Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдааны эхэнд өнгөрсөн зөвлөгөөнөөр нийслэлийн Засаг даргын өгсөн үүрэг даалгавар болон түүний биелэлтийн талаар НЗДТГ-ын Хяналт шинжилгээ, үнэлгээний хэлтсийн дарга Х.Гантулга танилцууллаа.

Нийслэлийн цагдаагийн газрын дарга, цагдаагийн хурандаа Ж.Эрдэнэболд “Өнгөрсөн 14 хоногийн хугацаанд гэмт хэргийн шинжтэй 7647 дуудлага мэдээлэл бүртгэгдсэн нь өмнөх 14 хоногтой харьцуулахад 197 нэгж буюу 2.5 хувиар, гэмт хэргийн шинжтэй 2058 үйлдэл бүртгэгдсэн нь 18 нэгж буюу 0.9 хувиар тус тус буурсан үзүүлэлтэй байна. Захиргааны зөрчил гаргасан 7240 иргэн, 32 аж ахуйн нэгжид 54.1 сая төгрөгийн торгуулийн арга хэмжээ авсан байна. Давхардсан тоогоор эргүүлийн 3081 чиглэлд 6162 алба хаагч ажилласан ба эргүүлийн хүн хүчийг нэмэгдүүлж ажилласнаар 2017 оны эхний 4 сард бүртгэгдсэн гэмт хэргийн тоо өмнөх оныхоос 16.1 хувиар буурсан үзүүлэлттэй байна” гэж танилцуулав.

“Замын цагдаагийн албаны Мэдээлэл шуурхай удирдлагын хэлтэст 3743 дуудлага мэдээлэл ирснээс хүн гэмтсэн хэргийн шинжтэй 140, зөрчлийн шинжтэй 1389 дуудлагад очиж хойшлуулшгүй ажиллагаа явуулан, 1529 ослыг материалжуулан шалгаж байна. Замын хөдөлгөөний дүрмийг сахиулах, малын хулгай, зөвшөөрөлгүй мах тээвэрлэх нөхцлийг таслан зогсоох зорилгоор орон нутгаас Улаанбаатар хот руу орох чиглэлүүдэд байрлах замын цагдаагийн 24 цагийн байнгын постуудад ОБЕГ, МХЕГ-тай хамтран хяналт шалгалтыг эрчимжүүлэн зөвшөөрөлгүй, гарал үүслийн гэрчилгээгүй мал, мах, түүхий эд тээвэрлэж явсан 42 зөрчил илрүүлж НМХГ-т шилжүүллээ. Энхтайваны өргөн чөлөөн дэх 48 хяналтын камераар зорчих хэсгийн нэгдүгээр эгнээгээр зорчсон 16311 зөрчил илрүүлж 391.464.000 төгрөгийн торгууль оногдуулан “Зөрчилд ногдуулсан торгуулийн мэдэгдэх хуудас”-ыг хаягаар хүргүүлсэн” гэж Нийслэлийн цагдаагийн газрын Замын хөдөлгөөний хяналтын газрын дарга, дэд хурандаа Б.Эрдэнэбат хэллээ.

НОБГ-ын Гамгийн шуурхай удирдлага, гал түймэртэй тэмцэх асуудал хариуцсан дэд дарга Д.Эрдэнэбаатар “Өнгөрсөн 14 хоногт нийслэл хот орчим хур тундас орж, зөөлөн салхи шуургатай байсан. Цаг уурын байгууллагаас гаргасан урьдчилан сэргийлэх мэдээгээр ойрын өдрүүдэд нийслэл хот орчмоор агаарын хэм халах төлөвтэй байна. Энэ сарын 17-ны өдөр Сонгинохайрхан дүүргийн 25 дугаар хороо, Зүүн салааны Богинын аманд ойн түймэр гарсныг Онцгой байдлын байгууллагаас 97, нийслэлийн Байгаль орчны газраас 10, нутгийн 15 иргэн, нийт 122 хүн, 17 автомашин техник хэрэгсэлтэйгээр 2.5 га талбайд гарсан түймрийг 3 өдөр ажиллаж унтраасан. Мөн Тэрэлжийн Өвөр горхи Онгоцтын аманд ойн түймэр гарсныг Онцгой байдлын байгууллагаас 13 албан хаагч, Мярааж, Гоож аялал жуулчны баазын 71 иргэн, 11 машин техник хэрэгсэлтэйгээр ажиллаж унтраасан. Чингэлтэй дүүргийн хэмжээнд гамшгийн эрсдэлийг бууруулах, урьдчилан сэргийлэх, аюулт үзэгдэл, техникийн холбогдолтой осол тохиолдсон үед авах хариу арга хэмжээг хэрхэн зохион байгуулах дадлагыг эзэмшүүлэх Гамшгаас хамгаалах иж бүрэн сургуулийг энэ сарын 11-12-ны өдөр 4 үе шаттайгаар 100 аж ахуйн нэгж байгууллага, 7 алба, 27 мэргэжлийн анги, сайн дурын хэсгийн 1358 ажилчин албан хаагчийг хамруулж амжилттай зохион байгуулсан” гэж танилцуулав.

“Өнгөрсөн хугацаанд эм биобэлдмэлийн чиглэлээр хяналт шалгалт явуулсан. Ханиад харшлын “Астма” эмнэлэг нь Монгол улсын бүртгэлд бүртгэгдээгүй эмийг эмчийн гар дээрээс олгож байсан, “Гэрэл” , “Орбита” нүдний эмнэлгүүд Монгол улсын бүртгэлд бүртгэгдээгүй нүдний дусаалга эмчилгээнд хэрэглэж байсан зэрэг зөрчил илрүүлсэн. Мөн Царам тэнгэр эм ханган нийлүүлэх байгууллагаас хугацаа дууссан эмнэлгийн хэрэгсэл болон 17 нэрийн 309 ширхэг 10.4 сая төгрөгийн үнэ бүхий бүртгэлгүй эм, эмнэлгийн хэрэгсэл илрүүлж хураасан” гэж Нийслэлийн Мэргэжлийн хяналтын газрын дарга Л.Эрдэнэчулуун ярилаа.

Зөвлөгөөний төгсгөлд Нийслэлийн Засаг дарга бөгөөд Улаанбаатар хотын захирагч С.Батболд “Өнгөрсөн долоо хоногт НИТХ хуралдаж энэ оны төсөвт тодотгол хийсэн. Мөн 5 сарын хугацаанд агаарын бохирдлыг бууруулах чиглэлээр хийх үйл ажиллагааны тусгай төлөвлөгөөг баталсан. Бид урин дулаан цаг гэлтгүй агаарын бохирдлын эсрэг ажиллах ёстой. Ялангуяа агаарын чанар, сургуулийн цэцэрлэгийн дотоод агаарын чанарыг сайжруулахад онцгой анхаарч ажиллах хэрэгтэй” гээд газрын зөрчил арилгах болон гудамж зам талбайн нэвтрэн өнгөрөх чадварыг нэмэгдүүлэх, газар чөлөөлөх ажлаа үргэлжлүүлэн эрчимжүүлэхийг холбогдох албаныханд үүрэг болголоо. Мөн Налайхын болон Нисэхийн хурдны замын ажилтай холбоотой газар чөлөөлөлтийг эрчимжүүлэх, Сонсголонгийн гүүрний ажлыг эхлүүлэх зэрэг үүрэг даалгаврын холбогдох албан тушаалтнуудад өглөө гэж нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

НӨАТ-ын ээлжит сугалаа өчигдөр буюу энэ сарын 21-ний өдөр зохион байгуулагдлаа. Энэ удаа тохирлоор азын дугаар таарсан баримттай 11, 265 хүн 20 мянган төгрөг, 1,111 хүн 100 мянган төгрөг, 119 хүн 500 мянган төгрөг, 19 хүн дөрвөн сая төгрөгийн азтан болсон байна.

Нийслэл болон орон нутгийн сургуулий бага ангийн сурагчид энэ сарын 25-наас амарна.

Дэлхийн хамгийн том олон улсын мэдээллийн Ройтерс агентлаг С.Ганбаатарын талаар онцолжээ. Тус агентлаг С.Ганбаатар Монгол Улсын Ерөнхийлөгчийн сонгуульд өрсөлдөх болсон нь анх удаа Монголын иргэний хөдөлгөөний төлөөлөл болж байгаа нь дэлхийн нийтийн анхаарлыг татаж байна хэмээн мэдээллэсэн ч араас нь Монгол Улсын Ерөнхийлөгчийн сонгуульд нэр дэвшигчийг Оюутолгойн зэсийн уурхайн дийлэнх хувь эзэмшигч Рио Тинто компанийг хүчтэй шүүмжилж, Монгол Улс илүү сайн, эрх тэгш гэрээ хэлэлцээр хийх ёстой гэж үздэг.

Улсын заан Цэдэндамбын Баярсайхан нэр бүхий хүмүүсийг залилан мэхэлсэн хэрэгт холбогдсон. Т

’’Сондор хилэн’’ англи хэлний төвийн БҮТЭН ӨДРИЙН ГҮНЗГИЙРҮҮЛСЭН АНГИ /09-16.30/
Богино хугацаанд англи хэл сурах хүсэл зорилго, хэрэгцээ шаардлагатай хүмүүст “Сондор хилэн” төвийн гүнзгий шатны вакум сургалт хамгийн тохиромжтой.
Дүрмийн мэдлэгийг унших, бичих, орчуулах, ярих зэрэг амьдралын хэрэглээ болтол заадаг тус төвийн бүтэн өдрийн гүнзгий шатны анги нь англи хэлний ахисан дунд түвшний мэдлэгтэй хүмүүст зориулагджээ.
Өглөөний 9 цагаас оройн 16.30 хүртэл өдрийн 10 цагаар сарын 200 цагийн сургалт явуулдаг тул дундын дээд, гүнзгий гэсэн хоёр шатны мэдлэгийг эзэмшүүлдэгээрээ энэхүү сургалт онцлог ач холбогдолтой болдог байна.
Англи хэлний дүрэм, орчуулга, сонсгол, ярианы хичээлүүдийг цогцоор нь зааж мэдээллийг нь мэдлэг болгож, мэдлэгийг нь чадвар, чадварыг нь дадал болтол унших, бичих, ярих, сонсох дөрвөн дадлыг эзэмшүүлдэг учраас энэ сургалт үр дүнтэй болдог байна.
Энэхүү бүтэн өдрийн гүнзгийрүүлсэн ангийг төгссөн суралцагсад англи хэлний мэргэжлийн ангийг төгссөн оюутнуудтай дүйцэхүйц мэдлэг олж авдаг төдийгүй TOEFL, IELTS-ийн бэлтгэлд шууд сурах боломжтой ажээ.
Багш: Э.Нандинцэцэг
Хичээллэх өдрүүд: Ажлын таван өдрөөр дөрвөн долоо хоног
Хичээллэх цаг: 09.00-16.30
Нийт цаг: 200 цаг
Түвшин: Гүнзгий шат
Төлбөр: 550.000









’’Сондор хилэн’’ төвийн 2017 оны зуны сургалтууд
06 сарын 05,
07 сарын 03, 07 сарын 31-нд эхэлнэ ...

БҮТЭН ӨДРИЙН АНГИУД
1. Насанд хүрэгчдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
2. Хүүхдүүдэд зориулсан
БҮТЭН ӨДРИЙН ЭРЧИМЖҮҮЛСЭН АНГИ
3. Бүтэн өдрийн ангийг төгсөгчдөд зориулсан
БҮТЭН ӨДРИЙН ГҮНЗГИЙРҮҮЛСЭН АНГИ
ЦАГИЙН АНГИУД

1. Өглөөний анги 06.15-08.15
08.30-10.30

2. Өдрийн анги 10.30-12.30
12.30-14.30
14.30-16.30

3. Оройн цагийн анги 16.30-18.30
18.30-20.30
20.30-22.30














ТУСГАЙ СУРГАЛТУУД

1. ӨГЛӨӨНИЙ АНГИ 06.15-08.15
2. ОРОЙН ЦАГИЙН АНГИ 16.30-18.30 18.30-20.30 20.30-22.30
3. ХҮҮХДИЙН АНГИ 12.30-14.30 14.30-16.30 16.30-18.30
4. ХАГАС ӨДРИЙН ЯРИАНЫ АНГИ 08.30-12.30
5. VIP СУРГАЛТ 18.30-22.30
6. БАЙГУУЛЛАГЫН СУРГАЛТ
7. ЭЕШ-д БЭЛТГЭХ АНГИ 18.30-20.30
8. Монгол багштай ЯРИАНЫ АНГИ
9. Гадаад багштай ЯРИАНЫ АНГИ
10. ГАНЦААРЧИЛСАН СУРГАЛТ
11. ЗАЙНЫ СУРГАЛТ Баасан гараг бүрийн 13 цагт ikon.mn






 Хаяг: Энхтайвны гүүрний зүүн хойно Park place-ийн 6 давхарт. (Шинээр баригдсан 13-н давхар барилга)
 Утас: 9911-2414, 9999-2414, 9928-3293, 9810-3020.
 WEB: www.sondorkhilen.mn
 PAGE: http://www.facebook.com/Sondorkhilen English language center
Та sondorkhilen.mn –д хандаж бүртгүүлнэ үү.


Монгол улс, Улаанбаатар хот, Сүхбаатар дүүрэг, 1-р хороо, Чингисийн өргөн чөлөө-24, ’’Парк плэйс’’ оффис, 6 давхар

Залуучуудын хөгжлийн тухай хуулийн төслийг өнгөрсөн долоо хоногт батлаж, залуучууд анх удаа эрхээ хамгаалуулсан хуультай болсон. Хуулинд нийгмийн хөгжилд оролцох залуучуудын оролцоо, эрх, үүрэг, төрөөс залуучуудад дэмжлэг үзүүлэх чиглэл, хэлбэр, арга зам, залуучуудын хөгжлийг дэмжих төрийн байгууллага, залуучуудын байгууллагын үйл ажиллагааны эрх зүйн үндсийг тогтоохтой холбогдсон харилцааг зохицуулахаар тусгасан байна. Тэгвэл “Залуучуудын хөгжлийн тухай хууль”-ийн онцлох заалтуудыг 24 баримтаар хүргэж байна.

Хэнтий аймгийн Засаг даргын А/01 дүгээр албан даалгавар, ОБГ-ын даргын баталсан удирдамжийн дагуу ой хээрийн түймрээс урьдчилан сэргийлэх, сургалт, сурталчилгааг зохион байгуулах, сумдын түймэртэй тэмцэх бэлтгэлийг хангуулах, орон нутагт түймрийг богино хугацаанд илрүүлэн унтраах үүрэг бүхий шуурхай бүлгийг Онцгой байдлын газраас Биндэр, Батширээт, Норовлин, Дадал, Баян-Адарга, Баян-Овоо, Батноров зэрэг хойд бүсийн сумдад томилон ажиллууллаа.


Үүрэг гүйцэтгэх хугацаанд дээрх сумдын ЗДТГ-ын ой, хээрийн түймэр унтраах 1,2-р ээлжийн түймрийн багаж зэвсэглэмжийг шалгах, бэлтгэл бэлэн байдлыг хангуулах ажлын хүрээнд тухай бүрт нь “ЯЦ” дохиогоор аранзтай дуудан түймэр унтраах багаж зэвсэглэмжийн хэвийн ажиллагаа, томилгоот бүрэлдэхүүний хөдөлмөр хамгааллын хувцсыг шалгаж зөрчлийг газар дээр нь арилгаж, хөдөлмөр хамгаалал аюулгүй ажиллагааны талаар сургалт зохион байгуулж, зөвлөгөө өгөв.





Мөн багийн Засаг дарга, байгал орчны байцаагч, байгаль хамгаалагч нартай хамтран ой, хээрийн түймрээс урьдчилан сэргийлэх, ухуулга сурталчилгааг 5000 гаруй иргэнд хүргэж ажиллав.



Шуурхай бүлэг нь 2017 оны 4 дүгээр сарын 28-ны өдөр Норовлин сумын Онон багийн нутаг “Ар Бэрх” гэдэг газар гарсан ой, хээрийн түймрийн голомтод ажиллаж, мэргэжлийн анги болон орон нутгийн иргэдийг удирдлага зохион байгуулалтаар хангаж, түймрийн голомтонд үүрэг гүйцэтгэлээ гэж Хэнтий аймгийн Онцгой байдлын газраас мэдээллээ.

Солонгосын “Эко партнерс” компанийнхан өрхийн эмнэлэг, сургууль, айл өрхүүдэд нано халаалтын систем үнэгүй суурилууллаа
Өнгөрсөн долоо хоногийн дундуур буюу тавдугаар сарын 18, 19-нд Солонгосын “Эко партнерс” компанийн төлөөлөл Монголд ирж ажиллаа. Улаанбаатар хотод ирсэн тэдний зорилго нь нано технологийн халаалтын систем бүхий төхөөрөмжийг туршиж үзэх явдал байсан юм. Нийслэл Улаанбаатар хот, тэр дундаа гэр хорооллын бүсд байдаг сургууль, эмнэлэгийн халаалт тийм ч сайн байдаггүй. Үүний уршгаар бага насны хүүхдүүд ханиад, томуу өвчин тусах магадлал маш өндөр байдаг гэдгийг мэргэжлийн байгууллагын судалгаа харуулдаг. Зөвхөн судалгааны дүн ч биш, иргэд, олон нийт ч практикаар энэ бүхнийг мэднэ.
Түүнээс гадна ялангуяа, өвлийн болон сэрүүний улиралд иргэдийн эрүүл мэндийг сахин хамгаалдаг, энэ салбарын анхан шатны байгууллага болох Өрхийн эрүүл мэндийн төвүүдэд ч халаалт, дулааны хүндрэл ихээр учирдаг. Тэр дундаа бага насны хүүхдийн үзлэг, оношилгоо, вакцинжуулалт хийхэд эмчилгээний өрөө хүйтэн байдгаас маш олон сөрөг үр дагавар гардгийг эмч, сувилагч нар онцолдог юм.
Дээрээс нь зөвхөн сургууль, эмнэлгийн халаалтаар энэ асуудал дуусахгүй. Учир нь Монгол Улсын нийслэл Улаанбаатар нь дэлхийн хамгийн хүйтэн нийслэл хотоор нэрлэгдсэн байдаг. Тэр утгаараа гэр хорооллын иргэд дулаан өвөлжихийн тулд нүүрсийг их хэмжээгээр хэрэглэж агаарыг бохирдуулснаар уушиг, амьсгалын замын өвчлөлт сүүлийн жилүүдэд үлэмж хэмжээгээр нэмэгдсэн.
Тэгвэл олон жилийн турш нийслэлчүүдийн толгойны өвчин болоод буй яг энэ асуудлыг шийдэхэд тодорхой хэмжээний хувь нэмэр оруулахаар дээр дурдсан “Эко партнерс” компанийнхан Монголд ажилласан юм. Тэд Монгол дахь албан ёсны төлөөлөгч “Эрүүл мэнд интернэйшнл” ХХК болон Эх дэлхийн АУНТ нийгэмлэгээр дамжуулан БОАЖЯ-нд санал тавьснаар туршилтын ажлаа эхлүүлсэн. Эхний ээлжинд агаарын бохирдол хамгийн их байдаг гэр хороолол буюу бидний хэлдгээр Баянзүрх дүүрэгт, тэр дундаа Дарь-Эхийн 2, 21, 27-р хороонд ажиллаж, тодорхой газруудад нано технологийн халаалтийн системийг туршилтаар суулгалаа. Дашрамд дурдахад, “Эко партнерс” компанийнхан уг төхөөрөмжөө үнэ төлбөргүй, өөрсдийн зардлаар суурилуулсан гэдгийг энд онцолъё.
Эхний өдөр. Өрхийн эрүүл мэндийн төв болон айлуудад халаалтын систем үнэгүй суулгав
Тавдугаар сарын 18-нд буюу эхний өдөр төлөвлөсний дагуу Баянзүрх дүүргийн 2-р хорооны нутаг дэвсгэрт үйл ажиллагаа явуулдаг “Миний зөвлөгч” Өрхийн эрүүл мэндийн төвөөс ажлаа эхэлсэн юм. Дээр дурдсан компаниудын төлөөлөл болон тус тойргоос сонгогдсон УИХ-ын гишүүн, БОАЖ-ын сайд Д.Оюунхоролын зөвлөх, бие төлөөлөгчид мөн энэ ажилд оролцлоо. “Миний зөвлөгч” Өрхийн эрүүл мэндийн төв нь харьяа хорооны 16 мянга 265 хүнд эрүүл мэндийн тусламж, үзлэг, үйлчилгээ үзүүлдэг. Үүнээс 2000 орчим нь бага насны хүүхэд байдаг гэж тус эрүүл мэндийн төвийн дарга Т.Ууганцэцэг хэлсэн юм. Өвлийн цагт хүүхдэд эмчилгээ, вакцин хийдэг өрөө 8-10 хэмийн дулаантай байдаг юм байна. Тэр үүднээсээ 0-5 насны бяцхан хүүхдүүдэд үзлэг үйлчилгээ үзүүлж, вакцин хийдэг эмчилгээний өрөөнд хамгийн эхний төхөөрөмжөө суурилуулсан юм.

Энэ үеэр “Эко партнерс” компанийн менежер Чон Хён Догоос халаалтын системийн давуу тал, ач холбогдлын талаар тодрууллаа. Тэрээр “Манай компаний “Рави” эко халаалтын систем Монголын орчинд маш тохиромжтой. Бусад энэ төрлийн халаалтын системээс олон төрлийн давуу талтай юм. Жишээлбэл, энгийн халаалтын систем нь тухайн орчны агаарыг шатааж, хуурайшуулдаг. Харин манай бүтээгдэхүүн өрөөг тасалгааг хүссэн хэмдээ хүртэл халаана, агаарын чийгшлийг хадгална, элдэв үнэрийг үгүй болгоно, агаарт байдаг олон төрлийн нян, бактерийг 100 хувь усгахаас гадна аюулгүй ажиллагаа бүрэн хангагдсан. Жирийн халаагуурт Бага насны хүүхэд хүрэхэд түлэгдэх аюултай байдаг. Харин манай бүтээгдэхүүнд түлэгдэх эрсдэл байхгүй. Мөн халаалтын систем нь хүний арьсыг чийгшүүлдэг давуу талтай. Мөн хүний биеийг дотроос нь халаадаг бөгөөд үе мөч, нуруу өвдөх, гэдэс дүүрэх, арьсны харшил, хамрын гамрит гээд олон төрлийн өвчинд эмчилгээ болдог гэдгийг онцолж хэлье. Мөн халаалтын температураа өөрөө тохируулдаг бөгөөд өрөөний дулаан заасан хэмжээнээс хэтэрвэл өөрөө унтарч, асдаг ухаалаг системтэй юм” гэлээ. Энэ үеэр халаалтын төхөөрөмжийг 360 градуст халааж, галын аюултай эсэхийг нь туршин цаас тавьж үзсэн юм. 360 градуст ямар ч цаас шатах ч уг халаалтын системд тийм зүйл болсонгүй.
Мөн бага насны хүүхдийн үзлэгийн өрөөндөө нано технологийн халаалтын системтэй болсон “Миний зөвлөгч” Өрхийн эрүүл мэндийн төвийн дарга Т.Ууганцэцэг энэ үеэр сэтгэгдлээ хуваалцлаа. Т.Ууганцэцэг “Манай Өрхийн эрүүл мэндийн төвөөр харьяа хорооны иргэд үйлчлүүлдэг. Тэр тусмаа бага насны хүүхдүүд үзлэг үйлчилгээ олноор авдаг юм. Өвлийн улиралд 0-5 насны хүүхдэд вакцинжуулалт хийхэд өрөөний дулаан маш муу учраас ихээхэн хүндрэлтэй байдаг байсан. Харин уг халаалтын төхөөрөмжийг туршиж үзлээ. Маш олон давуу талтайг мөн мэдэж авсан. Дулаахан өрөөнд хүүхдэд үзлэг, эмчилгээ хийхэд санаа зовох зүйлгүй болсондоо маш их баяртай байна. Мөн Солонгосын “Эко партнерс” компани, “Эрүүл мэнд интернэйшнл”, Эх дэлхийн АУНТ нийгэмлэгт баярлалаа. Манай тойргоос сонгогдсон УИХ-ын гишүүн, БОАЖ-ын сайд Д.Оюунхорол болон ажлын албаныханд чин сэтгэлээсээ талархал илэрхийлье. Бид өмнө нь ийм нягт уялдаа холбоотой ажилладаг гишүүнтэй байж үзээгүй, амласнаа биелүүлдэг, хийнэ гэснээ хийдэг хүн. Зөв хүнээ сонгож өөрсдийгөө төлөөлүүлсэн бид азтай байна” гэв.
“Миний зөвлөгч” Өрхийн эрүүл мэндийн төвд халаалтын систем суулгасны дараа Баянзүрх дүүргийн 21-р хороонд байрлах “Ачитсайхан” Өрхийн эрүүл мэндийн төв рүү хөдөлсөн юм. Гэр хорооллын дунд орших тус төвд очиход Т.Аварга дарга тэргүүтэй эмч, сувилагч, ажилчид баяртайгаар угтсан. “Ачитсайхан” Өрхийн эрүүл мэндийн төв нь харьяа хорооны 16 мянга орчим иргэнд үйлчилдэг бөгөөд бага насны хүүхдэд үзлэг, үйлчилгээ үзүүлдэг эмчилгээний өрөөнд мөн нано технологийн халаалтын системийг суурилуулж, хэрхэн ажиллах, ямар ач тустайг нь тайлбарлаж өглөө. Эмч, сувилагч нар төлөөлөгчдөд талархал илэрхийлэн, ажиллах орчин, тэр тусмаа бяцхан хүүхдүүд дулаахан, ариун өрөөнд эмчилгээ хийлгэж, вакцинд хамрагдах боломжтой болсонд дахин дахин талархаж байсан юм. Ялангуяа вакцинатор Ш.Жаргалсайхан тун баяртай байгаагаа илэрхийлсэн.

Түүнээс гадна Өрхийн эрүүл мэндийн төвийнхөн эмнэлэгт нь бүрэн засвар хийх хөрөнгийг шийдвэрлэж, компьютер, тоног төхөөрөмж олгож өгсөнд, ахмад сувилагчийг нь гэртэй болгож өгсөнд тойргоос сонгогдсон УИХ-ын гишүүн Д.Оюунхоролд талархаж байлаа. Ингээд хоёр Өрхийн эрүүл мэндийн төвд эко халаалтын систем суурилуулсны дараа Баянзүрх дүүргийн 27-р хороонд монгол гэрт, блокон байшинд болон хоёр давхар тоосгон амины орон сууцанд амьдардаг гурван айлыг сонгон ажиллаа.
Хамгийн эхэнд орсон айл бол Л.Аръяабат өрхийн тэргүүнтэй залуухан гэр бүл байлаа. Л.Аръяабатын хувьд нэгэн сүлжээ ресторанд бармен хийдэг бөгөөд эхнэр, хүүхэд, дүүгийн хамт амьдардаг нэгэн. Өвлийн улиралд 500 мянган төгрөгөөр нүүрс авч хэрэглэдэг гэлээ. Гэхдээ “Эко партнерс” компанийн инженер Ким Же Ёл Л.Аръяабатын гэрийн цахилгааны монтаж нь чанарын шаардлага хангаагүй тул халаалтын систем суурилуулахаа хойшлууллаа. Гэхдээ цахилгааны асуудлаа яаралтай шийдчихвэл Л.Аръяабатынд заавал дахин ирж халаалтын систем суулгаж өгнө гэдгээ амласан. Монгол гэрт амьдардаг айлынх хашаан дахь айлаасаа цахилгаан татаж холбосон байсан юм. Тиймээс цахилгааны асуудлаа шийдсэний дараа суурилуулж өгөхөөр боллоо.
Харин хоёр давхар тоосгон байшинд амьдардаг 27-р хорооны иргэн Л.Болдбаатарынх цахилгааны ямар нэгэн асуудал байсангүй. Тиймээс гэрийнх нь хоёр унтлагын өрөөнд нано технологийн халаалтын системийг суулгаж өгсөн юм. Маш богино хугацаанд үр дүнг нь Л.Болдбаатар мэдэрсэн гэдгээ онцлов. Мөн шөнийн цахилгааны төлбөрийг тэглэсэн учир өвлийн улиралд байнгын хэрэглэнэ гэв. Тэрээр “Манай гэрийн хувьд бага оврын цахилгаан халаалтын зуухтай. Харин цахилгааны төлбөр сардаа 600 мянга гардаг. Цахилгааны мөнгөө хэмнээд нүүрсээр галлахад сардаа 300 мянган төгрөг зарцуулдаг. Харин одоо халаалтын системтэй боллоо. Шөнийн тарифийг тэглэсэн болохоор байнгын хэрэглээ болох байх. Маш дулаахан юм байна. Галын аюулгүй гэдэг нь маш их таалагдлаа. Мөн цахилгаан хэрэглэлт маш бага гэдэг нь манай хэрэглээнд яг тохирсон бүтээгдэхүүн гэж бодож байна. Та бүхэнд баярлалаа” гэлээ.
Дараагийн өдөр. Дунд сургуульд халаалтын систем суурилуулсан ба Л.Аръяабатынд эргэн очив
Пүрэв гаригт Дарь-Эхийн гурван сургуульд халаалтын систем тавих төлөвлөгөөтэй байсны дагуу хамгийн эхэнд Нийслэлийн Баянзүрх дүүргийн 132-р сургуульд очсон юм. Харин саяхан шинээр ашиглалтад орсон уг сургууль бусад сургуультай харьцуулахад өвөлдөө харьцангуй дулаан байдаг гэдгийг ажилчид нь онцолсон. Тодруулбал, зөвхөн тэр сургуулийг халаахад зориулагдсан цахилгаанаар ажилладаг бага оврын уурын зуухтай байсан юм. Тийм учраас эко халаалтын систем суурилуулах шаардлагагүй гэж Солонгосын мэргэжилтнүүд үзсэн. Харин түүний дараа 127-р сургуульд очсон бөгөөд спорт зааланд суурилуулах боломжтой гэж үзэн, тус заалыг хэмжиж, судалгаа хийлээ. Судалгаа хийсний дараа ямар хүчин чадалтай халаалтын төхөөрөмж суулгах боложтойг тодорхойлон, дараагийн ээлжинд Монголд ирэхдээ суурилуулахаар болсон. Дараагийн очсон сургууль бол Баянзүрх дүүргийн 102-р дунд сургууль байсан юм. Ашиглалтанд ороод 10 жил болж байгаа тус сургуулийн агааржуулалтын систем ажилладаггүй тул хана цааз нь хөгц мөөгөрцөгт идэгдсэн, халаалт муу тул дээд давхарын ангиуд өвөлдөө гадуур хувцастайгаа хичээллэдэг гэнэ. Дээврээс нь байнга цас борооны ус гоождог байсан, харин энэ жил дээврээ засуулсан гэнэ. Энэ сургуулийг барьж ашиглалтанд өгсөн компаниас ч хариуцлага нэхмээр санагдлаа. Гурван давхарын сүүдэр талдаа байрлах хамгийн хүйтэн ангид халаалтын гурван төхөөрөмжийг суурилууллаа.


Багш ажилчид, сургуулийн удирдлагууд дулаахан орчинд хичээл орох боллоо хэмээн тун таатай сэтгэгдэлтэй үлдлээ. Сургуулийн захирал Г.Эрдэнэтогтох “Манай сургуулийн барилга ашиглалтанд ороод 10 жил болж байгаа. Урсгал засвар хийдэг ч зарим нь анги өвөлдөө маш хүйтэн байдаг. Тэр хүйтнээс болж хүүхдүүд ханиад томуу хүрэх асуудал ихээр гардаг. Мөн сурах орчноос болж хичээлдээ муудах зүйл ч гардаг. Харин манай сургуулийн хамгийн хүйтэн ангид Солонгосын мэргэжлийн хүмүүс туслалцаа үзүүлж, тус бүр нь 1,6 сая төгрөгөөр үнэлэгдэх халаалтын төхөөрөмж суулгаж өглөө. Хүүхдүүдийн сурах орчин, багш нарын хичээл заах ажлын байр дулаахан болсонд баяртай байна. Дулаахан орчинд ажлаа хийхэд хүмүүсийн харилцааны уур амьсгал ч түүнийгээ дагаад халуун, дулаан болдог шүү дээ. Зөвхөн ажлын байр биш хүүхдүүдийн боловсролд хөрөнгө оруулж буй зүйл гэж харж байна. Компанийн төлөөлөл болон Д.Оюунхорол сайдад сурагчид, багш нарынхаа өмнөөс талархал илэрхийлье” гэв.
Мөн “Эко партнерс” компанитай хамтран ажиллаж буй Эрүүл мэнд АУНТ нийгэмлэгийн тэргүүн Б.Гантогоогоос уг ажлын талаар санал, сэтгэгдлийг нь сонслоо. Б.Гантогоо “Улаанбаатар хотын хувьд агаарын бохирдол маш их. Нүүрс түлдэгтэй холбоотой. Тэр үүднээсээ манай нийгэмлэг байгаль орчин, хөрс, усаа хамгаалах чиглэлд багахан ч гэсэн хувь нэмэр оруулах үүднээс Солонгосын “Эко партнерс” компанитай хамтран ажиллаж НАНО халаалтын төхөөрөмжийг Монголд турших ажлыг эхлүүлж байна. Энэ хүрээнд салбарын яам, холбогдох олон албан тушаалтан, хувь хүмүүстэй уулзаж энэ төхөөрөмжийн ач холбогдол, давуу талыг танилцуулж байгаа. Хамгийн эхэнд гэр хороололд үйл ажиллагаа явуулдаг Өрхийн эрүүл мэндийн төвүүд, сургууль зэрэгт туршиж байна. Зөвхөн дулаан байлгах бус хүний эрүүл мэндэд маш сайн бүтээгдэхүүн учраас Монголын нөхцөл маш сайн зохицно гэдгийг хэлье. Үр дүн нь маш хурдан мэдрэгдэнэ. Мөн цахилгаан зарцуулалт бага, ухаалаг системтэй, аюулгүй байдал бүрэн хангагдсан бүтээгдэхүүн юм” гэлээ.
Түүнээс гадна хүлэмжинд ногоо тарьж байх үед тус халаалтын системийг суурилуулахад хоёр дахин хурдан ургадаг юм байна. Кувейтийн судалгааны төвд байдаг хүлэмжийг хэмжин, дараагийн халаалтын төхөөрөмжөө суулгахаар болсон.
Эко халаалтын систем турших энэ ажлаас өөр нэгэн гэгээлэг үйл явдлыг энд дурдахгүй өнгөрч болохгүй нь. Юу гэвэл, ажлын эхний өдөр очсон залуухан өрхийн тэргүүн Л.Аръябатынд эргэн очсон юм. Л.Аръяабатынх байшингийнхаа таамбарыг засварлаж байсан бөгөөд гэр рүүгээ орохдоо төмөр шатаар орж байлаа. Хүүхэд битгий хэл насанд хүрсэн хүмүүс ч тэр шатаар заавал өөр хүнээр түшүүлж орж байв. Харин энэ байдлыг харсан “Эко партнерс” компанийн менежер Чон Хён До хувийн зүгээс үүдэндээ шат хийлгээрэй хэмээн 350 мянган төгрөгний туслалцаа үзүүлсэн юм. Тэрээр Л.Аръябатыг маш хөдөлмөрч, амьдралын төлөө маш их ажилладаг, зүтгэлтэй залуу байна хэмээн үнэлснээ энэ үеэр хэлсэн юм. Сайхан сэтгэлийн үзүүрт шар тос гэж.

Ямартай ч “Эко партнерс” компанийн туршилтын эко халаалтын систем суулгах эхний ажил ийн амжилттай дууссан юм. Удахгүй энэ ажлаа үргэлжлүүлэх аж.

-Тэрээр өнөөдөр Булган, Орхон аймагт ажиллана-
Энэ онд улсын хэмжээгээр 381,6 мянган га-д үр тариа, 23,6 мянган га-д төмс, хүнсний ногоо, 23,2 мянган га-д тэжээлийн таримал, 28,6 мянган га-д тосны ургамал, нийтдээ 458,0 мянган га-д тариалалт хийхээр бэлтгэл ажлаа хангаж, тариалалтын ажил ид явж байна.

Монгол Улсын Ерөнхий сайд Ж.Эрдэнэбат тавдугаар сарын 21-ний ням гаригт газар тариалангийн бүс нутаг Төв, Дархан-Уул, Сэлэнгэ аймагт ажиллаж, зарим аж ахуйн нэгжийн тариалалтын явцтай танилцаж, тариаланч, ногоочидтой уулзан, тэдний өмнө тулгамдсан асуудлыг сонслоо. Төв, Дархан-Уул, Сэлэнгэ аймагт ажилласан Ерөнхий сайд Ж.Эрдэнэбат өнөөдөр Булган, Орхон аймагт ажиллах юм.

Япон Улсад төмс экспортолно

Монгол Улсын Ерөнхий сайд Ж.Эрдэнэбат амралтын энэ өдөр эхлээд Төв аймгийн Жаргалант сумын нутаг дахь “Хөх баян булаг” ХХК-ийн улаан буудайн тариалалтын явцтай танилцлаа.

Тус компани энэ онд 3000 га-д улаанбуудай тарихаар төлөвлөсөн байна. Өнгөрөгч дөрөвдүгээр сарын 8-нд тариалалт эхэлсэн, өнөөдрийн байдлаар 93 хувьтай байна. Газрын чийг сайн байна. Энэ жил Засгийн газар үүлэнд зориудаар нөлөөлөх хөрөнгийг шийдвэрлэсэн. Иймд хур бороо, чийг хангалттай сайн авна гэдэгт итгэж байгаагаа тус компанийн захирал Ж.Ариунболд хэлээд Засгийн газрын тэргүүнд талархлаа илэрхийллээ.

Хүнсний ногоо, ялангуяа төмсний борлуулалтад Засгийн газар бодлогоор дэмжиж оролцох, төрийн худалдан авалт хийж ногоочид, тариаланчдаа дэмжихийг тус компанийн захирал хүсч байлаа. Энэ асуудалд Засгийн газар анхаарч ажиллаж байгаа. Тухайлбал, Японы компаниуд монгол төмс худалдан авах захиалга ирүүлж байгаа. Одоогоор хоёр удаагийн дээж явуулсан нь тус улсын стандартад тэнцээд байгааг Ерөнхий сайд хэлж байлаа. Ингэхдээ тариаланчид маань төмс, хүнсний ногооны чанарт онцгой анхаарч, хэрэглэгчдийн шаардлагад нийцсэн чанартай бүтээгдэхүүн гаргах ёстой гэдгийг хэлж байлаа.

Төв аймгийн Засаг даргын захирамжаар тариалалтын штаб байгуулагдсан. Тавдугаар сарын 5-нд аймгийн хэмжээнд тариалалт эхэлсэн. Энэ үеэр чийг унасан. Өнөөдөр л гэхэд хөрсний чийг хангалттай байна. Манай аймаг 93 мянган га-д үр тариа тариалахаар төлөвлөсөн, энэ сарын 20-ны байдлаар тариалалт 50 хувьтай, 6500-га-д төмс, 900 гаруй га-д хүнсний ногоо, 7000 гаруй га-д тэжээлийн ургамал тариалж байна. Энэ эрчээрээ явахад зургадугаар сараас өмнө тариалалт дуусна гэж тус аймгийн Засаг даргын Тамгын газрын дарга Ч.Сарангэрэл хэлж байлаа.







Хөрс арчилгаа, хөрс хамгаалах чиглэлээр Хятадтай хамтарсан лаборатори байгуулна

Ерөнхий сайд Ж.Эрдэнэбат дараа нь Дархан-Уул аймгийн Хонгор сумын “Газар өгөөж” ХХК-ийн хаврын тариалалтын явцтай танилцлаа.

Тус компани нийт 7300 га талбай эзэмшдэг бөгөөд энэ онд 4500 га-д нь улаан буудай тариалахаар төлөвлөжээ. Одоогоор тариалалтын явц 80 гаруй хувьтай байна гэж тус компанийн захирал Ж.Ариунболд Ерөнхий сайдад танилцууллаа. Тус компани 2012 оноос хойш техникийн шинэчлэл бүрэн хийсэн, улаан буудай, тосны ургамал, гурвалжин будаа зэрэг таримлуудыг сэлгэн тариалж байгаа ажээ.

Энэ уулзалтын үеэр хөндөгдсөн гол сэдэв нь хөрс арчилгааны тухай байлаа. Тариаланчид арвин ургац авахын тулд хөрсний үржил шимийг хамгаалах, сайжруулах, нөхөн сэргээх нь чухал. Тус компани эзэмшил талбайдаа мэргэжлийн шинжилгээ хийлгэх, дутагдаж буй эрдэс бодисоор бордох, сэлгэн тариалалт хийх зэрэг арга хэмжээ авч буй гэлээ.

Хүнс, хөдөө аж ахуй, хөнгөн үйлдвэрийн сайд П.Сэргэлэн ”Хөрс арчилгааны чиглэлд Монгол Улс БНХАУ-тай хамтран ажиллана. Энэ хүрээнд хөрс арчилгаа, шинжилгээний хамтарсан лаборатори байгуулахаар тохирсон” гэж хэллээ.



Дархан-Уул аймаг энэ жил 16100-га-д үр тариа тариалахаар төлөвлөсөн. Гүйцэтгэл нь 75 хувьтай байна. 14 хоногт багтаан төлөвлөгөөт тариалалтаа бүрэн хийх боломжтой. Зургаан сарын эх гэхэд үр тариа, төмс, хүнсний ногоогоо тарьж дуусна. Манай аж ахуйн нэгжүүд ургац алдахгүй, орон нутгийн төсвийн орлогыг бүрдүүлэх, ажлын байрыг тогтмолжуулах, чадавхжуулахад анхаарч байгаа. Хөдөө аж ахуйн салбарын хөгжил жил ирэх бүр сайжирч байна. Боловсон хүчний нөөцөө өндөр хөгжилтэй орнуудад сургаж бэлтгэхэд ахиц дэвшил гарч байгаа гэж тус аймгийн Засаг дарга С.Насанбат ярилаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Монгол Улсын Ерөнхийлөгчийн 2017 оны ээлжит сонгуульд гадаад улсад байгаа Монгол иргэд оролцож саналаа өгнө.

Авлигатай тэмцэх газраас 2017 оны 05 дугаар сарын 15-19-ны өдрүүдэд гэмт хэргийн шинжтэй 7 гомдол, мэдээлэл хүлээн авч, нийт 33 гомдол мэдээллийг шалгав. Үүнээс 1 гомдолд эрүүгийн хэрэг үүсгэж, 2 гомдол, мэдээллийг эрүүгийн хэрэг үүсгэхээс татгалзах, 3 хэргийг харьяаллын дагуу шилжүүлэх саналтайгаар прокурорт шилжүүлсэн байна. Ажиллагаанд одоогоор 26 гомдол, мэдээлэл шалгагдаж байна.

Өнгөрсөн долоо хоногт эрүүгийн 52 хэрэгт мөрдөн байцаалтын ажиллагаа явуулснаас 2 хэргийг яллах дүгнэлт үйлдүүлэх, 1 хэргийг түдгэлзүүлэх, 1 хэргийг харьяаллын дагуу шилжүүлэх, 2 хэргийг хэрэгсэхгүй болгох саналтайгаар прокурорт шилжүүлсэн бол одоогоор 48 хэрэгт мөрдөн байцаалтын ажиллагаа явуулж байна. Шинээр 1 хэрэгт эрүү үүсгэн шалгаж эхэллээ.

Ардчилсан намын дэргэдэх залуучуудын байгууллага болох Ардчилсан залуучуудын Холбооны ерөнхий нарийн бичгийн дарга М.Амгаланбаатартай тус холбооны үйл ажиллагаа болон цаг үеийн асуудлаар ярилцлаа.

Өнөөдөр буюу 2017 оны тавдугаар сарын 22-ны Даваа гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.

Баянзүрх дүүрэг:

10:30-16:00 цагт: 11-р хороо Хүрэл тогоот, Одон орон судлах Оргил төв, ойр орчмоор

11:00-18:00 цагт: 11-р хороо Товчоо орчмоор, Дэнжийн 3Т-21 Петровис, М-Ойл, Шунхлай ШТС-ууд, Скай Резорт, Монгол Хабитат, Хүрхрээ тур, Монгол тур ХХК-ууд болон эдгээрийн ойр орчмоор,

Чингэлтэй дүүрэг:

11:00-16:00 цагт: 6-р хороо 44, 50, 52, 65, 53, 54-р байр, ЧД-ийн ЭМН, Нийгмийн даатгалын хэлтэс, Эхлэл сургалтын төв болон эдгээрийн ойр орчмоор,

Баянгол дүүрэг:

11.00-17.00 цагт: 20-р хороо Химийн шингэн, Сор кашимер, Инкон, Алтан булаг, ДЦС-4-ийн 1-8-р гудамж,

Хан-Уул дүүрэг:

11:00-17:00 цагт: 14-р хороо Өлзийт хороо

Сонгинохайрхан дүүрэг:

11.00-17.00 цагт: 19-р хороо дүүргийн Нэгдсэн эмнэлэг, 62-р сургууль, Ирээдүй дунд сургууль, 148-р цэцэрлэг, 8 А, Б, В, 4 А, Б, 3-58, 1-58, 1-30, 30 айл, 2-48, ЭХ-ний 30 айл болон эдгээрийн ойр орчмоор.

Хан-Уул дүүрэгт

09.30 цагт: Нийслэлийн Засаг дарга С.Батболд Хан-Уул дүүрэгт ажиллана. 9:30 цагт Хан-Уул дүүрэг, 5 дугаар хороо Арьс ширний 80 айлын орон сууцны байрны ашиглалтын өнөөгийн байдалтай танилцана.

10:10 цагт Хан-Уул дүүргийн 12, 13 дугаар хороо Туул голын сав дагуу түгээмэл тархацтай ашигт малтмал олборлогч аж ахуй нэгжүүдээс хууль тогтоомжийг хэрэгжүүлж байгаа байдалтай танилцана.

Гадаад харилцааны яамны ”Зөвшилцөл” танхимд

09.00 цагт: Олон улсын цахилгаан холбооны байгууллагын төлөөлөгчид ирж Монгол Улсын харилцаа холбоо мэдээллийн технологийн чиглэлээр үйл ажиллагаа явуулдаг төрийн болон төрийн бус байгууллагын ажилтнуудтай уулзалт зохион байгуулж, олон улсын туршлага, чиг хандлагын талаар мэдээлэл солилцоно. Уг арга хэмжээ Дэлхийн мэдээлэлжсэн нийгмийн дэлхийн өдрийг тохиолдуулан Монгол Улсад анх удаа зохион байгуулагдаж байгаа. Холбоо барих утас:88089686

СУИС-ийн Радио, Телевиз, Медиа урлагийн сургуульд

10.00 цагт СУИС-ийн Радио, Телевиз, Медиа урлагийн сургууль, Шанхайн Театрын академи хамтран зохион байгуулж буй ”Азийн кино урлагийн боловсрол” #AFEC сэдэвт олон улсын эрдэм шинжилгээний хурал болно.

“Монгол ньюс” мэдээллийн төвд

11.00 цагт ”Омбол” ХХК-иас элэгний С вирусын эмчилгээнд зориулж нийгмийн хариуцлагын хөтөлбөр хэрэгжүүлэхтэй холбогдуулж хэвлэлийн бага хурал зарлалаа.

Сүхбаатарын талбайд

11:00 цагт Шударга өрсөлдөөн, хэрэглэгчийн төлөө газрын чиг үүрэг, үйл ажиллагааг иргэд, олон нийтэд таниулан сурталчлах “Нээлттэй хаалганы өдөрлөг” болно.

Театрын музейд

12:00 цагт: Монголын ”Бөмбөгөр ногооны Мушгиа”, ”Алтан үе-Бөмбөгөр ногооныхон” гэсэн хоёр номын нээлт болно. Номын нээлтэд Б.Мушгиа найруулагчтай хамт ажиллаж байсан ”Бөмбөгөр ногоон”-оор овоглодог ахмадууд, урлагийн үе үеийн төлөөлөл оролцоно.

Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд8 Улсын Их Хурал дахь Ардчилсан намын бүлгийн хуралдаан

Францын армид алба хаадаг гадаадын хоёр легион цэрэг өнгөрсөн баасан гарагт буюу амиа алдсан байна.

Монгол Улсын Ерөнхий сайд Ж.Эрдэнэбат 2017 оны тавдугаар сарын 21-ний ням гаригийн энэ өдөр

Өнөөдөр 2017.5.22, Даваа гараг . Билгийн тооллын: 26. Хаврын адаг Хөх луу сар

Ойрын өдрүүдэд ихэнх нутгаар дулаарна.