2017 оны 12 дугаар сарын 25-ны 20 цагаас 12 дугаар сарын 26-ны 20 цаг
хүртэлх цаг агаарын урьдчилсан мэдээ

БАРУУН АЙМГУУДЫН НУТГААР: Үүлшинэ. Цас орохгүй. Салхи баруун өмнөөс секундэд 5-10 метр, өдөртөө Алтайн салбар уулсаар зарим үед секундэд 12-14 метр хүрч ширүүснэ. Увс нуурын хотгор болон Идэр, Тэс голын хөндийгөөр шөнөдөө 30-35 хэм, өдөртөө 18-23 хэм, Алтайн уулархаг нутаг, Их нууруудын хотгор, Завхан голын эх, Хүрэн бэлчир орчмоор шөнөдөө 23-28 хэм, өдөртөө 12-17 хэм, Алтайн өвөр говиор шөнөдөө 10-15 хэм хүйтэн, өдөртөө 2 хэм дулаанаас 3 хэм хүйтэн, бусад нутгаар шөнөдөө 15-20 хэм, өдөртөө 3-8 хэм хүйтэн байна.

ТӨВИЙН АЙМГУУДЫН НУТГААР: Солигдмол үүлтэй. Цас орохгүй. Салхи зүүн өмнөөс секундэд 4-9 метр. Дархадын хотгор болон, Ерөө, Туул, Тэрэлж голын хөндийгөөр шөнөдөө 28-33 хэм, өдөртөө 15-20 хэм, Хөвсгөл, Хэнтийн уулархаг нутаг, Орхон-Сэлэнгэ, Хараа голын сав газраар 20-25 хэм, өдөртөө 11-16 хэм, бусад нутгаар шөнөдөө 13-18 хэм, өдөртөө 1-6 хэм хүйтэн байна.

ЗҮҮН АЙМГУУДЫН НУТГААР: Багавтар үүлтэй. Цас орохгүй. Салхи хойноос секундэд 6-11 метр. Хэрлэн, Онон, Улз, Халх голын сав газраар шөнөдөө 28-33 хэм, өдөртөө 15-20 хэм, бусад нутгаар шөнөдөө 23-28 хэм, өдөртөө 9-14 хэм хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Багавтар үүлтэй. Цас орохгүй. Салхи баруун өмнөөс секундэд 4-9 метр. Шөнөдөө 27-29 хэм, өдөртөө 13-15 хэм хүйтэн байна.

ГОВИЙН АЙМГУУДЫН НУТГААР: Багавтар үүлтэй. Цас орохгүй. Салхи баруунаас секундэд 6-11 метр. Өмнөговийн нутгаар шөнөдөө 11-16 хэм хүйтэн, өдөртөө 1 хэм дулаанаас 4 хэм хүйтэн, бусад нутгаар шөнөдөө 17-22 хэм, өдөртөө 3-8 хэм хүйтэн байна.

УЛААНБААТАР ХОТ: Багавтар үүлтэй. Цас орохгүй. Салхи зүүн өмнөөс секундэд 5-10 метр. Шөнөдөө Яармаг-Сонгины орчмоор 31-33 хэм, бусад хэсгээр 22-24 хэм, өдөртөө 11-12 хэм хүйтэн байна.

Хичээл сурлагадаа амжилт гаргасан 800 гаруй хүүхдийг оролцуулан зохион байгуулдаг “Hero&Cool” харшийн сүлд модны наадам өнөөдөр боллоо.
Хүүхдүүдэд урам зориг өгөх, бусдыгаа манлайлан онц суралцаж байгаа хүүхэд багачуудаа урамшуулж, хамтдаа шинэ оноо угтаж, баярлуулах зорилготой энэхүү харшийн сүлд модны наадмыг НИТХ-ын төлөөлөгч Ц.Баатархүү, дуучин А Cool нар санаачлан Сурагчдын холбоотой хамтран 5 дахь жилдээ зохион байгуулж байна.
Өнөөдөр болсон “Hero&Cool” сүлд модны наадамд энэ жил хотын захын сургуулийн 11-17 насны, хичээлдээ амжилт гаргасан 800 гаруй хүүхдийг оролцууллаа.
Наадамд өвлийн өвгөн, бяцхан цасан охид оролцож, хөгжилтэй алиалагчид циркийн үзүүлбэр үзүүллээ. Мөн Ноён Бондгор, Мөнхийн реп хамтлаг, дуучин A Cool нар ая дуугаа өргөж, сурагч хүүхдүүдтэй цуг баярыг нь тэмдэглэлээ.

2017 оны 12 дугаар сарын 23,24-ний амралтын өдрүүдэд Замын цагдаагийн албаны ЖШУХ нийт 657 дуудлага, мэдээ мэдээлэл хүлээн авснаас зам тээврийн ослын 476 дуудлага бүртгэгдсэн бөгөөд осол хэргийн улмаас 2 хүний амь нас хохирч, 19 хүн хүнд хөнгөн байдлаар гэмтсэний 4 нь бага насны хүүхэд байсан байна.

Гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 84 жолоочийг илрүүлэн саатуулж ажиллаа.
Бүртгэгдсэн зам тээврийн осол, хэргийг хэлбэрээр нь авч үзвэл явган зорчигч мөргөж гэмтээсэн 13 осол, мөргөлдөх хэлбэрээр 25 осол, онхолдох хэлбэрээр 1 осол тус тус бүртгэгдсэн бөгөөд тухайн өдрүүдэд осол, хэргийн газрыг орхиж явсан 2 тохиолдол бүртгэгдсэнийг шуурхай эрэн сурвалжилж илрүүлэн ажиллаа.

Орон нутагт ноцтой зам тээврийн ослын улмаас 3 хүний амь нас хохирсон байна.

Тухайлбал:
1. Ховд аймгийн нутаг Алтай сумын нутаг “Улаан толгой” гэх газар асфальтан замд K.Rio маркитйн маркийн автомашины жолооч N.X-trail маркийн автомашинтай мөргөлдөж, зорчигч 38 настай С-н амь нас хохирсон.
Нийслэлд:
1. ХУД-ийн нутаг Биокамбинатын замд T.Pruis маркийн автомашин T.Pruis маркийн М жолоочтой автомашинтай мөргөлдөж, жолооч 41 настай З-н амь нас хохирсон хэргийг тус алба шалгаж байна.

Манай нийслэл шиг дөрвөн уулын дунд хавчигдсан байрлалтай атлаа бүх үйлчилгээгээ нэг дор хамж бөөгнүүлсэн улс орон хэр олныг мэдэхгүй. Хүндээ хүрч үйлчлэх ёстой тэдгээр үйлчилгээ нь эргээд иргэддээ төвөг учруулж, олон түмний бухимдах шалтгаан болж байгаа нь гарцаагүй үнэн.

Эрүүгийн цагдаагийн албаны Хар тамхитай тэмцэх газраас санаачилан Сэтгэцийн эрүүл мэндийн Үндэсний төвтэй хамтран нийслэлийн Ерөнхий

Өнөөдөр Нийслэлийн цагдаагийн газар 2017 онд зохион байгуулж хэрэгжүүлсэн ажил, арга хэмжээгээ дүгнэж, 2017 оны “Бүтээлч хамт олон”, хөдөлмөрийн тэргүүн, ажил мэргэжлийн аварга болон оны онцлох ажилтнуудыг шалгарууллаа.

Мөн урьдчилан сэргийлэх ажил арга хэмжээг оновчтой зохион байгуулж, хариуцсан нутаг дэвсгэртээ гэмт хэрэг, зөрчлийг бууруулж нийслэл хотын эрүүл аюулгүй байдлын индексийн шалгуурыг хангасан шилдэг Цагдаагийн хэлтэс, алба хаагчдыг шалгаруулж Нийслэлийн Засаг даргын захирамжаар 70 гаруй сая төгрөгийн мөнгөн урамшуулал олгов.

Шагнагдсан алба хаагчдад Цагдаагийн Ерөнхий газрын дарга, цагдаагийн хурандаа С.Баатаржав, Нийслэлийн Засаг дарга бөгөөд Улаанбаатар хотын захирагч С.Батболд, Нийслэлийн Иргэдийн Төлөөлөгчдийн хурлын тэргүүлэгчдийн дарга С.Амарсайхан нар баяр хүргэж, ажлын амжилт хүслээ.

Нийслэлийн удирдлагуудаас эргүүлийн автомашиныг тодорхой тоогоор нэмэгдүүлэх, алба хаагчдыг зэвсэглэмж, тусгай хэрэгсэл, бусад техник, тоног төхөөрөмжөөр хангахад шаардагдах санхүүжилтийг шийдвэрлэхийн зэрэгцээ дүүрэг, хороон дээр ажиллаж буй алба хаагчдаас гадаад улс оронд туршлага солилцуулах ажлыг зохион байгуулахаа илэрхийлснийг Нийслэлийн цагдаагийн газрын хамт олон талархалтайгаар хүлээн авлаа гэж нийслэлийн Цагдаагийн газраас мэдээллээ.

Цаг уур, орчны шинжилгээний газраас гаргасан 2017 оны 12 дугаар сарын 26-наас 2018 оны 1 дүгээр сарын 1-ийг хүртэлх 7 хоногийн цаг агаарын урьдчилсан мэдээг та бүхэнд хүргэж байна.

- Хугацааны сүүлийн хагаст цас орж, цасан шуурга шуурч, хүйтэрнэ -



Баруун аймгуудын нутгаар: Арванхоёрдугаар сарын 27-нд нутгийн баруун хэсгээр, 28-нд ихэнх нутгаар, 29-нд нутгийн зүүн хагаст, 31-нд нутгийн хойд хагаст цас орж, салхи нутгийн өмнөд хэсгээр 16-18м/с хүрч цасан шуурга шуурна. 25-27-нд ихэнх нутгаар хүйтний эрч суларна. Бусад хугацаанд хүйтний эрч чангарч Идэр, Тэсийн хөндий, Хүрэн бэлчир, Завхан голын эхээр шөнөдөө 35-40 хэм, өдөртөө 23-28 хэм, Алтайн өвөр говиор шөнөдөө 15-20 хэм, өдөртөө 5-10 хэм, бусад нутгаар шөнөдөө 22-27 хэм, өдөртөө 12-17 хэм хүйтэн байна.



Төвийн аймгуудын нутгаар: Арванхоёрдугаар сарын 28,31-нд нутгийн баруун хагаст, 29-нд ихэнх нутгаар цас орж, салхи баруун хойноос 14-16м/с хүрч цасан шуурга шуурна. 26-28-нд ихэнх нутгаар хүйтний эрч суларна. Бусад хугацаанд хүйтний эрч чангарч Дархадын хотгор, Хараа, Ерөө, Туул, Тэрэлж голын хөндий, Хэнтэйн уулархаг нутгаар шөнөдөө 31-36 хэм, өдөртөө 20-25 хэм, бусад нутгаар шөнөдөө 22-27 хэм, өдөртөө 12-17 хэм хүйтэн байна.


Зүүн аймгуудын нутгаар: Арванхоёрдугаар сарын 25-нд зарим газраар бага зэргийн цас, 29-30нд ихэнх нутгаар, 31-нд нутгийн зүүн хэсгээр цас орж, салхи баруун хойноос үе үе 16 м/с хүрч цасан шуурга шуурна. 26-нд нутгийн баруун хэсгээр, 27-28-нд ихэнх нутгаар хүйтний эрч суларна. Бусад хугацаанд хүйтний эрч чангарч Хэрлэн, Онон, Улз голын саваар шөнөдөө 30-35 хэм, өдөртөө 19-24 хэм, бусад нутгаар шөнөдөө 22-27 хэм, өдөртөө 11-16 хэм хүйтэн байна.



Говийн аймгуудын нутгаар: Арванхоёрдугаар сарын 29-нд зарим газраар, 30-нд нутгийн зүүн хэсгээр цас орж, салхи баруун хойноос 15-17м/с хүрч цасан шуурга шуурна. 26-28-нд шөнөдөө 11-16 хэм хүйтэн өдөртөө 2 хэм хүйтнээс 3 хэм дулаан байна. Бусад хугацаанд хүйтний эрч чангарч Өмнөговийн нутгаар шөнөдөө 16-21 хэм, өдөртөө 4-9 хэм, бусад нутгаар шөнөдөө 21-26 хэм, өдөртөө 9-14 хэм хүйтэн байна.

Нийслэлийн Засаг дарга бөгөөд Улаанбаатар хотын захирагч С.Батболд Улсын Их Хурлын гишүүн, Засгийн газрын гишүүн, Эрүүл мэндийн сайд Д.Сарангэрэлийг хүлээн авч уулзлаа. Уулзалтад Нийслэлийн Засаг даргын орлогч Ш.Анхмаа, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, Нийгмийн бодлогын хэлтсийн дарга М.Эрдэнэжаргал, Нийслэлийн Эрүүл мэндийн газрын дарга Л.Төмөрбаатар, Эрүүл мэндийн яамны Бодлого төлөвлөлтийн газрын дарга Р.Оюунханд, Эрүүл мэндийн сайдын зөвлөх О.Баяр болон бусад албаны хүмүүс байлцлаа.

Уулзалтын эхэнд Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр 2017 онд Эрүүл мэндийн салбарт хийгдсэн тохижилтын ажлуудаас танилцуулсан юм. Тохижилт ногоон байгууламжийг нэмэгдүүлэх, сул шороон хөрс бүхий газрын эзлэх хувийг бууруулах, явган зорчигч болон хөгжлийн бэрхшээлтэй иргэдийн зорчих таатай нөхцөлийг бүрдүүлэх, эмнэлгийн үйлчилгээний байгууллагуудын авто зогсоолын хүртээмжийг нэмэгдүүлэх, орц гарцыг нээж түгжрэлийг бууруулах зорилгоор Гэмтэл согог судлалын үндэсний төв, Сонгинохайрхан дүүргийн эрүүл мэндийн нэгдэл, Шастины нэрэмжит Улсын 3 дугаар эмнэлэг, Хавдар судлалын үндэсний төвүүдийн гадна зам, талбайн тохижилтын ажлыг хийж гүйцэтгэсэн. Тус ажлуудын хүрээнд 5800м2 сул шороон хөрс бүхий газрыг ногоон байгууламж бий болгож, 812 метр урттай 7 метрын өргөнтэй авто зам, 2 талаараа явган хүний замтай, зүүн талаараа 42 ширхэг явган замын гэрэлтүүлэгтэй, 190 авто машины зогсоол, борооны ус зайлуулах инженерийн шугам, 6 цэгт сүүдрэвч бүхий амралтын талбайг бий болгоод байна. Үүний дараа Нийслэлийн эрүүл мэндийн салбарын өнөөгийн нөхцөл байдал, цаашид хэрэгжүүлэх арга хэмжээний талаар Нийслэлийн Эрүүл мэндийн газрын дарга Л.Төмөрбаатар танилцуулсан бөгөөд жилээс жилд нийслэл хотод томоохон асуудал болоод байгаа томуу, томуу төст өвчний дэгдэлт, хүүхдийн эмнэлэг, эмнэлгийн ор, эмч нарын хүрэлцээ зэрэг тулгамдаад байгаа шийдвэрлэх шаардлагатай чухал асуудлуудаар талууд санал бодлоо солилцлоо. Нийслэлийн зүгээс хүүхдийн орны асуудлыг боломж бололцоогоороо бүрэн шийдвэрлэж газар хүүхэд хэвтдэг байсныг шийдвэрлэсэн, зарим нэгэн эмнэлгүүд ачааллаасаа шалтгаалан орны хүрэлцээгээ нэмэгдүүлэх ажлыг тухай бүрт нь авч хэрэгжүүлж, зарим нэгэн эмнэлгүүд ажлын өрөөгөө хүртэл хэвтэх тасаг болгон эмчилгээ үйлчилгээ явуулж байгааг онцлон дурдсан юм. Өнөөдрийн байдлаар томуу, томуу төст өвчний дэгдэлтийн оргил ачааллын үе эхлээд байгаа бөгөөд нийслэлд 16,000 гаруй хүүхэд эмнэлгээр эмчлүүлсэн мэдээ байгаа юм байна. Нийслэлийн зүгээс хүн амын өсөлт нэмэгдэхийн хэрээр эрүүл мэндийн салбарт ирэх ачаалалыг багасгах, хурдан шуурхай үйлчилгээг нэмэгдүүлэх хүрээнд 2018 онд Нийслэлийн төсвийн хөрөнгөнөөс 14 тэрбум төгрөгийг эрүүл мэндийн чиглэлд зарцуулахаар төсөвлөсөн мөн 10 өрхийн эмнэлэг шинээр барихаар төлөвлөж байгаагаа ч Эрүүл мэндийн сайдад танилцууллаа. Нийслэл цаашдаа ч бүтээн байгуулалтын ажилд хийгдэх хөрөнгө оруулалтын хэмжээг нэмэгдүүлэх, эмнэлгийн тохижилтын ажлуудыг үргэлжлүүлэх, эмнэлгийн чанар үйлчилгээ тэр дундаа өрхийн эмнэлгүүдийг чанаржуулах хүүхдийн амбулаторийн шинэ барилгын асуудлыг яаралтай шийдвэрлэх зэрэг чухал асуудлуудаар санал солилцсон уулзалт боллоо НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монголын Үндэсний Худалдаа Аж Үйлдвэрийн Танхимаас 21 дэх жилдээ зохион байгуулсан “Entrepreneur 2017” шагнал гардуулах ёслолын ажиллагаанд Монгол улсын эдийн засаг, нийгмийн хөгжилд бодитой хувь нэмрээ оруулж байгаа онцлох аж ахуйн нэгж, байгууллага, бизнес эрхлэгчид оролцсон бөгөөд энэ өдөр шилдгүүдээ шалгаруулан өргөмжиллөө.

Энэхүү шагнал гардуулах ёслолын 2017 оны шилдэг “Хөрөнгө оруулагч Энтрепренер” аж ахуйн нэгж байгууллагаар Имарт шалгарлаа.

Монголчууд Үндэсний эрх чөлөө, тусгаар тогтнолоо сэргээн мандуулсны 106 жилийн ойд зориулсан Монгол Улсын Ерөнхийлөгчийн цомын төлөөх чансаа өндөр шилдэг 128 бөхийн барилдаан энэ жил долоо дахь удаагаа 12 дугаар сарын 29-нд Бөхийн өргөөнд болно.

Өмнөх зургаан удаагийн барилдаанд Улсын аварга С.Мөнхбат, Улсын харцага Б.Пүрэвсайхан нар тус бүр хоёр удаа, Улсын заан М.Өсөхбаяр, Улсын арслан Р.Пүрэвдагва нар тус бүр нэг удаа түрүүлж цомын эзэн болж байв.

Энэ удаагийн чансаа өндөр бөхчүүдийг Улсын харцага О.Хангай, Улсын харцага Б.Бат-Өлзий, Улсын гарьд Ө.Бат-Орших, Улсын заан Н.Жаргалбаяр, Улсын арслан Н.Батсуурь нар тэргүүлж байгаа юм.

2017 оны цагаан сараас эхлүүлж тооцсон чансааны үзүүлэлтэд хамгийн сүүлд болсон Богдхан хайрханы хишиг барилдааныг оролцуулан, нийт 24 барилдааны амжилтыг хамааруулжээ. Арванхоёрдугаар сарын 29-нд болох Ерөнхийлөгчийн цомын барилдаанд энэ чансаагаар барилдах ажээ.

д/д

Овог

Нэр

Цол

Чансаа

1

Оргих

Хангай

у.х

26778

2

Баярхүү

Бат-Өлзий

у.х

25544

3

Өлзийтогтох

Бат-Орших

у.г

20774

4

Нэгдэл

Жаргалбаяр

у.з

18031

5

Намсрайжав

Батсуурь

у.а

17298

6

Баатархүү

Пүрэвсайхан

у.з

14542

7

Эрдэнэбат

Даш.Э

у.н

13700

8

Рэнцэнбямба

Пүрэвдагва

у.а

12683

9

Төрөө

Баасанхүү

у.х

12605

10

Цэдэв

Содномдорж

у.а

12515

11

Баатар

Амарзаяа

у.н

12200

12

Чинчулуун

Хөхчирэнгэр

у.н

12023

13

Мягмар

Бадарч

у.х

12020

14

Лувсандорж

Цэрэнтогтох

у.н

10913

15

Эрдэнэбилэг

Энхбат

у.н

10700

16

Энхтөгс

Оюунболд

у.а

10449

17

Чимэдрэгзэн

Санжаадамба

у.ав

9545

18

Пүрэв

Бүрэнтөгс

у.а

8547

19

Хүрэл-Очир

Гантулга.Х

у.х

8460

20

Батзориг

Батмөнх.Б

у.з

8260

21

Сүхбаатар

Мөнхбат

у.ав

8192

22

Дэлгэрсайхан

Амарсайхан.Д

у.н

7985

23

Бат-Өлзий

Бат-Эрдэнэ.Б

у.н

7883

24

Бадамсамбуу

Ганхуяг.Б

у.н

7847

25

Бэрдмурат

Серик

у.н

7803

26

Нацагсүрэн

Золбоо

а.х.а

7727

27

Болдбаатар

Батжаргал.Бо

у.н

7647

28

Батбаяр

Даваа-Очир

а.а

7467

29

Батнасан

Гончигдамба

у.г

7365

30

Баттулга

Соронзонболд

у.з

7150

31

Балган

Хишигбаатар

у.н

7000

32

Дорж

Анар

у.н

6740

33

Лут

Батзориг.Л

у.н

6525

34

Найдан

Түвшинбаяр.Н

у.х

6380

35

Эрдэнэбилэг

Ууганбаяр.Э

а.а

6237

36

Булган-Эрдэнэ

Түмэндэмбэрэл

а.з

6210

37

Нямдорж

Ганбаатар

у.г

6095

38

Чотон

Баянмөнх.Ч

у.н

6055

39

Гунаажав

Эрxэмбаяр

у.ав

5980

40

Батцэнгэл

Чимэдвандан

у.н

5828

41

Шоовдойхүү

Шинэбаяр.Ш

у.н

5685

42

Малш

Еркебулан

а.а

5505

43

Батмөнх

Сангисүрэн

у.н

5490

44

Шоовдор

Дарханбат

а.х.а

5440

45

Цэнд-Аюуш

Цогт-Эрдэнэ

а.а

5320

46

Дармаа

Тамир

у.н

5305

47

Төмөрбаатар

Пүрэвсүрэн

а.а

5270

48

Шүxэрт

Уламбаяр

у.х

5055

49

Дамдинпүрэв

Бат-Эрдэнэ.Д

у.х

5035

50

Оюун

Гантулга.О

а.х.а

5020

51

Галсан-Очир

Ганжад

у.н

5010

52

Төрмөнх

Бэгзсүрэн

а.а

4955

53

Чагнаадорж

Ганзориг.Ч

у.н

4900

54

Чулуунбат

Цогбаяр

у.н

4745

55

Алтанбагана

Цацабшир

у.х

4730

56

Шархүү

Пүрэвгарьд

а.а

4676

57

Жаргалсайхан

Чулуунбат

у.н

4670

58

Чулуунбаатар

Батчулуун

у.н

4660

59

Лхагваа

Лха-Очир

у.н

4645

60

Эрдэнэбилэг

Энх-Амгалан

а.з

4590

61

Цэдэнбазар

Одбаяр

у.н

4550

62

Базаргүр

Бадамсүрэн

у.н

4505

63

Тогтохмэнд

Сайханжаргал

а.а

4475

64

Бат-Очир

Одгэрэл

у.х

4370

65

Жаргалсайхан

Дагва-Очир

у.н

4370

66

Жаргалсайхан

Алтаншагай.Ж

а.а

4370

67

Балдиржамц

Тайван

а.а

4265

68

Нурлан

Мустафа

а.а

4250

69

Чинзориг

Эрдэнэсайхан.Ч

а.з

4188

70

Цэрэнбат

Сандагдорж

а.а

4165

71

Бааран

Отгонбаатар.Б

а.а

4037

72

Цэдэндорж

Мөнхбаяр

а.а

3955

73

Батсуурь

Бат-Орших.Б

а.а

3945

74

Жаалаа

Наранбаатар.Ж

а.а

3915

75

Мөнхсайхан

Өсөхбаяр

у.з

3815

76

Болд

Эрдэнэхүү.Б

а.х.а

3800

77

Дамдинсүрэн

Пүрэвдорж.Д

а.х

3735

78

Батсүх

Зоригтбаатар.Батсү

а.х

3724

79

Батчулуун

Хашбат

а.а

3715

80

Бат-Эрдэнэ

Хаш-Эрдэнэ

а.а

3635

81

Дамдин

Тогтохжаргал

а.а

3600

82

Болор-Эрдэнэ

Номиндалай

а.х.а

3545

83

Амар

Батмөнх.А

у.н

3522

84

Пүрэвжав

Мөнхбат.П

а.а

3520

85

Шараа

Мөнх-Од

а.а

3495

86

Бүрнээ

Баянмөнх.Бү

а.а

3460

87

Цэндзэсэм

Чимэддорж.Ц

у.н

3385

88

Ганпүрэв

Ганбаатар.Г

а.а

3380

89

Пүрэв

Өсөхбаатар

а.з

3330

90

Мөнхбат

Даваасүрэн

а.з

3235

91

Цэрэндорж

Ганбат.Ц

а.х

3100

92

Дамба

Тангад

а.х.а

3085

93

Шар

Мөнгөнбаатар

а.х.а

3030

94

Төмөрбаатар

Санчир

у.з

3020

95

Баатарпүрэв

Ганбаатар

а.а

3020

96

Лхагвасүрэн

Гантулга

у.н

2965

97

Улагпан

Береке

а.х.а

2930

98

Өрнөхбаяр

Сүхбат.Ө

а.х.а

2915

99

Даваасүрэн

Аззаяа

а.х

2915

100

Наранцэцэг

Энхжаргал

а.х

2905

101

Мөнхжаргал

Бямбадорж

а.з

2900

102

Баасандорж

Болдбаатар.Б

а.з

2880

103

Жанцан

Бат-Эрдэнэ

у.г

2850

104

Энхбат

Тулга.Э

а.а

2715

105

Авирмэд

Хосбаяр

а.а

2705

106

Бэгз

Мижидсүрэн

а.х.а

2690

107

Эрдэнэцогт

Ванданцэрэн

у.н

2687

108

Батжаргал

Хадбаатар

а.а

2685

109

Дашзэвгэ

БаасандоржБу

у.з

2675

110

Ганжуур

Батням

а.а

2675

111

Хадбаатар

Мөнxбаатар.Х

у.а

2665

112

Цэвээнпүрэв

Адъяа

а.а

2660

113

Төмөр

Дүүрэнсаран

а.х

2655

114

Цогбадрах

Бямба-Очир

а.х.а

2653

115

Шагдарсүрэн

Чинтулга

а.х

2635

116

Батсүх

Уугандаваа

а.а

2632

117

Энхтөр

Баасанжав

а.з

2590

118

Лхагвасүрэн

Шинэбаатар

у.н

2585

119

Лхагваа

Батсайхан.Л

а.з

2585

120

Лхангаажав

Цээсүрэн

а.а

2560

121

Ганболд

Баасандорж

у.н

2550

122

Шукра

Нямсайхан

а.н

2535

123

Төрбат

Ядамсүрэн.Т

а.а

2530

124

Нямпүрэв

Батсайхан.Н

а.а

2490

125

Будаа

Батсайхан.Ар

а.х

2485

126

Нямаа

Батзаяа

у.х

2450

127

Намсрай

Баттүвшин

а.а

2445

128

Жамсран

Ням-Эрдэнэ

а.з

2435

​



Өнөөдөр зул сарын баярын өдөр Энэ өдөр хүн бүрийн нүд аз жаргалаар дүүрэн, бие биенээ баярлуулах чин хүсэлтэй байдаг билээ. Крисмас баярыг дэлхий даяараа маш сүртэйгээр тэмдэглэдэг ба ялангуяа барууны болон европ, зүүн ази хавиар маш өргөнөөр тэмдэглэдэг байна.



Манайхан энэ баярын өдөр Merry Christmas гэсэн мэндчилгээг бие биендээ дэвшүүлдэг боловч энэ өдрийн утга учрын талаар төдийлөн сайн дэлгэрэнгүй ойлголттой байдаггүй, зарим хүмүүс бүр шинэ жилтэй андуурах нь бий.



Үнэн хэрэгтээ Зул сарын баяр бол Христийн шашинтны баяр, Есүс Христийн мэндэлсэн өдөр байх нь. Merry Christmas мэндчилгээний үг нь “Христ мэндэлсний баяр хүргэе” гэсэн үг ажээ.


Үнэн хэрэгтээ хэн ч Христийн мэндэлсэн өдрийг мэддэггүй ч ихэнх итгэгчид 12 сарын 25-нд төрсөн хэмээн бат итгэдэг. Энэ л өдөр хүн бүр сүмд очин, өргөл барьц барьж, бэлэг солилцон, гэр орноо гацуур модоор чимэглэдэг.


Израйлын Бэтлехэм тосгоны хоньчны гадаа тэнгэрийн элч ирээд Есүсийн мэндэлсэн тухай мэдэгдсэн гэдэг. Мэтью гэгч мэргэн ухаантан од харвасан зүгт хүмүүсийг хөтлөн аваачсан нь Есүсийн мэндэлсэн газар байжээ.

Христийн дохио


Ромын цаг тооны бичгээр Христийн тооллын өмнөх 336 онд мэндэлсэн ажээ. Энэ өдөр Христийн төрсөн өдрийг тэмдэглэх болсон нь шашингүйчүүд энэ өдөр баяр тэмдэглэдэг байсантай холбоотой гэж түүхчид үздэг. Мөн Эртний Ромчууд газар тариалангийн тэнгэр Митрасыг энэ өдөр тахьдаг байсан аж. Эрдэмтдийн үзэж буйгаар арванхоёрдугаар сарын дунд үе бол газар тариалан эрхлэгчдийн баяр, ургац хураалтын баяр гэнэ. Эдгээр баярын үеэр хүмүүс хүндэтгэлийн зоог барьж, гэр орноо ногооноор чимэглэж хамтдаа баяраа тэмдэглэн, бэлэг солилцдог байжээ. Эдгээр нь л Крисмасын баярын үндэс болдог. 300-аад оны сүүлээр Христийн шашинтнууд Ромын эзэнт гүрнийг хамарч эхэлснээр 1100 оны үед Кристмасын баяр шашны хамгийн өргөн хэмжээний ёслол болон хувирчээ.

Бэлэг



Крисмасын нэг зан заншил бол найзууд болон хамаатнууддаа бэлэг өгөх. Шашны зан үйлэнд хүмүүс бэлэг дурсгалын бяцхан зүйлс солилцдог аж. Харин 1800 оны үеэс гацуур мод чимэглэж, баярын зурагтай ил захидал илгээх болсон байна. 1900-аад оны үеэс бизнесийн салбарт Крисмасын бэлгийн худалдаа хүч түрж, өнөөг хүртэл эл худалдаа байсаар байна. Өнөөдөр үйлдвэрүүд баярын тоглоом чимэглэл, гэрэл болон бусад зүйлсийг үйлдвэрлэх болжээ. Зарим тохиолдолд Крисмасыг Xmas гэж бичдэг нь Христийн сүмүүдээс уламжлалтай гэнэ. Грект X нь Христийн нэрний эхний үсгийг бичдэгээс энэ нь нийтэд түгсэн байна.


Зул сарыг Сантагүйгээр төсөөлөх аргагүй. Хөгжилтэй, сайхан сэтгэлт энэ эрхэм харин ямар учиртай вэ?

Санта жинхэнэ үү ?


Санта үргэлж л бидний төсөөлдөг өнөөгийнхөө төрхтэй байгаагүй гэнэ. Анхны бэлэг түгээгч нь Николас хэмээх бодит хүн байсан аж. Тэрбээр Христийн тооллын өмнөх 300-аад оны үед Мирад /одоо Туркэд байдаг/ амьдарч байжээ. Чинээлэг айлын ганц хүү Николасын эцэг, эх нь тахалд нэрвэгдэж нас барахад бяцхан Николас сүмд өсч торнин 17 насандаа урьд байгаагүй хамгийн залуу санваартан болсон аж. Түүний өгөөмөр сэтгэл, өв хөрөнгөө хэрэгтэй нэгэнд нь тараадаг байсан тухай олон домог яриа байдаг.

Алтаар дүүргэсэн уутыг айлуудын янданд, эсвэл хатаахаар өлгөсөн оймсонд нь хийдэг байсан тухай яриа ч байдаг. Хэдэн жилийн дараа Николас хамба болж хамбын малгай, урт дээл, цагаан сахал улаан нөмрөгтэй явдаг болжээ. Түүнийг өөд болсны дараа сайхан сэтгэлийг нь хүндэлж бурхан мэт шүтэх болсон гэдэг. Эцэст нь Католик сүмийнхэн Крисмасын баяр болон Николасыг хүндэтгэх өдрийг хамтатган тэмдэглэдэг болсон ажээ.

Шинэ протестантууд эргэлт хийснээр Николасын бэлэг түгээхийг нь таашаагаагүйн улмаас тэрбээр тийм ч удаан сайн үйлс хийж чадаагүй ч, ажлаа бүрмөсөн орхисонгүй. Католик сүмийн хүрээнд нууцаар бэлгээ түгээдэг байжээ. Түүнээс хойш улс бүр өөрийн бэлэг түгээгчтэй болсон гэнэ. Францад Пер Ноил, Англид Гэгээн Крисмас, Германд Вайннахтсмэн, Орост Кристианити/хожим нь “Өвлийн өвгөн” гэж нэрлэсэн/, Голландад СинтеКлас (Санта Клаус гэдэг нэр үүнээс үүсэлтэй) нар бэлэг түгээх “алба хашиж” байжээ. Эдгээр Сантануудын хувцас нь солонгын өнгийг бүрдүүлдэг ч зарим нь хар өнгөтэй байх тохиолдол бий. Гэсэн ч урт цагаан сахал, хүүхдүүдэд бэлэг өгөх гэсэн сайхан сэтгэл нь тэднийг холбодог.

Бид Сантагийн түүхийг 1823 онд хэвлэгдсэн К.Мурын “Николасын айлчлал” номноос мэддэг болсон. Үүнээс дөчин жилийн дараа шог зураач Томас Настын жил бүр Малчдын долоо хоногийн үеэр зурдаг зургаас нь Сантагийн гадаад байдлыг төсөөлөх болсон. Түүний зурсан Санта нь махлаг, хөгжилтэй, цагаан сахалтай, урт гаанс зуусан төрхтэй. Иргэний дайны үед ерөнхийлөгч Абрахам Линкольн Настаас цэргүүдэд Сантагийн зургийг зурж өгөөч хэмээн хүсч байсан гэдэг. Олон арван түүхчдийн тэмдэглэснээр цэргүүд Сантагийн зургийг харах үед армид эмх замбараагүй байдал үүссэн байна.

Эцэст нь 1931-1966 онд Хаддон Сандблом Сантагийн төрхийг Кока Колагийн сурталчилгаанд зориулан шинэчилжээ. Энэ зураг нь ил захидал, болон газарзүйн сэтгүүлүүдийг чимэглэснээр дэлхий нийтээр тарсан байна. Энэ бол цагаан эмжээртэй улаан өмсгөл, арьсан гутал, бүс, цагаан сахалтай тоглоом бүхий уут үүрсэн бидний сайн мэдэх багачуудын хайртай Санта юм.

МАН-ын Удирдах зөвлөл өнөөдөр Тусгаар тогтнолын ордонд хуралдахаар болжээ. Удирдах зөвлөлийн энэ удаагийн хуралдаанаар

Авлигатай тэмцэх газрын даргын баталсан журмын дагуу тус газар сар бүрийн 25-ны өдөр иргэд, олон нийтэд зориулан үйл ажиллагааны мэдээллээ тогтмол хүргэж байхаар болсон билээ.

Энэ удаагийн хэвлэлийн бага хуралд Авлигатай тэмцэх газрын Тамгын хэлтсийн дарга, эрхэлсэн комиссар З.Баасанням, Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү, Хэвлэл, олон нийттэй харилцах ажилтан, комиссар Т.Мөнхтунгалаг нар оролцож, 2017 оны 12 дугаар сард хийж гүйцэтгэсэн ажил, авлигын эсрэг хууль тогтоомжийг хэрэгжүүлэх чиглэлээр авч хэрэгжүүлсэн арга хэмжээ, үйл ажиллагааны талаар сэтгүүлчдэд мэдээллээ.

2017 оны 12 дугаар сарын 25-ны өдрийн хэвлэлийн бага хуралд хийсэн мэдээллийг товчоор танилцуулъя.

Зөвлөмж өгөв. Авлигын эсрэг хууль тогтоомжийн хэрэгжилтийг хангах, нийтээр дагаж мөрдөж буй хууль тогтоомжийг сахин биелүүлэх, төрийн үйлчилгээг сайжруулах, зөрчил, дутагдлыг арилгах, цаашид дахин гаргуулахгүй байх зорилгоор Монгол Улсын Ерөнхий сайд У.Хүрэлсүхэд Зөвлөмж гардуулав. Мөн Хууль зүй, дотоод хэргийн сайд, Сангийн сайд, Боловсрол, соёл, шинжлэх ухаан, спортын сайд, Уул уурхай, хүнд үйлдвэрийн сайд, Хүнс, хөдөө аж ахуй, хөнгөн үйлдвэрийн сайд, Байгаль, орчин, аялал жуулчлалын сайд, Эрүүл мэндийн сайд, Хөдөлмөр, нийгмийн хамгааллын сайд, Эрчим хүчний сайд, Зам тээврийн сайд, Барилга, хот байгуулалтын сайд нарт тус тус Зөвлөмж гардуулан өгсөн байна.
Олон нийтийн дэд зөвлөл ажиллаж эхлэв. Авлигаас урьдчилан сэргийлэх, соён гэгээрүүлэх үйл ажиллагаанд иргэд, олон нийтийг татан оролцуулах, тэдний идэвх санаачилгыг өрнүүлэх, хөхиүлэн дэмжих, төрийн бүх шатны байгууллагын үйл ажиллагаа, албан тушаалтны ёс зүйд хяналт тавих зорилготой Олон нийтийн дэд зөвлөл улсын хэмжээнд ажиллаж эхэллээ. Одоогийн байдлаар төрийн 99 байгууллагад 168 иргэн хяналт тавьж ажиллаж байна. Авлигатай тэмцэх газар “Олон нийтийн хяналт ба хамтын ажиллагаа” сэдвийн дор аймаг, нийслэл, дүүрэг, яам, агентлагийн болон тэдгээрийн албан тушаалтны үйл ажиллагаанд хяналт тавьж ажиллах иргэдэд сургалт хийв.
“Олон нийтийн төв” нээгдлээ. Авлигатай тэмцэх үндэсний хөтөлбөрийг хэрэгжүүлэх чиглэлээр төрийн байгууллага, албан тушаалтны үйл ажиллагаанд иргэд, олон нийтийн хяналтын тогтолцоог бүрдүүлэх, сургалт зохион байгуулах, соён гэгээрүүлэх үйл ажиллагаа явуулах зорилгоор “Олон нийтийн төв” байгуулсан. Авлигатай тэмцэх газрын “Олон нийтийн төв” нь иргэд, олон нийт, төрийн болон төрийн бус байгууллага, хувийн хэвшлийн төлөөлөлд зориулан эрх зүйн туслалцаа, зөвлөгөө, мэдээллийг чөлөөтэй, нээлттэй өгөх бөгөөд албан тушаалтны ашиг сонирхлын зөрчил, авлигын гэмт хэргийн талаарх гомдол, мэдээллийг иргэд, аж ахуйн нэгж, байгууллагаас хүлээн авна.
Хүүхэд, залуучууд авлигын эсрэг нэгдэв. Авлигаас урьдчилан сэргийлэх, соён гэгээрүүлэх чиглэлээр Монголын Залуучуудын холбоо, Монголын Оюутны холбоо, Монголын Сурагчдын холбоотой хамтран ажиллаж эхэллээ. “Авлигатай тэмцэхэд залуу үеийн үүрэг оролцоо” сэдэвт уулзалт, хэлэлцүүлгийг зохион байгуулсан. Монголын залуу үеийн төлөөлөл төрийн байгууллагын үйл ажиллагаанд хяналт тавихад залуу үеийг татан оролцуулах, тэдгээрийн идэвх санаачилгыг дэмжиж хамтран ажиллах хүсэл зоригоо илэрхийлэв.
Оффшор бүсийн жагсаалт шинэчлэгдэв. Монгол Улсын Засгийн газрын 2017 оны 12 дугаар сарын 6-ны өдрийн 326 дугаар тогтоолоор оффшор бүсэд хамаарах гадаад улс, түүний нутаг дэвсгэрийн жагсаалтыг шинэчлэн баталсан бөгөөд Арабын нэгдсэн Эмират, Ботсвана, Бруней, Бүгд Найрамдах Мальта, Ирланд, Куракао, Люксембург, Макао, Малайз, Монако, Монтсеррат, Самоагийн Тусгаар улс, Сингапур, Хонконг, Швейцар зэрэг улс нэмэгдэж орсон байна. Хуулийн хэрэгжилтийг ханган ажиллах чиглэлээр төрийн болон нутгийн захиргааны байгуулагуудад холбогдох зөвлөмж, чиглэлийг Авлигатай тэмцэх газраас хүргүүлсэн.
Төрийн албаны шилжилт, хөдөлгөөний мэдээлэл. Нийтийн албанд томилогдохоор нэр дэвшсэн 766 этгээдийн хувийн ашиг сонирхлын урьдчилсан мэдүүлгийг хүлээн авснаас 627 мэдүүлгийг нь хянан шийдвэрлэсэн.
Өргөдөл, гомдлын хяналт шалгалт. Иргэн, аж ахуйн нэгж, байгууллагаас ирүүлсэн албан тушаалтны авлига, ашиг сонирхлын зөрчлийг шалгуулахаар хандсан нийт 58 өргөдөл, гомдлыг хянан шийдвэрлэсэн, одоо ажиллагаанд 66 гомдол, мэдээллийг хянан шалгаж байна.
Төлөвлөгөөт хяналт шалгалт. Хувийн ашиг сонирхлын болон хөрөнгө, орлогын мэдүүлгийн төлөвлөгөөт хяналт шалгалтаар Хууль зүй, дотоод хэргийн яам, Барилга, хот байгуулалтын яам, Сангийн яам, Татварын ерөнхий газар, Нийслэлийн Засаг даргын Тамгын газрын харъяа зарим агентлагийн холбогдох албан тушаалтнуудын хөрөнгө, орлогын мэдүүлгийг хянан шалгаж байна. Хөрөнгө, орлогын мэдүүлгээ зөрчилтэй мэдүүлсэн Уул уурхай, хүнд үйлдвэрийн яам, Эрүүл мэнд, нийгмийн даатгалын ерөнхий газрын 9 албан тушаалтан, мэдүүлгээ томилогдсон өдрөөс хойш 30 хоногийн дотор гаргаагүй, хугацаа хожимдуулж мэдүүлсэн Увс аймгийн Өлгий, Түргэн, Тэс, Хяргас сумын удирдах албан тушаалтнууд, Баян-Өлгий аймгийн Мэргэжлийн хяналтын газрын 9 буюу нийт 18 албан тушаалтанд Авлигын эсрэг хуулийн 13 дугаар зүйлийн 13.8-д заасны дагуу “сануулах, “албан тушаалын цалингийн хэмжээг бууруулах” сахилгын шийтгэлийг ногдуулсан байна.
Мөрдөн шалгах хэлтэс нь 2017 онд иргэд, байгууллага, албан тушаалтнаас тус газарт ирүүлсэн нийт 1288 гомдлын 640 өргөдөл, гомдол буюу 49.7 хувийг хүлээн авч Эрүүгийн хэргийг хянан шийдвэрлэх тухай хуулийн дагуу шалгаж шийдвэрлэсэн.
Хуульд заасан харьяаллын 1286 үйлдэлтэй, 639 холбогдогчтой 412 эрүүгийн хэрэгт мөрдөн шалгах ажиллагаа явуулсан байна. Авлигатай тэмцэх газрын Мөрдөгч нарын ажлын ачааллыг дунджаар авч үзвэл жилд 1 мөрдөгч 24.6 гомдол, мэдээлэл, 15.9 эрүүгийн хэрэгт мөрдөн шалгах ажиллагаа явуулсан байна.
Эрүүгийн хэрэгт холбогдон 639 хүн шалгагдсан. Энэ нь өмнөх оны мөн үетэй харьцуулахад 39.2 хувиар өссөн үзүүлэлт юм.2017 онд авлига, албан тушаалын гэмт хэргийн улмаас 69.546.211.566 төгрөгийн хохирол учирсан. Мөрдөн шалгах ажиллагааны явцад 3,412,008,181 төгрөгийг нөхөн төлүүлсэн. Үл хөдлөх, хөдлөх байр орон сууц, автомашин, тоног төхөөрөмж зэрэг 11 төрлийн 29,338,941,434 төгрөгөөр үнэлэгдэх эд хөрөнгө болон бэлэн мөнгийг битүүмжлэн хамгаалсан. Өмнөх онтой харьцуулбал гэмт хэргийн улмаас учирсан хохирол нь 84 хувиар өссөн үзүүлэлттэй байна. Хохирол нөхөн төлүүлсэн байдал нь 21 хувиар өссөн, эд хөрөнгө битүүмжлэх ажиллагаа 175 хувиар өссөн байна. 2017 онд шүүхээр шийдвэрлэгдсэн эрүүгийн 46 хэрэгт 7 тэрбум 789 сая 113 мянга 800 төгрөгөөр үнэлэгдэх эд хөрөнгө, мөнгийг улсын орлого болгох шийдвэр гарсан.

МХЕГ-ын томоохон албан тушаалтнуудыг авлига авсан байж болзошгүй гэх үндэслэлээр цагпан хорьж шалгаж байгаа билээ.

Замын хөдөлгөөний ачааллыг бууруулах зорилгоор Шинэ жилийн баярын өдрийг хүртэлх хугацаанд автомашины улсын дугаарын сүүлийн оронг тэгш, сондгойгоор нь хязгаарлан замын хөдөлгөөнд оролцуулах тухай санал асуулгыг Замын цагдаагийн албанаас гаргажээ.

Монгол Улсын барилга, хот байгуулалтын салбарын нийт ажилтан, ажиллагсад Та бүхэндээ Засгийн газрын нэрийн өмнөөс болон хувиасаа Шинэ жилийн баярын мэнд дэвшүүлж, аз жаргал сайн сайхныг хүсэн ерөөе. Манай Засгийн газар ард иргэд Та бүхэнтэйгээ хамт амжилт ололт, дурсамж, сургамж дүүрэн нэгэн оноо үдэж, шинэ оноо угтах гэж байна.
Улиран одож буй 2017 он ирээдүйн их хөгжлийн эх суурийг тавьсан олон чухал үйл явдлаар баялаг байлаа. Ипотекийн зээлийг хэрэгжүүлж эхэлснээр нийтдээ 4.1 их наяд төгрөгийн зээлээр 92 мянган хүн орон сууцтай болж, манай иргэдийн амьдрал ахуйн нөхцөл сайжирсан сайн мэдээтэй байна. Ирж байгаа 2018 оны хувьд Барилга, хот байгуулалтын эрх зүйн орчныг сайжруулах, гэр хорооллын дахин төлөвлөлтийг бодит ажил хэрэг болгох, гэр хороололд бичил төвүүд байгуулах замаар инженерийн шугам сүлжээ, дэд бүтцийг бүрдүүлэх, хотын шинэ цэвэрлэх байгууламж барих асуудлыг шийдвэрлэхэд онцгойлон анхаарч гол бодлогоо болгож ажиллаж байна.

Он солигдож байгаа мөчид бидэнтэй хамтран ажилладаг их барилгын салбарын үе үеийн ахмадууд, өнөөдөр ажиллаж буй нийт ажилтан, мэргэжилтэй ажилчид, төрийн болон төрийн бус байгууллага, аж ахуйн нэгжүүд, ард иргэдэд шинэ жилийн баярын мэнд дэвшүүлж, энэ зуунд дуурсагдах их бүтээн байгуулалтыг өрнүүлэхийн төлөө хамтдаа зүтгэхийг хүсье.
Та бүхэн минь шинэ ондоо, шинэ шинэ амжилт ололтоор дүүрэн, аз хиймориор өөдрөг байх болтугай.

Монгол Улсын Их Хурлын гишүүн,
Монгол Улсын Засгийн газрын гишүүн,
Барилга, хот байгуулалтын Сайд Х.БАДЕЛХАН

Нийслэлийн архивын газраас энэ онд хийж хэрэгжүүлсэн гол ажлууд болон 2018 оны ажлын төлөвлөгөөгөө танилцуулав.

Нийслэлийн архивын газар 2018 оныг “Архив, албан хэрэг хөтлөлтийн үйл ажиллагаанд төрийн байгууллага, албан тушаалтны үүрэг хариуцлагыг нэмэгдүүлэх жил” болгон зарлахаар төлөвлөсөн байна. Энэ хүрээнд архивын баримт бичгүүдийг цахимжуулах ажлыг үргэлжлүүлэх, дүүргүүдэд архивын тасаг ажиллуулах, байгууллагуудын архив, албан хэрэг хөтлөлтийн үйл ажиллагаанд хяналт тавих, эрсдлийн үнэлгээг нэвтрүүлэх, нөхөн бүрдүүлэлтийн чанарыг дээшлүүлэх, арга ажиллагааг боловсронгуй болгох ажлыг зохион байгуулах аж. Мөн архивын үйл ажиллагаанд өндөр хөгжилтэй орнуудын шилдэг технологийг нэвтрүүлэх чиглэлээр гадаад харилцаагаа өргөжүүлэхээр төлөвлөжээ.

Тус байгууллага энэ онд иргэдийн ажилласан жил тогтоохтой холбогдох бичиг баримтуудын 98 хувийг цахимжуулж, Нийслэлийн Үйлчилгээний нэгдсэн төвийн дөрвөн салбар болон www.lavlagaa.ub.gov.mn цахим хуудсаар дамжуулан 9742 иргэнд 21 нэр төрлийн үйлчилгээ үзүүлсэн байна. Мөн иргэд архивын лавлагааныхаа хариуг нийслэлийн Үйлчилгээний нэгдсэн төв болон өөрт ойр байрлах архивын аль ч салбараас авах боломжийг бүрдүүлжээ. https://edoc.ub.gov.mn цахим хуудсанд нийслэлийн 1018 байгууллагыг бүртгэж, өдөр тутмын баримт бичиг боловсруулах, хянах, шилжүүлэх, батлах, илгээх, хадгалах, архивлах үйл ажиллагааны шуурхай байдлыг хангасан байна. Мөн төрийн байгууллагуудын архив, бичиг хэргийн 14 мянга гаруй албан хаагчийг сургалтад хамруулж, мэдлэг, ур чадварыг дээшлүүлэв гэж нийслэлийн Архивын газраас мэдээллээ.

Монголбанк 2017 онд 19.8 тонн буюу ойролцоогоор 20 тонн алт худалдан авахаар урьдчилсан тооцоо гарч байна. Энэ нь 2016 онд 18.3 тонн алт худалдан авснаас 1.5 тонн илүү буюу 8 хувиар өссөн үр дүн юм.

Монголбанк энэ оны эхнээс 2017 оны 12 дугаар сарын 21-ний өдрийг хүртэлх хугацаанд 117 аж ахуйн нэгжээс 7.2 тонн буюу 37%, 216 иргэнээс 12.4 тонн буюу 63%, нийт 19.6 тонн алт худалдан авлаа. Үүнээс 2017 онд 19.4 тонн алтыг цэвэршүүлж, 692.1 сая ам.доллараар гадаад валютын нөөцийг нэмэгдүүлэв.

Монгол Улсын Гадаад Валютын Улсын Нөөцийг нэн даруй нэмэгдүүлэх зайлшгүй шаардлагын үүднээс Монголбанк дотоодын зах зээлээс худалдан авах үнийг 2016.12.14-2017.12.31-ний өдрийн хооронд Лондонгийн Үнэт Металлын Зах дээр хамгийн сүүлд тогтоосон үнээр тогтоон мөрдөж ажиллав. Түүнчлэн “Монгол Алт” аяны хүрээнд Монголбанкнаас шат дараатай олон ажлыг зохион байгуулсны үр дүнд алтны худалдан авалт нэмэгдсэн болно.

Мөн Монголбанкны Ерөнхийлөгчийн 2017.12.04-ний өдрийн А-302 дугаар тушаалаар 2018.01.01-ний өдрөөс Монголбанк алт худалдан авах үнийг Лондонгийн Үнэт Металлын Зах дээр хамгийн сүүлд тогтоосон үнээс 2 ам.долларыг хасч тогтоохоор болсон гэдгийг иргэд, аж ахуйн нэгжүүдийн сонорт хүргэж байна.

Хичээл сурлагадаа амжилт гаргасан 800 гаруй хүүхдийг оролцуулан зохион байгуулдаг “Hero&Cool” харшийн сүлд модны наадам өнөөдөр болж байна.
Хүүхдүүдэд урам зориг өгөх, бусдыгаа манлайлан онц суралцаж байгаа хүүхэд багачуудаа урамшуулж, хамтдаа шинэ оноо угтаж, баярлуулах зорилготой энэхүү харшийн сүлд модны наадмыг НИТХ-ын төлөөлөгч Ц.Баатархүү, дуучин А Cool нар санаачлан дөрөвдэх жилдээ зохион байгуулж байна.
“Hero&Cool” сүлд модны наадамд энэ жил хотын захын сургуулийн 11-17 насны, хичээлдээ амжилт гаргасан 800 гаруй хүүхдийг оролцууллаа.
Наадамд өвлийн өвгөн, цасан охид, хөгжилтэй алиалагчид циркийн үзүүлбэр үзүүлэхээс гадна хамтлаг дуучид ая дуугаа өргөн барьж, хүүхдүүдэд бэлэг гардуулах юм.

Монгол Улсын сайд, Засгийн газрын Хэрэг эрхлэх газрын дарга Г.Занданшатар тушаал гарган Хөрөнгө оруулагчдын эрх ашгийг хамгаалах зөвлөлийн дэргэд Төр, хувийн хэвшлийн зөвлөлдөх дэд хороо байгууллаа.

Дэд хороо хөрөнгө оруулалттай холбоотой хууль тогтоомж, бодлогын баримт бичиг боловсруулахдаа хууль ёсны ашиг сонирхол нь хөндөгдөх хуулийн этгээдийн төлөөллөөр тухайн асуудлыг хэлэлцүүлэн, санал авч, зөвшилцөх, мэдээллээр хангах үүрэг хүлээсэн байна.

Дэд хороог Үндэсний хөгжлийн дарга ахлах бөгөөд дэд даргаар Монголын үндэсний худалдаа, аж үйлдвэрийн танхимын дарга ажиллах юм. Хорооны бүрэлдэхүүнд холбогдох яам, агентлаг, төрийн бус байгууллагын төлөөлөл оржээ.