”Тоkио-2020” олимпийн наадмын тэтгэлэгт хөтөлбөрт хамрагдсан тамирчдад тэтгэлэг олгох ёслолын ажиллагаа МҮОХ-ны хурлын танхимд зохион байгуулагдлаа. Уг тэтгэлэгт хамрагдсан
1. Г.Одбаяр - Жүдо
2. Д.Сумьяа - Жүдо
3. Л.Отгонбаатар - Жүдо
4. Г.Ган-Эрдэнэ - Бокс
5. М.Намуун - Бокс
6. Б.Чинзориг- Бокс
7. А.Батцэцэг- Чөлөөт бөх
8. Т.Тулга - Чөлөөт бөх
9. П.Орхон - Чөлөөт бөх
10. Э.Бэхбаяр - Чөлөөт бөх
11. О.Гүндэгмаа - Буудлага
12. Ц. Мөнхзул- Буудлага
13. Г.Нандинзаяа - Буудлага
14. Д.Мирослава - Байт харваа
15. Д.Гантулга – Хөнгөн атлетиk
16. М. Анхцэцэг- Хүндийг өргөлт
17. П.Тэмүүжин – Тэkвондо
нарт МҮОХ-ны ерөнхийлөгч Д.Загдсүрэн, МҮОХ-ны дэд Ц.Дамдин, МҮОХ-ны ерөнхий нарийн бичгийн дарга Э.Бадар-Ууган нар тэтгэлгийг нь олголоо.

УИХ-ын чуулганы нэгдсэн хуралдаанаар 2018 оны улсын төсвийг баталлаа. Ирэх оны төсвийн нийт зарлага 9.6 их наяд, орлого 7.2 их наяд, алдагдлыг 2.4 их наяд төгрөг байхаар төсөөлжээ.

Улсын Их Хурлын Эдийн засгийн байнгын хорооны өнөөдрийн (2017.11.14) хуралдаан 09 цаг 40 минутад 52.6 хувийн ирцтэйгээр эхэлж, Төрөөс мөнгөний бодлогын талаар 2018 онд баримтлах үндсэн чиглэл батлах тухай Улсын Их Хурлын тогтоолын төслийн анхны хэлэлцүүлгийг хийлээ.




Тогтоолын төслийг хэлэлцүүлэгт бэлтгэсэн талаар Улсын Их Хурлын гишүүн, Ажлын хэсгийн ахлагч Б.Баттөмөр танилцуулсан юм. Ажлын хэсгийн бүрэлдэхүүнд Улсын Их Хурлын гишүүн Ж.Ганбаатар, З.Нарантуяа, Б.Ундармаа, Л.Элдэв-Очир нар ажилласан бөгөөд хоёр удаа хуралдсан байна. Энэ хүрээнд зарим асуудлыг нягтлан үзэж, зарчмын зөрүүтэй саналын томъёоллуудыг бэлтгэжээ.

Танилцуулгатай холбогдуулан Улсын Их Хурлын гишүүн З.Нарантуяа, Б.Жавхлан, Д.Тэрбишдагва, Я.Содбаатар, С.Оюунчимэг, Б.Дэлгэрсайхан нар асуулт асууж, Ажлын хэсгээс хариулт авсан юм. Засгийн газар болон Монголбанк хоорондын өр, авлагын талаар тодруулсан Улсын Их Хурлын гишүүн З.Нарантуяагийн асуултад 2017 оны гуравдугаар улирлын байдлаар Монголбанкны Засгийн газраас авах авлага 601 тэрбум төгрөг бол Засгийн газраас Монголбанкинд байрлуулсан харилцах хадгаламжийн хэмжээ 614 тэрбум төгрөг болохыг хэллээ. Банкны салбарын эрх зүйн орчныг өөрчлөх ажлын явцын талаар Улсын Их Хурлын гишүүн Б.Жавхлан тодруулахад Монголбанк одоогоор 11 хуулийн төслийг боловсруулан, Засгийн газраар дамжуулан Улсын Их Хуралд өргөн мэдүүлэхээр ажиллаж байгааг дуулгав. Улсын Их Хурлын гишүүн Я.Содбаатар эдийн засгийн нөхцөл хүнд байсан, цаашид Төв банкнаас эдийн засгийн тэлэлтийг дэмжих үүднээс бодлогын хүүгээ бууруулах нь зүйтэй гэдэг байр суурийг илэрхийллээ. Мөн зээлийн хүүг бууруулах чиглэлээр ямар ажил хийж буйг лавлав.



Үндсэн чиглэлийн төсөлд Монголбанк зээлийн хүүг бууруулах стратеги боловсруулан, хэрэгжүүлэх заалтыг тусгасан. Зээлийн хүү өндөр байгаа гэдэг үндэслэлээр олон нийтээс арилжааны банкууд руу сөрөг хандлага нэмэгдэж буй учраас арилжааны банкууд энэ асуудлаар санал гарган, Төв банк руу хандан санал тавьснаар зээлийн хүүг бууруулах стратеги боловсруулах ажлын хэсгийг байгуулжээ. Үргэлжлүүлэн ипотекийн зээлийн хүртээмжийг нэмэгдүүлэх, эдийн засгийн өсөлтийг иргэдэд бодитоор хүргэх чиглэлээр Төв банкнаас хийж хэрэгжүүлэх ажлын талаар гишүүдийн тодруулсны дагуу ажлын хэсэг мэдээлэл өглөө.

Дараа нь ажлын хэсэг болон Улсын Их Хурлын гишүүдээс Төрөөс мөнгөний бодлогын талаар 2018 онд баримтлах үндсэн чиглэл батлах тухай Улсын Их Хурлын тогтоолын төсөлтэй холбогдуулан гаргасан зарчмын зөрүүтэй саналын томъёоллуудаар санал хураалт явуулан шийдвэрлээд чуулганы нэгдсэн хуралдаанд танилцуулахаар тогтов гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээллээ.

Сонгинохайрхан дүүргийн 9 дүгээр хорооны иргэн Б-ын өвлийн сууцны цонхыг эвдэж “Samsung” /42/ инчийн LCD зурагт, гар утас зэрэг эд зүйлсийг Хан-Уул дүүргийн 3 дугаар хороонд оршин суух Б хулгайлсныг тус дүүрэг дэх цагдаагийн хоёрдугаар хэлтсийн алба хаагчид шуурхай илрүүлсэн байна.
Иймд иргэд та бүхэн орон байрны хулгайн гэмт хэргээс урьдчилан сэргийлж, урт, богино хугацаагаар гэр орноо эзэнгүй орхих тохиолдолд хажуу хөрш айл, жижүүртээ мэдэгдэх, байр, сууцаа эргэж тойрч байхыг Нийслэлийн цагдаагийн газраас зөвлөж байна.

“Лантуун дохио” төрийн бус байгууллага цагдаагийн хэлтэстэй хамтран 16 ширхэг хяналтын камер байршуулснаар тухайн орчинд гэмт хэрэг, зөрчил бүртгэгдээгүй байна.

Мөн Сонгинохайрхан дүүргийн 10 дугаар хорооны иргэн Г.Цэрэндолгор өөрийн хөрөнгөөр гудамжиндаа 7 ширхэг хяналтын камер байршуулснаар тухайн орчинд үйлдэгдсэн 3 гэмт хэргийг камерын бичлэгийн тусламжтай илрүүлсэн байна. Энэ талаарх мэдээллийг хүлээн авч үзнэ үү.

Авлигатай тэмцэх газрын Мөрдөн байцаах албаны дарга, ахлах комиссар Н.Дамдинсүрэнгээр ахлуулсан ажлын хэсэг 2017 оны 11 дүгээр сарын 13-ны өдрөөс Сэлэнгэ аймагт ажиллаж эхэллээ.

Тус ажлын хэсэг Сэлэнгэ аймгийн ИТХ-ын дарга Г.Бямбаа, аймгийн Засаг дарга Ш.Оргил, ИТХ-ын Ажлын албаны дарга Э.Оюунболд, Засаг даргын Тамгын газрын дарга Ө.Сувдаа, Санхүү, төрийн сангийн хэлтсийн дарга М.Нарантуяа, Хөрөнгө оруулалт, хөгжлийн бодлогын хэлтсийн дарга А.Эрдэнэгэрэл болон холбогдох агентлагийн удирдлагатай уулзаж, орон нутагт ажиллах ажлын удирдамж, чиглэлийг танилцууллаа.

Мөн Авлигатай тэмцэх үндэсний хөтөлбөрийг хэрэгжүүлэх хүрээнд орон нутагт авлигын эсрэг хууль тогтоомжийн хэрэгжилттэй газар дээр нь танилцах бөгөөд аймгийн ИТХ, Засаг даргын Тамгын газар, Засаг даргын эрхлэх асуудлын хүрээний зарим агентлагт ажиллана. Эдгээр байгууллагуудын албан тушаалтнуудын гаргасан тушаал шийдвэр, дагаж мөрдөж буй дүрэм, журам, төлбөр хураамж тогтоосон баримт бичиг, төсөв санхүү, худалдан авалтын үйл ажиллагаатай нарийвчлан танилцана.

Ажлын хэсэг 2017 оны 11 дүгээр сарын 15-ны өдрийг хүртэл хугацаанд Сэлэнгэ аймгийн төв болон Алтанбулаг, Сайхан, Шаамар, Сүхбаатар зэрэг суманд ажиллах юм.

Элчин сайдтай холбоотой гомдлыг Төрийн өндөрлөгүүдэд хүргүүлжээ

Монгол Улсын Шадар сайд Ө.Энхтүвшин 2017 оны 11 дүгээр сарын 14-ний өдөр БНЭУ-ын Элчин сайд Суреш Бабуг хүлээн авч уулзан харилцаа, хамтын ажиллагааны талаар ярилцав.

Улсын Их Хурлын Төсвийн байнгын хорооны өнөөдрийн (2017.11.14) хуралдаан 09 цаг 38 минутад, гишүүдийн 52.6 хувийн ирцтэйгээр эхэллээ.

БОАЖ-ын сайд Н.Цэрэнбат тусгай хамгаалалттай газар нутгийн хамгаалалтын захиргаадын дарга нартай уулзлаа. Уулзалтад БОАЖЯ-ны Төрийн нарийн бичгийн дарга Ц.Цэнгэл, Тусгай хамгаалалттай нутгийн удирдлагын газрын дарга Ч.Батсансар, Монгол Улсад үйл ажиллагаа явуулж буй тусгай хамгаалалттай газар нутгийн хамгаалалтын 33 захиргааны дарга оролцсон юм.

Уулзалтын эхэнд БОАЖ-ын сайд Н.Цэрэнбат шинэ Засгийн газар хууль дүрмийг хатуу чанга баримтлан ил тод, олон нийтэд нээлттэй ажиллана гэдгээ мэдэгдээд “Байгаль хамгаалагчдын тавьсан шаардлагыг биелүүлдэггүй хэрнээ олон нийтэд буруу, зөрүү мэдээлэл түгээдэг иргэдийн асуудлыг техник технологийн хүчээр шийдэх ёстой” хэмээсэн юм. Тодруулбал, байгаль хамгаалагч нарыг энгэрийн камераар хангаж, шаардлага биелүүлдэггүй, зөрчил гаргагчдыг баримтжуулж олон нийтийн цахим сүлжээгээр түгээхээс эхлээд томоохон хэмжээний зөрчлийг дроны тусламжтайгаар илрүүлдэг дэлхий нийтийн жишигтэй хөл нийлүүлэн алхах цаг болсныг онцолсон юм. Уулзалтын төгсгөлд тэрбээр “Мэдээж энэ бүхнийг эхлүүлэхэд цаг хугацаа, санхүүжилтын асуудал тулгамдах ч олон улсын төсөл хөтөлбөрүүдтэй хамтран байгаль хамгаалагч нарын хөдөлмөрийг хөнгөвчлөх эхлэлийг тавихын төлөө ажиллана, харин та бүхнийгээ дэмжинэ гэдэгт итгэлтэй байна” хэмээсэн.



Тусгай хамгаалалттай газар нутгийн хамгаалалтын захиргаадын дундаас Ханхөхийн тусгай хамгаалалттай газрын дарга газар нутгийн хэмжээг нь тэлэх асуудалд анхаарал хандуулж, энэ удаагийн УИХ-ын чуулганаар батлуулж өгөхийг хүссэн. Мөн Их богдын тусгай хамгаалалттай газрын дарга захиргааны байртай болгож өгөх санал тавьж байлаа. Уулзалтын дараа Н.Цэрэнбат сайд Тусгай хамгаалалттай нутгийн удирдлагын газрын дарга Ч.Батсансарт үүрэг гүйцэтгэгчээр ажиллаж байгаа захиргаадын дарга нарын асуудлыг цэгцлэхийг үүрэг болгосон юм.

БНСУ-ын Гёонги мужийн гамшгаас хамгаалах газраас зохион байгуулсан “Гамшгийн менежментийн системийн бүтэц, хөгжлийг хангах нь” сэдэвт айлчлалд Дархан-Уул аймгийн Онцгой байдлын газрын дарга, хурандаа Г.Батбаяраар ахлуулсан ажлын хэсэг 2017 оны 11 дүгээр сарын 08-11-ний өдрүүдэд оролцоод ирлээ.



Хоёр орны харилцан хамтын ажиллагааны хүрээнд Гёонги мужийн хотуудын аврах эрэн хайх газартай харилцаа тогтоож хамтран ажиллах талаар удирдлагууд санал солилцлоо. Мөн хоёр улсын хооронд гамшгаас хамгаалах салбарт хамтран ажиллах тухай хамтарсан санамж бичгийг шинэ шатанд гаргаж гэрээ болгох, Монгол Улсын Онцгой байдлын албаны боловсон хүчний болон техник, тоног төхөөрөмжийн чадавхийг дээшлүүлэх талаар санал бодлоо илэрхийлсэн юм.



Ажлын хэсэг Гёонги мужийн Сүвон хотын Гамшгийн Шуурхай удирдлагын төв, Аврах тусгай анги, Галын академи, Гамшгийн удирдлагын судалгааны болон иргэдийг гамшгаас хамгаалах төв зэрэг байгууллагуудын үйл ажиллагаатай танилцаж дэвшилтэт шинэ технологи, шинэ санааг өөрийн нутгийн хөрсөн дээр буулгаж хэрэгжүүлэх талаар туршлага судаллаа. Энэ үеэр БНСУ-ын Онцгой байдлын албаны баярын өдөр тохиосон нь онцлог үйл ажиллагаа байлаа. Уг арга хэмжээний үеэр ажлын хэсгийн бүрэлдэхүүнийг Гёонги мужийн захирагч хүлээн авч хүндэтгэл үзүүлсэн гэж Дархан –Уул аймгийн Онцгой байдлын газраас мэдээллээ

Нийслэлийн Хот тохижилтын газар ОНӨААТҮГ 2017 оны арваннэгдүгээр сарын 6-ны өдрийн 05.00 цагаас эхлэн хариуцсан нийтийн эзэмшлийн гудамж талбай, авто зам, явган замын цасыг түргэн шуурхай арилгах арга хэмжээг авахаар нийт 37 машин техник, 360 хүний бүрэлдэхүүнтэй ажиллаж байна. Тодруулбал, давс бодис цацах зориулалтын 11 камаз машинаар Энхтайваны өргөн чөлөө, Чингисийн өргөн чөлөө , Нийслэл хүрээ өргөн чөлөө, Зайсангийн гудамж, Баянхошуу, Толгойт, Дүнжингарав, Наадамчдын зам, Баянзүрхийн товчоо зэрэг газарт 67 тонн бодис цацав. Сүхбаатар жанжины нэрэмжит талбайн цас цэвэрлэгээнд цас цэвэрлэгээний 3 машин, явган хүний замын цэвэрлэгээнд бичил механик шүүр, цас үлээгч төхөөрөмжүүдийг ашиглаж байгаа юм гэж нийслэлийн Хот тохижилтын газар ОНӨААТҮГ-аас мэдээллээ.

УИХ-ын улаан хэрүүлчийг нэрлэнэ үү гэсэн санал асуулга явуулбал аягүй бол иргэд 76-гаа бүгдийг нь нэрлэх биз. Зурагт асаах болгонд л бие бие рүүгээ дайрч давшилсан, танайх идсэн манайх хийсэн гэх явган хэрүүлээс эхлээд бие биенийгээ новш, хулгайч, бацаанаараа дуудалцдаг тэдний энэ үйлдэл нь сүүлдээ энгийн үзэгдэл мэт болж.

НД-ийн 2-р хороонд “11-р сарын 13-ны 15:41-д 35-р байрны ... тоотын тагтан дээрээс утаа гарч байсныг НЦГ-ын Хяналт шалгалт, үнэлгээ, аюулгүй байдал, ёс журмын хэлтсийн алба хаагчид эргүүлийн үүрэг гүйцэтгэж байх үедээ шалгахад, НД-ийн 2-р хороонд суух 32 настай иргэн Г-ийн сууцны тагтан дээр гал гарч 5-6 насны 3 хүүхэд харгалзах хүнгүй дотроосоо түгжээтэй байсныг гаргаж амь насыг нь аварчээ. Уг галыг унтрааж ажилласаныг НДЦХ шалгаж байна.

Эцэг эх, асран хамгаалагчид хүүхдээ гэрт нь харгалзах хүнгүйгээр үлдээх, цахилгаан хэрэгслээ салгаж унтраахгүй гарахаас сэрэмжлүүлэж байна.

Үндсэн хуулийн эрх зүйн тулгамдсан асуудал /онол ,арга зүй, хэрэгжилт/ хэмээх бүтээл хэвлэгдэн гарлаа.

Энэ бүтээлд Үндсэн хуулийн цэцийн 25 жилийн үйл ажиллагааны үр дүн, сургамж, түүхэн гавьяа, алдаа оноо, эрх зүйн зохицуулалт, цаашид боловсронгуй болгох арга зам зэрэг сэдвийг чухалчилсан байна.

Үүнээс гадна Монгол Улсын Үндсэн хуульт ёсны хөгжил, Үндсэн хуульд нэмэлт, өөрчлөлт оруулах хязгаар, Үндсэн хуулийн цэц, Улсын Их Хурлын хоорондын харилцаа, тэрчлэн Үндсэн хуулийн үндсэн бүтцийн онол, номлол, өмчлөх эрхийн Үндсэн хуулийн зохицуулалт, сонгох, сонгогдох эрхийн баталгаа гэсэн тулгамдсан асуудлууд энэ бүтээлд дэлгэрэнгүй тусгагджээ.

Энэхүү номын зохиогчдын олонх нь ажил үүргийн хувьд Үндсэн хуулийг хамгаалах чиглэлээр ажиллаж байгаа төдийгүй тэдний эрдэм судлал, судалгаа шинжилгээний ажлын хүрээ нь мөн Үндсэн хуультай холбоотой ажээ.

Өнөөдөр УИХ дахь Эдийн засгийн байнгын хороо хуралдана. Хуралдаанаар Төрөөс мөнгөний бодлогын талаар 2018 онд баримтлах үндсэн чиглэл батлах тухай Улсын Их Хурлын тогтоолын төслийн анхны хэлэлцүүлэгийг хийнэ.

Мөн өнөөдөр зарим ажлын хэсэг хуралдах юм байна.

Хүүхэд хамгаалах, аюулгүй байдлын талаар Өргөдлийн байнгын хорооны мэдээллийг сонсгох 14.00 цагаас Нээлттэй сонсголын танхимд;
Төрөөс тэтгэврийн шинэчлэлийн талаар баримтлах бодлогын хэрэгжилтийг шалгаж, цаашид авч хэрэгжүүлэх арга хэмжээний талаар санал, дүгнэлт, шийдвэрийн төсөл боловсруулж, Байнгын хорооны хуралд танилцуулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 15.00 цагаас “В” танхимд;
Нийслэлийн Сонгинохайрхан дүүргийн 30 дугаар хорооны Хилчин хотхоныг инженерийн шугам сүлжээнд холбох асуудлаар ирүүлсэн өргөдлийн дагуу албан тушаалтнаас тайлбар авах Өргөдлийн байнгын хорооны хэлэлцүүлэг 15.00 цагаас Нээлттэй сонсголын танхимд.

10:00 НИТХ-ын тэргүүлэгчдийн хуралдаан болно. Түрээсийн орон сууцыг хөгжүүлэх төсөл хэрэгжүүлэх тухай болон ”Орон нутгийн үйлдвэрлэлийн түншлэл” дэд хөтөлбөр батлах тухай зэрэг дөрвөн асуудал хэлэлцэх юм байна.

Монгол Улсын Шинжлэх ухааны ажилтны өдрийг тохиолдуулан Шинжлэх ухааны академийн Одон орон, геофизикийн хүрээлэнгээс нээлттэй хаалганы өдөрлөг зохион байгуулна.

10:00 Байгалийн баялгийн засаглалын хүрээлэнгийн дэмжлэгтэйгээр боловсруулсан “Монгол Улсын эрдэс баялгийн салбар дахь орон нутгийн гэрээ, туршлага, сургамж, цаашдын чиглэлүүд” сэдэвт судалгаа танилцуулах арга хэмжээ Нээлттэй нийгэм форумын хурлын танхимд болно.

Боловсрол, шинжлэх ухааны Үйлдвэрчний эвлэлийн холбооноос багш нарын хугацаагүй ажил хаялттай холбоотойгоор мэдээлэл хийнэ.

МҮЭХ-ны байранд багш нарын хугацаагүй ажил хаялттай холбогдуулан Монголын сурагчдын холбоо, Монголын эцэг, эхчүүдийн холбоо хамтран Монголын залуучуудын холбооны 104 тоотод мэдээлэл хийнэ.

”Тогтвортой хөгжил-Статистик” үндэсний анхдугаар чуулган төрийн ордонд үргэлжилнэ.

14:00 Дэлхийн шинжлэх ухааны өдрийг тохиолдуулан үйл ажиллагаагаа эхэлж буй ”Өсвөрийн эрдэмтэн клуб”-ын нээлт Соёлын төв өргөөний ”Б” корпус Хүүхдийн төв номын санд болох гэж байна

ЗГХЭГ-ын дарга Г.Занданшатар өчигдөр үдээс хойш БСШУС-ын сайд

2017 оны 11 дүгээр сарын 15-наас 11 дүгээр сарын 19-нийг хүртэлх цаг агаарын урьдчилсан төлөв:

2017.11.14, Мягмар гараг / Билгийн тооллын: 26
Намрын адаг цагаан нохой сар
Найман