Манай улсад коронавирусний батлагдсан 41 тохиолдол бүртгэгдсэн. Өнөөдөр нэмж халдвар илрээгүй гэдгийг ХӨСҮТ-ийн захирал Д.Нямхүү онцоллоо.

Өнөөдрөөс эхлэн гурав хоногийн хугацаанд ЭМЯ, цагдаа, онцгой, мэргэжлийн хяналтынхан алба хаагчид хамтын үзүүлэх сургуулилт хийж байна. Энэ үеэр гэнэтийн дуу чимээ гарна. Иргэдийн зүгээс халдвар гарлаа гэж цочирдохгүй байхыг анхаарууллаа.

Монголбанкны дотоод бүтцэд томоохон өөрчлөлт орохоор болжээ. Тухайлбал, тэргүүн дэд ерөнхийлөгч О.Эрдэмбилэгийг чөлөөлж, Төрийн банкны гүйцэтгэх захирал Г.Дөлгөөнийг томилох бол дэд ерөнхийлөгчөөр "Үндэсний давхар даатгал" ХК-ийн гүйцэтгэх захирал Г.Энхтайванг томилох асуудлыг өнөөдөр УИХ-ын Эдийн засгийн байнгын хороогоор хэлэлцэх гэж байна. 

УИХ-ын гишүүн Б.Саранчимэг, Б.Наранхүү нарын эгч дүүс төрийн нэг танхимд төрийн эрх барих дээд албан тушаал хашдагийг уншигчид мэдэх буй. Тодруулбал, УИХ-ын гишүүн Б.Наранхүү Дундговь аймгийн 16 дугаар тойрогт Ардчилсан намаас, харин түүний эгч Б.Саранчимэг Монгол Ардын Намаас Баянзүрх дүүргийн 51 дүгээр хороонд нэр дэвшин ялалт байгуулсан юм.

Монгол Улсын Засгийн газар болон Азийн хөгжлийн банк (АХБ) өнөөдөр хүнсний ногоо үйлдвэрлэлийг дэмжих, усалгаатай газар тариаланг хөгжүүлэх, ногоочдын чадавх, орлогын нэмүү өртгийн сүлжээг хөгжүүлэх, хүнсний хангамж, аюулгүй байдлыг сайжруулах зорилго бүхий нийт 42 сая ам.долларын санхүүжилттэй төслийн зээл болон буцалтгүй тусламжийн хэлэлцээрүүдэд гарын үсэг зурлаа.

ОХУ-ын Ерөнхийлөгч Путин энэ сарын 5-нд зарлиг гаргаж Дундговийн малчин, фронт С.Цэгмид хэмээн олноо алдаршсан бууралд ‪Аугаа их Эх орны дайны ялалтын 75 жилийн ойн медалийг гардууллаа.‪

Ерөнхий сайд асан М.Энхсайханд холбогдох шүүх хурал Чингэлтэй дүүргийн шүүхэд хоёр дахь өдрөө үргэлжилж байна. Түүнийг “Сошиал сүлжээнд хэтэрхий идэвхтэй байгаа нь шүүх ажиллагаанд нөлөөлөх магадлалтай” гэсэн үндэслэлээр цагдан хорих шийдвэрийг шүүхээс гаргаад байсан.

Өнөөдрийн байдлаар дэлхий нийтээр халдварын тохиолдол 79.5 мянгаар нэмэгдэж 3.7 саяд хүрлээ. Эдгэрсэн хүний тоо 1.2 сая, эмчлүүлж байгаа 2.2 сая хүн байна.

24цаг.мн сайт УИХ-ын гишүүдийг тойрог тус бүрээр нь танилцуулж байгаа билээ. Энэ удаад УИХ-ын 34 дүгээр тойрог буюу Ховд аймгаас сонгогдсон Б.Пүрэвдоржийг онцолж байна. МУИС-ийн Олон усын харилцааны дээд сургуулийг англи хэлний багш, орчуулагчаар төгссөн тэрбээр Гадаадын иргэн, харьяатын газрын даргаар ажиллаж байгаад 2016 оны сонгуулиар нэр дэвшин УИХ-ын гишүүнээр сонгогдсон юм.

Эрүүгийн хуульд зааснаар тусгай зөвшөөрөлгүйгээр ашигт малтмал олборлосон, олборлохыг завдсан бол 1-5 жил хорих, энэхүү үйлдлийг хийхдээ төрийн албан хаагчийн тавьсан хууль ёсны шаардлагыг эсэргүүцэх, хүч хэрэглэх, хүч хэрэглэхээр заналхийлж үйлдсэн бол 2-8 жилийн хорих ялтай хүнд гэмт хэрэг юм.

2017 оны нэгдүгээр сарын 16-нд хилийн салбарын хариуцсан хэсгээр манай улсын гурван иргэн ан хийж яваад хил зөрчиж ОХУ-ын талд хилийн манаатай таарч буцаж зугатаан улсын хил даван орж ирээд хилээс 10 км зайд айлд байсныг, 2019 оны наймдугаар 16-нд манай улсын долоон иргэн улсын хил зөрчин ОХУ-ын талд ан хийж яваад хилийн манаатай тааран зугтааж улсын хил даван орж ирсэн гэх цагийн байдлын мэдээллийн дагуу чиглэл тогтооход чухал үүрэг гүйцэтгэв. 2019 оны долдугаар сарын 26-ны өдөр. Манай улсын хоёр иргэн ОХУ-ын талаас адуу хулгайлан хил давуулан оруулж ирээд хилийн манаатай тааран тууж явсан адуугаа орхин зугтаасан тул тухайн 30 тооны адууг эрж хайн олох, чиглэл тогтоох эрлийн ажиллагаа зэрэг чухал ажиллагааг гүйцэтгэсэн

Засгийн газрын ээлжит хурал 08:00 цагаас эхэллээ. Өнөөдрийн хуралдаанаар нийт 12 асуудал хэлэлцэх дотор эхний ээлжинд сургалтын төвүүдийг нээх тогтоолыг батлав.

УЛААНБААТАР ХОТ: Үүлэрхэг. Бороо орохгүй. Салхи баруун өмнөөс баруун хойш эргэж секундэд 6-11 метр, зарим үед секундэд 13-15 метр хүрч шороон шуурга шуурна. Сэрүүсч өдөртөө 16-18 градус дулаан байна.

10.40 цагт  Нийслэлийн цагдаагийн газраас мэдээлэл хийнэ.

Мэдэгдэл

ҮБХИС-ийн харьяа "Ном мэдээллийн төв"-ийн шав тавих ёслол өнөөдөр боллоо. Уг барилгын ажил нь өнгөрсөн дөрөвдүгээр сарын наймны өдрөөс эхэлсэн бөгөөд ирэх оны арванхоёрдугаар сарын 1-нд ашиглалтад орохоор төлөвлөгджээ.

Монгол Улсын Их Хурлын гишүүн Ж.Энхбаяр өөрийн санаачлан боловсруулсан Газрын төлбөрийн тухай хуульд нэмэлт оруулах тухай, Цэргийн алба хаагчийн эрх зүйн байдлын тухай хуульд нэмэлт, өөрчлөлт оруулах тухай хуулийн төслүүдийг Улсын Их Хурлын дарга Г.Занданшатарт өргөн барилаа.

БНСУ-ын Засгийн газраас нийт 250.000 ам.долларын өртөг бүхий оношлуурыг Монгол Улсын Засгийн газарт олгох бөгөөд эхний ээлжид 30.000 удаагийн түргэвчилсэн оношлуурыг хүлээлгэн өглөө.

ЭМЯ-ны Гадаад харилцаа, хамтын ажиллагааны хэлтсийн дарга Б.Янжмаа 3Дэлхий дахинд 3.5 сая хүн коронавирусийн халдвар авснаас 1.1 сая хүн эдгэж, 251 мянган хүн эдгэрсэн. Халдварын тохиолдлын тоогоор АНУ, Испани, Итали, Их Британи, ХБНГУ эхний тавд дараалж, ОХУ, Франц, Турк, Бразил удаалж байна. Мөн Өмнөд Америкт Чили улсад халдвар эрчтэй тархаж байна. Түүнчлэн халдварын эсрэг эм, вакцин гаргахад зориулж найман тэрбум доллар олгоно" гэдгийг өнөөдөр мэдээллээ.

“Тавантолгой түлш” ХХК үйлдвэрлэлийн ачаалал буурсантай холбогдуулан урсгал засвар болон их засварын ажлыг эхлүүлээд байна. Засвар ажлын хүрээнд үйлдвэрийн орчны тоосжилтыг бууруулах, байгаль орчин, ажилчдын эрүүл мэндэд үзүүлэх сөрөг нөлөөллийг бууруулах чиглэлээр дорвитой ажлуудыг хийж хэрэгжлүүлж байна.