Нутгийн өмнөд баруун хэсгээр багавтар, бусад нутгаар солигдмол үүлтэй. Халх голын саваар бага зэргийн цас орж явган шуурга шуурна. Бусад нутгаар цас орохгүй. Увс нуур, Дархадын хотгор, Идэр, Тэс голын сав газраар 25-30 хэм хүйтэн.

Хятадын телелевиз, радиог зохицуулах хорооноос интертайнмент нэвтрүүлэг хэрээс хэтэрч байгаа тул гарах цагийг нь багасгах шийдвэрийг гаргасан. Үүнийгээ нэгдүгээр сарын нэгнээс хэрэгжүүлж эхэлжээ. Ажиглагчдын тооцоолсноор оройн оргил цагаар өмнө нь долоо хоногт 126 цаг интертайнмент нэвтрүүлэг гардаг байсан нь 38 болж огцом буурсан байна.

АН хамтарсан Засгийн газраас гарна гэсэн яриа тараад байгаа билээ. Үүнд намууд тодорхой хариулт өгөхгүй байсан бол ерөнхий сайд С.Батболд өнөөдөр сэтгүүлчидтэй уулзаж мэдэгдэл хийхдээ цаашид ч хамтран ажиллана гэв.

“Фото мисс”, “Фото мистер” булангийнхаа анхны ялагчдыг www.24tsag.mn сайт амжилттай тодрууллаа. Энэ сарын “Фото мисс”-ээр Г.Анужин, “Фото мистер”-ээр Г.Ган-Эрдэнэ нарыг хэрэглэгч, уншигчид өөрсдийн саналаар сонголоо. Сар бүрийн шилдэгээр шалгарсан эрэгтэй, эмэгтэй нийт 12 оролцогч өрсөлдөж ялагч нь онгоцоор нисэн, далайн эрэгт биеэ шаран хэвтэх болно гэсэн бяцхан нууцыг хальт дуулгая. Та бүхний саналаар ялсан мисс, мистертэй дэлгэрэнгүй танилцана уу.

Завхан аймгийг өнгөрсөн оны “Эко элч аймаг” болгон, шалгаруулжээ. Монголын байгаль орчны иргэний зөвлөлөөс иргэн, төр, ТББ, аж ахуйн нэгж, байгууллагуудын дунд байгаль орчны төлөөх шилдэг үйлсийг тодруулах уралдаан зарласан байна. “Эко элч 2011” хэмээх уг уралдаанаар байгальд ээлтэй үйлсийг сурталчлах зорилготой байсан аж.

Монголын ганзагын наймаачдын Эрээн хотоос оруулж ирдэг Mengniu корпорацийн сүүн бүтээгдхүүнээс афлотоксин М1 хэмээх бодис зөвшөөрөгдөх хэмжээнээс 140 хувиар өндөр гарсныг шинжилгээгээр тогтоосон байна. Хятадын хорио цээр, чанарын хяналтын ерөнхий газраас энэ тухай сэрэмжлүүлжээ.

Оросын “Аргументы и факты” сонинд мэдээлснээр, 32 настай хятад залуу олон удаа хутгалуулж амиа алдсан байхыг Планерная гудамжини дахь хөлсний орон сууцнаас олжээ. Талийгаач ОХУ-ын ЗГ-ын дэргэдэх Санхүүгийн академид хятад хэл заадаг байсан БНХАУ-ын харьяат багш байсныг тогтоосон байна.

Хятадын комммунист намын Өвөр Монголын хорооны нарийн бичгийн даргын орлогч дарга асан Бай Жинмин 10,4 сая юаний (2,2 тэрбум орчим төгрөг) хахуулийн хэрэгтээ шүүхээс цаазын ял сонсов. Ялыг гүйцэтгэх хугацааг хоёр жилээр түдгэлзүүлсэн гэж

2011 онд Монголд 460 мянган жуулчин ирсэн нь өмнөх 2010 оноос 0,7 хувь өссөн үзүүлэлт болжээ. Гадаадын жуулчдын 40 хувь нь БНХАУ-ын иргэд бол, хоёрдугаар байранд оросууд байна гэж Хятадын мэдээллийн Синхуа хороо мэдээллээ.

Гаалийн ерөнхий газрын дэргэдэх Эрэлч нохойн тасаг өнгөрсөн жил улсын төсөвт 320 сая төгрөгийн орлого төвлөрүүлжээ. Өөрөөр хэлбэл, ийм өртөгтэй хориотой бараа бүтээгдэхүүнийг илрүүлж, хураасан гэсэн үг. Энэ бол зөвхөн тоон үзүүлэлт. Харин тоогоор илэрхийлж болдоггүй өөр нэг нухал үүргийг энэ албаныхан хүлээдэг нь Монгол улсын аюулгуй байдал, тусгаар тогтнол, эдийн засгийн аюулгүй байдлыг хамгаалах явдал юм.