ирак

Өнөөдөр ихэнх нутгаар багавтар үүлтэй, цас орохгүй. Дархадын хотгор, Идэр, Тэс голын саваар 27-32 хэм хүйтэн. Увс нуурын хотгор, Хөвсгөл, Хэнтий, хангайн уулс болон Орхон, Хараа, Ерөө, Хэрлэн, Туул голын саваар 19-24 хэм хүйтэн байна. Харин Алтайн өвөр болон говийн нутагт 9-14 хэм байх бол бусад газарт 16-21 хэм байх аж.

Энэ жилийн “Болор цом”-ын хамгийн залуу яруу найрагч тодотголтой оролцсон С.Начинтай “Болор цом”-ын болоод яруу найргийн талаар ярилцлаа. Тэрээр өнгөрсөн жил 19 настайдаа “Болор цом”-д шүлгээ өгсөн боловч тэнцээгүй. Харин энэ жил 180 гаруй найрагчаас 38-д үлдэн дараагийн шатанд оролцох эрхээ авсан юм. Мөн өнгөрсөн жилийн “Цагаан уул” хайрын шүлгийн уралдааны тэргүүн байрын шагналтай.

Ахмадууд өнөөдөр Төрийн ордонд чуулж, уулзалт зөвлөгөөн зохион байгуулах гэж байна. Уулзалтаар ахмадын талаар төрөөс баримталж буй бодлого, цаашдын зорилтыг салбарын сайдууд танилцуулах аж. Төрийн үйл хэрэгт ахмадын оролцоо, үүргийг хэлэлцэж, шүүмж зөвлөгөөгөө төрийн байгууллагуудад хүргэх аж.

Ажил хаясан багш нар өнөөдрөөс хичээлээ зааж эхлэхээр боллоо. Ерөнхий сайд С.Батболдын үүргээр байгуулагдсан ажлын хэсгүд хуралдаж, нийгмийн зөвшилцлийн гурван талт хэлэлцээр эхлүүлжээ. Уг хэлэлцээрийг МҮЭ-ийн ерөнхийлөгч С.Ганбаатар, Боловсрол, шинжлэх ухааны үйлдвэрчний холбооны дарга Ж.Батзориг тэргүүтэй хүмүүс хүлээн зөвшөөрсөн гэнэ.

Чехийн ардчилсан хувьсгалын удирдагчдын нэг, тус улсын анхны ерөнхийлөгч Вацлав Хавэл Ням гарагт 75 насандаа таалал төгсөв. Түүний нас нөгчсөнийг хувийн туслах Сабина Данкакова нь албан ёсоор мэдэгдсэнийг Чехийн төв телевиз дамжуулж “Reuters” агентлаг уламжилжээ.