Шударга өрсөлдөөн, хэрэглэгчдийн төлөө газрын дарга асан О.Магнай Ардчилсан намын хэвлэл, мэдээлэл олон нийт хариуцсан орон тооны нарийн бичгийн даргын албанд томилогджээ.

УИХ дахь Ардчилсан намын бүлэг маргааш өргөтгөсөн худалдаан хийхээр товложээ.

Засгийн газраас ахмад настнуудад Цагаан сарын баяр, Үндэсний их баяр наадмын өмнө буюу жилд хоёр удаа насны хишиг олгохоор болсон билээ.

Авлигатай тэмцэх газраас Ерөнхий сайд асан Н.Алтанхуягийн эзэмшлийн бүх оффист өчигдөр нэгжлэг хийжээ.

СХД-ийн Эрүүл мэнд, нийгмийн даатгалын хэлтсийн дарга Б.Жаргалсайханаас хэлтсийн үйл ажиллагааны талаар тодрууллаа.

-Сонгинохайрхан дүүрэг хүн ам ихтэй, тийм болохоор танай хэлтэс ачаалал ихтэй ажилладаг байх.

-СХД-ийн Эрүүл мэнд, нийгмийн даатгалын хэлтэс нь 32 хорооны 312 мянган иргэнд эрүүл мэнд, нийгмийн даатгалын үйлчилгээг үзүүлдэг. 36 мянган тэтгэвэр авагчтай, 2600 гаруй ажил олгогч байгууллага, 145,000 гаруй иргэн эрүүл мэндийн даатгалд, сайн дурын даатгалд 19 мянган гаруй иргэн хамрагддаг. Манай хэлтэс 63 хүний орон тоотой, 5 тасаг төрийн үйлчилгээг дүүргийн иргэддээ хүргэж байна.

-Эерэг хандлага, чанартай үйлчилгээний жил болгон зарласан. Энэ жилийн хүрээнд хийж хэрэгжүүлж байгаа ажлаасаа товч танилцуулбал.

-2017 оныг ЭМНДЕГ-аас Эерэг хандлага, чанартай үйлчилгээний жил болгон зарласан. Мөн Нийслэлийн засаг даргын тамгын газраас “Иргэдийн оролцоотой эрх зүйт шинэтгэл”-ийн жил болгон зарласантай төлөвлөгөөгөө гарган ажиллаж байна. Энэ жилийн хүрээнд дүүргийн 32 хорооны иргэддээ эрүүл мэнд, нийгмийн даатгалын үйлчилгээг ойртуулахыг зорьж олон ажлыг санаачлан хэрэгжүүлж байна. Юуны өмнө хороодын хэсгийн ахлагч нартаа нийгмийн даатгалын хууль тогтоомжийн талаар мэдлэг, мэдээлэл олгох ажлыг эхлүүлж, тэтгэврийн байцаагчид хороодод хуваарилагдан, эрүүл мэнд, нийгмийн даатгалын хууль тогтоомж, хуульд орсон нэмэлт өөрчлөлтийн талаар сургалт, мэдээлэл өгөх, санал хүсэлтийг сонсох ажлыг эхлүүлээд байна. Хоёрдугаар сарыг тэтгэвэр, сайн дурын даатгалын мэдээ мэдээллийг түлхүү өгөх чиглэлийн дагуу СХД-ийн 7,8,21 дугаар хороодын иргэдэд мэдээлэл, зөвлөгөө өгөх ажлыг зохион байгууллаа. Иргэд ч их идэвхтэй оролцож байна. Мөн хэлтэс дээрээ хөтөч байцаагч ажиллуулж, зөвлөгөө мэдээлэл өгч, иргэддээ хүрсэн чанартай үйлчилгээ үзүүлэхийг л хичээж ажиллаж байна. Мөн энэ жил нийгмийн даатгалын байгууллага үүсч хөгжсөний 75 жилийн ой тохиож байгаатай холбогдуулан Чанартай үйлчилгээ, соёлтой харилцаа 75 хоногийн аян зарлагдсан. Энэ аяны хүрээнд байцаагчдын харилцааны соёл, үйлчилгээг сайжруулах сургалтуудыг зохион байгуулж, байцаагч бүрийг дүгнэх ажлыг хийж байна. Иргэд даатгуулагчдын санал хүсэлт, өргөдөл гомдлыг хүлээн авах хайрцаг байршуулж, шуурхай шийдвэрлэхэд анхаарч байна. Мөн аж ахуй нэгж байгууллагын мэдээллийн баазыг шинэчлэх ажлыг хэрэгжүүлээд явж байна.

-Чанартай үйлчилгээ, соёлтой харилцаа аяны хүрээнд байцаагчтай холбоотой гомдол санал хэр ирж байна вэ?

- Байцаагчдын харилцаа хандлагыг өөрчлөх, дүрэм журмаа барьж ажиллах тал дээр анхаарч байгаа учраас гомдол санал гаргахгүйг хичээн ажиллаж байна. Зөвхөн энэ аяны хүрээнд ч биш байнга, тогтмол чанартай үйлчилгээг үзүүлж, иргэд даатгуулагчтай зөв боловсон харилцах талаар дээр анхаарч байна. Гэхдээ харилцаа, ёс зүйтэй холбоотой гомдол санал ирээгүй биш ирж байна. Нийслэлийн хамгийн олон хүн амтай дүүргийн хувьд ачаалал ихтэй байна. Үйлчлүүлж байгаа цаг хугацааны хувьд удаан үйлчилж байна. Оочер дугаар их байна гэсэн гомдол нилээд ирдэг. Ялангуяа сарын эцэс, сарын эхэнд сайн дур, эрүүл мэндийн даатгуулагч гэрээгээ хийж, мөнгөө төлөх гэж бараг бүгд ирдэг учраас бухимдал үүсдэг. Тэтгэвэр тогтоолт, олголт дээр харьцангуй гомдол санал бага гардаг. Тэтгэвэр тогтоолт, олголтыг шалгах аяны хүрээнд тэтгэврээ шалгуулчихаад тэтгэврийн хувь хэмжээ нь нэмэгдэхгүй байгаа тохиолдолд дээд газар нь дахин шалгуулна гэж бухимдах тохиолдол гарч байгаа. Гэвч хууль тогтоомжийн хүрээнд шалгаж байгаа болохоор өөрчлөлт тэр бүр гардаггүй. Үүнд сэтгэл дундуур байх нь элбэг.

-Нийслэлийн үйлчилгээний нэгдсэн төв Драгон салбарт танайхаас хичнээн байцаагч ажилладаг вэ?

-Өдөрт 100 гаруй иргэн даатгуулагчдад үйлчилгээ үзүүлдэг. Мөн хууль тогтоомжтой холбоотой зөвлөгөө, мэдээлэл авахаар иргэд маш их ирдэг. Орон тоогоор нэг л байцаагч ажилладаг.

-Өнгөрсөн жил Баянхошуунд эрүүл мэнд, нийгмийн даатгалын тасаг шинээр нээгдсэн. Энэ тасгаар хичнээн иргэн даатгуулагч үйлчлүүлж байна вэ?

-Баянхошуу тасаг 2016 оны гуравдугаар сараас үйл ажиллагаагаа эхэлсэн. СХД-ийн Баянхошуу орчмын 8-н хорооны 92,500 иргэн, даатгуулагчид үйлчилж байна. 8 хорооны 10,200 тэтгэвэр авагчтай, 302 байгууллага тайлан тооцоогоо өгч байна. 4000 гаруй сайн дурын даатгуулагчид үйлчилгээ үзүүлж байна. Тасаг дээр 4 хүний оронтоотой ч ачаалал их тул орлого, тэтгэмж, тэтгэвэр, тэтгэврийн хяналтын байцаагч, эрүүл мэндийн байцаагч хэлтсээсээ нэмж ажиллуулж байна. Эрүүл мэнд, нийгмийн даатгалын бүх үйлчилгээг энэ тасгаас авч байна.
Төрийн үйлчилгээ иргэд, даатгуулагчдадаа ойртсонд бүгд талархаж байна.

-Хороод дээр ажиллахад хүндрэлтэй асуудал тулгардаг уу?

-Хууль тогтоомжид өөрчлөлт орсонтой холбоотойгоор сурталчилгааны материал хуучирсан, шинэчлэх шаардлагатай байна. Бид хүн бүрт тохируулж зөвлөгөө өгдөг ч ойлгохгүй сурталчилгааны материал нэхэх тохиолдол их гарч байна. Мөн 1990-2000 онд нөхөн даатгалд хамрагдсан иргэд батламжийн хуудсаа аваагүй иргэд олон байна. Бид хороодын хэсгийн ахлагч нартай хамтран батламжийн хуудсыг эзэнд нь өгөх ажил давхар хийгдэж байна. Ялангуяа 8, 21 дугаар хорооны иргэдэд бүрэн тарааж дууссан, хаяг дээрээ байхгүй шилжсэн иргэдийн хувьд манай хэлтсээс ирээд авах боломжтой.

-Баталгаажилтын хуудсаа аваагүй тохиолдолд иргэдэд сөрөг үр дагавар гарах уу?

-Тэтгэвэр дээрээ нөхөн даатгалд хамрагдсан жилээ өнөөдрийг болтол оруулаагүй иргэд цөөнгүй байна. Энэ хууль тогтоомжийн талаарх мэдээлэл муу байгаатай холбоотой. Тэтгэвэр тогтоолт олголтыг шалгах аяны хүрээнд нөхөн даатгалаа оруулах боломжийн талаар бид мэдээлэх хийж байна. Тэгэхээр аль 2015, 2016 онд баталгаажсан нөхөн даатгалаа тэтгэвэр дээрээ оруулаагүй явж байна. Мөн 1990-1995 оныг улсад ажилласан жилд тооцуулж байгаатай холбоотойгоор амралтын хоног дээрээ нэмж тооцуулах боломжтойг иргэд тэр бүр мэддэггүй.

-Аж ахуй нэгж байгууллагын хувьд өр их үүсэх тохиолдол байдаг. Энэ асуудалд хэрхэн анхаарч байна вэ?

-Бид оны эхнээс энэ асуудалд анхаарлаа хандуулан төлөвлөгөө, хуваарь гарган ажиллаж байна. ЭМНДЕГ болон НЭМНДГ-тай хамтран өндөр өр авлагатай 6 байгууллагыг сонгон өр авлагыг нэмэгдүүлэхгүй байх, хэрхэн барагдуулах талаар харилцан ярилцаж, төлүүлэх график гарган ажиллаж байна.

- Дүүргийн иргэд, даатгуулагчдад хандаж юу хэлэх вэ?

-Нийгмийн даатгалын үйлчилгээг иргэддээ шуурхай хүргэхэд бид анхааран ажиллах болно. Иргэд та бүхэн нийгмийн даатгалын хууль тогтоомжийг анхааран судалж өөртөө болон гэр бүлдээ хэрэгтэй мэдээ мэдээллийг авч, насан туршийн нийгмийн батлагаагаа хангуулах боломжтой гэдгийг хэлэхийг хүсч байна. Амьдрах насны урсгал дунд танд учирч болохүйц нийгмийн эрсдлээс даатгал таны хамгаална.

Монгол хүн 60 хүрч ухаан суугаад 61 насандаа хорвоог орхидог гэдэг хоосон хошигнол биш. Үнэхээр ч 20-30 жил нийгмийн даатгал төлчихөөд тэтгэвэрт гарснаасаа хойш жил ч бололгүй өөд болох тохиолдол олон байна. Уг нь тэтгэврийг ирээдүйдээ зориулж хадгалсан хадгаламж гэдэг. Улс ингэж хадгалуулсны төлөө эрүүл мэнд болон бусад нийгмийн салбаруудад хөнгөлөлт үзүүлдэг.

Өнөөдөр Олон улсын эх хэлний өдөр. Хүний эрхийн Түгээмэл тунхаглалын 2 дугаар зүйлд ”Хүн бүр энэ Тунхаглалд заасан бүхий л эрх, эрх чөлөөг арьс үндэс, арьсны өнгө, хүйс, хэл, шашин шүтлэг, улс төрийн болон бусад үзэл бодол, үндэсний буюу нийгмийн гарал, эд хөрөнгө, язгуур угсаа болон бусад байдлын ялгааг эс харгалзан ямар ч гадуурхалгүйгээр эдлэх ёстой” гэж заасан байдаг билээ. Тэгвэл эх хэлний өдрийг ЮНЕСКО болон бусад хамтрагч байгууллагууд

Нэг. БНХАУ-аас Монгол Улсад суугаа Элчин Сайдын Яам орчуулагч, нарийн бичиг, ёслолын ажилтан, консулын ажилтан, захиргааны ажилтан зэрэг ажлын байранд зургаан гэрээт ажилтан шалгаруулж авна.

Тавигдах шаардлага:

1. Их, дээд сургуулаас төгссөн байх;

2. 22-35 насны Монгол Улсын иргэн болон Хятадын цагаач иргэн;

3. Хятад хэлний HSK шалгалтын 6 дугаар тэнцсэн зэрэгтэй /Монгол Улсын иргэн/, Хятад-Монгол, Монгол-Хятад хэлний бичиг болон ярианы орчуулга гүйцэтгэх чадвартай, англи хэл сайн эзэмшсэн бол давуу тал болно;

4. Компьютер болон компьютерийн хэрэглээний программ сайтар эзэмшсэн болон ажлын туршлагатай бол давуу тал болно;

5. Эрүүл чийрэг, зан чанар сайтай, багаар ажиллах чадвартай, өндөр хариуцлагатай.

Хоёр. Бүртгүүлэх хугацаа, хэлбэр

Бүртгэл авах хугацаа 2017 оны 3-р сарын 15-ны өдөр дуустал. БНХАУ-ын ЭСЯ-ны албан ёсны вэб сайт (http://mn.china-embassy.org/chn/)-аас бүртгүүлэх хүснэгтийг татан авч компьютерт бөглөн цагдаагийн газрын тодорхойлолт, их дээд сургуулийн дипломын хуулбар, Хятад хэлний төвшин тогтох шалгалтын сертификат /HSK 6-р зэрэг/-ны хуулбар болон иргэний үнэмлэхийн хуулбарын хамт БНХАУ-ын ЭСЯ-ны жижүүрийн байранд ирж бүртгүүлнэ үү.

Гурав. Бичгийн шалгаруулалт авах хугацаа, газар:

2017 оны 3 дугаар сарын 20-ны өдрийн 10:00 цагт БНХАУ-ын ЭСЯ-нд болно.

Дөрөв. Бичгийн шалгаруулалтын дүнгийн дагуу ярилцлагын хугацааг жич мэдэгдэнэ.

БНХАУ-ын Элчин Сайдын Яам

машин

УДБЭТ-ын тайзнаа

II.23 - 19.00 “Морин хуур 2016” шилдэг дуу шалгаруулах наадам
II.25 - 17.00 “Хүндлэн золгоё” концерт

Г.Занабазарын нэрэмжит Дүрслэх урлагийн музей

II.22-25 ”Монгол ухаан-Модоор урлахуй” үзэсгэлэнд XIX-XX зууны үед монгол хүний ур, ухаан шингээж урласан модон урлалын 100 гаруй бүтээлийг музейн сан хөмрөгөөс дэлгэн толилуулна.

Монголын Үндэсний музей

II.20-24- 10.00-17.00 “Шинэ бүтээлийн дээжис” үзэсгэлэн Орхон аймгийн Жаргалант сумын Айрагийн гозгорт явуулсан Хүннү, Сяньбийн булшнаас илэрсэн олдворууд, Алтайн нурууны дундад зууны үед холбогдох хадны оршуулгаас илэрсэн Алтай ятга, нум сум, дээл болон Сасанидын мөнгөн зоос, Юань улсын цаасан мөнгө, цэргийн дээл, Монголын хамгийн өндөр хүн Д.Рагчаа агсны хувцас зэрэг олон сонирхолтой үзмэрийг дэлгэн олны хүртээл болгож байна.

Монголын Театрын музей

II.20-23 - 09.00-17.00 Нэмэндэйн Янжмаагийн амьдралын замналыг харуулсан “Эгшигт эх” үзэсгэлэн. “Удмаа дээдлэе” ТББ, Монголын театрын музейтэй хамтран Монголын эмэгтэйчүүдийн холбооноос санаачлан тус холбооны даргаар ажиллаж байсан эмэгтэйчүүдийн амьдралын замналыг харуулсан цуврал үзэсгэлэнг гаргажээ.

Тэнгис кино театрын тайзнаа

II.24 Найруулагч Д.Энхбаатарын бүтээл “Эзэгнэгч” уран сайхны киноны нээлт болно.

09:00 цагт: Шинэ батлагдсан Арбитрын хуулийг гадаад дотоодын хөрөнгө оруулагчид, бизнес эрхлэгчдэд танилцуулах олон улсын бага хурал болно. Хуралд УИХ-ын гишүүд, ХЗДХЯ, МҮХАҮТ, хуульч, бизнес эрхлэгчдийн төлөөлөл оролцоно.

09:00 цагт: Харилцаа холбооны салбарын Удирдах ажилтнуудын зөвлөгөөн Мэдээлэл технологийн үндэсний паркт болно. Харилцаа холбооны салбарын байгууллагуудын төв болон орон нутгийн нэгжийн удирдах ажилтнууд оролцоно.

09:30 цагт: ХДХВ-ын халдвартай хүмүүс болон бэлгийн цөөнхийн хүний эрхтэй холбоотой зөрчлөөс хамгаалахад сэтгүүлчдийн оролцоог нэмэгдүүлж, ХДХВ/ДОХ-оос үүдэлтэй ялгаварлан гадуурхалтын асуудлаарх мэдээллээр хангах, халдвартай хүмүүсийг ХДХВ/ДОХ-оос үүдэлтэй ялгаварлан гадуурхалтыг бууруулахад тэдэнд дэмжлэг үзүүлэх зорилготой хаалттай уулзалт болно.

09:30 цагт: Хөдлөх хөрөнгийн барьцааны мэдэгдлийг бүртгэх цахим мэдээллийн сангийн үйл ажиллагааг нээх ёслол Туушин зочид буудалд болно. Ёслолд ХЗДХЯ, Монголбанк, Олон улсын санхүүгийн корпорацийн удирдлагууд оролцоно.

10:00 цагт: ДЭМБ-аас гаргасан “Хамт олонд түшиглэн сэргээн засах хандлага-удирдамж” гэсэн 7 бүлэг номыг Дэлхийн зөн Монгол олон улсын байгууллага, Италийн АИФО төрийн бус байгууллагууд хамтран орчуулж хэвлэснийг олон нийтэд танилцуулах уулзалт ярилцлага Чингис зочид буудлын 3-р давхарт болно. Энэ үйл ажиллагаанд УИХ, Засгийн газрын байгууллагууд, яам, агентлагийн болон олон улсын болон төрийн байгууллагын төлөөлөгчид, ХБИ-ийн төлөөлөл, төрийн бус байгууллагуудын төлөөлөл оролцоно.

10:00 цагт: Автотээврийн үндэсний төв, Замын цагдаагийн ерөнхий газартай хамтран улс болон хот хоорондын тээвэрлэлт, Авто тээврийн хяналтын мэргэжилтнүүдийн үйлчилгээ, үйл ажиллагааны талаар Орон нутгийн 21 аймаг, 1 салбарын автотээврийн төв, хяналтын мэргэжилтнүүдтэй онлайнаар цахим хурал хийнэ. Хаана: ”Автотээврийн үндэсний төв” ТӨҮГ -ын байранд

10:00 цагт: Оюуны өмч, Улсын бүртгэлийн байгууллагын удирдах ажилтны зөвлөгөөн Хууль сахиулах их сургуулийн хурлын танхимд эхэлнэ.

10:00 цагт: Улсын дээд шүүхээс Анхан болон Давж заалдах шатны шүүхийн ерөнхий шүүгч нарын уулзалтыг энэ сарын 20-21-ны өдөр зохион байгуулж байгаа билээ. Энэ хүрээнд “Хэрэг бүртгэлт, мөрдөн байцаалтад анхаарах зарим асуудал” сэдэвт уулзалт, хэлэлцүүлэг Нийслэлийн эрүүгийн хэргийн давж заалдах шатны шүүхийн шүүх хуралдааны жишиг танхимд болно.

11:00 цагт: ”Нээлттэй нийслэл” мэдээллийн цагт Багахангай дүүргийн Засаг дарга, удирдлагууд оролцож мэдээлэл өгнө. Хаана: Нийслэлийн хэвлэл мэдэллийн төв

11:40 цагт: Олон улсын Эх хэлний өдрийг тохиолдуулан П.Цагаан санаачилж, эмхлэн хэвлүүлсэн “Дархад дууны цоморлог” номын нээлт МУИС-ийн дугуй зааланд болно.

12:00 цагт: Хангарди ордны 14 давхарт хотын дарга НЗДТГ-т ажиллаж байсан үе үеийн ахмадуудтай уулзана. Хотын цаашдын бодлогод ахмадуудын саналыг сонсоно.

12:00 цагт: Зууны мэдээ сонины Үндэсний мэдээллийн төвд Түц эрхлэгчдийн холбооноос цаг үеийн асуудлаар мэдээлэл хийнэ.

12:00 цагт: Зудын нөхцөл байдалд буй малчдад олон улсын хүмүүнлэгийн байгууллагууд цагаан сарын өмнө тусламжаа хүргэх гэж байна. Малчин өрх бүр Хаан банкаар дамжуулан бэлэн мөнгөний болон хүнс, малын тэжээлийн тусламжийг хүртэх юм. Энэ талаархи хэвлэлийн бага хурал МУЗН-ийн төв байранд болно.

13:00 цагт: Эдийн Засгийн Түншлэлийн тухай Монгол-Япон Улс хоорондын хэлэлцээр хэрэгжиж эхэлсэнтэй холбогдуулан МҮХАҮТанхим, Япон улсын Эдийн Засаг, Аж Үйлдвэрийн Яам, Япон Улсын элчин сайдын яамтай хамтран “Монгол-Япон улс хоорондын гадаад худалдааг өргөжүүлэх нь” сэдэвт семинарыг МҮХАҮТ-ын 507 тоот хурлын танхимд зохион байгуулна.

16:00 цагт: Puma Imperial зочид буудлын 2 давхарт Нийслэлийн Хүүхдийн төлөөх зөвлөлийн хуралдаан болно.

...Хувьсгал ба хувьслыг ийм л хүмүүс хийдэг болохоос буу барьсан залуу, цэцэн үгтэй илтгэгч,сайхан амалсан популист, мэргэн түргэн хүмүүс хийхгүй. Зөвлөлдөх зөвлөлд үе үеийн Ерөнхий сайд, Ерөнхийлөгч, спикер, төрийн сайдууд, эрдэмтэн мэргэд байж, ҮНДЭСНИЙ АЮУЛГҮЙ БАЙДЛЫН ЗӨВЛӨЛИЙН дэргэд байвал зүгээр...

Үс засуулбал: Нүд бүрэлзэн улцайна

БАРУУН АЙМГУУДЫН НУТГААР: Солигдмол үүлтэй. Шөнөдөө нутгийн зүүн хэсгээр цас орж, цасан шуурга шуурна. Өдөртөө цас орохгүй. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Хүйтэрч Увс нуурын хотгор, Идэр, Тэс голын хөндий, Хүрэн бэлчир орчмоор шөнөдөө 26-31 градус, өдөртөө 16-21 градус, бусад нутгаар шөнөдөө 15-20 градус, өдөртөө 5-10 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө нутгийн өмнөд хэсгээр, өдөртөө зарим газраар цас орно. Салхи баруун өмнөөс баруун хойш эргэж секундэд 7-12 метр, явган шуурга шуурна. Дархадын хотгор, Ерөө голын хөндийгөөр шөнөдөө 28-33 градус, өдөртөө 15-20 градус, Хангай, Хөвсгөл, Орхон-Сэлэнгэ, Эг, Хараа, Туул, Тэрэлж голын хөндийгөөр шөнөдөө 20-25 градус, өдөртөө 10-15 градус, бусад нутгаар шөнөдөө 13-18 градус, өдөртөө 4-9 градус хүйтэн байна.
ЗҮҮН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн өмнөд хэсгээр цас орно. Салхи зүүн өмнөөс баруун хойш эргэж секундэд 6-11 метр, нутгийн өмнөд хэсгээр 12-14 метр хүрч цасан шуурга шуурна. Хэрлэн, Онон, Улз, Халх голын хөндийгөөр шөнөдөө 22-27 градус, өдөртөө 8-13 градус, бусад нутгаар шөнөдөө 15-20 градус, өдөртөө 4-9 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө бага зэргийн цас орно, өдөртөө цас орохгүй. Салхи баруун өмнөөс хойш эргэж секундэд 5-10 метр. Шөнөдөө 17-19 градус, өдөртөө 6-8 градус хүйтэн байна.

ГОВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө нутгийн зүүн хэсгээр цас орно. Салхи зүүн өмнөөс баруун хойш эргэж секундэд 6-11 метр, өдөртөө зарим газраар секундэд 12-14 метр хүрч цасан шуурга шуурна. Өмнөговийн нутгаар шөнөдөө 9-14 градус, өдөртөө 1 градус дулаанаас 4 градус хүйтэн, бусад нутгаар шөнөдөө 13-18 градус, өдөртөө 1-6 градус хүйтэн байна .

УЛААНБААТАР ХОТ: Үүлшинэ. Шөнөдөө цас орно. Өдөртөө цас орохгүй. Салхи баруун өмнөөс баруун хойш эргэж секундэд 6-11 метр, явган шуурга шуурна. Шөнөдөө 16-18 градус, өдөртөө 5-7 градус хүйтэн байна.

”Дэлхийн Манжуур” төсөл хэрэгжинэ

CRI (GMT+08:00) 2017-02-20 16:54:10


2017 оны 2-р сарын 13-15-нд БНХАУ-ын Шанхай хотноо Монгол улсын урлагийн гавьяат зүтгэлтэн, найруулагч Ч.Найдандорж тэргүүтэй Монгол улсын уран бүтээлчид, Манжуур хотын дэд дарга Рэн Гүөфэн тэргүүтэй тус хотын захиргааныхан, Шанхай хотын Юй Цун-И захиралтай Жями компаний төлөөлөгчид гурав хоног хуралдсаны эцэст нийтлэг ойлголтод хүрч, ”Дэлхийн Манжуур” төслийг хамтран хэрэгжүүлэхээр санамж бичигт гарын үсэг зурлаа.



Монгол, Орос, Хятад гурван улс хил залгах Манжуур хот бол БНХАУ-ын хуурай газрын хамгийн том боомт, олон үндэстний өлгий болсон, эртний түүхт үзэсгэлэн төгөлдөр тал нутаг юм. Манжуур хотод зуны гурван сардаа 5-7 сая жуулчин ирдэг бөгөөд Манжуур хотын захиргаа тэдгээр жуулчдад мартагдашгүй сайхан дурсамж үлдээх урлагийн шоу тоглолт хийх замаар улам олон жуулчин татах санаачилга гаргасан нь энэ оны 6 дугаар сараас эхлэн хэрэгжихээр болоод байна.



Ч.Найдандорж найруулагч Монгол улсын 20 гаруй уран бүтээлчид болон Манжуурын театрын туслах жүжигчдээс бүрдсэн урлагийн цогц тоглолтыг өндөр хэмжээнд найруулан бэлдэж, тус тоглолтын хөгжмийг БНХАУ-ын төрийн шагналт хөгжмийн зохиолч Энхбаяр бичиж, Шанхай хотын Жями компанийнхан театрын тайз гэрлийн шийдлийг хамгийн орчин үеийн 4D, 5D технологийн дагуу тоноглон, Манжуур хотын захиргаа аялал жуулчлал эрхэлдэг компаниудаараа дамжуулан жуулчдад тасалбар борлуулах, уран сайханчдын виз, орон сууц, нийгмийн асуудлыг бүх талаар шийдвэрлэх үүрэг хүлээлээ.



Төслийг хэрэгжүүлж эхлэхдээ Манжуур хотод аялал жуулчлалын оргил үе болох зуны гурван сард шоу тоглолт хийх бөгөөд цаашдаа бусад улиралд Шанхай, Ханжөү, Гүйжөү, Сүжөү, Гуанжөү, Нанжин зэрэг БНХАУ-ын өмнөд нутгийн том хотуудад аялан тоглолт хийх юм байна. ”Дэлхийн Манжуур” төслийн Хятадын талын төслийн удирдагчаар БНХАУ-ын төрийн шагналт хөгжмийн зохиолч, продюссер Энхбаяр, Монголын талын удирдагчаар Монгол улсын урлагийн гавьяат зүтгэлтэн, найруулагч Ч.Найдандорж нар ажиллаж байна.

До.Болдхуяг

Энэ сарын 21-нд баруун аймгуудын нутгийн зүүн хэсэг, төв болон говь, зүүн аймгуудын нутгаар, 22, 24-нд зүүн аймгуудын нутгийн зүүн хэсгээр цас орно.

“Улаанбаатар-хөрөнгө оруулалт 2017” бизнес уулзалтад Нийслэлийн Авто замын хөгжлийн газрын орлогч дарга Б.Индра 2017 онд Нийслэлийн Авто замын салбарт хэрэгжих төсөл арга хэмжээг танилцууллаа. Түүний тавьсан илтгэлийг бүрэн эхээр нь хүргэж байна.

Эрхэм хүндэт зочид, төлөөлөгчид та бүхэнд энэ өдрийн мэндийг дэвшүүлэе, Нийслэлийн авто замын хөгжлийн газраас “2017 онд хэрэгжүүлэх авто зам, замын байгууламжийн төсөл, арга хэмжээ, авто замын захиалагчийн хяналт”-ын талаар та бүхэнд товч танилцуулая. Танилцуулгад бид:

Улаанбаатар хотын авто замын сүлжээний өнөөгийн байдал
2017 онд хэрэгжүүлэх авто зам, замын байгууламжийн төсөл арга хэмжээ
Захиалагчийн хяналт
Өнөөгийн байдал

2017 оны байдлаар Улаанбаатар хотын авто замын сүлжээ нь нийт 858 км хатуу хучилттай авто замтай, гол гудамж зам -172 км, туслах гудамж зам -340 км, дагуул хот тосгоны гудамж зам – 65 км, орон сууцны хорооллын доторх авто зам 280 км, нийт том жижиг нийлсэн 74 гүүртэй нийт урт нь 3956 урт м. байна.

Сүүлийн жилүүдэд УБ хотын хүн ам, тээврийн хэрэгслэлийн тоо эрс нэмэгдэж байгаа нь авто замын сүлжээний өнөөдрийн хэрэгцээ шаардлагыг төдийлөн сайн хангаж чадахгүй байна.

Цаашид ч энэ тоо өсөх хандлагатай байгаа нь өнөөгийн хэрэгцээ шаардлагыг хангахын тулд УБ хотын авто замын сүлжээг нэмэх, сайжруулах ажлуудад ойрын хугацаанд хөрөнгө оруулалт хийж шийдвэрлэх зайлшгүй шаардлага бий болж байна.

Улаанбатар хотын Авто замын насжилт
Насжилт буюу ашиглалтын хугацааг тодорхойлбол:

20-25 жилийн насжилттай- 34%

15-20 жилийн насжилттай -8%

10-15 жилийн насжилттай -6%

5-10 жилийн насжилттай -11%

1-5 жилийн насжилттай -41%-тай байна

Иймд хотын авто замын засвар шинэчлэлтийн ажилд хөрөнгө оруулалтыг нэмэгдүүлэх зайлшгүй хэрэгцээт шаардлага гарч байна.

Та бүхэнд 2017 онд Нийслэлд хэрэгжүүлэх авто зам, замын байгууламжийн төсөл, арга хэмжээний талаар товч мэдээлэл хийе.

Нийслэл хотод 2017 онд Гадаадын зээл тусламж, Нийслэлийн төсөв, Нийслэлийн Авто замын сан, Хөгжлийн банкны санхүүжилт гэсэн 4 эх үүсвэрээр нийт 39 төсөл, арга хэмжээг хэрэгжүүлнэ.

2017 онд шинээр 10,9 км авто зам, 32.6 км авто замыг өргөтгөж шинэчилж нийт 43.5 км авто замын төсөл хэрэгжүүлж, шинээр 5 байршилд нийт 3050 урт метр гүүрийн төслийг тус тус хэрэгжүүлнэ.

Гадаадын зээл тусламжийн хөрөнгө оруулалтаар буюу БНХАУ-ын хөнгөлөлттэй зээлийн санхүүжилтээр

Улаанбаатар хотод Яармагийн шинэ гүүр барих, хуучин гүүрийг засварлах,
Замын Цагдаагийн газрын ойролцоо гүүрэн гарц барих,
Баянзүрхийн болон Сонсголонгийн авто зам дээр Туул гол дээгүүр төмөрбетон гүүрүүд шинээр барих,
Гачууртын уулзвараас Налайх-Чойрын замын уулзвар хүртэлх 9 км авто замыг өргөтгөж шинэчлэх гэсэн 4 том төслийн барилгын ажлыг эхлүүлнэ. Тус төслүүдийн нийт хөрөнгө оруулалтын дүн нь 134.9 сая ам доллар.
Үүнээс гадна Зам, Тээврийн хөгжлийн яамны захиалгаар Яармагийн авто замаас Хөшигийн хөндийн нисэх онгоцны шинэ буудал хүртэлх 32.2 км хурдны авто зам барих төслийг үргэлжлэнэ.

Нийслэлийн төсвөөс

Гадна тойргуугийн хойд 3-р хэсэг буюу Хайлаастын уулзвараас Дарь Эхийн зам хүртэлх авто замыг Сэлбэ гол дээгүүрхи шинэ гүүрийн хамт барих,
Явган хүнд зориулсан гүүрэн гарц Их тойруугийн хойд хэсэгт буюу Сансарын ШТС-ын дэргэд шинээр барих,
ХУД-ийн 11-р хороонд Аялал жуулчлалын авто замыг шинэчлэх гэсэн 3 төслийг хэрэгжүүлнэ.
Нийслэлийн Авто замын санд төвлөрсөн 35.8 тэрбум төгрөгийг “Авто замын тухай хууль”-ийн дагуу нийслэлийн зам, замын байгууламжийн засвар арчлалт, шинэчлэлтэнд зарцуулах бөгөөд нийт 24 арга хэмжээг

Авто зам, замын байгууламжийн засвар арчлалт /13 төсөл, арга хэмжээг 21,3 тэрбум төгрөгийн өртөгөөр/,
Авто зам, замын байгууламжийг шинээр барих болон шинэчлэх /5 төслийг нийт 11,0 тэрбум төгрөгийн өртөгөөр/,
Бусад холбогдох ажил /нийт 3,4 тэрбум төгрөгийн өртөгөөр/ гэсэн 3 чиглэлээр хэрэгжүүлнэ.
Хөгжлийн банкны санхүүжилтээр Орбитын уулзвараас Толгойтын эцэс Үйлдвэрчны эвлэлийн гудамж хүртэлх 3,6 км авто замын өргөтгөл шинэчлэлтийг үргэлжлүүлэн явуулна.

Нийслэлийн авто замын хөгжлийн газраас гүйцэтгэгчид тавих захиалагчийн хяналтын талаар танилцуулая.
Улаанбаатар хотын авто зам, замын байгууламжийн чанарыг дээшлүүлэх зорилгоор дараах захиалагчийн хяналтын ажлыг хийж гүйцэтгэж байна. Үүнд:

Авто зам, замын байгууламжийн зураг төслийн ажилд хяналт тавих.
Лабораторийн хяналт тавих.
Шинээр барих болон өргөтгөл, шинэчлэлтийн ажилд хяналт тавих.
Авто замын засвар, арчлалтын ажилд хяналт тавих.
Авто замын трассын дагуу байрлах инженерийн шугам сүлжээг шилжүүлэх ажилд хяналт тавих.
Авто замын тоноглол буюу тэмдэг, тэмдэглэгээ, гэрлэн дохионы ажилд хяналтыг хийж гүйцэтгэж байна.
Захилагчийн хяналтын ажлыг сайжруулах үүднээс авто замын барилга, засварын хяналтын инженерийн гарын авлагыг Жайка “Өвсний үндэс” техникийн хамтын ажиллагааны хөтөлбөрийн хүрээнд Нийслэлийн авто замын хөгжлийн газраас боловсруулан гаргаад байна.
Уг гарын авлагыг мөрдлөгө болгосноор:

Барилгын ажлын явцад ил болон далд ажлууд нь техникийн шаардлагын дагуу бүрэн гүйцэт хийгдсэн байна
Авто замын хяналтын ажил болон замын чанар сайжрах
Барилгын ажлын явцад болон ажил дууссаны дараа хийгдсэн ажлыг шалгах шаардлагатай тохиолдолд ойлгомжтой байдлыг хангах ач холбогдолтой юм.
Жишээ дурдахад:

Цацлага цацахаас өмнөх өргөний хэмжилт болон битум цацлаганы ажил болон талбай дээр ирсэн хольцийн температурыг шалган баталгаажуулсан байдал
Хучилтын зузаан шалгах үеийн фото зураг болон хэвтээ тэмдэглэгээний ажлыг баталгаажуулсан фото зураг гэх мэт зургийн баримтжуулалтыг хийнэ.
Дээрхи авто замын барилга, засварын хяналтын инженерийн гарын авлагыг гүйцэтгэгч компани нь ил болон далд ажилдаа мөрдлөг болгоогүй тохиолдолд тухайн ажлыг стандартын дагуу хийгдээгүй гэж үзнэ.

Та бүхэн гарын авлагыг манай байгууллагын сайтнаас татаж авах боломжтой болно.

2017 онд хэрэгжүүлэх авто замын төсөл арга, хэмжээний талаарх дэлгэрэнгүй бусад мэдээллийг манай байгууллагын павильоноос авна уу.

http://road.ub.gov.mn/

Анхаарал тавьсанд баярлалаа.

2017 оны 2-р сарын 13-нд Монгол улсын ”Чононгоо фильм продакшн”-ы уран бүтээлчид БНХАУ-ын Шанхай хотноо айлчилж тус продакшны бүтээл Монголын уран сайхны ”Ээж” киног Хятад улсад гаргах асуудлаар Шанхай хотын Жями группийн төлөөлөгчидтэй анхны тохиролцоонд хүрч, санамж бичигт гарын үсэг зурлаа. Энэ киног Дээд Монголын яруу найрагч Б.Бүргэд хятад хэлээр орчуулсан юм.







Ээж киноны зохиолыг ”Чононгоо фильм прадакшн”-ы захирал, зохиолч Б.Мөнхтуяа бичиж, МУСТА Б.Эрдэнэцэцэг найруулан, МУАЖ Д.Мэндбаяр гол дүрд тогложээ. Ээж кино урьд нь ОХУ-ын Башкортостан улсын Уфа хотын олон улсын ”Мөнгөн морь” кино наадамд оролцон 32 орны 27 киноноос ”Шилдэг эмэгтэй дүр”-ийн шагналыг жүжигчин Д.Мэндбаяр гуай хүртсэн бол Америкийн Лос Анжелес хотод ”Азийн дэлхийн шилдэг кино наадам”-д 51 орны 30 гаруй кино өрсөлдөн шилдэг таван киноны нэгээр шалгарчээ. Ээж кино мөн Энэтхэгийн Башкир, Японы Токио хотод болсон Азийн олон улсын кино наадамд оролцсон бөгөөд энэ оны 6 дугаар сард Америкийн Сиетл хотод, 7-р сард Францад ”Нэг улс нэг кино” наадамд оролцох юм байна.

”Чононгоо фильм продакшн”-ы уран бүтээлчид тус продакшны захирал, МУСТА Б.Мөнхтуяагийн бичсэн Хятадын цагаач эмэгтэйн амьдралаас сэдэвлэсэн ”Сэтгэлийн хязгаарт” зохиолыг Шанхай хотын Жями групптэй хамтран уран сайхны кино бүтээхээр тохиролцжээ.













До.Болдхуяг

Монгол Улсын Гадаад харилцааны сайд Ц.Мөнх-Оргил БНХАУ-ын Гадаад хэргийн сайд Ван И-гийн урилгаар 2017 оны 2 дугаар сарын 20-21-ний өдрүүдэд БНХАУ-д албан ёсны айлчлал хийж байна. Гадаад харилцааны сайд Ц.Мөнх-Оргил БНХАУ-ын Гадаад хэргийн сайд Ван И-тэй 20-ны өдөр албан ёсны хэлэлцээ хийж, Монгол, Хятадын хоёр талын хамтын

“Төрийн мэдээлэл” хууль тогтоомжийн эмхэтгэлийн 2017 оны 07 дахь дугаарт Арбитрын тухай хуулийн шинэчилсэн найруулгыг нийтэлжээ.

Энэ хуулийн зорилт нь эрх зүйн маргааныг арбитрын журмаар шийдвэрлэх ажиллагаатай холбоотой харилцааг олон улсын стандартад нийцүүлэн зохицуулахад оршиж байгаа юм.

Арбитрын ажиллагаа, арбитрын хэлэлцээр, арбитрын бүрэлдэхүүн, арбитрын ажиллагаа явуулах, арбитрын үндсэн шийдвэр гаргах болоод бусад харилцааны талаар хуульд хэрхэн тусгасан талаархи бүх мэдээллийг “Төрийн мэдээлэл” хууль тогтоомжийн эмхэтгэлээс авах боломжтой.

Мөн дээрх хуулийн хамт батлагдсан Арбитрын тухай хууль хүчингүй болсонд тооцох тухай Иргэний хэрэг шүүхэд хянан шийдвэрлэх тухай хуульд нэмэлт оруулах тухай, Газрын тосны тухай хуульд нэмэлт оруулах тухай, Газрын тухай хуульд нэмэлт оруулах тухай, Гэрээт харуул хамгаалалтын тухай хуульд нэмэлт оруулах тухай, Концессын тухай хуульд өөрчлөлт оруулах тухай, Түгээмэл тархацтай ашигт малтмалын тухай хуульд нэмэлт оруулах тухай зэрэг 19 хуулийн нийтэлсэн байна.

Түүнчлэн хууль тогтоомжийн эмхэтгэлийн шинэ дугаарт Гамшгаас хамгаалах тухай хуулийн шинэчилсэн найруулыг нийтэлжээ.

Гамшгаас хамгаалах үйл ажиллагааг шуурхай, үр дүнтэй зохион байгуулах, онцгой байдлын байгууллага болон гамшгаас хамгаалах удирдлагын тогтолцоо, зохион байгуулалт, үйл ажиллагаатай холбогдсон харилцааг энэхүү хуулиар зохицуулах бөгөөд хууль нь гамшгаас хамгаалах үйл ажиллагаанд онцгой байдлын байгууллага, гамшгийн эрсдэлийг бууруулах зөвлөл, онцгой комисс, гамшгаас хамгаалах алба, төрийн байгууллага, нутгийн өөрөө удирдах болон нутгийн захиргааны байгууллага, хуулийн этгээд, иргэний оролцоог уялдуулан зохицуулах, гамшгаас хамгаалах улсын хяналтыг хэрэгжүүлэх харилцаанд үйлчилнэ.

Гамшгаас хамгаалах тухай хуулийн хамт батлагдсан 45 хуулийг мөн дугаарт нийтэлсэн байна хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.