Гурван хөх мэнгэтэй Хөх нохой өдөр

Улаанбаатарт өдөртөө 0 хэм байна

Улсын дээд шүүхийн хяналтын шатны шүүх өнөөдөр Г.Дэнзэн нарт холбогдох хэргийг шүүн хэлэлцлээ.

2017 оны 10 дугаар сарын 13-ны өдөр I, II, III ангиллын 27 хувьцаат компанийн 1,302,796 ширхэг хувьцаа арилжигдсанаас 13 хувьцаат компанийн хувьцааны ханш өсч, 11 хувьцаат компанийн хувьцааны ханш буурсан бол 3 хувьцаат компанийн хувьцааны ханш тогтвортой байлаа. Үүнээс “Техник импорт” ХК-ийн /TEX/ хувьцааны ханш хамгийн өндөр буюу 14.95 хувиар өссөн бол ”Монгол савхи” ХК-ийн /UYN/ ханш хамгийн өндөр буюу 14.71 хувиар уналаа.

Засгийн газрын үнэт цаасны хоёрдогч зах зээлийн арилжаагаар 91 ширхэг үнэт цаас 17,207,710 төгрөгөөр арилжаалагдсан байна.

Компанийн өрийн хэрэгслийн хоёрдогч зах зээлийн арилжаагаар 400 ширхэг үнэт цаас 40,000,000 төгрөгөөр арилжаалагдсан байна.

Энэ өдөр ”MSE ALL” индекс 1,142.36 нэгж болж 1.05 хувиар өссөн бол зах зээлийн үнэлгээ 2,242,336,627,796 төгрөг боллоо.

Арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ

Дэлхийн ур чадварын 44 дэх тэмцээн АНЭУ-ын Абу Даби хотноо энэ сарын 14-19-нд зохион байгуулагдана.

“АНУ ЮНЕСКО-оос гарахаар шийдсэнд би тун их харамсаж байна.

Эрүүл мэндийн яам, Сингапурын Темасекийн сан, Наняны политехникийн сургууль хамтран хэрэгжүүлж байгаа “Монгол Улсын нийгмийн эрүүл мэндийн мэргэжилтнүүдийн чадавхийг бэхжүүлэх” төслийнд хүрээнд зохион байгуулагдаж байгаа сургалтад одоогийн байдлаар нийгмийн эрүүл мэндийн мэргэжилтэн, эрүүл мэндийн салбарын удирдах ажилтанууд нийлсэн 80 гаруй хүн хамрагдаад байна.



Өнөөдөр дунд шатны менежерийн сургалтанд хамрагдаад ирсэн Нийгмийн эрүүл мэндийн үндэсний төвийн Тархвар зүй, шуурхай удирдлагын албаны дарга Р.Даваадорж Сингапур улсын нийгмийн эрүүл мэндийн туршлагын талаарх сонирхолтой мэдээллийг эрдэм шинжилгээний ажилтнуудад хуваалцсан юм.

Сингапур улсын хувьд Нийгмийн эрүүл мэндийг өндөр хөгжүүлж, хүн амынхаа дундаж наслалтыг эрэгтэй 80,4, эмэгтэй 84,9 болгож гайхамшигтай амжилт үзүүлсэн бөгөөд олон улсын сайн туршлагуудыг өөрийн улс орны онцлогт тохируулан хөрсөн дээр буулган ажилладаг аж. Тус улсын эрүүл мэндийн тогтолцоо нь 60 хувийг нь эрүүл мэндийг дэмжих, өвчлөхөөс урьдчилан сэргийлэх үйл ажиллагаа, 40 хувийг нь эмнэлгийн тусламж үйлчилгээ эзэлдэг. Яамны харьяа Эрүүл мэндийг дэмжих хороо 1000 хүнтэй ажиллаж, эрүүл хооллолт, “Эрүүл иргэнээр улсаа бүрдүүлэх” алсын хараа бүхий Өвчнөөс урьдчилан сэргийлэх, ЭМДэмжих хөтөлбөрийг хэрэгжүүлж, “Өвчин эмгэг, хугацаа болоогүй нас баралт, осол гэмтлээс урьдчилан сэргийлэх замаар Сингапур иргэдийн эрүүл амьдралын чанарыг дээшлүүлж, насыг уртасгахтай холбоотой хөтөлбөрүүдийг хэрэгжүүлдэг гэв.



Хүүхдийг шүдээ зөв угааж, хамгаалах тал дээр маш их анхаарч, сургуулиудаар тогтмол үзлэг, зөвлөгөө, кампанит ажил өрнүүлдэг. Мөн нийгмийн эрүүл мэндийн чухал асуудлын нэг болох амьдрах орчин, ариун цэврийн байгууламжаар хангагдах эрхийг хангах үүднээс хүн амынх нь 90 хувь нь орон сууцанд амьдардаг байна. 1960 онд Сингапур улсын иргэд халуун хүйтэн усгүй, нийтийн бие засах газартай, тэр нь усгүй шавааралдсан slum хороололд амьдарч байсан. 1960 оны 2 дугаар сард байгуулагдаад 3 жилийн дотор 21 000 орон сууц, 1965 он гэхэд 54 000 орон сууц барьж, өнөөдөр Сингапурын бүх иргэн орон сууцтай болж, 23 дүүрэгт 1 саяаас дээш орон сууц баригджээ.



Мөн усны хомсдол асуудалтай учир борооны дуслыг ашиглан цэвэр ус гаргах, хоёрдугаарт далайн усыг давсгүйжүүлэн хэрэгцээндээ ашиглаж, Малайз улсаас тусгай хоолойгоор дамжуулан усны хэрэгцээгээ хангадаг байна.



Тус улсын хувьд хэдийгээр олон асуудлыг шийдэж байгаа ч хүн амын дунд чихрийн шижингийн өвчлөл өндөр ажээ. Мөн хүн амын нас баралтын нэгдүгээр шалтгаанд хавдарын өвчлөл, хатгалгаа, зүрхний ишеми, харвалт, шээс боловсруулах замын өвчлөл, уушгины өвчлөл ордог гэв.

Сингапур улс нь байгалийн баялаггүй учир хүн хэмээх гол баялгаа эрүүл, өвчин зовлонгүй байлгах тал дээр маш их анхаардаг хэмээн ТЗШУА-ны дарга Р.Даваадорж мэдээллийнхээ төгсгөлд хэлсэн юм.

Монгол Улсын Ерөнхийлөгч Х.Баттулга тамирчин хүүхдүүдэд амжилт хүсч баяр хүргээд ямар бэрхшээл учирч буйг тодрууллаа.

Монголбанк, Азийн хөгжлийн банктай хамтран “Санхүүгийн хэрэглэгчийг хамгаалах” төслийг амжилттай хэрэгжүүлж, төслийн үр дүнд “Санхүүгийн хэрэглэгчийг хамгаалах – зохицуулалт, хяналт, Банк, санхүүгийн зохицуулагчийн үүрэг” сэдэвт олон улсын бага хурлыг 2017 оны 10 дугаар сарын 12-ны өдөр зохион байгуулав.
Тус олон улсын бага хуралд Австрали, Итали, Япон, Бүгд Найрамдах Хятад Ард Улс, Бүгд Найрамдах Солонгос Улс, Армян, Индонез улсын төрийн болон төрийн бус байгууллагын удирдах мэрэгжилтэнүүд болон Санхүүгийн зохицуулах хороо, Сангийн яам, Шударга өрсөлдөөн хэрэглэгчийн төлөө газар, Монголын банкны холбоо, банк, санхүүгийн байгууллага болон бусад байгууллагын төлөөлөл оролцлоо.

Хурлаар хөндсөн нийтлэг асуудал нь санхүүгийн үйлчилгээ үзүүлэгчдээс зохистой харьцааг мөрдүүлэн үр дүнтэй зохицуулалт хийж, хэрэглэгчдийн санхүүгийн боловсролыг сайжруулах алхмуудтай зэрэг хэрэгжүүлснээр санхүүгийн үйлчилгээг илүү дөхөм бөгөөд хүртээмжтэй болгох, хэрэглэгчийг эрсдлээс хамгаалах тухай ярилцаж, эдгээрийн үр дүнд санхүүгийн салбарын тогтвортой бөгөөд хүртээмжтэй байдалд шууд нөлөөлнө гэж үзсэн юм.

Төслийн олон улсын зөвлөхөөс Монголбанк хуулиар санхүүгийн хэрэглэгчийг хамгаалах бүрэн эрх, мандаттай болох, мөн хэрэглэгчийг хамгаалах хяналт шалгалтын бие даасан нэгжийг бий болгож, холбогдох журмыг батлан гаргаж банкинд мөрдүүлэх, хэрэгжилтэд хяналт тавьдаг болох зөвлөмж өглөө. Түүнчлэн, Монгол Улсад “Санхүүгийн омбудсман” буюу банк, санхүүгийн үйлчилгээ үзүүлэгчээс хэрэглэгчтэй үүссэн санхүүгийн маргааныг богино хугацаанд үр дүнтэй, чирэгдэлгүй шийдвэрлэдэг байгууллагын тогтолцоотой болох нь чухал болохыг онцлов.

Г.Дэнзэн нарт холбогдох хэргийг хэлэлцэж буй Улсын дээд шүүхийн хуралдаан түр завсарлалаа.

Нийслэл хот үүсч байгуулагдсаны 378 жилийн ойн өдрийг угтан Улаанбаатар хотын Захирагчийн ажлын албанаас зохион байгуулагдаж буй Нийслэлийн Засаг даргын Тамгын газар, Засаг даргын хэрэгжүүлэгч агентлаг, харьяа газруудыг хамарсан их цэвэрлэгээ өнөөдөр болж байна. Их цэвэрлэгээний ажлын хүрээнд харьяа хариуцсан гудамж зам талбайн авто замын зорчих хэсгийн 2 талын зөвхөн явган хүний зам, талбайн ногоон байгууламжийн навч, хог хаягдлыг цэвэрлэх, зам дагуу байрлалтай ААН, байгууллагуудад шаардлага тавьж, цэвэрлэгээнд оролцуулах, гэрэлтүүлгийн шон, хашаа, хайс дээрх зарлал, наалтыг хуулж цэвэрлэх зэрэг ажлыг хийж буй юм.

Нийслэлийн төр захиргааны байгууллагуудын албан хаагчид Энхтайваны өргөн чөлөө, Чингисийн өргөн чөлөө, Бага тойруу, Самбуугийн гудамж, Нарны зам, Автобусны эцсийн буудлууд зэрэг нийтийн эзэмшлийн талбайг цэвэрлэж байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нэгдсэн Үндэсний Байгууллагын Ерөнхий ассамблейн шийдвэрийн дагуу 1989 оноос эхлэн дэлхий нийтээр “Гамшгийн эрсдэлийг бууруулах олон улсын өдөр”-ийг жил бүрийн 10 дугаар сарын 13-нд тэмдэглэж ирсэн уламжлалтай.

Гамшгийн эрсдэлийг бууруулахад иргэд, олон нийтийн оролцоог хангах, олон нийтийг аюулгүй амьдрах арга ухаанд сургаж, дадлагажуулах, гамшгийн эрсдэлийг бууруулахын ач холбогдолыг хүүхэд, залууст таниулан мэдүүлэхэд дэлхийн улс орнууд нэгэн зорилго, уриаг дэвшүүлэн ажилладаг.

Энэ жилийн хувьд НҮБ-ын Ерөнхий ассамблиас “Гамшигт нэрвэгдэгсдийн тоог 2030 он гэхэд бодитоор бууруулъя” уриаг дэвшүүлээд байгаа бөгөөд олон нийтийг аюулгүй амьдрах арга ухаанд сургаж, дадлагажуулах, гамшгийн эрсдэлийг бууруулахын ач холбогдлыг хүүхэд залууст танин мэдүүлэх зорилготой юм.



Тус өдрийг тэмдэглэн өнгөрүүлэх ажлын хүрээнд өнөөдөр нийслэлийн Онцгой байдлын газрын дүүргүүдийн Онцгой байдлын хэлтсүүдээс ерөнхий боловсролын сурагчдын ахлах ангийн сурагчдын дунд “Гамшгийн аюулаас урьдчилан сэргийлэхэд хүүхдийн оролцоо сэдэвт гар зургийн уралдаан, багш ажилчид, сурагчдад “Аюулгүй амьдрах ухаан” сэдэвт танхимын болон дадлагын сургуулийг зохион байгуулж, Онцгой байдлын албаны үйл ажиллагаа болон Гамшгаас хамгаалах тухай хууль, Галын аюулгүй байдлын тухай хууль сурталчлах өдөрлөгүүдийг дүүрэг бүрт зохион байгууллаа.



Мөн нийслэлийн гэр хорооллын айл өрхийн шөнийн цахилгааны үнийг тэглэсэнтэй холбогдуулан мэргэжлийн байгууллагуудтай хамтран гэр хороололын өрхүүдэд цахилгаан ашиглалт, аюулгүй байдлын заавар зөвлөмжийг хүргэж, гал түймрийн аюулаас урьдчилан сэргийлэх ажлыг эрчимжүүлж байна.



Харин төв, орон нутгийн Онцгой байдлын газруудаас ард иргэд, аж ахуйн нэгж, байгууллагуудыг хамруулсан гамшгаас урьдчилан сэргийлэх сургалт, сурталчилгааны дадлага сургуулийг зохион байгуулан, гамшгийн эрсдэлийг бууруулахын ач холбогдолын талаар иргэдэд мэдээлэл хийлээ гэж Онцгой байдлын ерөнхий газраас мэдээллээ.

Бүх нийтээр мод тарих үндэсний өдөр маргааш буюу энэ сарын 13-нд тохионо. Энэ жилийн Үндэсний мод тарих өдөр “Хүн бүхэнд цэвэр агаар. Мод бүхэнд ус” уриан дор зохион байгуулагдах аж.



Тус өдрийн нээлт 11.00 цагт Үндэсний цэцэрлэгт хүрээлэнд болно.



Энэ хүрээнд байгууллага, иргэд 1000 гаруй модонд цэнэг усалгаа хийж, тогоог нь цэвэрлэн, хөл газрын ургамлыг устгах ажилд оролцохоос гадна улиас, чацаргана, агч гэсэн гурван төрлийн 600 гаруй мод шинээр тарих юм.



Мод тарих, тарьсан модоо арчлах иргэн, аж ахуй нэгжийн анхааралд:



Хүрз
Тармуур
Бээлий
Хувин
Хогийн уут зэрэг арчилгаа хийхэд шаардлагатай багаж хэрэгслээ бэлтгэж ирэхийг зөвлөв.

УИХ-ын гишүүн О.Баасанхүү өнөөдөр Төрийн ордонд хэвлэлийн бага хурал хийж, УИХ-ын гишүүд өөр улсын давхар

Монголын үндэсний бөхийн холбооноос санаачлан бөхчүүдийн дунд допингийн мэдээлэл олгох, сөрөг талыг ойлгуулах сургалтыг зохион байгуулж эхэлжээ.

Ерөнхий сайд У.Хүрэлсүх Засгийн газрын танхимд ажиллах сайд нарынхаа нэрийг

Г.Дэнзэн нарт холбогдох хэргийг хэлэлцэж буй Улсын дээд шүүхийн хуралдаан түр завсарлаад

Нийслэл хот үүсч байгуулагдсаны 378 жилийн ойн баярыг угтан Нийслэлийн Засаг дарга бөгөөд Улаанбаатар хотын Захирагч С.Батболд, НЗД-ын Нийгмийн хөгжлийн асуудал хариуцсан орлогч Ш.Анхмаа, НЗД-ын Ногоон хөгжил, агаарын бохирдлын асуудал хариуцсан орлогч Ж.Батбаясгалан, НЗД-ын Ядуурлыг бууруулах, хөдөлмөр эрхлэлтийн асуудал хариуцсан орлогч Д.Энхтөр, НЗДТГ-ын дарга М.Отгонбаяр нар “Зочин” уулзалтаараа нийслэлд үйл ажиллагаа явуулж байгаа худалдаа үйлчилгээний төвүүдийн удирдлагууд, төлөөлөлтэй уулзлаа.



Нийслэлийн удирдлагууд жил бүр уламжлал болгон зохион байгуулдаг бүтээгдэхүүн үйлчилгээгээ сурталчлах, иргэдэд санхүүгийн бодит хэмнэлт болдог хямдралтай худалдаа үйлчилгээг өргөн хүрээнд зохион байгуулах арга хэмжээнд идэвхитэй оролцохыг уриалсан уриалгыг “Зочин” уулзалтад хүрэлцэн ирсэн худалдаа үйлчилгээний төвүүдийн удирдлага, төлөөлөлд гардуулан өглөө.



Их хотын хямдрал нэгдсэн арга хэмжээний нээлтийн ажиллагааг Нийслэлийн Засаг дарга бөгөөд Улаанбаатар хотын Захирагч С.Батболд 10 сарын 22-ны өдөр Улаанбаатар Их Дэлгүүрт хонх цохисноор эхлэх бөгөөд 10 сарын 29-ний өдрийг дуустал 7 хоногийн хугацаанд зохион байгуулагдана гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Ардчилсан нам энэ оны эхэнд бүх гишүүдийнхээ саналаар даргаа сонгосон билээ. С.Эрдэнэ түүхэнд анх удаагаа бүх гишүүдээсээ сонгогдсон АН-ын дарга болж чадсан.

УИХ-ын Аюулгүй байдал, гадаад бодлогын байнгын хорооны дарга Ж.Энхбаяр өнөөдөр (2017.10.13) Турк Улсаас Монгол Улсад суугаа Онц бөгөөд Бүрэн эрхт Элчин сайд Ахмет Язалыг хүлээн авч уулзав.

Уулзалтаар хоёр орны эдийн засаг, батлан хамгаалах, иргэний нисэхийн салбарын хамтын ажиллагааны талаар хөндөн ярилцаж, санал солилцсон юм.

Байнгын хорооны дарга Ж.Энхбаяр ноён Ахмет Язалыг Монголд ажиллах хугацаандаа хоёр орны уламжлалт, найрсаг хамтын ажиллагааг улам өргөжүүлэн хөгжүүлнэ гэдэгт итгэлтэй байгаагаа илэрхийлээд Монгол Улсад өрнөж буй улс төрийн үйл явцын талаар товч мэдээлэл өглөө.




Тэрбээр “Өнөөдөр Монгол Улсын Ерөнхийлөгчтэй зөвшилцөөд ирэх долоо хоногийн Мягмар гараг гэхэд Засгийн газрын шинэ гишүүдээ томилох товтой байна. Дотоод улс төрийн нөхцөл байдал ямар байхаас үл хамаарч хоёр улсын харилцаа тогтвортой хөгжинө гэдгийг онцолмоор байна” гэв.

Элчин сайд Ахмет Язал хариу хэлэхдээ “Бид нөхцөл байдлыг ажиглаж байна. Засгийн газарт хэн сайдаар томилогдохоос илүүтэй Монгол Улсын Засгийн газар түргэн хугацаанд байгуулагдахыг хүлээж байгаа. Өмнөх сайдуудтай ойр хамтран ажилладаг байсан. Шинээр томилогдох сайд нартай ч ойр хамтран ажиллана гэдэгтээ эргэлзэхгүй байна. Хоёр улсын хамтран хэрэгжүүлэх олон төсөл хөтөлбөрүүд бий. Энэ хүрээнд Засгийн газар хоорондын Эдийн засгийн хорооны хуралдааныг ойрын хугацаанд хуралдуулах нь чухал. Мөн энэ сарын 25-нд манай “Эксим” банкны техникийн төлөөлөгчид ирж олон жил яригдаж байгаа зээлийн асуудлаар холбогдох албаны хүмүүстэй уулзаж ярилцана. Түүнчлэн иргэний нисэхийн салбарын хамтын ажиллагаа чухал бөгөөд хоёр улсын хооронд өдөр бүр шууд нислэгтэй болох асуудлыг бидний зүгээс тавьж байна. Ашиг орлого гэхээсээ илүүтэй “Turkish Airlines”-ын нислэгийг нэмэгдүүлснээр дэлхийн жуулчдыг Монголд авчрах боломж бүрдэнэ гэж бид үзэж байгаа юм” хэмээлээ.

Байнгын хорооны дарга Ж.Энхбаяр хэлэхдээ “Аялал жуулчлалыг хөгжүүлэх хүрээнд томоохон Ажлын хэсэг гаран ажиллаж байгаа. 120 сая хүн амтай Турк Улсын жуулчдын урсгалыг Монгол руу татах нь бидэнд чухал бөгөөд энэ чиглэлээр хамтран ажиллах байх. Үүнээс гадна хоёр улсын зэвсэгт хүчний хамтын ажиллагаанд бид сэтгэл хангалуун байдаг. Ирэх онд Турк Улсад цэргийн атташе томилохоор ажиллаж байна” хэмээн хариуллаа.

Ноён Ахмет Язал хоёр улсын Батлан хамгаалах салбарын хамтын ажиллагааг өргөжүүлэх нь бидний зорилго хэмээгээд Турк Улсад цэргийн атташе ажиллуулах асуудалд бүх талын туслалцаа үзүүлэхэд бэлэн гэдгээ илэрхийлэв.

Дараа нь талууд бусад асуудлаар санал солилцсоноор уулзалт өндөрлөлөө хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.