Москвагийн Өмнөд Бутово дүүрэгт байдаг Чеченийн анхны ерөнхийлөгч асан Ахмат Кадыровын хөшөө рүү хоёр ширхэг гахайн толгой шидсэн явдал өнөө өглөө үүрээр гарчээ. Гэрчийн мэдүүлэгт үндэслэн цагдаагийнхны хэлсэнээр бол үүрээр таван цагийн үед гурван этгээд хөшөөний дэргэд ирж, авч явсан уутнаасаа гахайн хоёр толгой гаргаж шидээд зугатжээ.

Буриадын Улаан-Үд, Өвөр Монголын Эрээн хотууд ах дүү хот болж хамтран ажиллах гэрээ байгуулав. Гэрээнд Улаан-Үдийн мээр Геннадий Айдаев, Эрээний мээр Мэн Сянь Дун нар гарын үсэг зуржээ. Эхний ээлжинд гурван жилийн хугацаатай байгуулсан гэрээнд эдийн засаг, худалдаа, жуулчлал, шинжлэх ухаан, техник, боловсрол, соёлын салбарт хамтран ажиллах асуудлуудыг тусгасан бөгөөд эхний ээлжинд багш, эмч нарыг харилцан туршлага судлуулах аяллыг зохион байгуулахаар болжээ.

Өнгөрсөн нэгний өдөр Бээжин дэхь ОХУ-ын ЭСЯ “Хятадын twitter” гэгддэг sina.com хэмээх сайтад өөрийн микроблогоо нээтэл санаанд оромгүй эсэргүүцэлтэй учирчээ. Оросууд блогынхоо нүүр хуудсанд “Сайн байцгаана уу? Бид БНХАУ-д суугаа ОХУ-ын ЭСЯ байна. Манай блогт тавтай зочилно уу” хэмээн ёсорхуу эхэлтэл тэр даруй блогыг нь хараал, доромжлол, есөн шидийн муу үгээр булж эхэлжээ.

Дэлхийн банкны Монгол дахь суурин төлөөлөгч Корали Геверстэй уулзаж ярилцлаа. Тэрээр урьд өмнө нь монголын хэвлэл мэдээллээр огт ярилцлага өгч байгаагүй юм. ”... Хиллари Клинтоны “Аливаа зүйлийг бүтээхэд тосгоныхон бүгдээрээ оролцоно” (It takes a village) гэсэн ном байдаг. Ямар нэг зүйлийг сайжруулахын тулд хүн бүрийн хүчин зүтгэл, оролцоо хэрэгтэй гэсэн санаа юм”