10:00 цагт Монголын үндэсний бөхийн холбооны шинэ удирдлага Бөхийн өргөөний арын талбайд тайван цуглаан зохион байгуулах гэж байна.

Монгол Улсын Ерөнхийлөгчийн ээлжит сонгуулийн дахин санал хураалт орон даяар энэ сарын 7-нд явагдана.



Энэ дагуу маргааш СЕХ-ноос зөөврийн битүүмжилсэн хайрцгаар санал авна. Сонгуулийн тухай хуулийн дагуу, эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй болон захиргааны зөрчлийн улмаас баривчлагдсан, албадан саатуулагдсан, таслан сэргийлэх арга хэмжээ авсан, цагдан хоригдсон, Дайчилгааны тухай хуулиар нийтийн дайчилгаанд хамрагдсан иргэд ийнхүү зөөврийн битүүмжилсэн хайрцгаар саналаа өгөх юм.



Ерөнхийлөгчийн сонгуулийн хоёр дахь шатанд гадаадад байгаа иргэдийн саналаа өчигдрөөс эхэлж өгсөн бөгөөд санал авах ажиллагаа өнөөдөр 22 цагт дуусна.

Аргын тооллын 7 сарын 6, Бархасвадь гараг. Билгийн тооллын 13, Эрхтэний тэнгэрт одтой, хөх морь өдөр. Өдрийн наран 5 цаг 03 минутад мандан, 20 цаг 47 минутад жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал жаргал ирнэ.

УЛААНБААТАР ХОТ: Үүлшинэ. Бороо орно. Дуу цахилгаантай. Салхи баруун хойноос секундэд 5-10 метр, борооны өмнө салхи түр зуур ширүүснэ. Шөнөдөө 12-14 градус, өдөртөө 19-21 градус дулаан байна.УЛААНБААТАР ХОТ: Үүлшинэ. Бороо орно. Дуу цахилгаантай. Салхи баруун хойноос секундэд 5-10 метр, борооны өмнө салхи түр зуур ширүүснэ. Шөнөдөө 12-14 градус, өдөртөө 19-21 градус дулаан байна.

Сэрэмжлүүлэ: Маргаашаас усархаг бороо орно

Эрүүгийн цагдаагийн газрынхан АН-ын зарим гишүүдийг баривчилжээ. Энэ талаар сэтгүүлч Мөнхбаясгалан шууд дамжуулж байна.

-2017 оны нэгдүгээр сарын 1-нээс хойш хүүхдийн мөнгө аваагүй, хүүхдийн мөнгөнөөс хасагдсан хүүхэд бүрт нөхөж олгоно-

УИХ-ын гишүүн, Монгол Улсын сайд, ЗГХЭГ-ын дарга Ж.Мөнхбат манай улсад гаднын улсаас орж ирж хөдөлмөр эрхэлж байгаа иргэд болон зарим халамжийн бодлогын талаар мэдээлэл хийлээ. Мэдээллийн эхэнд Засгийн газрын ажиллах хүч оруулж ирж байгаатай холбоотой “Гаднын улс орноос олон мянган ажилчин оруулж ирж байна” гэсэн цахим сайт, сонин хэвлэлийн мэдээлэлд тайлбар өглөө. Монгол Улсад жилдээ 82 улсын иргэн хөдөлмөр эрхэлдэг байна. Үүнээс хамгийн олон тооны иргэн нь манай улсад хөдөлмөр эрхэлдэг 11 улс байдаг аж. Сүүлийн дөрвөн жилийн байдлаар авч үзвэл, 2013 онд гаднаас нийт 27191, үүний хамгийн олон нь буюу 22600 иргэн нь Хятадаас, 1623 нь Солонгосын ажилчид байна. Цаашлаад 2014 онд 26104, 2015 онд нийт 16643, 2016 онд 11152 иргэн, 2017 он гарсаар 9835 гаднын иргэн хөдөлмөр эрхэлж байна. Үүний 5841 нь БНХАУ-ын ажилчид байна. Тоон үзүүлэлтээс харвал 2013, 2014 онтой харьцуулахад дөрөв дахин буурсан үзүүлэлт байгааг тодотголоо.

Засгийн газрын хэрэг эрхлэх газрын дарга Ж.Мөнхбат “Засгийн газраас нийгмийн хамгаалал, халамжтай холбоотой хэд хэдэн шийдвэр гаргасан. Тэтгэврийг нэмэх шийдвэрийг гаргахдаа хувь тэнцүүлсэн болон бүрэн тэтгэврийн хэмжээг 40-50 мянган төгрөгөөр нэмж, хэрэгжүүлэх хугацааг 2018 оны нэгдүгээр сараас нэмэхээ албан ёсоор зарласан. Тэтгэврийн нэмэгдэлтэй холбоотой санхүүжилтийг ирэх арав, арваннэгдүгээр сард батлах 2018 оны улсын төсөвт шинээр суулгана. Хүүхдийн мөнгөтэй холбоотой асуудлыг Засгийн газрын өчигдрийн хуралдаанаар мөн шийдвэрлэсэн. Та бүхэн мэдэж байгаа. ОУВС-гийн хөтөлбөрт хамрагдахтай холбогдуулан цаад талаас хүүхдийн мөнгөний олголтыг бууруулах шаардлагыг Засгийн газарт тавьсан. ОУВС-гийн хөтөлбөрт хамрагдах хүсэлт гаргаж байсан үе буюу одоогоос 7-8 сарын өмнө манай улсын эдийн засаг хасах үзүүлэлттэй байсан. Мөн Монгол Улсад маш тулгуу төлөх хэд хэдэн том өр байлаа. Тодруулбал, Хөгжлийн банкны бондын 580 сая ам.доллар, “Чалко”-д төлөх 170 сая ам.доллар, БНХАУ-ын Ардын банкинд төлөх своп зээлийн хоёр тэрбум ам.доллартай тэнцэх хэмжээний төлбөрийн асуудал хаяанд тулсан байсан. Энэ бүхнийг Засгийн газар зарим нэгийг нь төлж, үлдсэн хэсгийг нь эдийн засагт дарамт болохгүйгээр шийдвэрлэснээр эдийн засагт ногоон гэрэл ассан. Хөрөнгө оруулагчид олширч, манайд орж ирж байгаа хөрөнгө оруулалт ч нэмэгдэж байгаа. Үүний нэг жишээ бол ам.долларын ханшийн сулрал гэж ойлгож болно. Харамсалтай нь Ерөнхийлөгчийн сонгуультай холбогдуулан сүүлийн үед ам.долларын ханш жаахан өсөх хандлагатай байна. Ер нь бол Монгол Улсын эдийн засаг өнөөдрийн байдлаар 4-4.5 хувийн өсөлттэй байна. Богино хугацаанд эдийн засагт ийм эерэг үзүүлэлт гаргаж байгаа нь Засгийн газрын томоохон боломж, ахиц юм” гэлээ.

Мөн тэрбээр сүүлийн 4-5 жилийн хугацаанд анх удаа төсвийн орлого 500 тэрбум төгрөгөөр давж биелсэн нь эдийн засагт эерэг нөхцөл байдлыг бий болгосон гэв. Тиймээс эдийн засгийн өсөлт, орлогын нэмэгдлийг Монголын ард түмэн, өрх бүр хүртэх ёстой гэдэг зарчмыг Засгийн газар баримталж байгаагаа онцлов. Тухайлбал, хүүхдийн мөнгийг хүүхэд бүрт 100 хувь олгох шийдвэрийг гаргасан. Энэ шийдвэрийн дагуу 2017 оны нэгдүгээр сарын 1-нээс хойш хүүхдийн мөнгө аваагүй, хүүхдийн мөнгөнөөс хасагдсан хүүхэд бүрт нөхөж олгох юм байна. Ингэснээр долоо, наймдугаар сараас хүүхэд бүр мөнгөө авах боломжтой болж байна. Хүүхдийн мөнгө олголтод жилдээ 100 орчим тэрбум төгрөг шаардлагатай. 2017 оны төсөвт хүүхдийн мөнгөнд 161 тэрбум төгрөг тусгасан учраас хүүхдийн мөнгөний нөхөн олголтыг хийх боломжтойг хэлсэн юм. Засгийн газар ОУВС-тай хэлэлцэж тохирсон нэг асуудал нь эдийн засгийн өсөлт, үр шим гарч байгаа тохиолдолд нийгэм, ард иргэддээ хандсан халамжийн бодлогыг үе шаттайгаар хэрэгжүүлэх талаар ярилцжээ. Харин хүүхдийн мөнгийг хүүхэд бүрт олгохтой холбогдуулж төсөвт тодотгол хийх аж.

Хэвлэлийнхэн “Эрдэнэт”-тэй холбоотой асуудлаар мөн асуулт асуусан. Тухайлбал, өчигдрийн Засгийн газрын хуралдаанаар “Эрдэнэт”-ийн хувьцаанаас иргэдэд хувь хишиг хүртээнэ гэх шийдвэрийг тодруулсан. Тэрбээр “Өдгөөгөөс нэг жилийн өмнө УИХ-ын сонгуулийн үеэр ард түмэн, УИХ мэдээгүй байхад “Эрдэнэт”-ийн 49 хувийг хувьд зарсан асуудал болсон. Үүнээс үүдэн УИХ-ын 23 дугаар тогтоол гарч 100 хувь “Эрдэнэт”-ийг төрийн мэдэлд авч, төрийн өмч болгох тухай шийдвэр гарч, хэрэгжилтийг Засгийн газарт даалгасан. Үүний дагуу Засгийн газар шийдвэр гаргаж хэрэгжилтийг Төрийн өмчийн бодлого зохицуулалтын газар зохион байгуулж, “Эрдэнэт” үйлдвэр 100 хувь төрийн өмчийн мэдэлд ирсэн. 49 хувийг худалдаж авсан талынхан шүүхэд хандаж шүүхийн шийдвэр саяхан гарсан байгаа. Энэ шүүхийн шийдвэр бол Төрийн өмчийн бодлого зохицуулалтын гаргасан шийдвэрийг буруутгасан шийдвэр гарсан. Өчигдрийн Засгийн газраас гаргаж байгаа шийдвэр бол 100 хувь төрийн өмчид шилжүүлэн авна гэдгийг дахин баталгаажуулж Засгийн газрын албан ёсны тогтоол гарч байгаа. “Эрдэнэт”-ийн дээрх хувиас Монголын иргэн бүрт хувь эзэмшүүлэх шийдвэр гарч, яаралтай зохион байгуулахыг Сангийн яам, Төрийн өмчийн бодлого зохицуулалтын газарт үүрэг даалгавар өгөгдсөн гэлээ.

Э.Цэцэг

Нийслэлийн Иргэдийн Төлөөлөгчдийн Хурлын төлөөлөгч Б.Отгонсүхийн санаачилгаар нийслэлийн баруун бүсийн залуучуудын чөлөөт цагийг зөв боловсон өнгөрүүлэх нөхцлийг бүрдүүлэх зорилгоор Сонгинохайрхан дүүргийн 22 дугаар хорооны нутаг дэвсгэрт байрлах Цагдаа толгой орчимд цэцэрлэгт хүрээлэн байгуулах гэж байна. Нийслэлийн хөрөнгө оруулалтаар хийгдэх бүтээн байгуулалтын шавыг өнөөдөр тавилаа.

Үүнээс гадна нийслэлийн хамгийн олон хүн амтай Сонгинохайрхан дүүрэгт тулгамддаг нэг асуудал нь цэцэрлэгийн хүртээмж байдаг. Өнөөдөр 22 дугаар хороонд мөн 100 хүүхдийн цэцэрлэгийн цогцолборын шав тавилаа. Тус арга хэмжээнд УИХ-ын гишүүн Б.Ундармаа, Нийслэлийн Засаг дарга бөгөөд Улаанбаатар хотын Захирагч С.Батболд нар оролцов гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын дэд дарга Ц.Нямдорж Монгол Улсын тав дахь Ерөнхийлөгчийг сонгох долоо дахь удаагийн сонгуулийг “Гүйцэтгэх ажиллагаа дээд зэргээр явагдсан сонгууль боллоо” гэж дүгнэж байгаагаа анхан шатны санал хураалтын дүн гарсны дараахан хэвлэлийнхэнд мэдээлсэн.

Түүний хэлснийг товчхон хүргэвэл “Өмнө нь сонгуулийн үеэр гүтгэлэг, мөнгө, хууран мэхлэлт гэсэн гурван муухай зүйл гардаг байсан. Энэ удаагийн сонгууль дээр холын улбаатай маш муу зүйл гарсан нь монтаж, хар зохиол нэмэгдсэн” гэх тайлбар.

Үнэхээр ч өмнөх сонгуулиудаас ялгаатай нь тав дахь Ерөнхийлөгчийн төлөө өрсөлдөж буй нэр дэвшигчид хар пиар дээр голлож, тааруухан уран сайхны киноноос хувь илүү үнэмшилтэй хар зохиолоор сэдэвчилсэн нэвтрүүлгээрээ олны тархийг угааж буй нь худлаа биш. Үүний нэг жишээ УИХ-ын хамгийн залуухан гишүүн дээр явуулсан “Гантулга ажиллагаа”.

Цаг хугацаа, үйл явдлын дараалал, зохиолын зураглал, найруулгыг харахад хүүхэн хүчиндсэн гэх асуудлаар олны анхаарлыг татаад байгаа “Гантулга ажиллагаа”-ны ард өнгөрсөн дөрвөн жил Ардчилсан намд бүтэн нэр бүгээн зүсгүй хүн үлдэхгүй болтол нь намнасан нөгөө л танил сценари ажиглагдаж буйг нуух юун.

Сонгуулийн албан ёсны сурталчилгааны үеэр УИХ-ын гишүүн Д.Гантулга Ардчилсан намаас Ерөнхийлөгчийн сонгуульд нэр дэвшигч Х.Баттулгын бизнесийн бүлэглэлийн талаар цуглуулсан баримтаа олон нийтэд дэлгэн, “Эрдэс баялгийн хайгуул болон олборлолтын 39 лиценз, салбар бүрт шахуу ажилладаг 43 компани, 49 үл хөдлөх хөрөнгө байдаг” талаар дуулгасны дараахан МАН-ын залуу гишүүн хүүхэн хүчиндсэн гэх “бор шувуу” зарим сайтуудаар нисгэх болсон билээ

Эндээс үйл явдал, өрнөлийг нь харахад эртний танил сценарийн энэ удаагийн золиос нь Д.Гантулга гишүүн болчихов уу гэсэн хардлага ч төрж байна. Энэ талаар Д.Гантулга гишүүн өөрөө тайлбар хийхдээ “Гүтгэлгийг бодитойгоор няцаана” гэсэн байсан. Хэргийг цагдаагийн байгууллага хүчингүй болгосон гэх хохирогчийн эгчийн хажууд Н.Ичинноров гараад ирэхлээрээ л тавилттай жүжиг болоод хардагдаж эхэлснийг ч хэлэх ёстой байх.

Ц.Нямдорж гишүүн “Гүйцэтгэх ажилтай холбоотой хэсгийг мэргэжлийн хүн хийсэн. Сонгуулийн маш муу арга технологи улс төрд орж ирж байгаа”-д эмзэглэж буйгаа ч хэвлэлийнхэнд дуулгасан байна лээ. Өнгөрсөн УИХ-ын сонгуульд Хэнтий аймгаас сонгогдож, парламентын хамгийн залуухан гишүүнээр нэрлэгдэх болсон Д.Гантулга үнэхээр хүчингийн хэрэгтэн үү эсвэл гүтгэлэгт өртсөн үү. Үүнийг цаг хугацаа харуулах биз. Учир нь энэ асуудал сонгуулийн дараа яаж өрнөхөөс Д.Гантулга “хэн бэ” гэдэг нь харагдана гэсэн үг. Ерөнхийлөгчийн сонгуульд зориулсан тавилттай жүжиг биш бол шүү дээ.

Д.Гантулга М.Энхболдын парламентын хамгийн залуу нь. Түүнд авлига, хулгайн хэрэг тохох боломжгүй. Харин хүүхэн хүчиндсэн хэрэг нааж, зүүж өгөхөд яг тохиромжтой дүр. Энэ тохиолдолд иргэд илүү итгэх нь мэдээж.

Ямар ч байсан цаг хугацааны давхцал, үйл явдлын өрнөл, найруулга, зохиолыг нь харахад өнгөрсөн дөрвөн жил Г.Батхүүг тангаргийн буг, С.Баярцогтыг оффшорчин, Л.Гантөмөрийг мүүнчин, М.Батчимэгийг тагнуулчин, Х.Тэмүүжинг хар тамхичин болгож хувиргасан арга технолгитой адилхан байна. Гүйцэтгэх ажиллагааг мэргэжлийнхэн л хийдэг гэж Ц.Нямдоржийн хэлсэн үнэн. Хууль зүйн сайд дээрээ гүйцэтгэх ажиллагаа явуулж байгаа хуулийнхан УИХ-ын сул гишүүн дээр юу ч хийж чадна. Олон жилийн өмнө хүчингийн хэрэгт нэрт яруу найрагч, УИХ-ын гишүүн асан О.Дашбалбарыг ч холбож, гүтгэж гүжирдэж явсан гашуун түүх бий. Энэхүү хар технологийн ээлжит золиос нь энэ удаад Д.Гантулга болсон байх магадлалтай. Тиймээс Д.Гантулга хүчингийн хэрэгтэн үү, гүтгэлэгт өртсөн үү гэдгийг цагдаагийнхан заавал шалгаж, үнэн мөнийг нь заавал тогтоох ёстой. Хэрэв хүн хүчиндсэн бол гишүүн хариуцлагаа хүлээгээд яваг. Харин үгүй бол хэн нэгэн дээр гүйцэтгэх ажиллагаа явуулж, зорилгодоо хүрэхийн тулд бусдыг намнадаг хар технологитой хариуцлага заавал тооцох ёстой. Учир нь хэзээ нэгэн цагт хар технологитой гүйцэтгэх ажиллагааны золиос нь бид, бидний үр хүүхэд болж магадгүй учраас тэр.

Ж.ЭРХЭС

news.mn

Унаач хүүхдүүдийг хурууны хээгээр бүртгэнэ

УНТЭ дээр Бөөр болон Элэг, Ясны чөмөг, үүдэл эс шилжүүлэн суулгах үндэсний багууд төвлөрөн ажиллаж буй бөгөөд эдгээр багуудын эмч мэргэжилтэн боловсон хүчинд тулгуурлан тоног төхөөрөмж, багаж хэрэглэлээр хангагдсан оношлогоо, эмчилгээ сувилгаа, хяналтын нэгдсэн үйл ажиллагааны суурь тавигдсан билээ. Эдгээр багуудын үйл ажиллагаа нь тогтмол, нийтэд хүрэлцээтэй, нэгдмэл зорилго удирдлагатай байж, гадаадын ижил төстэй үйл ажиллагаа явуулдаг эрхтэн шилжүүлэн суулгах төв, институттэй хамтран ажиллах, эрхтэн шилжүүлэн суулгах мэс заслын эмчилгээ хийх, эрдэм шинжилгээ, сургалт судалгаа, мэдээллийн нэгдсэн сан байгуулах зэрэг олон талт үйл ажиллагааг нэгтгэж байхын тулд тус эмнэлэг дээр 2012 онд Эрхтэн шилжүүлэн суулгах төвийг байгуулсан. Ингээд Эрхтэн шилжүүлэн суулгах үндэсний багуудыг танилцууж байна.

Бөөр шилжүүлэн суулгах үндэсний баг

Монгол улсад анх 1996 онд бөөр шилжүүлэн суулгах баг байгуулагдсан. Англи улсын иргэн проф Морис Слапак, DHL компаний захирал асан Девид Аллан нарын санхүүгийн дэмжлэгтэйгээр БНХАУ, Тайланд, Финлянд, Англи улсад багийн гишүүд болох 14 эмч, сувилагч нар бөөр шилжүүлэн суулгах мэс засалд суралцсан.БНСУ-ын KOICA олон улсын байгууллагын дэмжлэгтэйгээр 250000 америк долларын үнэ бүхий эд нийцлийн болон дархлаа дарангуйлах эмийн тун үздэг лабораторийн тоног төхөөрөмж нийлүүлсэн.

Одоогийн байдлаар 136 хүнд бөөр шилжүүлэн суулгах хагалгааг хийсэн байна. Үүнээс 12-г нь цогцосны донороос бөөр шилжүүлэн суулгасан. Харин 2016 оны шинэ жилийн дараа 2 цогцосны донороос 4 бөөр, нэг элэг шилжүүлэн суулгасан байна.





Элэг шилжүүлэн суулгах үндэсний баг

БНСУ-ын Асан төвтэй хамтын ажиллагаа. 2009 оноос БНСУ-ын Сөүл хотын АСАН төвийн элэг шилжүүлэн суулгах багтай хамтран ажиллаж, профессор S.G.Lee болон түүний багийнхантай Монгол улсын элэг шилжүүлэн суулгах баг нь 2011 оны 9 сард анх удаа амьд донороос элэг шилжүүлэн суулгах мэс заслыг хамтарч амжилттай хийж гүйцэтгэсэн. Одоогоор нийт 36 үйлчлүүлэгчид амьд донороос элэг шилжүүлэн суулгах эмчилгээг хийж гүйцэтгээд байна.

2007 онд Английн иргэн профессор Морис Слапакийн дэмжлэгтэйгээр багийн анхны 2 гишүүн Финлянд улсад, Герман улсад элэг шилжүүлэн суулгах мэс заслын арга техникд суралцсан.

Одоо уг баг нь нийт 30 гаруй гишүүнтэй, эдгээр гишүүд АНУ, БНСУ, Австри, Финлянд улсад урт богино хугацаагаар элэг шилжүүлэн суулгах мэс заслын арга техникт суралцсан.



Ясны чөмөг, үүдэл эс шилжүүлэн суулгах үндэсний баг

Ясны чөмөг, үүдэл эс шилжүүлэн суулгах баг УНТЭ-ийн Ясны чөмөг, үүдэл эс шилжүүлэн суулгах баг 2010 онд байгуулагдсан. 2010 оноос БНСУ-ын Католикын их сургуулийн Гэгээн Мари-ийн эмнэлэг дээр 1-3 сарын хугацаатайгаар эмч, сувилагч, инженер зэрэг давхардсан тоогоор 25 хүн Ясны чөмөг, үүдэл эс шилжүүлэн суулгах эмчилгээний арга техникт суралцсан байна.

2014 онд анхны тохиолдол амжилттай болсон бөгөөд 2016 онд 4 дэх тохиолдлыг УНТЭ-ийн эмч нар бие даан амжилттай хийсэн билээ.

Нийслэлийн Засаг дарга бөгөөд Улаанбаатар хотын Захирагч С.Батболд Монгол Улсын Ерөнхийлөгчийн сонгуулийн дахин санал авахтай холбогдуулан зарим арга хэмжээний тухай захирамж гаргалаа.

онгинохайрхан дүүргийн 31-р хорооны иргэдийн хувьд Гэмтэл согог сэргээн засах үндэсний төв Саппоро хооронд автобусны буудал байхгүйгээс өглөө оройдоо хол алхаж байна гэх гомдол байнга гаргардаг байна.

Ойн хөнөөлт шавьж устгалд 6,6 тэрбум төгрөг шаардлагатай

Ойн хөнөөлт шавьжийн голомтыг бууруулах, тархалтыг хязгаарлах тэмцлийн ажлын 2017 оны гүйцэтгэл, шинээр хийх ажлын төлөвлөгөөг Засгийн газрын хуралдаанаар хэлэлцлээ. Улаанбаатар хотын ногоон бүс, Богдхан уулын дархан цаазат газар, Горхи, тэрэлжийн байгалийн цогцолбор газар болон 13 аймаг 85 сумын 2 сая га талбайд тархалтын судалгаа явуулах, 150 мянган га талбайд хөнөөлт шавьжаас хамгаалах тэмцлийн ажил явуулж, 60 хувийн ажлын гүйцэтгэлтэй байна. Ойн хөнөөлт шавьжийн биологийн онцлог нь долдугаар сарын сүүлээс наймдугаар сарын дунд үе хүртэл тэмцлийн ажил явуулахад хамгийн оновчтой үр дүнтэй байдаг. Харин энэ жилийн хувьд хуурайшилт ихтэй, гандуу байгаагаас үүдэн ойн хөнөөлт шавьжийн хөгжлийн үе шатууд өмнөх жилүүдийнхээс илүү хурдтай буюу даруй 20-25 хоногийн урд хөгжиж байгаа нь тогтоогджээ. Хурдацтай тархаж, их хэмжээний хохирол учруулж буй хөнөөлт шавьжийн устгалыг хийхэд агаарын хөлөг ашиглаж гүйцэтгэнэ. Ойн хөнөөлт шавьжийн тэмцлийн ажилд нийт 6,6 тэрбум төгрөг шаардлагатай байгааг төсвийн тодотголд тусгуулахаар Засгийн газар шийдвэрлэлээ гэж Засгийн газрын Хэвлэл мэдээлэл олон нийттэй харилцах хэлтсээс мэдээллээ.

«Улаанбаатар төмөр зам» ХНН-ийг байгуулах тухай ЗСБНХУ ба БНМАУ-ын Засгийн газар хоорондын 1949 оны 6 дугаар сарын 6-ны өдрийн хэлэлцээрийн дагуу «Улаанбаатар төмөр зам» ХНН-д ашиглалтын зориулалтаар олгосон газрыг баталгаажуулах ажил удаашралтай явж иржээ.

Тариалалтын технологи, аж ахуй эрхлэлтийн анхан шатны мэдлэг олгох сургалтыг өнөөдөр нийслэлийн Иргэний танхимд нийслэлийн Хөдөлмөр эрхлэлтийн газраас зохион байгууллаа. Сургалтын зорилго Хөдөлмөр эрхлэлтийн үндэсний зөвлөлийн 2017 оны 01 дүгээр тогтоолоор батлагдсан “Ажлын байрыг дэмжих хөтөлбөр”-ийн “Бүлгийн зохион байгуулалттайгаар хүнсний ногоо тариалах арга хэмжээ”-г иргэд олон нийтэд таниулах, арга хэмжээний танилцуулга, хэрэгжилтийн мэдээ, мэдээллийг хүргэх, тариалсан хүнсний ногоогоо арчлах, тарих арга аргачлалд сургах анхан шатны мэдлэг олгох, хөтөлбөрт хамрагдаж буй иргэдийг чадавхжуулахад оршиж байгаа юм. Тус сургалтад нийслэлийн Засаг даргын Нийгмийн асуудлыг хариуцсан орлогч Д.Энхтөр болон бүлгийн зохион байгуулалттайгаар хүнсний ногоо тариалах арга хэмжээнд хамрагдсан иргэд оролцов.

Сургалтын үеэр нийслэлийн Засаг даргын Нийгмийн асуудал хариуцсан орлогч Д.Энхтөр “Нийслэлин Засаг даргын 2016-2020 онд хэрэгжүүлэх “Нэг өрх-нэг ажлын байр” хөтөлбөрийг хэрэгжүүлээд эхэлсэн. Энэ дагуу бид бүхэн ард иргэд, айл өрхүүдийн дунд судалгаа явуулсан байгаа. Уг судалгаанд үндэслээд Сонгинохайрхан дүүргийн 21 дүгээр хороонд 100 га газарт иргэдэд тариалалт хийж өрхийн амьжиргаагаа дээшлүүлэх, орлогоо нэмэгдүүлэх боломж бүрдүүлэхээр ажиллаж байна. Өрх бүрийн амьжиргааг дэмжихийн тулд уг төсөлд 6 дүүргийн иргэдийг хамруулсан. Дүүргийн Хөдөлмөр халамжийн хэлтсээр дамжуулан иргэдэд мэдээлэл хүргүүлж, бүртгэлээ явуулсан. Бидний зүгээс газрыг нь бэлтгээд үрийг нь өгч, услах ус худгаар нь хангаж байна. Энэ газарт ногоо тарьж буй иргэд хураасан ногоогоо өөрөө зарж өрхийн орлогоо бий болгох бүрэн боломжтой. Үүнд тухайн хүнээс ганцхан сэтгэл л шаардагдах юм. Өрхийн амьжиргааг дэмжих, түр ажлын байраар дэмжих төсөл нь “Нэг өрх-нэг ажлын байр” хөтөлбөрийн хүрээнд хийгдэж буй нэг ажил бөгөөд цаашид иргэдийн хэр идэвхтэй байхаас шалтгаалаад цар хүрээг өргөтгөх талаар ярилцах болно” хэмээв.

2017 онд уг төсөлд 566 иргэн бүртгүүлж, үндсэндээ бүлэгт хуваагдаж тодорхой хэмжээний газарт үрээ тарьж, аж ахуйгаа эрхлээд эхэлжээ гэж нийслэлийн ЗДТГ-ын Хэвлэл мэдээлэл олон нийттэй харилцах хэлтсээс мэдээллээ.

УИХ-ын гишүүн Д.Гантулга тохиролцоё хэмээн 20 сая төгрөг өгчээ

Улсын Их Хурлын дарга М.Энхболдод Засгийн газрын гишүүн, Сангийн сайд Б.Чойжилсүрэн Монгол Улсын Засгийн газар, Азийн хөгжлийн банктай хэрэгжүүлэх ”Банкны салбарыг нөхөн сэргээх, санхүүгийн тогтвортой байдлыг бэхжүүлэх хөтөлбөр”-ийн Зээлийн хэлэлцээрийг соёрхон батлах тухай, мөн Монгол Улсын Засгийн газар Азийн хөгжлийн банк хооронд байгуулсан “Нийгмийн халамжийг дэмжих хөтөлбөр 2”-ийн Зээлийн хэлэлцээрийг соёрхон батлах тухай хуулийн төслүүдийг өнөөдөр (2017.07.05) өргөн мэдүүлэв.

УИХ-ын Нийгмийн бодлого, боловсрол, соёл, шинжлэх ухааны байнгын хорооны өнөөдрийн /2017.07.05/ хуралдаанаар Монгол Улсын нэгдсэн төсвийн 2016 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2016 оны төсвийн гүйцэтгэлийг батлах тухай” Улсын Их Хурлын тогтоолын төслийн хоёр дахь хэлэлцүүлгийг хэлэлцлээ. Байнгын хорооны хуралдааныг УИХ-ын гишүүн Д.Сарангэрэл даргалан явуулсан.

LIVE: УИХ-ын гишүүн Д.Гантулгад хүчиндүүлсэн гэх бүсгүйн эгч мэдээлэл хийж байна