав трейд ХХК-ийн “Номин супермаркет” зэрэг 7 газар дугуйн зогсоол хийсэн. Зам тээврийн Яам, Алтан жолоо ХХК-ийн Сансар 32 худалдааны төв, Сонгино хангай ХХК-ийн Миний дэлгүүр нь тохижилтын ажлын төлөвлөгөөндөө унадаг дугуйн зогсоолыг байгуулах төсвийг тусгаж, бэлтгэл ажлыг хангаж ажиллаж байна.
Ажлын хэсгийн гишүүн 12 дугаар хорооны Засаг дарга Ц. Долгормаагийн санаачлагаар “Бүтээлч ажлын өдөр” –ийг 7 хоногийн 5 дахь өдөр болгон зарлаж, “Ая тухтай, амар тайван, ажил үйлсээ хийж, шилдэг үйлчилгээг нэвтрүүлцгээе” уриатайгаар байгууллага, аж ахуйн нэгжээр бүтээлч ажлын дэвтэр аялуулсан. Үүний үр дүнд “Бүтээлч ажлын өдөр” –ийн зар, хийсэн ажлын мэдээг фото зургаар баримтжуулж, урсдаг самбараар сурталчлан, уриалгыг иргэдэд тараах ажлыг хийсэн. Ингэснээр бүх нийтийн их цэвэрлэгээнд иргэд , аж ахуйн нэгжүүд идвэхитэй оролцож байна. Мөн хорооныхоо ажлын байранд цэцэгжүүлэх хөдөлгөөнийг өрнүүлж, “Эко орчин бүрдүүлэхэд анхаарч ажилласан. Хорооныхоо траншейны тагийг “Смайл” болгож будах ажлыг санаачилан зохион байгуулсан байна гэж Улаанбаатар хотын Захирагчийн ажлын албанаас мэдээллээ.
-
2015 оны 8 сарын 25
“Цагдаагийн инээмсэглэл” фото зургийн уралдааны хугацаа сунгагджээ
-
2015 оны 8 сарын 25
Монгол Улсын Архидан согтуурахтай тэмцэх тухай хуулийн шинэчилсэн найруулга УИХ-н 2015 оны 06 дугаар сарын 11-ний өдрийн хуралдаанаар батлагдан хүчин төгөлдөр мөрдөгдөж байна.
Тус хуулийн 6 дугаар зүйлийн 5 дэх хэсэгт Аймаг, нийслэлийн Засаг дарга, чөлөөт бүсийн захирагч харьяалах нутаг дэвсгэртээ согтууруулах ундаа худалдах, түүгээр үйлчилгээ эрхлэх тусгай зөвшөөрөлтэй худалдаа, үйлчилгээний газрын үйл ажиллагаа явуулах цагийн хязгаарыг тогтооно гэж заажээ.
