БАРУУН АЙМГУУДЫН НУТГААР: Солигдмол үүлтэй. Шөнөдөө нутгийн хойд хэсэг, өдөртөө нутгийн зүүн хэсгээр бороо орно. Дуу цахилгаантай. Салхи баруун хойноос секундэд 6-11 метр, зарим газраар түр зуур секундэд 16-18 метр хүрч ширүүснэ. Алтай, Хангайн уулархаг нутгаар сэрүүсч шөнөдөө 5-10 градус, өдөртөө 15-20 градус, Алтайн өвөр говиор шөнөдөө 15-20 градус, өдөртөө 26-31 градус, бусад нутгаар шөнөдөө 9-14 градус, өдөртөө 19-24 градус дулаан байна.
ТӨВИЙН АЙМГУУДЫН НУТГААР: Шөнөдөө солигдмол үүлтэй, өдөртөө үүлэрхэг. Шөнөдөө нутгийн баруун хэсгээр, өдөртөө ихэнх нутгаар бороо орно. Дуу цахилгаантай. Салхи баруун өмнөөс хойш эргэж секундэд 7-12 метр, зарим газраар түр зуур секундэд 16-18 метр хүрч ширүүснэ. Хангай, Хөвсгөлийн уулархаг нутгаар сэрүүсч 5-10 градус, өдөртөө 13-18 градус, Сэлэнгэ, Хараа, Ерөө голын саваар шөнөдөө 12-17 градус, өдөртөө 25-30 градус, бусад нутгаар шөнөдөө 9-14 градус, өдөртөө 21-26 градус дулаан байна.

ЗҮҮН АЙМГУУДЫН НУТГААР: Солигдмол үүлтэй. Зарим газраар түр зуурын бороо орно. Дуу цахилгаантай. Салхи зүүн өмнөөс секундэд 7-12 метр, борооны өмнө түр зуур ширүүснэ. Шөнөдөө 11-16 градус, өдөртөө 23-28 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Түр зуурын бороо орно. Дуу цахилгаантай. Салхи баруун хойноос секундэд 6-11 метр, борооны өмнө түр зуур секундэд 16-18 метр хүрч ширүүснэ. Шөнөдөө 12-14 градус, өдөртөө 22-24 градус дулаан байна

ГОВИЙН АЙМГУУДЫН НУТГААР: Солигдмол үүлтэй. Шөнөдөө нутгийн зүүн өмнөд хэсгээр, өдөртөө зарим газраар түр зуурын бороо орно. Дуу цахилгаантай. Салхи баруун өмнөөс хойш эргэж секундэд 7-12 метр, өдөртөө зарим газраар түр зуур секундэд 18-20 метр хүрч ширүүснэ. Шөнөдөө бүх нутгаар 14-19 градус, өдөртөө Дундговийн нутгаар 22-27 градус, бусад нутгаар 26-31 градус дулаан байна.

УЛААНБААТАР ХОТ: Шөнөдөө багавтар үүлтэй, бороо орохгүй. Өдөртөө үүлшиж, түр зуурын бороо орно. Дуу цахилгаантай. Салхи зүүн өмнөөс секундэд 7-12 метр, борооны өмнө түр зуур ширүүснэ. Шөнөдөө 12-14 градус, өдөртөө 24-26 градус дулаан байна.

Олон улсын спортын хүүхдийн VII наадам энэ сарын 12-17-ны өдрүүдэд Улаанбаатар хотноо болно.



Энэ жил гурав дахь удаагаа зохион байгуулагдаж байгаа бөгөөд наадамд Монгол, ОХУ-ын Буриад, БНХАУ-ын ӨМӨЗО-ны нийт 1000 гаруй тамирчид спортын 11 төрлөөр өрсөлдөх аж.



“Найрамдал” зусланд болох энэхүү наадам сагсан бөмбөг, волейбол, байт харваа, бокс, теннис, чөлөөт бөх, ширээний теннис зэрэг төрлүүдэд шилдгүүдээ тодруулна.

Эмээлт авто тээврийн шалган нэвтрүүлэх товчооноос 2017 оны 08 дугаар сарын 07 ны өдрийн 23 цагт Төв аймгийн Аргалант сумаас агнагдсан 8 тарвагыг Зооноз өвчин судлалын үндэсний төвд хүлээлгэн өглөө. Зөрчил гаргасан иргэдийг цагдаагийн байгууллагад шилжүүлэн шалгуулж байна.

“Samsung” корпораци “Galaxy S8 Active” гар утсаа энэ сарын 11-ний баасан гарагт албан ёсоор худалдаанд гаргахаар болжээ.



Тус компанийн энэ шинэ бүтээгдэхүүний гол онцлогуудын нэг нь батарей. Энэ ухаалаг гар утас нь батарейны хүчин чадлын хувьд “S8” болон “S8 plus”-ынхаас илүү. “S8” болон “S8 plus”-ын батарей нь 3000мАч ба 3500мАч хүчин чадалтай бол “Galaxy S8 Active”-ийнх 4000 мАч ажээ.



“Galaxy S8 Active” нь солирон саарал болон титан голд гэсэн хоёр өнгөний сонголттой байх бөгөөд 5.4 инч дэлгэцтэй “Galaxy S8 Active” нь Snapdragon 835 CPU-тай, 4 Гб Рамтай, 65 Гб багтаамжтай байна гэв.


Мөн “Galaxy S8 Active” нь усны хамгаалалтайгаас гадна бат бөхөөрөө бусад ижил төрлийн бүтээгдэхүүнээс давуу талтай. Тодруулбал, энэ ухаалаг гар утас 1.5 м гүн усанд 30 хүртэл минут байхад болон 1.5 м өндрөөс тэгш гадаргуу дээр унагаахад яах ч үгүй гэнэ.

​

Монгол Улсын Ерөнхий сайд Ж.Эрдэнэбат БНСВУ-ын Хөдөө аж ахуй, хөдөөгийн хөгжлийн сайд, Засгийн газар хоорондын комиссын Вьетнамын хэсгийн дарга Нгуен Суан Гыонгийг хүлээн авч уулзлаа.

БНСВУ бол зүүн өмнөд Ази дахь манай улсын чухал түнш. Вьетнам улстай тогтоосон уламжлалт найрсаг харилцааг хөгжүүлэх нь манай улсын гадаад бодлогын тэргүүлэх зорилтын нэг. Хоёр улсын харилцаа, хамтын ажиллагааг харилцан ашигтай хэлбэрээр эрчимжүүлэн хөгжүүлэх эрмэлзэлтэй байгаагаа Ерөнхий сайд илэрхийллээ.

Хоёр орны эдийн засгийн хамтын ажиллагаа, худалдааны эргэлтийг нэмэгдүүлэхэд бодитой, тодорхой арга хэмжээ авах хэрэгтэй байна. Үүнд Худалдаа, эдийн засаг, шинжлэх ухаан, технологийн салбарт хамтран ажиллах Монгол, Вьетнамын Засгийн газар хоорондын комиссын хуралдаан чухал ач холбогдолтой. Энэ хуралдаан амжилттай болсон тухай мэдээллийг авсан гэж Ерөнхий сайд хэлээд хуралдааны шийдвэрүүдийг хэрэгжүүлэхэд хоёр талын холбогдох байгууллагууд идэвхтэй ажиллахыг хүслээ.

Засгийн газар хоорондын комиссын XVI хуралдаанаар Монгол Улсаас мах, махан бүтээгдэхүүн, Вьетнамаас хүнсний болон далайн бүтээгдэхүүн харилцан нийлүүлэхээр хэлэлцсэн байна. Энэ шийдвэрийг бодит ажил хэрэг болгоход тус комиссын гишүүд онцгойлон анхаарч, дэмжлэг үзүүлж ажиллана гэдэгт итгэлтэй байгаагаа Ерөнхий сайд Ж.Эрдэнэбат хэллээ. Мөн тус улсын бизнес эрхлэгч, хөрөнгө оруулагчдыг дэмжиж ажиллахаа илэрхийллээ.

Вьетнам улс 150 гаруй оронд хөдөө аж ахуйн бүтээгдэхүүн экспортолдог. Монгол Улсын Хүнс, хөдөө аж ахуй, хөнгөн үйлдвэрийн сайдтай энэ салбарт харилцаа, хамтын ажиллагаагаа эрчимтэй хөгжүүлэх талаар ярилцсан. Засгийн газар хоорондын комиссын хуралдааны шийдвэрүүдийг ажил хэрэг болгоход анхаарч ажиллана гэдгээ БНСВУ-ын Хөдөө аж ахуй, хөдөөгийн хөгжлийн сайд хэлж байлаа гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Сүхбаатар дүүргийн 10 дугаар хороо, “Авто плазагийн уулзвар”-ын өргөтгөл, шинэчлэлтийн ажил 2017 оны наймдугаар сарын 8-ны өдрийн 22.00 цагаас 2017 оны наймдугаар сарын 10-ны өдрийн 22.00 цагийн хооронд хийгдэж, Их тойруугийн гол гудамж, Академч Н.Содномын гудамж, Худгийн гудамжны уулзварын тээврийн хэрэгслийн хөдөлгөөнийг хязгаарлах тул тус автозамаар дайран өнгөрдөг нийтийн тээврийн үйлчилгээний чиглэлүүдэд түр хугацаанд өөрчлөлт оруулав. Үүнд:

Ч:4 “5 шар - 3,4-р хороолол – Сансарын тойрог”,
Ч:5 “Гэмтлийн эмнэлэг-Их тойруу-Шархад”,
Ч:17а “Баруун 4 зам-Их тойруу-Зүүн 4 зам-Нарны зам”,
Ч:17б “Баруун 4 зам-Нарны зам-Зүүн 4 зам-Их тойруу”,
Ч:25 “Тоосгоны үйлдвэр-Их тойруу-3,4-р хороолол”,
Ч:31 “Улиастай-Баянбүрд-Зам гүүрийн авто бааз”,
Ч:35 “Монелийн 43-Хүнсний 4-р дэлгүүр-МУИС- 11-р хороолол”,
Ч:41 “Баруун салаа- Их тойруу- Халдвартын эмнэлэг”
Ч:49 “1-рхороолол-Модны 2-МУИС-Дүнжингарав Худалдааны төв”
Чиглэлүүд 11 дүгээр хороолол, Бээжингийн гудамжаар дайран өнгөрч Их сургуулийн гудамжаар Их тойруугийн замд орж хөдөлгөөнийг үргэлжлүүлэн иргэдэд үйлчилнэ.

Мөн Сүхбаатар дүүргийн 5 дугаар хороо, “Өгөөж чихэр боов” ХХК-ийн уулзварын өргөтгөл, шинэчлэлтийн ажлын хүрээнд 2017 оны наймдугаар сарын 9-ний өдрийн 07.00 цагаас 2017 оны наймдугаар сарын 11-ний өдрийн 07.00 цагийн хооронд хийгдэж Үндсэн хуулийн гудамж, Сөүлийн гудамжны уулзварын тээврийн хэрэгслийн хөдөлгөөнийг хязгаарлах тул авто замын зорчих хэсгийг хаахаар болсон байна.

Иймд тус замаар дайран өнгөрдөг нийтийн тээврийн үйлчилгээний дараах чиглэлүүдэд түр хугацаанд өөрчлөлт орно. Үүнд:

Ч:9 “Нисэх-Нарны гүүр-Тэнгис кино театр-Хүнсний 4-р дэлгүүр”
Ч:21а “Булгын 19-р гудамж- Вокзал-3,4-р хороолол”
Ч:21б “Булгын 19-р гудамж-3,4-р хороолол-Вокзал”
Ч:27 “Вокзал-Бөмбөгөр-Өвөр согоот”,
Ч:29 “Сэлбэ амралт-МУБИС-Вокзал”
Ч:43 “Баянхошуу-Ард кино театр-ТЭЦ 3”
Ч:46 “Улаанчулуут-Их наран-Вокзал”
ХО:4 “Тэрэлж-Мэлхий хад-Налайх-Баруун 4 зам” чиглэлүүд Өгөөжийн
уулзвараар бус Магсаржавын гудамжаар дайран өнгөрч хөдөлгөөнийг үргэлжлүүлэн иргэдэд үйлчилнэ.

Иргэд та бүхэн зураглалын дагуу зорчилтоо төлөвлөж нийтийн тээврийн үйлчилгээг авна уу. Үйлчилгээтэй холбоотой санал, хүсэлтийг 323176, 326352 дугаарын утсаар 24 цагийн турш хүлээн авч шуурхай шийдвэрлэнэ гэж нийслэлийн Тээврийн газраас мэдээллээ.

Жимс авахдаа юуг анхаарах вэ

Онцгой байдлын ерөнхий газар, НҮБ-ын Хөгжлийн хөтөлбөртэй хамтран хүн бүрт гамшгаас хамгаалах мэдлэг, чадвар, хандлага олгох зорилгоор сургуулийн өмнөх наснаас эхлэн бүх насны суралцагчдад зориулсан сургалтын хөтөлбөр, сэдэвчилсэн төлөвлөгөөний төслийг мэргэжилтэн, багш, сурган хүмүүжүүлэгчдийн багийн оролцоотой цогц байдлаар боловсруулсан юм.

Улмаар Монгол Улсын Гамшгаас хамгаалах тухай хууль, Гамшгаас хамгаалах талаар төрөөс баримтлах бодлого, Гамшгийн эрсдэлийг олон нийтийн оролцоотой бууруулах үндэсний хөтөлбөрийг хэрэгжүүлэх ажлын хүрээнд боловсруулсан уг сургалтын хөтөлбөр, сэдэвчилсэн төлөвлөгөөний дагуу их, дээд сургууль, коллежийн оюутнуудад зориулсан сургалтын хөтөлбөрт гамшгаас хамгаалах мэдлэг, чадвар олгох хичээлийн хөтөлбөрийг тусгах саналыг Боловсрол, соёл, шинжлэх ухаан, спортын яаманд хүргүүлсэн.

Тэгвэл БСШУС-ын сайдын А/103 дугаар тушаалаар 2017-2018 оны хичээлийн жилээс эхлэн оюутнуудад гамшгаас хамгаалах мэдлэг, чадвар олгох “Гамшгаас хамгаалах менежментийн үндэс” хичээлийг их, дээд сургуулиудын заавал судлах суурь хичээлийн хөтөлбөрт орууллаа.



Энэхүү хичээлийг ийнхүү их, дээд сургуулиудын заавал судлах хичээлийн хөтөлбөр оруулсан нь оюутнуудад гамшгаас хамгаалах, гамшгийн эрсдэлийг бууруулах үйл ажиллагааны үндсэн ойлголт, эрх зүй, удирдлага зохион байгуулалтын талаар мэдлэг олгож, тохиолдож болзошгүй аюул, ослын эрсдэлийг үнэлж, урьдчилан сэргийлэх, хор уршгийг арилгах арга хэмжээг удирдан зохион байгуулах чадвар, дадал эзэмшүүлэх, гамшгаас хамгаалах үйл ажиллагааг дэмжих хандлагыг төлөвшүүлэх ач холбогдолтой юм.

Өөрөөр хэлбэл, их, дээд сургууль төгссөн хүн бүр аливаа гамшиг ослын үед авч хэрэгжүүлэх арга хэмжээ, өөрийгөө болон бусдыг хамгаалах, тохиолдож болзошгүй аюул, ослын эрсдэлийг үнэлж, урьдчилан сэргийлэх мэдлэгтэй болох юм гэж Онцгой байдлын ерөнхий газраас мэдээллээ.

УИХ дахь Ардчилсан намын бүлэг өнөөдөр /2017.08.08/ ээлжит бусаар хуралдаж, хүүхдийн мөнгө, өвөлжилтийн бэлтгэл ажлыг хангах тухай болон бусад асуудлыг хэлэлцлээ. Хэлэлцсэн асуудлын талаар УИХ дахь Ардчилсан намын бүлгийн дэд дарга Ж.Батзандан, УИХ-ын дэд дарга Я.Санжмятав, УИХ-ын гишүүн Д.Мурат, Ажлын албаны дарга Д.Золжаргал нар мэдээлэл хийлээ.

Ерөнхийлөгч Х.Баттулга сонгогдсоныхоо дараа хоёр элчин сайдыг эгүүлэн татахаар УИХ-тай зөвшилцөх бичиг хүргүүлсэн билээ.

НҮБ-ын Хүүхдийн Сангаас Монгол Улсад суух Суурин төлөөлөгч Алекс Хайкенс Гадаад харилцааны сайд Ц.Мөнх-Оргилд итгэмжлэх захидлаа өргөн барив.
Ёслолын дараа Гадаад харилцааны сайд, Суурин төлөөлөгч нар НҮБ-ын Хүүхдийн Сангийн Монголд хэрэгжүүлэх үйл ажиллагааны талаар санал солилцов.
Монгол Улс хэзээд хүүхдийн асуудлыг тэргүүн эгнээнд тавьж ирсэн, одоогийн Засгийн газар ч мөн хүүхдийн сайн сайхан байдлыг хангахын төлөө хүчин чармайлт гарган ажиллаж байгаа гэдгийг Гадаад харилцааны сайд Ц.Мөнх-Оргил онцлоод, Монгол Улсын Засгийн газар болон НҮБ-ын Хүүхдийн Сангийн хамтын ажиллагааны 2017-2021 оны Улс орны хөтөлбөрийн хэрэгжилтийг ханган, урт хугацааны, бодитой үр дүн гаргаж ажиллана гэдэгт итгэж буйгаа илэрхийлэв.
“Өмнөх 2012-2016 оны Улс орны хөтөлбөрийн хүрээнд Хөвсгөл аймаг, Налайх дүүрэгт хэрэгжүүлсэн нийгмийн суурь үйлчилгээг хүүхэд бүрт тэгш хүргэх сайн туршлага, загварыг шинээр 3 аймаг, 2 дүүрэгт нэвтрүүлж, үндэсний хэмжээний бодлого, хөтөлбөрт тусгах чиглэлд Монгол Улсын Засгийн газрыг дэмжин ажиллах болно” гэж НҮБ-ын Хүүхдийн Сангийн Суурин төлөөлөгч Алекс Хайкенс тэмдэглэв.
Мөн 2017-2021 онд хэрэгжүүлэх Улс орны хөтөлбөр нь хүүхдүүдийн аж байдлыг дээшлүүлж, улмаар Монгол Улсын Тогтвортой хөгжлийн зорилтуудын биелэлтэд хувь нэмэр оруулна гэдэгт итгэж буйгаа илэрхийлэв.
Гадаад харилцааны сайд Ц.Мөнх-Оргил ноён Хайкенст ажлын өндөр амжилт хүсээд, Монгол Улсын Засгийн газар НҮБ-ын Хүүхдийн Санг бүх талаар дэмжин ажиллах болно гэдгээ илэрхийлэв.
Алекс Хайкенс 2013 оноос хойш Нью-Йорк дахь НҮБ-ын Хүүхдийн Сангийн төв оффист уур амьсгалын өөрчлөлт, эрчим хүч болон байгаль орчны тогтвортой байдал хариуцсан ахлах зөвлөхөөр ажиллаж, энэ асуудлаархи байгууллагын бодлогыг тодорхойлон, удирдаж байсан.
Алекс Хайкенс нь 2003-2013 онд Ази дахь НҮБ-ын Хүнс, Хөдөө Аж Ахуйн Байгууллага, НҮБ-ын Хөгжлийн Хөтөлбөр зэрэг НҮБ-ын хэд хэдэн төрөлжсөн байгууллагад байгаль орчин, уур амьсгалын өөрчлөлтийн асуудлаархи бодлогын зөвлөхөөр ажиллаж, тус бүс нутгийн улс орон, тэдгээрийн Засгийн газарт уур амьсгалын өөрчлөлтийг даван туулах асуудлаар бодлогын дэмжлэг үзүүлж байсан.
Алекс Хайкенс Индонези улсад бохирдсон ундны усны эх үүсвэрээс хүн амын эрүүл мэнд, хөдөө ах ахуйн үйлдвэрлэлд үзүүлэх нөлөөний талаар судалгаа хийж, байгалийн шинжлэх ухааны докторын зэрэг хамгаалсан. Голландын Утрехтийн Их сургуулийн биологийн ухааны магистр цолтой. Тэрээр Голланд улсын иргэн.

​Чили Улсын Сантьяго хотноо жүдо бөхийн өсвөр үеийн ДАШТ болно. Тус тэмцээнд дэлхийн 68 улсын эрэгтэй 235, эмэгтэй 206 жүдоч хүч үзэхээр мэдүүлгээ өгсөн байна.



Харин манай улсаас энэхүү тэмцээнд 14 тамирчин зодоглохоор өмнөд америк тивийг зорилоо. Манай баг тамирчдыг ”Монголын жүдо академи”-ийн дасгалжуулагч ОУХМ, олон улсын шүүгч, Л.Лувсандэмбэрэл, ”Боржин төв” дэвжээний дасгалжуулагч, олон улсын шүүгч Д.Алтантуяа, Чингэлтэй дүүргийн дасгалжуулагч С.Баяржаргал нар дасгалжуулан оролцоно.



ДАШТ-д оролцох Монгол Улсын баг:



Эрэгтэй:



50 кг: Ганбүргэдийн Тэмүүжин /Чингэлтэй дүүрэг/

Бямбажавын Цогт-Очир /”Хангарьд” спорт хороо/

55 кг: Бямбасүрэнгийн Сүхбат /Баянзүрх дүүрэг, “Женко” клуб/

60 кг: Баянмөнхийн Нармандах / Баянзүрх дүүрэг, “Женко” клуб/

Батбаатарын Намуунбаяр /Монголын жүдо академи/

73 кг: Батхуягийн Адъяасүрэн /Сүхбаатар аймаг/

Гантулгын Мөнх-Эрдэнэ /ШШГЕГ-ын “Сүлд” спорт хороо/

81 кг: Сэргэлэнгийн Мөнхбаяр /Булган аймаг/



Эмэгтэй:



44 кг: Ганболдын Бүрнээбаяр /”Боржин төв” дэвжээ/

Баасансүрэнгийн Ойдовчимэд /Хан-Уул дүүрэг, “Женко” клуб/

48 кг: Эрдэнэдалайгийн Нүрзэдмаа /Баянхонгор аймаг/

52 кг: Лхагвасүрэнгийн Сосорбарам /Баянхонгор аймаг/

57 кг: Цэрэнжавын Цэрэндолгор /Чингэлтэй дүүрэг/

70 кг: Саранцэцэгийн Лхагвадулам /Чингэлтэй дүүрэг/

Өчигдөр буюу энэ сарын 7-ны өдрийн 23 цагийн орчимд найман тарвагыг хот руу оруулах гэж байсныг Сонгинохайрхан дүүргийн

УИХ дахь АН-ын бүлгийн гишүүд мэдээлэл хийх үеэр УИХ-ын гишүүн, бүлгийн дэд дарга Ж.Батзандан Ерөнхийлөгч Х.Баттулга иргэдийг зээлийн дарамтаас

Хандлага гэдэг нь бидний оюун санаа ямар бодлуудыг тээж явдгийг бид бусдад үйл хөдлөл, үг хэлээрээ илэрхийлж харуулахыг хэлдэг. Тийм болохоор хандлагаа тодорхойлно гэдэг нь оюун бодолдоо дүгнэлт хийж, тунгаан шүүнэ гэсэн үг. Өөрийгөө байгаагаар нь хүлээн зөвшөөрч чадахгүй байх нь бидний хандлагаас шалтгаалж байдаг. Хандлага эерэг болон сөрөг байж болно. Эерэг хандлагатай хүн оюун бодлоо эерэг сайн зүйлд үргэлж чиглүүлж чаддаг. Харин сөрөг хандлагатай хүн өөрт хичнээн сайн зүйлийг хийж байсан ч сөргөөр, муу талаас нь хүлээж авдаг. Өдөр ажилдаа ядраад сууж байхад хэн нэгэн аяга цай дөхүүлж өглөө гэж бодъё. Эерэг хандлагатай хүн маш сайхнаар, баяртайгаар хүлээн авч талархлаа илэрхийлнэ. Харин сөрөг хандлагатай хүн мэдээж талархана, гэхдээ дотроо хардсан байдлаар хүлээн авдаг. “Яагаад надад цай авчирч өгөв, надаас юу гуйх гэж байгаа бол, цай нь ер нь зүгээр болов уу” гэх мэтээр бодож болох юм.

Өөрийгөө эерэг болон сөрөг хандлагатайн аль нь болохоо шалгаж болно. Энэ нь танд тохиолдох аливаа үйлдлээс танд төрж байгаа таатай болон таагүй мэдрэмжээр мэдэгдэж болдог.

Хандлагаа өөрчлөнө гэдэг нь бодол санаагаа эерэг, зөв бодлоор цэнэглэнэ гэсэн үг. Хүмүүсээс “Би үүнээс ихийг хийх л байсан, би чадварлаг сайн багш болох л байсан, би өндөр цалинтай ажил хийж чадах л байсан, би үүнээс илүү амжилттай амьдрах л байсан” гэсэн үгсийг би олон удаа сонсож байсан. Заримдаа би ч өөрөө “Залуу насандаа ийм их зовлонтой амьдрал туулаагүй бол, би эрэгтэй хүн байсан бол ...” гэх мэтээр боддог байлаа. Миний толгой оюун бодолд “Би эмэгтэй хүн болохоор чадахгүй шүү дээ, одоо нэгэнт нас явчихлаа ...” зэрэг бодлууд байдаг байсан болохоор хандлага маань сул дорой, чадваргүйг илтгэн харуулж үйл хөдлөлүүдийг хийдэг байсан. “Би угаасаа чадахгүй, би энэ талаар сайн мэдэхгүй, би хэзээ ч хийж байгаагүй, хийх ч үгүй байх, би азгүй хүн, нэгэнт нас явчихлаа” гэх мэт бодлууд танд байдаг бол таны хандлага буруу болж, үг хэл, үйл хөдлөлүүд тань үүнийг илтгэн харуулдаг.

Тиймээс зөв эерэг бодол таныг урагшлах, тэмүүлэх, амжилт гаргах агуу том үндэс болох болно. Харин буруу, сөрөг бодлууд биднийг улам л муу муухай, болж бүтэхгүй зүйлд уруу татаж бие мах бодийг хүртэл өвчин эмгэгт хүргэдэг. Бүх зүйл хоёр талтай. Нар гарахад сүүдэр бас байдаг, сайн сайхны хажуугаар муу муухай ч зэрэгцэн оршдог. Бидэнд үргэлж сонголт байдаг. Юу сонгоно түүнийгээ л хүртэж амьдардаг. Зовлон бэрхшээл, сэтгэлийн шаналал, стрессийг сонгох сонголтоо бид өөрсдөө л хийсэн байдаг юм. Амьдрал ядуу байна, цалин бага байна, улс төр тогтворгүй байна, эдийн засаг хямарч байна гээд л бодол санаагаа хямраагаад байвал таны бодол санааг дагаад амьдрал хямарсаар л байх болно.

Зөв, эерэг, сайн сайхан бодлуудын үрийг тарьж, амьдрал хэмээх саглагар сайхан модоо арвин их үр жимстэй байлгаж болно гэдэгт та итгээрэй.

Манжаагийн Алтанцэцэг
Хувь хүний хөгжлийн институтын захирал, сэтгэлзүйч

Ойн түймрийн голомтод ажиллаж байгаа гал сөнөөгчид болон Онцгой байдлын албанд дэмжлэг үзүүлэх зорилгоор иргэдийн санаачлагаар эхлүүлсэн хандивын аянд гадаад улс оронд ажиллаж амьдарч байгаа монголчууд маань олноор нэгдэж, өөрсдийн сэтгэлийн хандиваа илгээсээр байгаа билээ.

Тэгвэл өнөөдөр Швейцарь улсад ажиллаж амьдардаг монголчуудаа уриалан хандивын аян өрнүүлсэн тус улсын Вазель хотын оршин суугч Д.Нэргүй өөрийн биеэр ирж 2,745,000 төгрөгийн хандивыг ОБЕГ-т хүлээлгэн өглөө. Түүний эхлүүлсэн хандивын аянд Вазель, Бель, Олтен хотод ажиллаж амьдарч байгаа 41 иргэн оролцсон байна.





















Түүнчлэн АНУ-ын Денвер хотод ажиллаж, амьдардаг Монголын эрэгтэйчүүдийн холбооны гишүүд “Эхорноо аваръя” хандивын аян өрнүүлж, 400 долларын хандиваа илгээлээ. Илгээмжийг Монголын эрэгтэйчүүдийн холбооны тэргүүн, хошууч генерал Я.Пүрэвдорж ОБЕГ-т хүлээлгэн өгсөн юм. Тус хандивын аянд Денвер хотод ажиллаж амьдардаг 20-н иргэн оролцож, сэтгэлийн хандиваа илгээсэн байна гэж Онцгой байдлын ерөнхий газраас мэдээллээ.

УИХ дахь Ардчилсан намын бүлгээс хэвлэлийн хурал хийж байна.

Монгол угсаатны аугаа өв соёл Монгол уран бичлэгийн “Монгол туургатан” хүүхдүүдийн анхдугаар наадам Монголын хүүхдийн урлан бүтээх төвд боллоо. Монгол үндэсний эрт эдүгээ цагийн хэл аялгуугаар Монгол туургатан хүүхэд багачуудын ур ухаан, авьяас билгээр бүтсэн “Монгол туургатан” уран бичлэгийн наадамд БНХАУ-ын Өвөр монголын өөртөө засах орны болон Монгол хүүхдүүдийн 180 гаруй шилдэг бүтээл оролцож байгаагаараа онцлог юм.

Уг үзэсгэлэнгийн гол зорилго нь мартагдаж буй босоо Монгол бичиг, өв уламжлал хэл соёлоо сурталчлан таниулах, түгээн дэлгэрүүлэх, эрхэмлэн дээдлэх, Монгол туургатан хүүхэд багачуудын найзлаж нөхөрлөх харилцан хөгжихөд оршино. Үзэсгэлэнд нийслэлийн Засаг даргын Ядуурлыг бууруулах, хөдөлмөр эрхлэлтийн асуудал хариуцсан орлогч Д.Энхтөр, Засгийн газрын хэрэгжүүлэгч агентлаг Гэр бүл, Хүүхэд, залуучуудын хөгжлийн газрын дэд дарга Б.Халиун, нийслэлийн Хүүхэд, гэр бүлийн хөгжлийн газрын дарга Ө.Ган-Өлзий Монголын хүүхдийн урлан бүтээх төвийн захирал Д.Уранбилэг БНХАУ-ын ӨМӨЗО-ы Утаг Урлаг солилцооны нийгэмлэгийн дарга О.Тэгшээ нар оролцож авьяас чадвар, ур оюунаа дайчлан оролцсон хүүхдүүдэд баяр хүргэж мөнгөн шагнал бэлэг дурсгал, өргөмжлөл гардуулав гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бага байхад аав духан дээр минь яльгүй тамхины бохь үнэртүүлсэн уруулаараа үнсэж, үнэрлэдэг байж билээ. Тэр л үнэр, тэр л мэдрэмж одоо үе үе санаанд минь ордог. Насан өндөр болсон болохоор аавыгаа улам л хүүхдэрхүү зантай болж байгааг нь анзаардаг. Эсрэгээрээ би одоо аавынхаа буурал толгойг тэвэрч үнсдэг. Сайхан мэдрэмж төрдөг. “Хэзээ нэгэн цагт энэ мэдрэмжийг мэдрэх боломжгүй болно шүү дээ” гэж бодохоор өөрийн эрхгүй хамар шархирдаг. Аав минь хар нялх цагаас минь надад олон олон үнэт дурсамжийг үлдээсэн. Хамгийн гайхалтай нь би ааваасаа эр зориг, үр хүүхдүүдээ тэжээн тэтгэх ёстой гэсэн хөдөлмөрч зан, нягт нямбай байдал, мөнгөнд хандах хандлага гээд л амьдралд хэрэгтэй бүхий л зүйлийг сурсан. Бас хүний мөс чанар, ёс суртахуунтай, хүнлэг энэрэнгүй байхад суралцсан. Аав минь социализмыг бүтээн байгуулалцаад завгүй байсан ч гэсэн яаж ийгээд оройн цагаар бидэнд үлгэр ярьж өгнө, уншсан номноосоо сонирхолтой хэсгийг ярих, хүүхэлдэйн киног камераар үзүүлдэг байлаа. Бас түлээ хөрөөдөж бэлдэх, ус зөөх, гадна хашаа хороогоо цэвэрлэх зэрэг ажил хөдөлмөрийг хамтдаа хийдэг байсан. Үлгэр домог ярьж өгч энэрэнгүй, бусдыг хайрлах, хүн чанар ёс суртахуунд сургаж, хамдаа ажил хөдөлмөр хийж хөдөлмөрч чанарт сургаж байжээ. Зарим үед бүтэлгүйтэн үеийн хүүхдүүдтэй муудалцан уйлсаар орж ирэхэд хэзээ ч намайг шууд өмөөрч байсангүй, харин юунд буруу байсныг ухааруулан хэлж өгдөг байлаа.

Аав хүн, хүүхдийнхээ хүмүүжилд 80 хувийн нөлөө үзүүлдэг болохыг аль хэдийн судлаачид тогтоосон. Үр хүүхдүүдээ хайрлан, ханиа халамжлан амьдарч байгаа залуу сайхан аавууд олон байгаа ч зарим талаар дутагдалтай аавууд ч байгааг хэлэхгүй өнгөрч болохгүй санагдна. Үр хүүхдүүдээ эрүүл бие бялдар, саруул оюун ухаантай, сэтгэлийн тэнхээтэй сайн хүн болоосой гэж хүн бүр боддог бас хүсдэг. Гэтэл эр хүний, эцэг хүний үүрэг хариуцлага ямар өндөр болохыг мэдсээр байж үйл хөдлөл, үг хэлээ хянаж, ирээдүйн иргэдийг бэлтгэж байгаагаа анхаарах цаг болсон байна. “Эр хүн шиг бай” гэж бид ярьдаг. Тэгэхээр эр хүн гэдэг ямар мундаг үлгэр дуурайлал болохыг харж болох юм. Ингээд аавууддаа дараах хэдэн санамжийг хүргэе.



• Хүүхдүүдийнхээ хажууд байхдаа “Би ямар байна хүүхэд маань ийм л болно” гэдгийг үргэлж санаж байгаарай.
• Хамт байх цаг мөчийг чанартай өнгөрүүлж байгаарай. Хамт тоглох, ном унших, үлгэр ярьж өгөх гэх мэтийн энгийн үйлдлүүд хамгийн чухал болохыг санаарай.
• Хамтдаа ямар нэгэн бүтээлч зүйлийг хийж байгаарай. Хүүхэд тань хөдөлмөрт дурлах болно.
• Ухаалаг утас, телевизор, компьютерээс хол байлгаж, байгаль эх дэлхийтэйгээ харилцаж сурахад нь үлгэр дуурайлал үзүүлээрэй. Хүссэн хүсээгүй тэр “ухаалаг” бүхнийг амьдрал өөрөө сургаад өгдөг.

Эцэст нь хэлэхэд сайн аавтай байснаараа би үргэлж сэтгэл дүүрэн, бахархалтай амьдардаг. Миний амьдралын бүхий л амжилтуудын суурийг тавьж өгсөн аавдаа би хайртай.

Манжаагийн Алтанцэцэг
Хувь хүний хөгжлийн институтын захирал, сэтгэлзүйч

УИХ-ын гишүүн Д.Гантулгатай холбоотой хэргийн явцын талаар өмгөөлөгч М.Ичинноров, хохирогчийн эгч