-
2015 оны 5 сарын 17
Улсын Их Хурлын даргын дэргэдэх Зөвлөлийн 2015.05.15-ны өдрийн хурлаар батлав.
-
2015 оны 5 сарын 17
Монгол Улсын Ерөнхий сайд Ч.Сайханбилэгийн урилгаар Бүгд Найрамдах Энэтхэг Улсын Ерөнхий сайд Нарендра Моди 2015 оны 5 дугаар сарын 16-18-ны өдрүүдэд Монгол Улсад төрийн айлчлал хийж байна.
-
2015 оны 5 сарын 16
Бүгд Найрамдах Энэтхэг Улсын Ерөнхий сайд Нарендра Моди маргааш хүрэлцэн ирнэ. Тэрбээр Ерөнхий сайд Ч.Сайханбилэгийн урилгаар Монгол Улсад төрийн айлчлал хийх юм.
-
2015 оны 5 сарын 16
Х.Тэмүүжин: Шүүгч, прокурорууд шоронгийн харгалзагчдаар өөрсдийгөө харгалзуулахаа мэдээгүй байгаа
-
2015 оны 5 сарын 15
УИХ-аар баталсаны дагуу төлөвлөгөөний дагуу ажиллаж байна. Макро эдийн засгийн хувьд нааштай үзүүлэлтүүд гарч байна.
-
2015 оны 5 сарын 15
УИХ-ын 2015 оны 2 дугаар сарын 41 дүгээр тогтоолоор баталсан “Эдийн засгийн хүндрэлээс гарах хөтөлбөр”-ийг хэрэгжүүлэхээр эрчимтэй ажиллаж байгаа бөгөөд Монгол Улсын Засгийн газраас УИХ-д өргөн мэдүүлсэн хуулийн төслүүдийг цаг алдалгүй хэлэлцүүлэх, шийдвэрлэх шаардлагатай байна.
Томоохон төрийн өмчит компаниудыг хувьчлах замаар 2015 онд нийт 172.9 тэрбум төгрөгийн орлого төсөвт төвлөрүүлэхээр тооцсон боловч Төрийн өмчийг 2015-2016 онд хувьчлах, өөрчлөн байгуулах асуудлыг Улсын Их Хурлаас хараахан шийдвэрлээгүй байгаа нь өмч хувьчлалын орлогын төлөвлөгөө тасалдах эрсдэлийг үүсгэж болзошгүй байна.
Түүнчлэн бүх шатны бүртгэл, хяналт, мэдээллийн тогтолцоог боловсронгуй болгож, эдийн засгийг бүрэн хэмжээгээр тодорхойлж чадах тоон мэдээлэлтэй болох мөн далд орлого, хөрөнгийг хууль ёсны бүртгэл хяналтад оруулах, цаашид хууль тогтоомжийн дагуу татвар ногдуулах боломж бүрдүүлэхэд чиглэсэн Эдийн засгийн ил тод байдлыг дэмжих тухай хуулийн төслийг 2015 оны 1.13-нд УИХ-д өргөн мэдүүлсэн. Энэхүү хуулийн төсөлтэй амин холбоотой УИХ-д өргөн мэдүүлсэн Эдийн засгийн өршөөл үзүүлэх тухай хуулийн төсөл нийгэмд ихээхэн хүлээлт бий болгож байна.
Татварын Ерөнхий хуульд нэмэлт, өөрчлөлт оруулах тухай, Ашигт малтмалын тухай хуульд өөрчлөлт оруулах тухай, Аж ахуйн нэгжийн орлогын албан татварын тухай хуульд нэмэлт өөрчлөлт оруулах тухай, хуулийн төслүүдийг хэлэлцүүлэхэд Засгийн газар бэлэн болголоо.
Ингэснээр орчин үеийн техник технологийн хөгжил дэвшилтэй уялдан санхүүгийн анхан шатны баримтыг цахим хэлбэрээр хийх, татварын хяналт, шалгалт хийхэд цахим хэлбэрийн баримтыг хүлээн зөвшөөрөх боломж олгох юм. Энэхүү өөрчлөлттэй холбогдуулан татвар төлөгчийн бизнесийн үйл ажиллагааг дэмжих томоохон хөшүүрэг болох нь ойлгомжтой.
Татварын ерөнхий хууль болон Ашигт малтмалын тухай хуулийн зарим заалт хоорондоо нийцэхгүй байгаагаас үүдэлтэй эдгээр хуулийг хэрэгжүүлэхэд ихээхэн хүндрэл үүсэх явдал амьдралд цөөнгүй тохиолдож байна. Иймд ашигт малтмалын нөөц ашигласны төлбөр төлөх, тайлагнах хугацааг ижилтгэх зайлшгүй шаардлагатай юм. Иймд хууль тогтоомж хоорондын зөрчлийг арилгах, хуулийн хэрэгжилтийг энгийн ойлгомжтой болгох, татвар төлөхтэй холбоотой үүсээд буй маргаантай асуудлыг шийдвэрлэх зорилгоор дээр дурдсан хуулийн төслүүдийг боловсруулсан болно.
Үл хөдлөх эд хөрөнгийн барьцааны тухай хуульд нэмэлт оруулах тухай, Хөдлөх эд хөрөнгө болон эдийн бус хөрөнгийн барьцааны тухай болон холбогдох бусад хуулийн төслүүдийг УИХ-ын ажлын хэсгээс гарсан санал дүгнэлтийг нэмж тусган Засгийн газраас УИХ-д өргөн барьж байна.
Монгол Улсын иргэн өмчлөлийн газраа барьцаалах эрх зүйн зохицуулалт бий болоод багагүй хугацаа өнгөрч байгаа хэдий ч ялангуяа гэр хорооллын газрын харилцаатай холбоотой асуудлууд маргаан хүндрэл дагуулсан хэвээр байна. Газраа барьцаалсан иргэдийн хувьд гэрээний үүргээ хангаагүй тохиолдолд 3 шатны шүүхээр шийдвэрлүүлэх ердийн журам үйлчилж байгаа нь банк, банк бус санхүүгийн байгууллагуудад газар барьцаалж зээл олгох сонирхлыг бууруулж байна. Энэхүү хуулийн төслийг даруй хэлэлцүүлж шийдвэрлэснээр гэр хорооллын газрыг барьцаалж эдийн засгийн эргэлтэд оруулах, барилга, орон сууц барих сонирхол нэмэгдэнэ.
Манай улсад хөдлөх эд хөрөнгө, бусдад шилжүүлж болох эдийн бус хөрөнгө, тухайлбал хувьцаа, үнэт цаас, авлага, оюуны өмч барьцаалах замаар тэдгээрийг эдийн засгийн эргэлтэд оруулах, энэ төрлийн харилцааг зохицуулсан эрх зүйн орчинг боловсронгуй болгох нь шийдвэрлэвэл зохих тулгамдсан асуудлын нэг болж байна. Банк, банк бус санхүүгийн байгууллагууд ихэвчлэн үл хөдлөх эд хөрөнгө барьцаалдаг практик амь бөхтэй байгаа нь манай эдийн засгийн 70 гаруй хувийг эзэлж буй жижиг, дунд бизнес эрхлэгчид, үл хөдлөх хөрөнгөгүй иргэд зээл, санхүүгийн үйлчилгээ авч чадахгүйд хүргэж санхүүжилт, хөрөнгө оруулалтын эх үүсвэрээ олж чадахгүй байна. Энэхүү хуулийн төслөөр бизнесийн арилжаа, гэрээний гүйцэтгэлийг хангах эх сурвалж болгон хөдлөх хөрөнгөө барьцаалах эрх иргэдэд үүсч буй тул ихээхэн ач холбогдолтой юм. Манай нийгмийн дундаж давхаргыг бэхжүүлэх, иргэдийн хувьцааны соёлыг бий болгоход алсдаа энэ хуулийн эдийн засгийн үр дүн мэдрэгдэнэ.
УИХ-ын эрхэм гишүүд ээ,
Баасан гаригийн Ерөнхий сайдын мэдээллийн цагаар миний бие УИХ-д өргөн мэдүүлсэн болон хэлэлцэх шатандаа явж буй 44 хуулийн төслийн цөөн хэдийг л дурьдлаа. Эдгээрийн тухай товч мэдээллийг та бүгдэд урьдчилан тараасан байгаа. Дахин тэмдэглэхэд дээрх 44 хуулийн төслийн хэлэлцүүлгийг урагшлуулах, цаг алдахгүй шийдвэрлэн хэрэгжүүлэх шаардлагатай байна.
Анхаарал тавьсанд баярлалаа.
--оо0оо--
УИХ-ын 2015 оны 2 дугаар сарын 41 дүгээр тогтоолоор баталсан “Эдийн засгийн хүндрэлээс гарах хөтөлбөр”-ийг хэрэгжүүлэхээр эрчимтэй ажиллаж байгаа бөгөөд Монгол Улсын Засгийн газраас УИХ-д өргөн мэдүүлсэн хуулийн төслүүдийг цаг алдалгүй хэлэлцүүлэх, шийдвэрлэх шаардлагатай байна.
Томоохон төрийн өмчит компаниудыг хувьчлах замаар 2015 онд нийт 172.9 тэрбум төгрөгийн орлого төсөвт төвлөрүүлэхээр тооцсон боловч Төрийн өмчийг 2015-2016 онд хувьчлах, өөрчлөн байгуулах асуудлыг Улсын Их Хурлаас хараахан шийдвэрлээгүй байгаа нь өмч хувьчлалын орлогын төлөвлөгөө тасалдах эрсдэлийг үүсгэж болзошгүй байна.
Түүнчлэн бүх шатны бүртгэл, хяналт, мэдээллийн тогтолцоог боловсронгуй болгож, эдийн засгийг бүрэн хэмжээгээр тодорхойлж чадах тоон мэдээлэлтэй болох мөн далд орлого, хөрөнгийг хууль ёсны бүртгэл хяналтад оруулах, цаашид хууль тогтоомжийн дагуу татвар ногдуулах боломж бүрдүүлэхэд чиглэсэн Эдийн засгийн ил тод байдлыг дэмжих тухай хуулийн төслийг 2015 оны 1.13-нд УИХ-д өргөн мэдүүлсэн. Энэхүү хуулийн төсөлтэй амин холбоотой УИХ-д өргөн мэдүүлсэн Эдийн засгийн өршөөл үзүүлэх тухай хуулийн төсөл нийгэмд ихээхэн хүлээлт бий болгож байна.
Татварын Ерөнхий хуульд нэмэлт, өөрчлөлт оруулах тухай, Ашигт малтмалын тухай хуульд өөрчлөлт оруулах тухай, Аж ахуйн нэгжийн орлогын албан татварын тухай хуульд нэмэлт өөрчлөлт оруулах тухай, хуулийн төслүүдийг хэлэлцүүлэхэд Засгийн газар бэлэн болголоо.
Ингэснээр орчин үеийн техник технологийн хөгжил дэвшилтэй уялдан санхүүгийн анхан шатны баримтыг цахим хэлбэрээр хийх, татварын хяналт, шалгалт хийхэд цахим хэлбэрийн баримтыг хүлээн зөвшөөрөх боломж олгох юм. Энэхүү өөрчлөлттэй холбогдуулан татвар төлөгчийн бизнесийн үйл ажиллагааг дэмжих томоохон хөшүүрэг болох нь ойлгомжтой.
Татварын ерөнхий хууль болон Ашигт малтмалын тухай хуулийн зарим заалт хоорондоо нийцэхгүй байгаагаас үүдэлтэй эдгээр хуулийг хэрэгжүүлэхэд ихээхэн хүндрэл үүсэх явдал амьдралд цөөнгүй тохиолдож байна. Иймд ашигт малтмалын нөөц ашигласны төлбөр төлөх, тайлагнах хугацааг ижилтгэх зайлшгүй шаардлагатай юм. Иймд хууль тогтоомж хоорондын зөрчлийг арилгах, хуулийн хэрэгжилтийг энгийн ойлгомжтой болгох, татвар төлөхтэй холбоотой үүсээд буй маргаантай асуудлыг шийдвэрлэх зорилгоор дээр дурдсан хуулийн төслүүдийг боловсруулсан болно.
Үл хөдлөх эд хөрөнгийн барьцааны тухай хуульд нэмэлт оруулах тухай, Хөдлөх эд хөрөнгө болон эдийн бус хөрөнгийн барьцааны тухай болон холбогдох бусад хуулийн төслүүдийг УИХ-ын ажлын хэсгээс гарсан санал дүгнэлтийг нэмж тусган Засгийн газраас УИХ-д өргөн барьж байна.
Монгол Улсын иргэн өмчлөлийн газраа барьцаалах эрх зүйн зохицуулалт бий болоод багагүй хугацаа өнгөрч байгаа хэдий ч ялангуяа гэр хорооллын газрын харилцаатай холбоотой асуудлууд маргаан хүндрэл дагуулсан хэвээр байна. Газраа барьцаалсан иргэдийн хувьд гэрээний үүргээ хангаагүй тохиолдолд 3 шатны шүүхээр шийдвэрлүүлэх ердийн журам үйлчилж байгаа нь банк, банк бус санхүүгийн байгууллагуудад газар барьцаалж зээл олгох сонирхлыг бууруулж байна. Энэхүү хуулийн төслийг даруй хэлэлцүүлж шийдвэрлэснээр гэр хорооллын газрыг барьцаалж эдийн засгийн эргэлтэд оруулах, барилга, орон сууц барих сонирхол нэмэгдэнэ.
Манай улсад хөдлөх эд хөрөнгө, бусдад шилжүүлж болох эдийн бус хөрөнгө, тухайлбал хувьцаа, үнэт цаас, авлага, оюуны өмч барьцаалах замаар тэдгээрийг эдийн засгийн эргэлтэд оруулах, энэ төрлийн харилцааг зохицуулсан эрх зүйн орчинг боловсронгуй болгох нь шийдвэрлэвэл зохих тулгамдсан асуудлын нэг болж байна. Банк, банк бус санхүүгийн байгууллагууд ихэвчлэн үл хөдлөх эд хөрөнгө барьцаалдаг практик амь бөхтэй байгаа нь манай эдийн засгийн 70 гаруй хувийг эзэлж буй жижиг, дунд бизнес эрхлэгчид, үл хөдлөх хөрөнгөгүй иргэд зээл, санхүүгийн үйлчилгээ авч чадахгүйд хүргэж санхүүжилт, хөрөнгө оруулалтын эх үүсвэрээ олж чадахгүй байна. Энэхүү хуулийн төслөөр бизнесийн арилжаа, гэрээний гүйцэтгэлийг хангах эх сурвалж болгон хөдлөх хөрөнгөө барьцаалах эрх иргэдэд үүсч буй тул ихээхэн ач холбогдолтой юм. Манай нийгмийн дундаж давхаргыг бэхжүүлэх, иргэдийн хувьцааны соёлыг бий болгоход алсдаа энэ хуулийн эдийн засгийн үр дүн мэдрэгдэнэ.
УИХ-ын эрхэм гишүүд ээ,
Баасан гаригийн Ерөнхий сайдын мэдээллийн цагаар миний бие УИХ-д өргөн мэдүүлсэн болон хэлэлцэх шатандаа явж буй 44 хуулийн төслийн цөөн хэдийг л дурьдлаа. Эдгээрийн тухай товч мэдээллийг та бүгдэд урьдчилан тараасан байгаа. Дахин тэмдэглэхэд дээрх 44 хуулийн төслийн хэлэлцүүлгийг урагшлуулах, цаг алдахгүй шийдвэрлэн хэрэгжүүлэх шаардлагатай байна.
Анхаарал тавьсанд баярлалаа.
--оо0оо--
-
2015 оны 5 сарын 15
Эдийн засгийн хүндрэлэээс гаргах ямар зоримог алхам хийж байна. Зээлээс өөр ямар ажлуудыг хийж байна вэ. Тавантолгойн асуудлаар манай гурван толгой гарц хайж ярьж байна уу. Нийгэм энэ асуудлаар үзалхаад байна гэлээ.
Нилээн цогц арга хэмжээг УИХ-аар баталсаны дагуу төлөвлөгөөний дагуу ажиллаж байна. Макро эдийн засгийн хувьд нааштай үзүүлэлтүүд гарч байна.
-
2015 оны 5 сарын 15
Төрөөс ойн талаар баримтлах бодлого батлагдсантай холбогдуулан мэдээлэл хийлээ
Төрөөс ойн талаар баримтлах бодлого батлах тухай УИХ-ын тогтоол батлагдсантай холбогдуулан Байгаль орчин, хүнс, хөдөө аж ахуйн байнгын хорооны дарга Су. Батболд, Байгаль орчин, ногоон хөгжил, аялал жуулчлалын сайд Д.Оюунхорол нар өнөөдөр /2015.05.15.Баасан гараг/ Төрийн ордонд хэвлэлийн бага хурал хийв.
Энэхүү баримт бичгийн зорилго нь Монгол орны ойн экосистемийн тэнцвэрт байдлыг хадгалах, ойн хомсдол, доройтлыг зогсоох, ойг нөхөн сэргээх, ойжуулах замаар ойгоор бүрхэгдсэн талбайг нэмэгдүүлэх, зүй зохистой, тогтвортой ашиглахад чиглэсэн ойн тогтвортой менежментийг бий болгоход оршиж байгааг Байнгын хорооны дарга Су.Батболд мэдээллийн эхэнд онцлон тэмдэглэлээ. Төрөөс ойн талаар баримтлах бодлогыг хоёр үндсэн үе шаттай буюу нэгдүгээр үе шатыг 2015-2020 онд, хоёрдугаар үе шатыг 2020-2030 онд хэрэгжүүлэх аж. Энэхүү арга хэмжээг хэрэгжүүлснээр ойн түймрийн тархалтын дундаж талбайг 2020 онд 30.0 хувь, 2030 онд 70.0 хувь хүртэл бууруулж, ойн хөнөөлт шавж, өвчний хөнөөлийн тархалтын голомтыг 2020 онд 60,0 хувь хүртэл бууруулан, 2030 онд бүрэн хяналтанд авна гэж тэрбээр мэдээлсэн юм. Түүнчлэн ойн экосистем, биологийн олон янз байдлын хадгалалт, хамгаалалт сайжирч, ойн хомсдол, доройтлоос үүдэлтэй хүлэмжийн хийн ялгарлыг 2020 онд 2,0 хувь, 2030 онд 5,0 хувь бууруулан, ойгоор бүрхэгдсэн талбайн хэмжээг 2020 онд 8,3 хувьд, 2030 онд 9,0 хувьд тус тус хүргэх аж. Байгалийн аясаар сэргэн ургасан болон таримал ойг 2020 онд 310 мянган га, 2030 онд 1 сая 500,0 мянган га талбайгаар тус тус нэмэгдүүлж, модон түүхий эдийн ашиглалтын түвшинг 80 хувьд хүргэн, иргэдийн мод, модон бүтээгдэхүүний хэрэгцээг бүрэн хангана гэж Байгаль орчин, хүнс, хөдөө аж ахуйн байнгын хорооны дарга Су.Батболд хэллээ.
Мөн АНУ-д болж буй НҮБ-аас дөрвөн жилд нэг удаа зохион байгуулагддаг Дэлхийн ойн форумын ээлжит хуралдаанд Монгол Улсын төлөөлөгчид оролцож байгаа энэ үед, түүнчлэн Байгалийн нөөцийн хамтын менежментийн нөхөрлөлүүдийн үндэсний чуулган Улаанбаатар хотод зохион байгуулагдаж буй цаг үетэй давхцан Монгол Улсын Их хурал Төрөөс ойн талаар баримтлах бодлогын бичиг баримтыг хэлэлцэн баталсан нь үндэсний болон олон улсын ач холбогдолтойг Байгаль орчин, ногоон хөгжил, аялал жуулчлалын сайд Д.Оюунхорол онцолсон юм. Тэрбээр, ойн талаар баримтлах бодлогын баримт бичиг нь ойн санг гэрээгээр эзэмшүүлэх, ой бүхий сумдад ойн нөхөрлөл байгуулахад дэмжлэг үзүүлэх замаар ойн санг тодорхой эзэнтэй болгох үйл ажиллагааг эрчимжүүлэх, ойгоос олгох модны хэмжээг үе шаттай бууруулж, мод орлох бүтээгдэхүүнийг нэмэгдүүлэх, үйлдвэрлэлийн зориулалттай мод, модон материалын хэрэгцээг импортын модоор хангах бодлого баримталж, иргэдийн модон бүтээгдэхүүний хэрэгцээг ойн арчилгаа, цэвэрлэгээний болон түүвэрлэх огтлолт зэрэг ойн экосистемд халгүй аргаар бэлтгэсэн модоор хангах боломжийг бий болгож байгаагаараа шинэлэг гэв. Түүнчлэн тарьц, суулгац ургуулах дэвшилтэт шинэ технологи нэвтрүүлэн, ойжуулалтын ажлын чанарыг сайжруулж, улирлын хамаарлыг багасгах, Монгол оронд агро-ойн аж ахуйн хөгжлийн үндэс суурийг тавьж буйгаараа онцлогтой юм байна. Мэдээлэлтэй холбогдуулан сэтгүүлчид сонирхсон асуултдаа хариулт авлаа хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 5 сарын 15
Монгол Улсын Их Хурлын дарга Зандаахүүгийн Энхболд Дэлхийн банк группын гүйцэтгэх захирал бөгөөд Санхүү хариуцсан захирал Бэртранд Бадрэ тэргүүтэй төлөөлөгчдийг өнөөдөр /2015.05.15/ хүлээн авч уулзав.
-
2015 оны 5 сарын 15
“Байгаль хамгаалах ажил нь дэлхий нийтийн түгээмэл соёл, бизнес юм”
-
2015 оны 5 сарын 15
Засгийн газрын “11 11 төв”-д 800 орчим санал хүсэлт иржээ.
-
2015 оны 5 сарын 15
Нийтийн тээврээр зорчих хугацааг 20-40 хувиар бууруулна
-
2015 оны 5 сарын 15
Мьянмарын гадаад хэргийн сайд У Вунна Маун Лвиний айлчлал эхэллээ
-
2015 оны 5 сарын 15
Байгаль орчин, ногоон хөгжил, аялал жуулчлалын яамнаас “Байгаль хамгаалах нөхөрлөлүүдийн үндэсний чуулган”-ыг Төрийн ордонд зохион байгуулж байна.
-
2015 оны 5 сарын 15
Дэлхийн банкны гүйцэтгэх захирал, Дэлхийн банкны группийн Санхүү хариуцсан захирал Бертран Бадре өнөөдөр, маргааш Монгол Улсад анх удаагаа айлчилж байна.
-
2015 оны 5 сарын 15
Манай сайт төрийн албаныхны цомхотголын асуудлаар яам, салбар бүрээр нь онцлон хүргэж байгаа билээ. Яахын аргагүй хөндөх ёстой энэ л сэдвийн хүрээнд БОНХЯ, МХЕГ, ЭМЯ зэргийн халаа сэлгээ, төрийн албаныхны үндэслэлгүй ажлаас халагдах байдлыг илчилсэн.
-
2015 оны 5 сарын 15
МОНГОЛ УЛСЫН ИХ ХУРЛЫН ХАВРЫН ЭЭЛЖИТ ЧУУЛГАНЫ 2015 ОНЫ 05 ДУГААР САРЫН 15-НЫ ӨДӨР /БААСАН ГАРАГ/-ИЙН НЭГДСЭН ХУРАЛДААНААР ХЭЛЭЛЦЭХ АСУУДАЛ
-
2015 оны 5 сарын 15
Монгол Улсын Ерөнхийлөгчийн Тамгын газар, Үндэсний аудитын газар, Сангийн яам, Нээлттэй нийгэм форум хамтран өнөөдөр Төрийн ордны Их танхимд “Шилэн дансны тухай хуулийн хэрэгжилт” хэлэлцүүлэг зохион байгууллаа.
-
2015 оны 5 сарын 14
УИХ-ын чуулганы нэгдсэн хуралдаан 14.45 цагт эхэлж Гаалийн албан татвараас чөлөөлөх тухай хуулийн төслийг хэлэлцлээ.
Хуралдааны эхэнд УИХ-ын дарга З.Энхболд Монгол Улсын Ерөнхийлөгч санаачлан боловсруулж өргөн мэдүүлсэн Шууд ардчилал, иргэдийн оролцоогоор дамжуулан төсвийн төвлөрлийг сааруулах Үндэсний хөтөлбөр батлах тухай баримт бичгийн төслийг татан авах бичиг ирснийг сонордуулав.
Ийнхүү Гаалийн албан татвараас чөлөөлөх тухай хуулийн төслийг санаачлагчийн илтгэлийг Сангийн сайд Ж.Эрдэнэбат танилцуулав.
2011 онд Монгол Улс, Бүгд Найрамдах Австри Улсын Засгийн газар хоорондын “Санхүүгийн хамтын ажиллагааны тухай хэлэлцээр”-ийн хүрээнд дэд бүтэц, орон нутгийн ус, эрүүл ахуй, хог хаягдал, бохир ус, замын хөдөлгөөний аюулгүй байдал, төмөр зам, боловсрол, техник, мэргэжлийн сургалт, эрүүл мэнд, нийгмийн хамгааллын чиглэлээр Австрийн Засгийн газраас хөнгөлөлттэй зээл авах болсон. Энэхүү зээлийн хөрөнгөөр “Хавдар судлалын үндэсний төвийн тоног, төхөөрөмжийг шинэчлэх”, “Эх, хүүхдийн эрүүл мэндийн үндэсний төвийн тоног төхөөрөмжийг шинэчлэх”, “Улсын нэгдүгээр төв эмнэлгийн тоног төхөөрөмжийг шинэчлэх, хүний нөөцийн чадавхийг бэхжүүлэх” зэрэг зургаан томоохон төсөл хэрэгжүүлэхээр төлөвлөж байна. Эдгээр төслийг амжилттай хэрэгжүүлэх, төслийн үр ашгийг хангах зорилгоор төслийн хүрээнд нийлүүлэх тоног төхөөрөмж, сэлбэг хэрэгсэл, материалыг гаалийн албан татвараас чөлөөлөхөөр хуулийн төсөлд тусгасан хэмээн хууль санаачлагч илтгэлдээ дурьдав.
Хэлэлцэж буй асуудалтай холбогдуулан УИХ-ын гишүүн З.Баянсэлэнгэ, 2011 онд байгуулсан гэрээ яагаад ийм удаашралтай шийдэгдэж байна вэ. Энэ асуудлыг яаралтай хэлэлцүүлэхээр өргөн барьж болоогүй юм уу хэмээн асуув.
Сангийн сайд Ж.Эрдэнэбат, “Зээлийн хөрөнгөөр хэрэгжүүлэх хөтөлбөрүүдэд гарын үсэг зурах төлөөллийг УИХ-аар сонгосон байгаа. Зээлийн гэрээг хэрэгжүүлэх ажилд Засгийн газар шуурхайлан ажиллаж байна” гэсэн хариулт өглөө.
Мөн УИХ-ын гишүүн Д.Тэрбишдагва, “Энэ хуулийн төслийг яаралтай шийдвэрлэх ёстой. Зээлийн хүрээнд онцгой байдал, эрүүл мэндийн томоохон хөтөлбөрүүд хэрэгжинэ. Тиймээс энэхүү хуулийн төслийг заавал олон хэлэлцэхгүйгээр анхны хэлэлцүүлгээр батлах боломж бий юу. Үүнээс гадна татвараас чөлөөлөх хүсэлт ирүүлсэн бүх тоног төхөөрөмжийг чөлөөлөөд байж болох уу. Бүх зүйлд хөнгөлөлт үзүүлээд байвал Улсын төсөвт мөнгө орохгүй” хэмээн асуусан.
Уг асуултад Төсвийн байнгын хорооны дарга Б.Болор, Өнөөдөр хуулийн төслийг хэлэлцэх эсэхийг шийднэ. Энэхүү хуулийн төслийг түргэн хэрэгжүүлэх үүднээс байнгын хорооны хуралдаанаар анхны хэлэлцүүлгээр батлах үед боломжтой гэсэн хариулт өгсөн.
Мөн Сангийн сайд Ж.Эрдэнэбат, Би ажил авснаасаа хойш Олон улсын улаан загалмайн нийгэмлэгээс МУЗН-т ирүүлсэн тоног төхөөрөмжийг татвараас чөлөөлсөн. Харин 2014 онд олон улсын байгууллагын буцалтгүй тусламж, хөнгөлөлттэй зээлээр орж ирж буй 109 тэрбум төгрөгийн тоног төхөөрөмжийг татвараас чөлөөлсөн байна” гэв.
Хэлэлцүүлгийн үеэр гишүүд “Энэхүү хуулийн төслийг дэмжиж байна. Цаашдаа буцалтгүй тусламж, хөнгөлөлттэй зээлээр хэрэгжүүлэх төслүүдийг шуурхай шийдвэрлэдэг болох хэрэгтэй. Гэхдээ аль салбарт, татварын ямар, хөнгөлөлт үзүүлэх вэ гэдгээ нарийн судлах анхаарах ёстой” гэсэн санал хэлэв.
Ийнхүү санал хураалт явуулахад хуралдаанд оролцсон гишүүдийн 77 хувь дэмжиж, анхны хэлэлцүүлэгт бэлтгүүлэхээр төсвийн байнгын хороонд шилжүүлэв.
-
2015 оны 5 сарын 14
Ц.Оюунгэрэл, М.Батчимэг нар Орхон аймагт ажиллалаа
