Буриадын XVI номын үзэсгэлэн яармаг өчигдөр Улаан-Үдэд өндөрлөж оны шилдэгүүдээ шалгаруулав. “Оны шилдэг ном”-оор ОХУ-ын ШУА-ийн Буриадын салбарын эрдэмтдийн бүтээсэн “Буриадын түүх” гурван боть шалгарчээ.

Ирэх оны зургаадугаар сард орон даяар УИХ-ын болон орон нутгийн сонгууль зэрэг явуулахаар болсон. Орон нутгийн сонгуульд дүүрэг, сумын засаг даргаас эхлүүлээд нийт 7721 мандат олгохоор УИХ тооцоолжээ. Нэг суудалд хамгийн багадаа хоёр хүн өрсөлдөнө гэж үзвэл орон нутгийн сонгууль доод тал нь 15.442 хүн нэр дэвших юм байна.

Ким Чен Ирийн шарилыг шилэн авсанд байрлуулсаныг Хойд Солонгосын төв телевиз өнөөдөр үзүүлэв. Залгамжлагч Ким Чен Ун болон нам засгийн удирдах албан тушаалтнууд шарилд хүндэтгэл үзүүлж буйг мөн дэлгэрэнгүй харуулсан байна. Шарилыг Кымсусан дахь Ким Ир Сений дурсгалын цогцолбор дахь бунханд байрлуулжээ. Оршуулгын ёслол ирэх 29-ний Пүрэв гарагт болох юм.

Ерөнхий сайд өнөөдөр 2011 онд хөдөлмөр эрхлэлтийг дэмжиж ажилласан яам, агентлаг, дэд хороо, төрийн албан хаагчдыг шагналаа. Нийгмийн хамгаалал, хөдөлмөрийн яам болон Хүнс хөдөө аж ахуй, хөнгөн үйлдвэрийн яамыг энэ жил ажил эрхлэлтийг нэмэгдүүлэхэд хамгийн их үүрэгтэй оролцсон гэж 15 сая төгрөгөөр урамшуулав.

Индонезийн баруун хойд нутгийн Риау арлын далайн хил, гаалийн газрын ажилтнууд Монголын далбаатай “MT Fulfill” хэмээх онгоцыг саатуулан багийн гишүүдийг нь баривчлав. Онгоцны багийнхан Индонезийн далбаатай “MT Soechi Anindya” онгоцны багийнхантай хуйвалдан усан онгоцны их хэмжээний түлшийг контрабандаар гадаадад гаргах гэж байхад нь үйлдэл дээр нь ийнхүү баривчилсан байна.

Хавар нүүрлэж болзошгүй өлсгөлөнд дарга нар, тусламжийн хүнсийг маш нууцаар шатааж устган бэлтгэж байна

Япон улсын Шимоносэки хотын Ямагүчи дүүрэгт гурван монгол гэр барьжээ. Эдгээр гэрт япончууд худалдааны үйл ажиллагаа эрхэлж байгаа аж. “Кайко гэр худалдаа” нэрийн дор гэр бариад, эхний хоёрт нь загас, халимны мах, жимс, цэцэг, дурсгалын зүйлс худалдаж байгаа гэнэ.

Монголын нийгэмд байгаа гол хүндрэл бол 20 жил мөрдсөн ардчилсан гэж цоллох дуртай, хэрэг дээрээ хүний хийж өгсөн бидний монголчуудын дуртай хүлээж авсан Үндсэн хуулийн үйлчлэлийн үр дүн гэж харах хэрэгтэй. Бий болсон нөхцөл байдлыг дан ганц Сонгуулийн хуулиар засна гэвэл бүтэх юм байхгүй. Сонгуулийн хууль сонгогчдод их л ойлгомжтой, энгийн байх ёстой юм. Сая баталсан хуулийг ойлгох хүн үнэндээ байхгүй.