Өнөөдөр буюу гуравдугаар сарын 22-ны Лхагва гарагт дараах байршлуудад цахилгаан эрчим хүч түгээдэг шугам тоноглолд урсгал засвар хийх тул та бүхэн хэрэглээгээ түр зохицуулна уу.

2017.3.22, ЛХАГВА ГАРАГ / БИЛГИЙН ТООЛЛЫН: 24

ХАВРЫН ТЭРГҮҮН ХАР БАР САР
ХОЁР ХАР МЭНГЭТЭЙ ШАР БИЧ ӨДӨР

Аргын тооллын: 2017.3.22, Лхагва гараг
Наран ургах шингэх: 06.51-19.07
Үс засуулбал: Өвчин эмгэг ирнэ
Барилдлага: Идэр
Шүтэн барилдлага: Авахуй
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Баяр баясгалангийн хурим үйлдэх, шинэ гэр барих, хувцас өмсөх, чимэг зүүх, бүжиг наадам үүсгэх, эм найруулах, гэргий авах, үс авах, элч зарах, эд авахад сайн. Зүүн нүд татвал хэрүүл, тэмцэл болох, баруун нь бол эд хувцас олох, зүүн чих нь цангинавал зочин ирэх, баруун нь бол гаслан болох, нохой уливал галзуурах, хэрээ гуаглавал ураг садан эндэх, тагнай загатнавал хэн нэгний үхсэнийг сонсох, бие татвал гэнэт зочин ирэх, хөл татвал үхэл болохыг үзэх болой. Өдрийн сайн цаг нь хулгана, үхэр, луу, могой, хонь, нохой болой.

БАРУУН АЙМГУУДЫН НУТГААР: Үүлэрхэг. Ихэнх нутгаар ахиухан хэмжээний нойтон цас орж, цасан шуурга шуурна. Салхи зүүнээс секундэд 5-10 метр, зарим газраар секундэд 12-14 метр хүрч ширүүснэ. Увс нуурын хотгор болон Идэр, Тэс голын хөндийгөөр шөнөдөө 12-17 градус, өдөртөө 3-8 градус хүйтэн, Алтайн өвөр говиор шөнөдөө 2 градус хүйтнээс 3 градус дулаан, өдөртөө 4-9 градус дулаан, бусад нутгаар шөнөдөө 5-10 градус хүйтэн, өдөртөө 1 градус дулаанаас 4 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө зарим газраар цас, Хангайн уулархаг нутгаар ахиухан хэмжээний нойтон цас орж, цасан шуурга шуурна. Салхи зүүнээс секундэд 5-10 метр, зарим газраар секундэд 12-14 метр хүрч ширүүснэ. Дархадын хотгор, Ерөө голын хөндийгөөр шөнөдөө 17-22 градус, өдөртөө 5-10 градус, Хангай, Хөвсгөл, Хэнтийн уулархаг нутаг, Орхон-Сэлэнгэ, Эг, Хараа голын хөндийгөөр шөнөдөө 11-16 градус, өдөртөө 0-5 градус, бусад нутгаар шөнөдөө 5-10 градус хүйтэн, өдөртөө 2 градус дулаанаас 3 градус хүйтэн байна.
ЗҮҮН АЙМГУУДЫН НУТГААР: Үүлшинэ. Цас орохгүй. Салхи хойноос секундэд 6-11 метр. Хэрлэн, Онон, Улз, Халх голын хөндийгөөр шөнөдөө 13-18 градус хүйтэн, өдөртөө 1 градус дулаанаас 4 градус хүйтэн, бусад нутгаар шөнөдөө 8-13 градус хүйтэн, өдөртөө 0-5 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи зүүн хойноос секундэд 6-11 метр. Шөнөдөө 9-11 градус хүйтэн, өдөртөө 0-2 градус дулаан байна
ГОВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө, зарим газраар ахиухан хэмжээний нойтон цас орно. Салхи зүүн өмнөөс секундэд 6-11 метр, зарим газраар секундэд 12-14 метр хүрч ширүүснэ. Шөнөдөө Өмнөговийн нутгаар 1-6 градус, бусад нутгаар 4-9 градус хүйтэн, өдөртөө бүх нутгаар 3-8 градус дулаан байна.
УЛААНБААТАР ХОТ: Үүлшинэ. Цас орохгүй. Салхи зүүн өмнөөс секундэд 7-12 метр. Шөнөдөө Яармаг-Сонгины орчмоор 8-10 градус, бусад хэсгээр 5-7 градус хүйтэн, өдөртөө 0-2 градус дулаан байна.

АНУ-ын үндэсний коллежийн аварга шалгаруулах тэмцээн өнгөрсөн амралтын өдрүүдэд Миссури мужийн Сент Луис хотод боллоо. 20 мянган үзэгч үзэж сонирхсон тус тэмцээнийг спортын ESPN суваг телевиз шууд дамжуулан үзүүлжээ. Олимп, дэлхийн аварга Охайогийн их сургуулийн оюутан Кайл Снайдер хамгийн хүн жин буюу 130 кг-ын жинд хоёр, “Рио-2016” олимпийн наадмын хүрэл медальт, Миссуригийн их сургуулийн оюутан Жейден Кокс 90 кг-д гурав дахиа түрүүллээ. Олимпийн аварга Снайдер хамгийн хүнд жинд хоёр жил дараалан түрүүлсэн хамгийн залуу аварга болсон юм.
Олимпийн хошой, дэлхийн дөрвөн удаагийн аварга Оклахомагийн их сургуулийн дасгалжуулагч алдарт бөх Жон Смитийн төрсөн дүү Пэт Смит 1990-1992, 1994 онд, Афины олимпийн аварга Кайл Сандерсон 1999-2002 онд, Кайл Дэйк 2010-2013 онд, өнгөрсөн жилийн дэлхийн аварга Логан Стейбер 2012-2015 онд NCAA-гийн түүхэнд дөрвөн удаа түрүүлсэн түрүүлсэн нь дээд амжилт. Ялангуяа NCAA-гийн ”Алдрын танхим”-ын гишүүн Дэйк дөрвөн өөр жинд түрүүлсэн нь хэн ч эвдэхээргүй амжилт юм.
Олимпийн аварга Каэль Сандерсон дасгалжуулагчтай Пенсальваниягийн их сургууль тэргүүлсэн. Тэд сүүлийн долоон жилийн зургаад нь багийн дүнг тэргүүлжээ.

Инфографик: Монгол улсын харьяат казах үндэстэн

Асашёорюү Д.Дагвадоржnay ”Наурыз”-ын баярын хөгжилтэй мэндчилгээ

Өчигдрөөс эхлэн манай орны ихэнх нутгаар их хэмжээний нойтон цас орж, цаг агаарын нөхцөл хүндэрсний улмаас замын зорчих хэсэгт халтиргаа гулгаа үүсч, зам тээврийн осол, хэрэг гарч болзошгүй байна.
Иймд иргэд, жолооч нар цаг агаарын нөхцөл байдал, тээж яваа ачаа, замын зорчих хэсэг гадаргууны байдалд тээврийн хэрэгслийн хурдаа зөв тохируулан анхаарал болгоомжтой замын хөдөлгөөнд оролцох, тээврийн хэрэгслийн техникийн бүрэн бүтэн байдлыг хангах, хамгаалах бүсийг тогтмол хэрэглэж аюулгүй байдлаа сайтар ханган замын хөдөлгөөнд оролцохыг Замын цагдаагийн албанаас зөвлөж байна.

“Араатан ба гоо үзэсгэлэн” кино 3-р сарын 17-нд нээлтээ хийсэн даруйдаа Box Office-ийг тэргүүлж эхэлжээ. Одоогийн байдлаар Америкийн Box Office-т 170 сая ам доллар, дэлхий даяр 350 сая долларын ашиг орлогыг тус тус олоод байгаа аж.



Уг кино нь 1991 онд гарсан сонгодог хүүхэлдэйн кино болох “Beauty and The Beast”-ийн уран сайхны хувилбар нь юм. Гоо үзэсгэлэнт охины орчин дүрд Английн жүжигчин Эмма Уатсон тоглосон бөгөөд харин мангасын дүрд жүжигчин Дан Стевенс тогложээ.

Нийслэлийн ерөнхий боловсролын 1, 9, 13, 18, 23, 67, 93, 105, Шавь цогцолбор

Сүүлийн үед боом, цэцэг, галзуу гэх мэт малын өвчний гаралт ихэссэн. Тодруулбал, Баянхонгор аймгийн Өлзийт сумын Бурхант баг, Бууцагаан сумын Баянбүрд багт малын “Боом” өвчин гарсан талаар ОБЕГ-аас мэдээллээ.

Нийслэлийн Засаг даргын тамгын газар Европын сэргээн босголт хөгжлийн банктай “Ногоон хотууд” хөтөлбөрийг хэрэгжүүлэх харилцан ойлголцлын санамж бичигт гарын үсэг зурлаа. Уг арга хэмжээнд нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан, Европын сэргээн босголт хөгжлийн банкны Төв Ази, Монгол, Орос улс хариуцсан захирал Наталиа Канженкова болон бусад албаныхан оролцов.

Санамж бичигт гарын үсэг зурсныхаа дараа нийслэлийн Засаг даргын орлогч Ж.Батбаясгалан “Монгол Улсын нийслэл Улаанбаатар хот өргөжин тэлэхийн хэрээр тулгамдсан асуудал олширч байна. Ялангуяа байгаль орчны үндэс суурь болсон агаар, ус, хөрсний бохирдол өнөөдөр бидний өмнө нэн түрүүнд тулгамдсан асуудал болсон. “Ногоон хотууд” хөтөлбөрийг бохир усыг хэрхэн цэвэршүүлж, эргээд хэрхэн ашиглах, ногоон дэд бүтцийг хөгжүүлэх, хатуу хог хаягдлыг яаж шийдвэрлэх вэ гэсэн олон асуудлын хүрээнд хэрэгжүүлэх болно. Түүнчлэн Улаанбаатар хотын өмнө цэвэр усны нөөцийн асуудал нэлээн тулгамдаж байгаа. Европын сэргээн босголт хөгжлийн банктай ногоон хотыг бий болгох маш олон төслийг бэлтгэж, хэрэгжүүлнэ. НҮБ-ын конвенцид нэгдэн орсон улс орнууд уур амьсгалын өөрчлөлтөд тэсвэртэй ялангуяа хүлэмжийн хийг багасгах, томоохон хөрөнгө босгох ажил хийж, хэрэгжүүлж байгаа. Тиймээс бид бүхэн дэлхийн жишигт нийцсэн төсөл хөтөлбөр хэрэгжүүлж, улмаар хөрөнгө мөнгө босгоход энэхүү санамж бичиг маш түлхэц болох юм” хэмээн онцоллоо.

Харин Европын сэргээн босгол хөгжлийн банкны Төв Ази, Монгол, Орос улс хариуцсан захирал Наталиа Канженкова “Хөтөлбөрийн хүрээнд байгаль орчин, ногоон хөгжил, аюулгүй байдал чиглэлээр маш чухал төслүүд хэрэгжинэ. Хатуу хог хаягдал болон бохир ус цэвэршүүлэх төслийн бэлтгэл ерөнхийдөө хангагдчихсан. Бид эдгээр төслийг хэрэгжүүлэхэд шаардлагатай санхүүгийн эх үүсвэрийг олоход дэмжлэг үзүүлнэ. Санхүүжилт, хөрөнгө оруулалтыг Дэлхийн Цаг уурын сангаас татах боломжтой гэж бид үзэж байгаа. Энэ хөтөлбөрийг хэрэгжүүлснээр Улаанбаатар хотын хөгжилд маш эерэгээр нөлөөлнө гэдэгт найдаж байна” хэмээв гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын дарга М.Энхболд Японоос санхүүгийн дэмжлэг хүснэ

Өнөөдөр 09:30 цагийн орчимд Баянзүрх дүүргийн нэгдүгээр хороо Сансарын тунель орчимд Ч41 буюу Баруунсалаа-Халдвартын чиглэлийн нийтийн тээврийн үйлчилгээнд явж байсан автобус шатсан хэрэг гарсан. Автобус 2007 онд БНСУ-д үйлдвэрлэгдсэн Монгол Улсад 2016 оны тавдугаар сард импортоор орж ирсэн “НЧБ” ХХК-ийн эзэмшлийн автобус байжээ.

Гал гарсан гэх дуудлагын дагуу Чингэлтэй дүүргийн Онцгой байдлын хэлтсийн аврах, гал унтраах 010 дугаар ангийн бие бүрэлдэхүүн яаралтай очиж галыг бүрэн унтраасан байна. Автобусанд 6-7 зорчигч үйлчлүүлж байсан. Гэмтсэн, бэртсэн, угаартсан хүн байхгүй аж.

Энэ талаар нийслэлийн Тээврийн газрын дарга Д.Отгонбаатар “Автобаазуудад өглөө бүр тээврийн хэрэгслийн бүрэн бүтэн байдлыг шалгаж гаргадаг шалгах механикууд байдаг. Автобусны гэрэл дохио, өнгө үзэмж зэргийг шалган гаргадаг. Далд цахилгааны асуудлыг тэр бүрчлэн шалгах боломж байдаггүй. Гал гарсан шалтгаан болон хохиролын хэмжээ 14 хоногийн дараа гарна. Тэр үед дэлгэрэнгүй мэдээллийг өгөх болно” хэмээлээ.

Нийслэлийн Онцгой байдлын газрын Гал түймэртэй тэмцэх газрын дарга Н.Нямхорлоо “Дуудлагын дагуу аврах гал унтраах ангийнхан очиход зорчигчдийг бүрэн буулгасан байсан. Гал мотор буюу хөдөлгүүрийн хэсгээс гарч тархсан байсан. 20 минутын дотор галыг бүрэн унтраасан” хэмээсэн юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

АНУ-ын Колумбус хотноо “Arnold classic international 2017” бодибилдинг фитнессийн олон улсын тэмцээн энэ сарын эхээр болж, Монголын бодибилдинг фитнессийн нэгдсэн холбооны тамирчин, Монголын мистер, ОУХМ Г.Дорж аваргын цомын эзнээр тодорч, элэг нэгтнүүдээ баярлуулсан билээ.

Тэрбээр өчигдөр эх орондоо ирсэн бөгөөд Монголын бодибилдинг фитнессийн нэгдсэн холбооны гүйцэтгэх захирал Г.Очир, дэд ерөнхийлөгч С.Болдбаатар, О.Чулуунбилэг нарын удирдлагууд тосон авч, хүндэтгэл үзүүлсэн юм.

Энэ үеэр шинэхэн аварга Г.Доржийн сэтгэгдлийг сонсож, цөөн хором ярилцлаа.

-Зэрэглэл, чансаагаараа дээгүүрт эрэмблэгддэг, Олон Улсын нэр хүндтэй, тэмцээнд амжилттай оролцож, Монголоос анх удаа аваргын цомын эзэн болж, спортын түүхэнд, тэр дундаа бодибилдингийн спортод шинэ хуудас нээж буй танд баяр хүргэж, талархал илэрхийлье?

-Баярлалаа. “Arnold classic international 2017” бодибилдинг фитнессийн олон улсын тэмцээний аваргын цомыг эх орондоо анх удаа авчирч байгаадаа маш их баяртай байна. Намайг бүхий л талаар дэмжиж байсан бүх хүнд чин сэтгэлээсээ талархаж байна.

-Бодибилдингийн спорт өөрөө хүнээс маш их хүчин чармайлт, тэсвэр тэвчээр гаргахыг шаарддаг спорт шүү дээ. Таны хувьд бэлтгэлээ сайн хангасан байсан уу. Хамгийн хүчтэй өрсөлдөгч аль орны тамирчин байсан бэ?

- Arnold classic бол азийн болон дэлхийн аваргын шилдэг тамирчид оролцдог зэрэглэл өндөр тэмцээн. Миний жинд 18 орны 19 тамирчин оролцож, өрсөлдсөн. Тэднээс АНУ-ын тамирчин хүчтэй өрсөлдөгч байлаа. Миний хувьд энэ спортоор 18 жил хичээллэж байна. Энэ хугацаанд шантралтгүй хичээллэж ирснийхээ үр дүнг үзэх сайхан байна.

Энэ тэмцээн мистэр олимпийн дараа, дэлхийн аваргын өмнө эрэмблэгддэг. Өнгөрсөн жил энэ тэмцээнд анх удаа оролцон ч хараахан амжилт үзүүлж чадаагүй.
Үнэхээр энэ тэмцээн азийн болон дэлхийн аваргууд оролцдог, чансаа, зэрэглэл өндөртэй тэмцээн болохоор тамирчдыг ямар хэмжээнд байна вэ гэдгийг харуулаад өгдөг юм билээ.

Өнгөрсөн жил бэлтгэл, сургуулилт дутуу байсныгаа ойлгосон. Энэ жил бэлтгэлээ маш сайн хангасан байсан. Өнгөрсөн жил 75 кг-д орж байсан бол жингээ хасаж, энэ жил 70-кг-д оролцлоо.

- Цаашдын зорилго, төлөвлөгөө, төсөөллөө бидэнтэй хуваалцахгүй юу. Ирээдүйгээ хэрхэн харж байна вэ?

-Надад мэргэжлийн тамирчин болох маш том мөрөөдөл бий.

Arnold classic мэргэжлийн тамирчдын карт өгдөг тэмцээн байгаа. Өөрөөр хэлбэл, энэ тэмцээнд жиндээ хоёр дараалан түрүүлсэн тохиолдолд мэргэжлийн тамирчны эрхтэй болно гэсэн үг.

Тэгэхээр ирэх жил амжилтаа давтвал Монголын анхны мэргэжлийн тамирчин болоход ойрхон байна. Энэ бол тамирчин бүрийн мөрөөдөл байгаа юм.

Ойрын үеийн тэмцээн гэвэл манай улсад Ази тивийн аварга шалгаруулах тэмцээн таван сарын 18-21-ны хооронд болно. Энэ тэмцээнд оролцоод ирэх жилийн Arnold classic тэмцээндээ бэлдэнэ дээ.

-Амжилт хүсье

-Баярлалаа

Тогтмол бэлтгэлтэй 150 гаруй тамирчин бий

1988 оноос эхлэн жил бүр уламжлал болон зохион байгуулагдсан тус тэмцээнд энэ жил 80 орны 700 гаруй тамирчин өрсөлдсөн байна.

Тус тэмцээний хувьд Олон улсын бодибилдинг фитнессийн холбооны чансаагаар хоёрт эрэмбэлэгддэг нэр хүндтэй тэмцээн юм. Энэ өрсөлдөөнөөс цомын эзэн болно гэдэг бол Монголд бодибилдингийн спорт хурдацтай хөгжиж байгаагийн тод жишээ болов уу.

Монголын бодибилдинг, фитнессийн нэгдсэн холбоо 1993 онд байгуулагдсан бөгөөд 2009 оноос эхлэн үйл ажиллагаа нь эрчимтэй явагдах болсон байна. Одоогийн байдлаар тогтмол бэлтгэлтэй 150 гаруй тамирчин тус холбоонд харьяалагдаж байна.

Мөн нийслэлийн хэмжээнд 5000-6000 хүн бодибилдинг, фитнессээр хичээллэдэг судалгаа байгаа юм. Энэ спортоор зөв техникээр хичээллэвэл монголын тамирчид ОУ-ын томоохон тэмцээнүүдэд амжилт гаргах бүрэн боломж бий гэдгийг Монголын бодибилдинг фитнессийн нэгдсэн холбооны гүйцэтгэх захирал Г.Очир онцолж байв.







Г.Сүрэн

Сүхбаатар дүүргийн нутаг, ОХУ-ын ЭСЯ-ны дэргэд байсан машин руу буудсан гэх хэргийн талаар бид мэдээлсэн.

Багшлах эрх олгох шалгалтын бүртгэл өнөөдөр дуусч байна. Бүртгэлийг Боловсрол, соёл, шинжлэх ухааны яам, Багшийн мэргэжил дээшлүүлэх институт хамтарч онлайнаар явуулсан бөгөөд шинээр сургууль төгссөн ерөнхий боловсролын сургууль, цэцэрлэгийн багш нар энэ шалгалтад хамрагдах юм.

Хан-Уул дүүргийн Иргэний хэргийн анхан шатны шүүхийн танхимд нэгэн эх амаржиж, шүүгчийн туслах нь эх барьж авчээ.

Монголын хөрөнгийн биржийн мягмар гаригийн арилжаа явагдлаа.

Монголбанк өнөөдөр валютын дуудлага худалдаа зохион байгууллаа.

Одоогоос яг 25 жилийн өмнө буюу 1992 онд НҮБ-ын Байгаль Орчин ба Хөгжлийн чуулга уулзалтад оролцогчид