Бэлэг эрхтний цусан хангамжийг сайжруулах үйлчилгээ бүхий тусгай тостой бэлгэвч тун удалгүй Европт худалдаанд гарах гэж байна. Тэрхүү тос нь арьсаар дамжин цусанд нэвчиж эрэгтэйчүүдийн бэлгийн чадавхийг нэмэгдүүлэн “Виагра” эмтэй яг ижил үйлчилгээ үзүүлдэг гэнэ.

Хөдөлмөр эрхлэлтийг дэмжих жилийн хаалтын ёслол гурав хоногийн дараа Төрийн ордонд болох гэж байна. Энэ жилдээ нийт 69 876 хүн ажлын байртай болсон дүнтэй байгаа юм. Хаалтын ёслолын өдөр “Хөдөлмөрийн яармаг 2012” арга хэмжээ зохион байгуулахаар төлөвлөжээ.

УИХ-ын гишүүн Х.Тэмүүжин өнгөрсөн баасан гарагт 2008 оны долоон сарын нэгэнд амь үрэгдсэн хүмүүсийн ар гэр болон иргэдээс төр уучлалт гуйх тогтоолын төсөл өргөн барьсан ч хэлэлцэлгүй шууд унагасан юм.Тиймээс тэрбээр Хүний эрхийн Үндэсний Комиссын дүгнэлт болон энэ хэргийг шийдэхэд эрх баригчид ямар саад учруулж байсныг он сартай нь өнөөдөр сэтгүүлчдэд дэлгэлээ.

14 цагаас зарласан МАХН-ын хэвлэлийн бага хурал баахан уйтгартай болж өндөрлөв. Намын нарийн бичгийн дарга Л.Цогтой хамт ирсэн гурван эмэгтэй, нэг хар хүн тус бүртээ нэлээд зүйл ярьсаны дотор сэтгүүлчдийн горьдлогод нийцэхүйц шинэ зүйл төдийлөн байсангүй. МАХН-ын удирдлагад багтдаг бололтой тэр хар хүний ярьсан дөрвөн зүйл өнөөдрийн өгөх гэсэн мэдээллийн цөм байв бололтой.

Радиогийн “Бүдүүн дуут” гэхээр Монголын ард түмэн хэнийг хэлж байгааг нь андахгүй. “Ургацын далай” нэвтрүүлгээрээ олонд алдаршсан энэ хүн өнөөдөр 50 мянгатын байрны умгар өрөөнд сэтгэл гундуухан амьдарч байна. Тэрбээр “Төр надад байр өгнө гэж 20 жил хүлээлгэлээ. Энэ муу өрөөнөөсөө л Далан давхар явах юм байлгүй” хэмээн гунигтайхан өгүүлэв.

ОХУ-ын Забайкальскийн хязгаарын манай Хэнтий аймагтай хиллэдэг хэсгээр мал хил давах явдал зогсохгүй байгааг Оросын холбогдох албаны хүмүүс мэдээлэв. 2008-2009 онд тус хязгаарын Ононгийн районд Монголоос 228 толгой мал хил даван орж иржээ. Харин 2010 онд 53 тооны адуу, 181 толгой бог мал “хил зөрчсөн” бол энэ оны 11 дүгээр сарын нэгний байдлаар 19 тооны адуу хил давсан байна.