-
2015 оны 10 сарын 19
Шарын гол хувьцаат компани нийслэлчүүдийг чанартай, тортоггүй, хямд үнэтэй нүүрсээр хангахаар болсон билээ. Энэ асуудлаар тус компанийн Борлуулалт, маркетингийн хэлтсийн дарга М.Цэнгэлтэй ярилцлаа.
-
2015 оны 10 сарын 16
Одоо Монголын Засгийн газар үүрэггүй. Цэвэр “Рио Тинто”-гийн үүрэг л үлдсэн. Тэд үүргээ гүйцэтгээд хурдан далд уурхайгаа ажилд оруулах хэрэгтэй. Өртөг нэмэгдсэн үү гэвэл нэмэгдсэн. Үүнээс болж манай ногдол ашиг авах хугацаа дахиад 10 гаруй жилээр хойшилж байгаа.
-
2015 оны 10 сарын 13
УИХ-ын гишүүн, Өргөдлийн байнгын хорооны дарга О.Баасанхүүтэй цаг үеийн асуудлаар ярилцлаа.
-
2015 оны 10 сарын 12
УИХ дахь МАН-ын бүлгийн дарга С.Бямбацогтоос цаг, үеийн зарим асуудлаар тодруулга авлаа.
-
2015 оны 10 сарын 12
“Нүүрс” хөтөлбөрийн хэрэгт буруутгагдан яллагдсан Л.Гансүх нарын хэрэгт холбогдуулан АТГ тус газраас нүүрсний үнийн талаар судалгааг гаргуулж авсан ч энэхүү мэдээллээ өөрсдийн бодлого чиглэлд зориулан буруу ашигласан талаар Статистикийн газрын мэдээлэл сургалт сурталчилгааны дарга А.Дэмбэрэл танилцуулав.
-
2015 оны 10 сарын 10
Манай аймаг Баруун бүсийн ууган дөрвөн аймгийн нэг. 2013 онд түүхт 90 жилийнхээ ойг дэлгэр сайхан тэмдэглэсэн. Байгалийн хэд хэдэн бүс бүслүүр нэг дор зэрэгцэн оршсон, говь хангай хосолсон уудам сайхан цэлгэр нутаг дэвсгэртэй. Хонин сүргийнхээ тоогоор олон жил улсдаа тэргүүлж ирсэн онцлогтой нутаг.
-
2015 оны 10 сарын 07
Сангийн сайд Б.Болор “Сайдын цаг” уулзалтад оролцлоо. Энэ үеэр түүнээс Төсвийн тодотголтой холбоотой зарим асуудлаар тодруулга авлаа.
-
2015 оны 10 сарын 07
М.Хүдэрбаатар: Ард түмнээ, улс орноо боддог л бол шүүмжлэлийг хүлээж авах ёстой
-
2015 оны 10 сарын 07
Сэлэнгэ аймгийн Сайхан сумын Хөтөлийн “Цемент шохой” ХК-иас манай сурвалжлах баг ээлжит мэдээллээ хүргэх гэж байна.
Өдгөө хүчин чадал өндөртэй, зардал багатай үйлдвэр болсон Хөтөлийн “Цемент шохой” ХК нь 1983 онд байгуулагдаж, 2011 онд шинэчлэгджээ.
-
2015 оны 10 сарын 02
Манай сурвалжлах баг Өвөрхангай аймгаас мэдээлж байна. Өвөрхангай аймгийн бүтээн байгуулалт, боловсрол, эрүүл мэндийн байгууллагын үйл ажиллагаатай танилцахын сацуу Засаг дарга Д.Тогтохсүрэнтэй цаг үеийн асуудлаар ярилцлаа.
-
2015 оны 9 сарын 28
Харин “Нүүрс” хөтөлбөр гэж байгаагүй гээд байгаа нь бас л инээдтэй хэрэг. Энэ хөтөлбөрийн үр дүн цаасан дээр бус долоон буудлын Должин эмээгийн гэрт үлдсэн нь сайн хэрэг.
-
2015 оны 9 сарын 23
О.Амгаланбаатар:Усан дээр зургаа байршуулсан маань хариуцлагчийн баталгаа өгсөн явдал
Говь-Алтай аймгийн Засаг дарга О.Амгаланбаатартай тус аймгийн бүтээн байгуулалт хийгээд цаг үеийн асуудлаар ярилцлаа.
-Танай аймагт сүүлийн үед ямар бүтээн байгуулалтын ажил хийгдэж байна?
-1000 айлын орон сууцны бүтээн байгууллалтыг онцолмоор байна. Засгийн газраас хэрэгжүүлж байгаа 1000 айлын хөтөлбөрийн хүрээнд хийгдэж байгаа ч 3500 айлын орон сууц, үйлчилгээний төв, сургууль, цэцэрлэгийн дэд бүтэц шийдэгдэж байгаа юм.
Хамгийн гол нь Говь-Алтай аймагт өмнө нь хийгдэж байгаагүй хэрэглээний халуун устай орон сууцны асуудал шийдэгдэж байна. Учир нь манай аймагт өмнө нь баригдсан бүх байрнууд зөвхөн хүйтэн устай байсан. Гэтэл одоо баригдах орон сууцнууд маань халуун, хүйтэн ус нь шийдэгдсэн байгаа.
Үндсэндээ сүүлийн долоон сарын хугацаанд дэд бүтцийн ажил дуусч байна. Өнөө, маргаашгүй автомашины зам болон явган хүний, дугуйн зам ашиглалтанд хүлээгээд авчихвал дэд бүтцийн ажил эцсийн байдлаар дуусна гэж ойлгож болно.
Манай аймгийн төв Алтай хот ерөнхийдөө 4500 өрхтэй. Бидний хийж буй 3.8 км хатуу хучилттай зам, явган болон дугуйн зам томоохон бүтээн байгуулалтад орно.
Цаашлаад 1.8 км газар доорх инженерийн шугам сүлжээний төлөвлөлт хийгдэж байна.
-Танай аймагт шинээр хорих анги баригдаж байна. Баригдах баригдахдаа бүр аймгийн төвдөө баригдаж байгаа нь гайхшрал төрүүлээд байна л даа?
-Энэхүү хорих анги улсын төсвөөр дэлхийн стандартын дагуу баригдаж байгаа. Энэ онд ашиглалтанд орно. Ер нь хөгжил ихтэй орнууд хотынхоо төвд шорон байгуулдаг жишиг бий. Учир нь хоригдож буй хүмүүсийн хувьд шоронгийнхоо цонхоор хараад энэ сайхан нутагтаа асуудал үүсгэлгүйгээр сайхан амьдрах юмсан гэж боддог гэдгийг учир мэдэх хүмүүс хэлдэг.
Хол, ойроос шалтгаалж аюулгүй байдал өөрчлөгдөхгүй. Гол нь нийгмээр тусгаарлагдахгүй байж, эрүүл нийгэмд аж төрөх хүсэл тэмүүлэл бий болгохын тулд хорих ангийг хотын төвдөө шийдэж өгдөг.
-Алтайчуудын хувьд аймгийн төв нь Есөн булаг гэх энэхүү газарт нүүж ирсэнээс хойш 70 жилийн хугацаанд усны асуудлыг шийдэж чадаагүй байж байгаад саяхнаас шийдсэн гэдэг. Энэ талаар?
-Шийдэж чадаагүй хэд хэдэн асуудал байсны хамгийн чухал нь усны асуудал байсан. Усны асуудлыг шийдэх оролдлогыг үе үеийн удирдлагууд хийж байсан ч дорвитой үр дүнд хүрэхгүй байсаар өнөөг хүрсэн. Тухайлбал, 1960-1980 онд гурван удаа улс төрийн товчоо усны асуудлыг хэрхэн шийдэх талаар хуралдаж байсан. Хуралдааны эцсийн шийдвэрээр Алтай хотыг нүүлгэхээс өөр арга замгүй гэх шийдвэрийг гаргасан байдаг. Улмаар 1996 онд Засгийн газар хуралдаад Говь-Алтайн усны асуудлыг шийдэхээс өөр замгүй юм байна, гэхдээ гарц алга гэсэн байдаг. Гэхдээ өнөөдөр бид, ганцхан жилийн хугацаанд усны асуудлыг шийдэж чадлаа. Усны асуудлыг шийдэхдээ маш энгийн бөгөөд хялбарханаар шийдсэн. Өөрөөр хэлбэл, ердөө л 1.4 тэрбум төгрөгөөр шийдсэн.
-Иргэд усаа хэдэн төгрөгөөр худалдаж авч байгаа вэ?
-50 км-т усны үйлдвэрээ бариад усаа цэвэршүүлж, стандартад нийцүүлж 20 л-ийн усны саванд савлаад аймгийн төвийнхөндөө түгээчихэж байгаа юм.
20 л ус 500 төгрөгөөр худалдаалагдаж байгаа. Улаанбаатар төдийгүй бусад хөдөө орон нутагт 0.5 л ус 500 төгрөг байдаг. Гэтэл өнөөдөр 20 литрийн савлагаатай усыг 500 төгрөгөөр ууж байна гэдэг маш боломжийн хямд байгаа юм.
Ингэснээр нэг өрх жилд дунджаар 90 мянган төгрөгөөр ус худалдаж авах тооцоо гарсан. Бүтэн жилийн турш 90 мянган төгрөгийг өрх гэр бүлийнхээ эрүүл мэндийн төлөө усанд зарцуулна гэдэг бага мөнгө гэж бид бүхэн тооцож байгаа.
-Усны асуудлаа шийдэж чадаагүй байхад өвчлөлөөс эхлээд маш их асуудал гарч байсан гэсэн. Энэ талаар?
-Өнгөрсөн удаад хэрэглэж байсан харзадын усны хувьд эрүүл ахуйн шаардлагад нийцэхгүй байсан. Бүр энэ усыг хэрэглэхийг хориглосон шийдвэр удаа дараа гарч байлаа. Цаашлаад энэхүү усыг хэрэглэснээр хорт хавдар, ходоод гэдэсний өвчлөлийн үзүүлэлт улсын дунджаас дээгүүр байсан. Харин усны асуудлыг шийдсэнээр жил бүрийн нас баралт 11 хувиар, ходоод, элэг, цөсний өвчлөл 30 хүртэлх хувиар буурна гэсэн судалгаа гарсан. Тиймээс бид энэхүү судалгаа биелэлээ олно гэсэн итгэлтэй байгаа.
-Ус гэснээс усны саван дээр зургаа гаргасан явдал чин олон хүний шүүмжлэлийг дагуулсан. Энэ дээр тайлбар хийхгүй юу?
-Ер нь Монгол Улсад хариуцагч гэж зүйл байхаа больчихсон. Өөрөөр хэлбэл, энэ устай холбоотой ямар нэгэн асуудал гарвал үүнийг хариуцагч нь би юм аа гэх баталгаа өгдөггүй. Тэгвэл би энэхүү усанд баталгаа болсон.
Хоёрдугаарт, рекламны орон зай байгаа гэдгийг таниулсан. Үүн дээр аж ахуй нэгж маань рекламаа тавьбал Говь-Алтай аймгийн 4500 өрхөд өдөр бүр очиж чадах реклам шүү гэдгийг аж ахуй нэгжүүдэд өгсөн байгаа юм.
Өнөөдөр л гэхэд ЖИ МОБАЙЛ компани рекламаа байршуулчихсан байна. Цаашлаад аж ахуй нэгжүүд хөлс мөнгөө тохироод рекламаа тавия гэсэн саналаа тавьж байгаа юм билээ. Ийм саналаар би өөрийнхөө зургийг тавьсан. Говь-Алтайг мэдэхгүй хүмүүс Говь-Алтайчууд 70 жилийн хугацаанд шийдээгүй асуудлаа шийдсэн гэдгийг ойлгохгүй шүү дээ. Энэ байдлаас болж буруу зөрүү мэдээлэл их гарсан.
-Танай аймаг ирээдүй хойч үе болсон хүүхдүүд рүү чиглэсэн дорвитой ажлууд юу хийж байна. Төлөвлөгөөт ажлынхаа талаар?
-“Хот айл” нэртэй хүүхдийн хөдөлмөр зусланг ажлуулсан. Энэхүү ажлыг Монголын хүүхдийн байгууллага, зуслангийн холбоо зэрэг газрууд хамгийн шилдэг санаа гэж дүгнэсэн.
Энэхүү хүүхдийн хөдөлмөр зусланг бүх /17/ сумдадаа зэрэг ажлуулсан. Хамгийн гол нь эл зусланд амарсан хүүхдүүд монгол зан заншил уламжлалыг анхан шатны хэмжээнд эзэмшиж сурч байгаа.
Тухайлбал, тараг бүрэх, хонь мал хариулах арга барил, монголчуудын зан заншил зэргээс суралцаж байна. Цаашлаад удам угсаа, нутаг орных нь бахарлыг хүүхдүүдэд бий болгох юм.
-Зуслангийн хувьд төлбөртэй юу?
-Ямар ч төлбөр мөнгөгүй. Төсвөөс нэг ч төгрөг гаргалгүй энэ төслийг хийж байгаа нь давуу талтай юм. Хүүхдүүдэд зөвхөн дээлтэй ир гэдэг шаардлагыг тавьж байгаа.
-Алтай хотын хувьд энэ жил хэчнээн төгрөгний бүтээн байгуулалт хийгээд байгаа вэ?
-2014-2015 онд 80 тэрбум төгрөгний бүтээн байгуулалт хийсэн. Түүхэн 70 жилийнхээ хугацаанд 15 км хатуу хучилттай автомашины зам, 1.5 км явган хүний зам, 20 км газар доорх инженерийн шугамын дэд бүтцийг шийдэж чадсан. Сүүлийн нэг жилийн хувьд 15 км автомашины зам, 11 км явган хүний замыг мөн аймгийн төв маань 1000 гаруй км автомашины зогсоолтой байсныг 11 мянга болгож нэмэгдүүлсэн. Ингэхээр өнгөрсөн 70 жилтэй харьцуулахад тэрний 50 хувийн ажлыг ганцхан жилийн дотор хийсэн гэсэн үг.
-Бүтээн байгуулалтыг ер нь төсвийн мөнгөөр л хийж байгаа юу?
-Зөвхөн төсвийн мөнгөнд тулгуурлаж хийгээгүй. Аймгийн бизнес эрхлэгчидтэйгээ хамтраад нутаг орныхоо бүтээн байгуулалтад оролцохыг уриалж хамтарч ажилладаг. Өөрөөр хэлбэл, хувийн хэвшлийнхнийг уриалж, хамтран ажиллаж бүтээн байгуулалт, хотын өнгө үзэмжээ сайжруулдаг.
Тухайлбал, манай аймгийн бизнес эрхлэгчид автомашины зогсоол хийсэн. Бизнес эрхлэгчид маань харилцан ойлгож аймаг орон нутгийнхаа хөгжил дэвшилд хувь нэмэр оруулснаараа нэг ч төгрөг аваагүй. Аймгийн төв гэлтгүй бусад сумдууддаа ч нэлээдгүй хөрөнгө оруулалтыг хийсэн.
-Цэцэрлэг, сургуулийн хувьд хүрэлцээ хэр вэ?
-Говь-Алтай аймгийн хувьд гурван сумдад 100 хүүхдийн цэцэрлэг бариулж, энэ жил ашиглалтанд хүлээж авах гэж байна. Аймгаасаа 30 хувийн хөрөнгө гаргаж, үлдэх хөрөнгийг нь концессийн гэрээгээр хийлгэх замаар цэцэрлэгийн асуудлаа шийдэж байгаа.
Гурван суманд цэцэрлэг зэрэг ашиглалтанд оруулах явдал бусад аймгуудад байхгүй байх. Мөн төсөл хөтөлбөрүүдэд хандаж хоёр цэцэрлэг засварт орж, хүүхдүүдийн хүмүүжих нөхцөл сайжирсан.
-Эрчим хүчид холбогдоогүй сум байгаа юу?
-Монгол Улсын хэмжээгээр төвийн эрчим хүчид холбогдоогүй гурван сум байсны хоёр нь манай аймагт байсан. Тэгвэл энэ жилээс тэдгээр сумдаа төвийн эрчим хүчид холбож чадсан. Хамгийн гол нь төсвөө зөв хуваарилж аль болох бага зардлаар хүмүүсийн хүсэн хүлээсэн хэрэгтэй зүйлийг хийе гэж зорьсондоо энэ бүхнийг хийж чадсан гэж бид бүхэн харж байгаа.
Төсөв хүндрэлтэй байгаа. Гэхдээ төсөв хүндэрлээ гээд бид зүгээр суусангүй. Орж ирэх ёстой орон нутгийн хөгжлийн сангийн мөнгө 80 хувьтай явж байгаа. Гэхдээ бага мөнгөөр их ажил хийж болдог. Хамгийн гол нь зөв менежмент, арга барилаар ажиллавал болдог юм аа гэдгийг л манай аймгийнхан харуулж чадсан.
-Танай аймгийн өвөлжилтийн бэлтгэл ажил хэдэн хувьтай байна?
-Манай аймаг Монголын 21 аймгаас 100 хувийн зунтай байсан. Энэ жилийн хувьд бусад аймагт байгаагүй дэлгэр сайхан зун болсон. Малчдын хувьд зун сайхан болсон учир зуд гайгүй байх гэж дүгнэж байгаа. Төв, суурин газрын өвөлжилтийн бэлтгэл бол хангагдсан.
-Аймгийн хэмжээнд иргэдийн ахуй амьдрал, амжиргааны түвшин хэр вэ?
-Ажилгүйдэл ихтэй байгаа. Ажилгүйдлийн түвшинг бууруулах тал дээр бид төрөл бүрийн арга хэмжээ авч байна. Анх удаа орон нутгийн хөгжлийн сан дээр 200 гаруй сая төгрөг тавиад ажлын байр нэмэгдүүлэх ажлыг эрчимтэй явуулж байна.
Манай аймгийн хувьд ядуурал, тахир дутуу хөгжлийн бэрхшээлтэй иргэд нэлээн байдаг. Энэ хүмүүсийг аль аль талаас нь дэмжиж ажилладаг.
Д.Ундрах /24tsag.mn/
Говь-Алтай аймгийн Засаг дарга О.Амгаланбаатартай тус аймгийн бүтээн байгуулалт хийгээд цаг үеийн асуудлаар ярилцлаа.
-
2015 оны 9 сарын 21
Уран барималч, зураач Даши Намдаков буюу Намдагийн Дашням нь Буриадын Чита хотын ойролцоо орших Укурик тосгонд төржээ. Түүний ээж Бүдханд
-
2015 оны 9 сарын 21
Х.Баттулга: Сайд нар сайн ажлаасай л гэж бодож байна
Эх орноо 20 хоногийн хугацаанд нар зөв тойрох зорилго тавьж, энэ сарын 10-нд аялалдаа гарсан ”I love Mongolia” түншлэл болон хэвлэл мэдээллийн хамт олон хонгор нутагт ажиллалаа. Хонгор нутгийнхны хувьд бага олимпдоо бэлтгээд тун завгүй байлаа.
Тэгвэл тус олимпийн бүхий л санхүүжилтийг нь өөрөөсөө гаргадаг УИХ-ын гишүүн Х.Баттулгын хувьд өөрийн нутагтаа яг энэ үеэр хүрэлцэн ирээд байсан юм. Тэрбээр “Намрын ногоон өдрүүд 2015” үзэсгэлэнд очиж, нутгийн зон олонтойгоо уулзаж санал бодлоо солилцож, мөн сэтгүүлч бидний сонирхосон асуултанд хариулсан юм.
-Давхар дээлтэй сайд нар томилогдлоо. Уг нь АН-ын зүгээс давхар дээлтэй сайд нарыг эсэргүүцэж байсан. Таны хувьд ч үүнийг эсэргүүцдэг хүмүүсийн нэг. Тэгэхээр сайд нарын хувьд ямар байр суурьтай байна?
-УИХ-ын гишүүн Засгийн газрын гишүүн байхад 100 хувь засагт бүрдээд хэрэггүй юм байна. Тодорхой Ерөнхий сайд ч юм уу тийм хүмүүс давхар дээлтэй байж болно гэсэн байр суурь маань одоо хүртэл хэвээрээ байгаа. Гэхдээ Засгийн газар давхар дээлтэй байхаар шийдлээ. Одоо бол сайн ажлаасай л гэж бодож байна.
-Өршөөлийн хууль дээр будлиантай зүйл их байна. Ерөнхийлөгчийн хоригийг хүлээж авсан хэрнээ зарим заалт дээр асуудал үүсээд байх шиг. Энэ дээр та ямар байр суурьтай байна?
-Ажлын хэсэг байгуулагдсан байгаа. Хууль зүйн байнгын хороо ажиллаж байна. Ирэх чуулганаар буюу аравдугаар сарын 5-наар шийдэгдэх байх.
- ”I love Mongolia” түншлэлийн баг хонгор нутагт ирж мэдээ мэдээллээ бэлтгэлээ. Танай аймгийн хувьд бүтээн байгуулалт нэлээн идэвхтэй өрнөж байгаа нь харагдсан. Тэгвэл бүтээн байгуулалтанд оруулсан таны хөрөнгө оруулалт юу байна?
-Баянхонгор аймгийн засаг даргаар Д.Жаргалсайхан гэж хүн сонгогдсон байгаа. Энэ хүн сонгогдсоноос хойш аймагт нэлээн бүтээн байгуулалтын ажил эхэлсэн. Миний хувьд Баянхонгор аймгаас сонгогдсон гишүүний хувьд аймгийнхаа бүтээн байгуулалт, хөгжилд хувь нэмэр болох үүднээс Д.Ганбат гишүүнтэй хамтран төсөв, хөгжлийн санхүүжилтийг боломжоороо гаргаж байгаа. Өнөөдөр эдийн засаг ямар байгаа билээ дээ бодсоноор болохгүй байна.
Хамгийн том бүтээн байгуулалтыг Баянхонгор аймгийн Баялаг, Буу цагаан гэх хоёр сумыг шинээр 90 жилийн дараагаар барьсан. Харамсалтай нь энэ ажил зах зээл, өнөөгийн байдал, эдийн засгийн хямралаас болоод хөгжих боломжгүй зогсонги байдалтай болсон. Гэхдээ аймгийн төв дээр цэцэрлэгжилт, зам талбайн ажлууд хийгдсээр байна.
-Танай аймгийн хувьд тулгамдаж буй асуудлуудын нэг Дулааны цахилгаан станц. Гэтэл төсөв мөнгөнөөс болж гацчихаад байгаа нь үнэн үү?
-Дулааны цахилгаан станцын талаар судалсан ажлууд бэлэн болсон. Энэ дээр Засгийн газарт төслөө танилцуулсан. Хэрвээ засаг маань мөнгөтэй болоод энэ асуудлыг төсөвлөөд ирвэл зураг төсөл бэлэн, боломжтой болчихсон. Үүнээс гадна орон сууцжуулах ажилд анхаарлаа хандуулж байна.
-
2015 оны 9 сарын 18
Т.Буян-Өлзий: ”Монголын төмөр зам” ТӨХК-иас болж Ханбогд сум хүндхэн байдалтай байна
-
2015 оны 9 сарын 15
Дорноговь аймгийн засаг дарга П.Ганхуягтай ярилцлаа
-Орон нутгийн төсвийн хөрөнгийн талаар танилцуулаач, Тухайлбал Замын-Үүд боомтоор орж гарч буй бараа бүтээгдэхүүний тоо өмнөх жилийнхээс хэр хэмжээгээр буурсан бэ? Мөн орон нутагт төсвийн орлого тасраад байна гэх мэдээлэл гараад байгаа энэ талаар мэдээлэл өгөөч?
-Замын-Үүд боомтоор орж гарч буй бараа бүтээгдэхүүний татварын орлого манай аймгийнх гэж тооцогддоггүй л дээ. Энэ бол Монгол улсын орлого. Манай орон нутагт ордог орлого бол тэрүүгээр орж гарч буй хүмүүсийн болоод машин техник хэрэгслийн хураамж байдаг.Замын-Үүд боомтоор орж гарч буй барааны тоо энэ жил тодорхой хэмжээгээр буурсан. Энэ хэрээр гааль л дээр төлөгдөх татварын хэмжээ буурсан. Яг нарийн тоо баримт бол манайд байхгүй. Ерөнхийдөө бидэнд ирдэг татварын орлого 500 гаруй сая төгрөгөөр тасарсан. Манай аймгийн төсөв тэрбум гаруйгаар тасраад явж байна. Аймгийн татварын орлого зөвхөн Замын-Үүдийн орлого ч биш л дээ. Бууны татвар, Хүн амын орлогын албан татвар гэх мэт жижиг татваруудаас төвлөрөх орлого бүгд хамаарна. Харин яагаад ингэж тасраад байна гэхээр энэ нь эдийн засгийн хүндрэл бэрхшээлээс болоод байгаа юм ч байхгүй байна. Харин газрын дуудлага худалдаанаас олох орлого, бараа бүтээгдэхүүний өмч хувьчлалын орлогын татвар зэрэг буурснаас болж байна. Яагаад газрын дуудлага худалдааны орлого тасарч байна вэ гэхээр эдийн засгийн хүндрэлээс болоод үйлдвэрлэл үйл ажиллагаа байгуулахаар газраа сонгосон иргэд үйл ажиллагаагаа явуулах боломжгүй болж байна. Энэ мэтээс л болж орлого тасарч байна. Тиймээс бизнесийн үйл ажиллагааг идэвхжүүлэх, чөлөөт бүсийн үйл ажиллагааг сайжруулах шаардлагатай байгаа юм. Өөр бусад салбарт төсөв тасраагүй л дээ. Аялал жуулчлалаас олох орлогын хувьд жил бүр хамрын хийдийг үзэхээр 70-80 мянган хүн ирдэг байсан бол энэ жил 110 мянга гаруй хүн ирлээ. Р
-Хамрын хийд рүү орох тасалбарын үнэ өмнө нь 300 төгрөг байсныг 2000 төгрөг болгож нэмэгдүүлсн байсан. Энэ мөнгө хаашаа ордог вэ? Орон нутагт төвлөрдөг үү, аль эсвэл тусгай хамгаалалттай газар нутаг гээд өөр газарт төвлөрдөг үү?
- Тусгай хамгаалалттай бүс ч бай юу ч бай ердөө хоёрхон төрлийн л татвар авдаг. Нэг нь улсын татвар, нөгөө нь орон нутгийн татвар. Тус тусынхаа төсөвт төвлөрнө. Одоо энэ газарт төвлөрч байгаа татвар орон нутгийнхаа төсөвт төвлөрнө. Гэхдээ тусгай хамгаалалттай газар нутгийн заалттай учир төвлөрсөн хөрөнгийг тус газар нутгийн арчилгаанд зарцуулах учиртай. Хамрын хийдийн наана цогцолбор байгуулах гэж байгаа. Тэр цогцолборыг барьчих юм бол энэ төвлөхч буй бүх хөрөнгийг тэнд төвлөрүүлнэ. Тэр мөнгийг байгалиа хамгаалах, тус газрын хөрөнгө оруулалт зэрэгт зарцуулна. Энергийн төв дээр өмнө нь авч байсан зардал бол хэлбэр төдий байсан. Харин цаашдаа үйлчилгээгээ сайжруулах юм бол хэдэн төгрөгийн татвар ч авч болно.
-Сайншандын аж үйлдвэрийн паркын яг одоогийн нөхцөл байдал ямар байгаа вэ? Орон нутгаас шалтгаалах зүйл байхгүй гэж байсан. Нэгэнт нутагт нь баригдах их бүтээн байгуулалтын ажилд биднээс шалтгаалах зүйл байхгүй гээд хойшоо суугаагүй байх л даа?
- Сайншандын аж үйлдвэрийн парк гэдэг компанийг Засгийн газраас байгуулсан байдаг юм. Харин энэ компанид орон нутгийн удирдлагуудаас огт багтаагүй.
-Яагаад багтаагүй юм бол та бүхний зүгээс санал тавьсан уу?
- Мэдээж хэрэг орон нутгийнхаа энэ том бүтээн байгуулалтын ажилд оролцох хүсэлтэй байлгүй яах вэ.Байнга л санал хүсэлтээ хүргүүлж байна. Хүлээж авахгүй байна. Тиймээс энэ ажил яг хаанаа гацчихаад байгаа талаар мэдээлэл алга. Бодвол судалгаа шинжилгээнээс авахуулаад хийх ажил маш их байгаа. Мөн төсөв мөнгө, дэд бүтэц гээд олон асуудлыг бүгдийг нэг дор цогц шийдэж байж байгуулах учир цаг хугацаа их орох байх.
-Дорноговь аймагт шинэ сум төсөл хэрэгжиж байгаа, энэ ажил хэдэн хувьтай үргэлжилж байна вэ?
-Шинэ сум төсөл хэрэгжиж эхлээд багагүй хугацаа өнгөрч байна. Хамгийн бага хувьтай нь 45, хамгийн их нь 73 хувьтай үргэлжилж байна.
-Орон нутгаас хотыг зорих шилжилт хөдөлгөөн хэр байна вэ?
-Сумаас аймаг хүртэлх хөдөлгөөн нэлээд байх шиг байна. Харин аймгаас хотыг зорих хөдөлгөөн бараг зогссон байх. Сүүлийн хоёр жилийн хугацаанд аймаг дээр суурин амьдарч буй иргэдийн тоо 60-64 мянга болж нэмэгдсэн байна. Энэ нь зам дагасан бүтээн байгуулалттай холбоотой болов уу. Урагшаагаа Замын-Үүд рүү хоёр цаг давхиад очиж байна.
-
2015 оны 9 сарын 10
Монгол Улсын Ерөнхийлөгчийн зөвлөх А.Ганбаатараас Төрийн шагналын тухай хууль боловсруулах ажлын явцыг тодрууллаа.
-
2015 оны 9 сарын 08
Ц.Баасандорж:Хорих ангид шүүх хурал явуулдаг асуудал Үндсэн хууль зөрчиж байна
Л.Гансүхийн өмгөөлөгч Ц.Баасандорж шүүх хуралдааныг шүүхийн танхимд явуулах ёстой гэдэг асуудлаар дөнгөж сая сэтгүүлчдэд мэдээлэл хийлээ.
Энэ үеэр түүнтэй уулзаж зарим зүйлийг тодрууллаа.
-Ирэх пүрэв гариг буюу энэ сарын 10-ны өдөр болох Л.Гансүх нарт холбогдох шүүх хурал болно. Та бүхний хувьд шүүх хурлыг шүүх танхимд явуулах тал дээр асуудал тавьсаар явна уу?
-2015 оны есдүгээр сарын 2-ны өдөр шүүх хурлыг хорих ангид хийх шийдвэр гаргасан байгаа. Үүнийг бид Үндсэн хууль зөрчсөн гэж үзэж байна. Шорон гэдэг шүүхээс ял өгсөн хүмүүсийн ялыг гүйцэтгүүлж, ялыг нь эдлүүлдэг газар болохоос биш шүүх хурал хийдэг газар биш.
Шүүх хурлаа хий гэж шүүхийн байрыг барьж өгч, шүүх танхим байгуулаад, тахарын алба гээд харуул хамгаалалтын албыг нь хүртэл гаргаад өгчихсөн байхад маш их зардал чирэгдэл гарган, үндсэн хууль зөрчин, харьяалалын бус газар хүний гэм бурууг шийднэ гэдэг асуудлыг Л.Гансүхийн зүгээс эсэргүүцэж байгаа.
-Хэрвээ цагдан хорих ангид шүүх хуралдаан хийнэ гэсэн шийдвэрээ өөрчлөхгүй тохиолдолд яах вэ?
- Шүүхийн танхимд шүүх хурлыг хийх хүртэл нь өлсгөлөн зарлах, эцсийн цаг хугацаа хүртэл өлсгөлөн зарлах арга хэмжээ авна гэж үзэж байгаа.
-Шүүх хурлыг ер нь хорих ангид хийнэ гэж хуулиндаа заасан байдаг юм уу?
-Үндсэндээ Үндсэн хуулийн 47-р зүйл дээр шүүх эрх мэдлийг гагцхүү шүүх хэрэгжүүлдэг. 48-р зүйл дээр шүүхийн тогтолцоо сум, дүүрэг, аймаг, нийслэл, улсын дээд шүүхээс бүрддэг. Түүнээс биш хорихоос бүрддэггүй. Шорон гэдэг ял эдлүүлдэг л газар. Сүүлийн үед хурандаа нарын хэрэг, Д.Амарсайхан, , Татварын Ч.Гансүх, МИАТ-ын хэрэг зэрэг бүгд хорих ангид болж, ял өгсөн. Буруу практик тогтоод ирчихсэн. Гэхдээ энэ бол өөрчлөгдөх ёстой. Шүүх дээрээ л хийх ёстой.
-Хамгийн гол нь шүүх танхимд хийснээрээ нээлттэй болно гэж үзээд байгаа биз дээ?
-Шүүх дээр болсноороо нээлттэй, олон нийтэд шууд дамжуулагдах юм. Эрүүгийн байцаан шийтгэх хуулийн 235.1-т заасан дүрэм журам үйлчлээд явчих юм.
Хорих ангид шүүх хурал хийвэл Шүүхийн шийдвэр гүйцэтгэх тухай хууль сэжигтэн яллагдагч баривчлах, цагдан хорих шийдвэрийг биелүүлэх тухай хуулинд заасны дагуу чанга дэглэмтэй хорих ангийн бүсэд орно. Тиймээс сэтгүүлчид, хэвлэл мэдээллийнхэн орох эрхгүй бүс болж байгаа. Энэ бол ялтнуудад зориулсан эрүүл ахуйн орчин. Мөн тэнд хоригдож байгаа хүнийг тэнд нь шүүх хуралд оруулвал сэтгэлзүйн болон бусад хэлбрээр эрүүдэн шүүж буй хэлбэр гэж үзэж байна.
Хүн эрүүл, эрх чөлөөтэй, хараат бус байгууллагад гэм буруугаа тогтоолгох ёстой. Гэтэл шоронд очиж гэм бурууг тогтооно гэдэг Үндсэн хууль зөрчиж байгаа асуудал.
Шүүхийн танхимд нээлттэй зохион явуулж өгөх хүсэлтийг Шүүхийн ерөнхий зөвлөл болон Улсын дээд шүүхэд гаргасан. Хариугаа аваагүй байгаа. Хэрвээ энэ асуудал шийдвэрлэж өгөхгүй хорих дээр хийх нь зөв гэж байгаа бол хуулийн дагуу үндэслэлтэй хариу өгөөсэй гэж хүсч байна. Хуулинд байхгүй хариу өгдөг асуудлыг зөвшөөрөхгүй. Ядаж шүүх хуулиа мөрдөе.
-Л.Гансүх аль дүүрэгт харьяалагддаг юм бэ. Уг нь харьяа дүүргийнхээ шүүхэд хэлэлцэгдэх ёстой биз дээ?
-Шүүх танхим бол шүүгч нарын амрах газар биш. Шүүгч нар дураараа дүүрэг болгон өөрчилдөг байж болохгүй. Шүүх нутаг дэвсгэрийн харьяалалаар шийддэг. Л.Гансүх бол Баянзүрх дүүргийн харьяалал. Гэтэл Ганц худагт хийвэл Баянгол дүүргийн нутаг дэвсгэрт шилжчихэж байгаа. Ийм байдлаар шүүгч нар хаа хамаагүй хурлаа хийдэг байж болохгүй. Шүүгч нар хэрэг маргаанаа л шийдэх ёстой. Хаана хийх ёстой шүүхийн захиргаа, үндсэн хуулиараа л явах ёстой.
-Гэрчүүдийг зохион байгуулалттайгаар авчрахгүй байгаа гэх асуудал хөндөгдөж байгаа. Хэрэв энэ удаад ийм тохиолдол гарвал шүүх хурал дахин хойшилж магадгүй болж байгаа юу?
-Гэрчүүд Монголд байгаа. АТГ-ыг дуудангуут нь ирээд байцаалт өгчихдөг. Тахарын ерөнхий газар гэж гэрч хохирогчийг авчирдаг байгууллага бүтэн сар авчрахгүй байна гэж байхгүй.
Хоёрдугаарт, эдгээр хүмүүс жирийн нэг иргэн биш. Төрийн өмчит үйлдвэрийн томоохон газар буюу “Багануур” ХХК гүйцэтгэх захирал М.Отгонбаяр, нөгөөх нь Үндэсний аудитын газрын байцаагч Ш.Ичинхорлоо гэх төрийн албанд үүрэг гүйцэтгэгчид шүү дээ. Тэгэхээр энэ хоёр хүнийг олох бүрэн боломжтой. Зориуд авчрахгүй байна гэж л харж байгаа.
-Шүүгч нараас татгалзана гэж байсан. Энэ асуудал юу болж байна?
-Шүүх хурлыг нээлттэй явуулаад ашиг сонирхолын зөрчил ажиглагдахгүй бол шүүгч нарын бүрэлдэхүүнээс татгалзах асуудлыг ярихгүй. Хэд хэдэн шүүгч нарт ашиг сонирхолын зөрчил харагдж байгаа. Жишээ нь, АТГ-аас энэ хэргийн даргалагч шүүгчийн ахыг нь шалгаж байгаа асуудал бий.
Л.Гансүхийн өмгөөлөгч Ц.Баасандорж шүүх хуралдааныг шүүхийн танхимд явуулах ёстой гэдэг асуудлаар дөнгөж сая сэтгүүлчдэд мэдээлэл хийлээ.
-
2015 оны 9 сарын 07
Энэ онд ҮДБЭЧ түүхэн ойгоос эхлээд Хубилай хаан мэндэлсний 800 жилийн ойн арга хэмжээ гээд олон түүхэн үйл явдалтай золгож байгаа. Энэ талаар тус чуулгын уран сайхны удирдагч, урлаг судлаач, удирдаач, УГЗ А.Цэдэн-Иштэй ярилцлаа.
-
2015 оны 9 сарын 04
Халх голын сав газрыг Чөлөөт бүс нэрээр будлиантуулж байгаа талаар учир мэдэх хүмүүс онцолсоор байгаа. Энэ удаад уг асуудалд хуульч хүний байр суурьнаас хандаж, холбогдох байгууллагуудад хүртэл хандаад байгаа өмгөөлөгч Г.Батбаяртай ярилцаж, зарим зүйлийг тодрууллаа.
