Бээжинд яваа ХЗДХ-ийн сайд Ц.Нямдорж өчигдөр Хятадын төрийн зөвлөлийн гишүүн, Нийгмийг аюулаас хамгаалах яамны сайд Мэн Жяньжүтэй уулзжээ.

УИХ-ын Сонгуулийн тухай хуулиар зургаа дугаар сарын сүүлийн ням гарагт сонгууль явуулдаг байсан. Тэгвэл шинээр батлагдаж байгаа хуулиар сонгуулийг зургаадугаар сарын сүүлийн долоо хоногийн ажлын өдөр, лхагва юм уу, пүрэв гарагт хийхээр тусгажээ.

Өвөр Монголын мүзэйн хүрээлэнгийн мэргэжилтнүүд Юань улсын дээд нийслэлийн тууринд хийсэн хуучин малтлага болон бусад түүхэн баримтад тулгуурлан тэр үеийн Дайду хотод монголчуудын хаанчлалын он жилүүдэд олон төрлийн шашин зэргэцэн оршиж байсныг гэрчилсэн байна.

Дээд шүүхийн хяналтын шатны шүүхээр хар тамхитай холбоотой хэргээр хоригдож байгаа Ц.Улаанхүү начны хэргийг авч хэлэлцээд нэмэлт мөрдөн байцаалтанд буцаалаа.

Нийслэлийн хүн амын 2012 оны хэрэгцээнд зориулан 12000 тонн мах нөөцөлж, ирэх сараас худалдаанд гаргах гэнэ. Гэхдээ үнэ ханш тодорхой болоогүй байгаа бөгөөд нэгдүгээр сарын 15-ны өдөр хүртэл зах зээлийн ханшийг харгалзан үнийг тогтоох аж.

Олон улсын эрүүгийн хэргийн шүүхийн шинэ прокуророор Гамби улсын төлөөлөгч эмэгтэй Фату Бенсуда сонгогджээ. Ирэх оны 6-р сард тэрээр албан ажилдаа орох бөгөөд өмнө нь энэхүү албан тушаал дээр 9 жилийн хугацаатай томилогдсон аргентины иргэн Луис Морено Окампагийн хугацаа дуусч, солигдох юм.

МАХН-ын дарга Н.Энхбаярыг 11 цагаас “Монгол ньюс” мэдээллийн төвд мэдээлэл хийнэ хэмээн зар тараасан боловч тус намын нарийн бичгийн дарга Л.Цог тэргүүтэй МАХН-ын гишүүн дөрвөн хүнээс өөр хүн ирсэнгүй.

Өчигдөр Парис дахь ЮНЕСКО-гийн байранд болсон арга хэмжээний дүнд Палестины далбааг мандууллаа. Энэхүү арга хэмжээн дээр Палестины үндэсний засаг захиргааны тэргүүн Махмуд Аббас байлцсан байна.

Архангай аймагт өнгөрсөн амралтын өдрүүдэд болсон ”Болор цом-29” наадамд Дорж-Юндэнгийн Болдхуяг хэмээх залуу түрүүлсэн. Түүнийг хөдөөнөөс дөнгөж ирээд, аяны дөрөө мултлах үед нь ярилцахаар гэрт нь очлоо. Тэрбээр гэр бүлээрээ Өвөрмонголд суралцаж, бас амьдарч байгаа бөгөөд тус наадамд оролцохоор эх орондоо ирэхэд хадам ээж нь хамт иржээ.

АТГ-ын дарга нар шинэчлэн томилогдсоноос хойш халагдаад буй хүний тоо 14 болсон гэж албан ёсоор мэдээллээ. Хэвлэл мэдээллийн хэрэгслээр 16 хүн халагдаж, 30 хүн өргөдлөө өгсөн зэрэг тоо дурдаад байгаа юм. Тус газрын өмнөх дарга нарын авсан, ажиллуулсан олон “чанаргүй” ажилтныг Н.Ганболд, Б.Хурц нар халах шаардлагатай байсан гэнэ.

Өчигдөр Нью-Йорк хотод болсон “Sotheby’s”-ийн дуудлага худалдаанд “Apple” компанийг анх байгуулсан албан ёсны баримт бичиг 1.6 сая доллароор зарагджээ. Анхны үнээ арав дахин нугалсан энэ эдийн эзэн нь Майамид төвтэй “Cisneros” корпорацийн ерөнхий захирал Эдуардо Сиснерос болсон байна. Зарагдсан баримт бичгийн дотор нэгэн чухал зүйл байсан нь “Apple” компанийг үүсгэн байгуулах зорилгоор хамтран ажиллах гэрээ байв.